[783] Kule kule appatibaddhacittoti dvihi karanehi
patibaddhacitto hoti attanam va nicam thapento param uccam thapento
patibaddhacitto hoti attanam va uccam thapento param nicam
thapento patibaddhacitto hoti.
{783.1} Katham attanam nicam thapento param uccam thapento
patibaddhacitto hoti . tumhe me bahupakara aham tumhe nissaya labhami
civarapindapatasenasanagilanapaccayabhesajjaparikkharam yampi me anne
datum va katum va mannanti tumhe nissaya tumhe sampassanta
yampi me poranam matapettikam namagottam tampi me antarahitam
tumhehi aham nayami asukassa kulupako asukaya kulupakoti evam
attanam nicam thapento param uccam thapento patibaddhacitto hoti.
{783.2} Katham attanam uccam thapento param nicam thapento patibaddhacitto
hoti . aham tumhakam bahupakaro tumhe mam agamma buddham
saranam gata dhammam saranam gata sangham saranam gata panatipata
pativirata adinnadana pativirata kamesu micchacara pativirata
musavada pativirata suramerayamajjapamadatthana pativirata tumhakam [2]-
uddesam demi paripuccham demi uposatham akkhami 3- navakammam adhitthami
atha ca pana tumhe mam pariccajitva 4- annam 5- sakkarotha garukarotha
@Footnote: 1 Ma. anatikkamanto. 2 Ma. aham. 3 Ma. acikkhami. 4 Ma. ujjhitva.
@5 Ma. anne.
Manetha pujethati evam attanam uccam thapento param nicam thapento
patibaddhacitto hoti.
{783.3} Kule kule appatibaddhacittoti so paccekasambuddho
kulapalibodhena appatibaddhacitto hoti ganapalibodhena appatibaddhacitto
hoti avasapalibodhena appatibaddhacitto hoti civarapalibodhena
appatibaddhacitto hoti pindapatapalibodhena appatibaddhacitto hoti
senasanapalibodhena appatibaddhacitto hoti gilanapaccayabhesajja-
parikkharapalibodhena appatibaddhacitto hotiti kule kule
appatibaddhacitto . eko care khaggavisanakappo . tenaha so
paccekasambuddho
rasesu gedham akaram alolo
anannaposi sapadanacari
kule kule appatibaddhacitto
eko care khaggavisanakappoti.
[784] Pahaya pancavaranani cetaso
upakkilese byapanujja sabbe
anissito chetva snehadosam 1-
eko care khaggavisanakappo.
[785] Pahaya pancavaranani cetasoti so paccekasambuddho
kamacchandanivaranam pahaya pajahitva vinodetva byantikaritva
@Footnote: 1 Ma. - chetva sinehadosam. evamuparipi.
Anabhavangametva byapadanivaranam thinamiddhanivaranam uddhaccakukkuccanivaranam
vicikicchanivaranam pahaya pajahitva vinodetva
byantikaritva anabhavangametva vivicceva kamehi vivicca akusalehi
dhammehi savitakkam savicaram vivekajam pitisukham pathamam jhanam upasampajja
viharatiti pahaya pancavaranani cetaso.
[786] Upakkilese byapanujja sabbeti rago cittassa
upakkileso doso cittassa upakkileso moho cittassa upakkileso
kodho upanaho .pe. sabbakusalabhisankhara cittassa upakkilesa .
Upakkilese byapanujja sabbeti cittassa sabbe upakkilese
byapanujja panuditva 1- pajahitva vinodetva byantikaritva
anabhavangametvati upakkilese byapanujja sabbe.
[787] Anissito chetva snehadosanti anissitoti dve
nissaya tanhanissayo ca ditthinissayo ca .pe. ayam tanhanissayo
.pe. ayam ditthinissayo . snehoti dve sneha
tanhasneho ca ditthisneho ca .pe. ayam tanhasneho
.pe. ayam ditthisneho . dosoti yo cittassa aghato patighato
patigho 2- pativirodho kopo pakopo sampakopo doso padoso
sampadoso cittassa byapatti manopadoso kodho kujjhana
kujjhitattam doso dussana dussitattam byapatti byapajjana
byapajjitattam virodho pativirodho 3- candikkam assuropo anattamanata
@Footnote: 1 Ma. panuditva. 2 Ma. patigham. 3 Ma. ime dve patha natthi.
Cittassa . anissito chetva snehadosanti so paccekasambuddho
tanhasnehanca ditthisnehanca dosanca chetva ucchetva 1-
samucchetva pajahitva vinodetva byantikaritva anabhavangametva
cakkhum anissito sotam anissito .pe. ditthasutamutavinnatabbe
dhamme anissito anallino anupagato anajjhosito anadhimutto
nikkhanto nissattho vippamutto visannutto vimariyadikatena cetasa
viharatiti anissito chetva snehadosam . Eko care khaggavisanakappo.
Tenaha so paccekasambuddho
pahaya pancavaranani cetaso
upakkilese byapanujja sabbe
anissito chetva snehadosam
eko care khaggavisanakappoti.
[788] Vipitthikatvana sukham dukhanca
pubbeva ca somanassadomanassam
laddhanupekkham samatham visuddham
eko care khaggavisanakappo.
[789] Vipitthikatvana sukham dukhanca pubbeva ca somanassadomanassanti
so paccekasambuddho sukhassa ca pahana dukkhassa
ca pahana pubbeva somanassadomanassanam atthangama adukkhamasukham
upekkhasatiparisuddhim catuttham jhanam upasampajja viharatiti vipitthikatvana
@Footnote: 1 Ma. ucchinditva.
Sukham dukhanca pubbeva ca somanassadomanassam.
[790] Laddhanupekkham samatham visuddhanti upekkhati ya
catutthajjhane upekkha upekkhana ajjhupekkhana cittassa passaddhata 1-
majjhattata cittassa . samathoti ya cittassa thiti santhiti avatthiti
avisaharo avikkhepo avisahatamanasata samatho samadhindriyam
samadhibalam sammasamadhi . catutthajjhane upekkha ca samatho ca
suddha honti visuddha pariyodata anangana vigatupakkilesa
mudubhuta kammaniya thita anenjappatta . laddhanupekkham samatham
visuddhanti catutthajjhane 2- upekkhanca samathanca laddhana 3- labhitvati [4]-
laddhanupekkham samatham visuddham . eko care khaggavisanakappo .
Tenaha so paccekasambuddho
vipitthikatvana sukham dukhanca
pubbeva ca somanassadomanassam
laddhanupekkham samatham visuddham
eko care khaggavisanakappoti.
[791] Araddhaviriyo paramatthapattiya
alinacitto akusitavutti
dalhanikkamo thamabalupapanno
eko care khaggavisanakappo.
[792] Araddhaviriyo paramatthapattiyati paramattham vuccati
@Footnote: 1 Ma. cittasamata cittappassaddhata. 2 Ma. catutthajjhanam. 3 Ma. laddha.
@4 Ma. vinditva patilabhitvati.
Amatam nibbanam yo so sabbasankharasamatho sabbupadhipatinissaggo
tanhakkhayo virago nirodho nibbanam . paramatthassa pattiya labhaya
patilabhaya adhigamaya phusanaya sacchikiriyaya araddhaviriyo viharati
akusalanam dhammanam pahanaya kusalanam dhammanam sampadaya thamava
dalhaparakkamo anikkhittadhuro kusalesu dhammesuti araddhaviriyo
paramatthapattiya.
[793] Alinacitto akusitavuttiti so paccekasambuddho anuppannanam
papakanam akusalanam dhammanam anuppadaya chandam janeti vayamati viriyam
arabhati cittam pagganhati padahati uppannanam papakanam akusalanam
dhammanam pahanaya chandam janeti vayamati viriyam arabhati cittam pagganhati
padahati anuppannanam kusalanam dhammanam uppadaya chandam janeti vayamati
viriyam arabhati cittam pagganhati padahati uppannanam kusalanam dhammanam thitiya
asammosaya bhiyyobhavaya vepullaya bhavanaparipuriya 1- chandam janeti
vayamati viriyam arabhati cittam pagganhati padahatiti evam alinacitto akusitavutti.
{793.1} Athava kamam taco ca nharu ca atthi ca avasussatu 2- [3]-
mamsalohitam yantam purisathamena purisabalena purisaviriyena purisaparakkamena
pattabbam na tam papunitva 4- viriyassa thanam 5- bhavissatiti cittam
pagganhati padahati evampi alinacitto akusitavutti . na tavaham
imam pallankam bhindissami yava me
@Footnote: 1 Ma. bhavanaya paripuriya. 2 Ma. avasissatu. 3 Ma. sarire upasussatu.
@4 Ma. apapunitva. 5 Ma. santhanam.
Na anupadaya asavehi cittam vimuccissatiti cittam pagganhati
padahati evampi alinacitto akusitavutti.
Nassissam 1- na pivissami viharato na nikkhamim 2-
napi passam nipatessam tanhasalle anuhateti
cittam pagganhati padahati evampi alinacitto akusitavutti.
{793.2} Na tavaham imamha asana utthahissami yava me na
anupadaya asavehi cittam vimuccissatiti cittam pagganhati padahati
evampi alinacitto akusitavutti . na tavaham imamha cankama
orohissami vihara nikkhamissami addhayoga nikkhamissami
pasada nikkhamissami hammiya nikkhamissami guhaya
nikkhamissami lena nikkhamissami kutiya nikkhamissami kutagara
nikkhamissami atta nikkhamissami mala nikkhamissami uddanda
nikkhamissami upatthanasalaya nikkhamissami mandapa nikkhamissami
rukkhamula nikkhamissami yava me na anupadaya asavehi
cittam vimuccissatiti cittam pagganhati padahati evampi alinacitto
akusitavutti . imasmimyeva pubbanhasamaye ariyadhammam aharissami
samaharissami adhigacchissami phusayissami sacchikarissamiti cittam
pagganhati padahati evampi alinacitto akusitavutti . imasmimyeva
majjhantikasamaye sayanhasamaye purebhattam pacchabhattam purimayame
majjhimayame pacchimayame kale junhe vasse
@Footnote: 1 Ma. nasissam. 2 Ma. nikkhame.
Hemante gimhe purime vayokhandhe majjhime vayokhandhe pacchime
vayokhandhe ariyadhammam aharissami samaharissami adhigacchissami
phusayissami sacchikarissamiti cittam pagganhati padahati evampi
alinacitto akusitavutti.
[794] Dalhanikkamo thamabalupapannoti dalhanikkamoti so
paccekasambuddho dalhasamadano ahosi kusalesu dhammesu avatthitasamadano
kayasucarite vacisucarite manosucarite danasamvibhage silasamadane
uposathupavase metteyyataya 1- petteyyataya samannataya
brahmannataya kulejetthapacayikaya annatarannataresu adhikusalesu
dhammesuti dalhanikkamo . thamabalupapannoti so paccekasambuddho
thamena ca balena ca viriyena ca parakkamena ca [2]- upeto
hoti samupeto upagato samupagato upapanno samupapanno samannagatoti
dalhanikkamo thamabalupapanno . eko care khaggavisanakappo .
Tenaha so paccekasambuddho
araddhaviriyo paramatthapattiya
alinacitto akusitavutti
dalhanikkamo thamabalupapanno
eko care khaggavisanakappoti.
[795] Patisallanam jhanamarincamano
dhammesu niccam anudhammacari
@Footnote: 1 Ma. matteyyataya. 2 Ma. pannaya ca.
Adinavam sammasita bhavesu
eko care khaggavisanakappo.
[796] Patisallanam jhanamarincamanoti so paccekasambuddho
patisallanaramo hoti patisallanarato ajjhattam cetosamathamanuyutto
anirakatajjhano [1]- jhanamarincati 2- anuppannassa va pathamassa
jhanassa uppadaya yutto payutto samyutto ayutto samayutto
anuppannassa va dutiyassa jhanassa anuppannassa va tatiyassa
jhanassa anuppannassa va catutthassa jhanassa uppadaya
yutto payutto samyutto ayutto samayuttoti evam jhanamarincati .
Athava uppannam va pathamam jhanam asevati bhaveti
bahulikaroti uppannam va dutiyam jhanam uppannam va tatiyam
jhanam uppannam va catuttham jhanam asevati bhaveti bahulikarotiti
evampi jhanamarincatiti patisallanam jhanamarincamano.
[797] Dhammesu niccam anudhammacariti dhamma vuccanti cattaro
satipatthana .pe. ariyo atthangiko maggo . katame
anudhamma . sammapatipada anulomapatipada 3- apaccanikapatipada
anvatthapatipada dhammanudhammapatipada silesu paripurikarita indriyesu
guttadvarata bhojane mattannuta jagariyanuyogo satisampajannam
ime vuccanti anudhamma . dhammesu niccam anudhammacariti dhammesu
niccakalam [4]- satatam samitam abbokinnam 5- pokhanupokham udakummijatam
@Footnote: 1-2 Ma. vipassanaya samannagato bruheta sunnagaram jhayi jhanarato
@ekattamanuyutto sadatthagarukoti patisallanam. jhanamarincamanoti so
@paccekasambuddho dvihi karanehi jhanam na rincati. 3 Ma. ayam patho natthi.
@4 Ma. dhuvakalam. 5 Ma. avokinnam.
Avici santati 1- sahitam phusitam purebhattam pacchabhattam purimayame majjhimayame
pacchimayame kale junhe vasse hemante gimhe purime
vayokhandhe majjhime vayokhandhe pacchime vayokhandhe carati vicarati
iriyati vatteti paleti yapeti yapetiti dhammesu niccam
anudhammacari.
[798] Adinavam sammasita bhavesuti sabbe sankhara aniccati
adinavam sammasita bhavesu sabbe sankhara dukkhati sabbe dhamma
anattati .pe. yankinci samudayadhammam sabbantam nirodhadhammanti
adinavam sammasita bhavesuti adinavam sammasita bhavesu .
Eko care khaggavisanakappo. Tenaha so paccekasambuddho
patisallanam jhanamarincamano
dhammesu niccam anudhammacari
adinavam sammasita bhavesu
eko care khaggavisanakappoti.
[799] Tanhakkhayam patthayam appamatto
anelamugo 2- sutava satima 3-
sankhatadhammo niyato padhanava
eko care khaggavisanakappo.
[800] Tanhakkhayam patthayam appamattoti tanhati rupatanha
saddatanha gandhatanha rasatanha photthabbatanha dhammatanha .
@Footnote: 1 Ma. ime dve patha natthi. 2 Ma. anelamugo. evamuparipi. 3 Ma. satima.
@evamuparipi.
Tanhakkhayam patthayanti ragakkhayam dosakkhayam mohakkhayam gatikkhayam
upapattikkhayam patisandhikkhayam bhavakkhayam samsarakkhayam vattakkhayam icchanto
patthayanto [1]- abhijappantoti tanhakkhayam patthayam . appamattoti
so paccekasambuddho sakkaccakari sataccakari .pe. appamatto
kusalesu dhammesuti tanhakkhayam patthayam appamatto.
[801] Anelamugo sutava satimati anelamugoti so paccekasambuddho
pandito pannava buddhima nani vibhavi medhaviti
anelamugo . sutavati so paccekasambuddho bahussuto hoti sutadharo
sutasannicayo ye te dhamma adikalyana majjhekalyana
pariyosanakalyana sattha sabyanjana kevalaparipunnam parisuddham
brahmacariyam abhivadanti tatharupassa dhamma bahussuta honti
dhata vacasa paricita manasanupekkhita ditthiya supatividdhati
sutava . satimati so paccekasambuddho satima hoti paramena
satinepakkena samannagato cirakatampi cirabhasitampi saritati
anelamugo sutava satima.
[802] Sankhatadhammo niyato padhanavati sankhatadhammo
vuccati nanam ya panna pajanana .pe. amoho dhammavicayo
sammaditthi . sankhatadhammoti so paccekasambuddho sankhatadhammo
natadhammo tulitadhammo tiritadhammo vibhutadhammo vibhavitadhammo
sabbe sankhara aniccati .pe. yankinci samudayadhammam
@Footnote: 1 Ma. sadiyanto pihayanto.
Sabbantam nirodhadhammanti sankhatadhammo natadhammo tulitadhammo
tiritadhammo vibhutadhammo vibhavitadhammo . athava tassa paccekasambuddhassa
[1]- Khandha sankhata 2- dhatuyo sankhata ayatanani sankhatani
gatiyo sankhata upapattiyo sankhata patisandhiyo sankhata bhava
sankhata samsara sankhata vatta sankhata. Athava [3]- paccekasambuddho
khandhapariyante thito dhatupariyante thito ayatanapariyante
thito gatipariyante thito upapattipariyante thito patisandhipariyante
thito bhavapariyante thito samsarapariyante thito vattapariyante thito
sankharapariyante thito antimabhave thito [4]- antimadehadharo
paccekasambuddho.
Yassayam 5- pacchimako bhavo carimoyam samussayo
jatijaramaranasamsaro 6- natthi tassa punabbhavoti
[7]- Sankhatadhammo . niyatoti niyama vuccanti cattaro ariyamagga.
Catuhi ariyamaggehi samannagatoti niyato ariyamaggehi niyamam patto
sampatto [8]- phusito sacchikatoti niyato . padhanavati padhanam
vuccati viriyam yo cetaso viriyarambho nikkamo parakkamo [9]- ussaho
ussolhi thamo dhiti asithilaparakkamo anikkhittacchandata
anikkhittadhurata dhurasampaggaho viriyam viriyindriyam viriyabalam
sammavayamo . so paccekasambuddho imina padhanena upeto
samupeto upagato samupagato upapanno samupapanno samannagato
@Footnote: 1 Ma. ca.. 2 Ma. sankhitta. evamidisesu padesu. 3 Ma. so. 4 Ma. antimasamussaye
@thito. 5 Ma. tassayam. 6 Ma. jatimaranasamsaro. 7 Ma. tamkarana paccekasambuddho.
@8 Ma. adhigato. 9 Ma. uyyamo vayamo.
Tasma so paccekasambuddho padhanavati sankhatadhammo niyato
padhanava. Eko care khaggavisanakappo.
Tenaha so paccekasambuddho
tanhakkhayam patthayam appamatto
anelamugo sutava satima
sankhatadhammo niyato padhanava
eko care khaggavisanakappoti.
[803] Sihova saddesu asantasanto
vatova jalamhi asajjamano
padumamva toyena alimpamano
eko care khaggavisanakappo.
[804] Sihova saddesu asantasantoti yatha siho migaraja
saddesu asantasi aparisantasi anutrasi anubbiggo anussuki 1-
anutraso abhiru acchambhi anutrasi apalayi paccekasambuddhopi
saddesu asantasi aparisantasi anutrasi anubbiggo anussuki
anutraso abhiru acchambhi anutrasi apalayi pahinabhayabheravo
vigatalomahamso viharatiti sihova saddesu asantasanto.
[805] Vatova jalamhi asajjamanoti vatoti puratthima
vata pacchima vata uttara vata dakkhina vata saraja
vata [2]- sita vata unha vata paritta vata adhimatta vata
@Footnote: 1 Ma. anussanki. evamuparipi. 2 Ma. araja vata.
Kalavata 1- verambhavata pakkhivata supannavata talapannavata
vidhupanavata . jalam vuccati suttajalam . yatha vato jalamhi
na sajjati na gayhati 2- na bajjhati na palibajjhati evameva dve
jala tanhajalanca ditthijalanca .pe. idam tanhajalam
.pe. idam ditthijalam tassa paccekasambuddhassa tanhajalam
pahinam ditthijalam patinissattham tanhajalassa pahinatta ditthijalassa
patinissatthatta so paccekasambuddho rupe na sajjati
sadde na sajjati .pe. ditthasutamutavinnatabbesu dhammesu na
sajjati na gayhati na bajjhati na palibajjhati nikkhanto nissattho
vippamutto visamyutto vimariyadikatena cetasa viharatiti vatova
jalamhi asajjamano.
[806] Padumamva toyena alimpamanoti padumam vuccati
padumapuppham . toyam vuccati udakam . yatha padumapuppham toyena na
limpiyati 3- [4]- alittam [5]- anupalittam evameva dve lepa tanhalepo
ca ditthilepo ca .pe. ayam tanhalepo .pe. ayam ditthilepo
tassa paccekasambuddhassa tanhalepo pahino ditthilepo
patinissattho tanhalepassa pahinatta ditthilepassa patinissatthatta
so paccekasambuddho rupe na limpati sadde na limpati .pe.
Ditthasutamutavinnatabbesu dhammesu na limpati [6]- nupalimpati alitto [7]-
anupalitto nikkhanto nissattho vippamutto visamyutto vimariyadikatena
@Footnote: 1 Ma. ayam patho natthi. 2 Ma. tanhati. evamidisesu thanesu. 3 Ma. limpati.
@4 Ma. na palimpati na upalimpati. 5 Ma. apalittam. 6 Ma. na palimpati.
@7 Ma. apalitto.
Cetasa viharatiti padumamva toyena alimpamano . eko
care khaggavisanakappo. Tenaha so paccekasambuddho
sihova saddesu asantasanto
vatova jalamhi asajjamano
padumamva toyena alimpamano
eko care khaggavisanakappoti.
[807] Siho yatha dathabali pasayha
raja miganam abhibhuyyacari
sevetha pantani senasanani
eko care khaggavisanakappo.
[808] Siho yatha dathabali pasayha raja miganam abhibhuyyacariti
yatha siho migaraja dathabali dathavudho sabbe tiracchanagate
pane abhibhuyya abhibhavitva ajjhottharitva pariyadiyitva
madditva carati vicarati iriyati vatteti paleti yapeti yapeti
evameva 1- paccekasambuddhopi pannabali pannavudho sabbapanabhute [2]-
pannaya abhibhuyya abhibhavitva ajjhottharitva pariyadiyitva
madditva carati vicarati iriyati vatteti paleti yapeti
yapetiti siho yatha dathabali pasayha raja miganam abhibhuyyacari.
[809] Sevetha pantani senasananiti yatha siho migaraja
arannavanapatthani ajjhogahetva 3- carati vicarati iriyati vatteti
@Footnote: 1 Ma. ayam patho natthi. 2 Ma. puggale. 3 Ma. arannavanamajjhogahetva.
@evamuparipi.
Paleti yapeti yapeti evameva 1- paccekasambuddhopi arannavanapatthani
pantani senasanani patisevati appasaddani appanigghosani
vijanavatani manussarahaseyyakani patisallanasaruppani . so eko
gacchati eko titthati eko nisidati eko seyyam kappeti eko
gamam pindaya pavisati eko abhikkamati eko patikkamati eko
raho nisidati eko cankamam adhitthati eko carati vicarati iriyati
vatteti paleti yapeti yapetiti sevetha pantani senasanani .
Eko care khaggavisanakappo. Tenaha so paccekasambuddho
siho yatha dathabali pasayha
raja miganam abhibhuyyacari
sevetha pantani senasanani
eko care khaggavisanakappoti.
[810] Mettam upekkham karunam vimuttim
asevamano muditanca kale
sabbena lokena avirujjhamano
eko care khaggavisanakappo.
[811] Mettam upekkham karunam vimuttim asevamano muditanca
kaleti so paccekasambuddho mettasahagatena cetasa ekam disam
pharitva viharati tatha dutiyam tatha tatiyam tatha catuttham iti uddhamadho
tiriyam sabbadhi sabbattataya sabbavantam lokam mettasahagatena
@Footnote: 1 Ma. ayam patho natthi.
Cetasa vipulena mahaggatena appamanena averena abyapajjhena 1-
pharitva viharati karunasahagatena cetasa muditasahagatena
cetasa upekkhasahagatena cetasa ekam disam pharitva viharati
tatha dutiyam tatha tatiyam tatha catuttham iti uddhamadho tiriyam
sabbadhi sabbattataya sabbavantam lokam upekkhasahagatena cetasa
vipulena mahaggatena appamanena averena abyapajjhena pharitva
viharatiti mettam upekkham karunam vimuttim asevamano muditanca
kale.
[812] Sabbena lokena avirujjhamanoti mettadinam 2-
bhavitatta ye puratthimaya disaya satta te appatikula honti
ye pacchimaya disaya satta ye uttaraya disaya satta ye
dakkhinaya disaya satta ye puratthimaya anudisaya satta ye
pacchimaya anudisaya satta ye uttaraya anudisaya satta ye
dakkhinaya anudisaya satta ye adhogamaya 3- disaya satta ye
uparimaya disaya satta ye dasasu disasu vidisasu 4- satta te
appatikula honti [5]- . sabbena lokena avirujjhamanoti sabbena
sattalokena 6- avirujjhamano appativirujjhamano aghattiyamano 7-
appatihannamanoti sabbena lokena avirujjhamano . eko care
khaggavisanakappo. Tenaha so paccekasambuddho
mettam upekkham karunam vimuttim
@Footnote: 1 Ma. abyapajjena. evamidisesu padesu. 2 Ma. mettaya. 3 Ma. hetthimaya.
@4 Ma. ayam patho natthi. 5 Ma. karunaya bhavitatta .pe. muditaya bhavitatta
@.pe. upekkhaya bhavitatta ye puratthimaya disaya satta .pe. ye dasasu disasu
@satta te appatikula honti. 6 Ma. lokena. 7 Ma. anaghamatiyano.
Asevamano muditanca kale
sabbena lokena avirujjhamano
eko care khaggavisanakappoti.
[813] Raganca dosanca pahaya moham
sandalayitvana sannojanani
asantasam jivitasankhayamhi
eko care khaggavisanakappo.
[814] Raganca dosanca pahaya mohanti raganti yo
rago sarago .pe. abhijjha lobho akusalamulam . dosanti
yo cittassa aghato .pe. candikkam assuropo anattamanata
cittassa . mohoti dukkhe ananam .pe. avijjalangi moho
akusalamulam . raganca dosanca pahaya mohanti so paccekasambuddho
raganca dosanca mohanca pahaya pajahitva vinodetva
byantikaritva anabhavangametvati raganca dosanca pahaya
moham.
[815] Sandalayitvana sannojananiti dasa sannojanani
kamaragasannojanam patighasannojanam .pe. avijjasannojanam .
Sandalayitvana sannojananiti [1]- sannojanani sandalayitvana
padalayitvana sampadalayitvana pajahitvana vinodetvana byantikaritvana
anabhavangametvanati sandalayitvana sannojanani.
@Footnote: 1 Ma. dasa.
[816] Asantasam jivitasankhayamhiti so paccekasambuddho
jivitapariyosane asantasi aparisantasi 1- anutrasi anubbiggo anussuki
anutraso abhiru acchambhi anutrasi apalayi pahinabhayabheravo
vigatalomahamsoti [2]- asantasam jivitasankhayamhi . eko care
khaggavisanakappo. Tenaha so paccekasambuddho
raganca dosanca pahaya moham
sandalayitvana sannojanani
asantasam jivitasankhayamhi
eko care khaggavisanakappoti.
[817] Bhajanti sevanti ca karanattha
nikkarana dullabha ajja mitta
attatthapanna asuci manussa
eko care khaggavisanakappo.
[818] Bhajanti sevanti ca karanatthati attatthakarana
paratthakarana ubhayatthakarana ditthadhammikatthakarana
samparayikatthakarana paramatthakarana bhajanti sambhajanti
sevanti [3]- patisevantiti bhajanti sevanti ca karanattha.
[819] Nikkarana dullabha ajja mittati dve mitta
agarikamitto 4- ca anagarikamitto ca .pe. ayam agarikamitto
.pe. ayam anagarikamitto . nikkarana dullabha ajja mittati
@Footnote: 1 Ma. ayam patho natthi. 2 Ma. viharatiti. 3 Ma. nisevanti samsevanti.
@4 Ma. agarikamitto. evamuparipi.
Ime dve mitta akarana [1]- ahetu appaccaya dullabhati [2]-
nikkarana dullabha ajja mitta.
[820] Attatthapanna asuci manussati attatthapannati
attano atthaya attano hetu attano paccaya attano karana
bhajanti sambhajanti sevanti nisevanti samsevanti [3]- acaranti samacaranti
payirupasanti pucchanti 4- paripanhantiti attatthapanna . asuci
manussati asucina kayakammena samannagatati asuci manussa .
Asucina vacikammena samannagatati asuci manussa . asucina
manokammena samannagatati asuci manussa . asucina panatipatena
asucina adinnadanena asucina kamesumicchacarena
asucina musavadena asuciya pisunaya vacaya asuciya pharusaya
vacaya asucina samphappalapena asuciya abhijjhaya asucina
byapadena asuciya micchaditthiya samannagatati asuci manussa .
Asuciya cetanaya samannagatati asuci manussa . asuciya
patthanaya samannagatati asuci manussa . asucina panidhina
samannagatati asuci manussa hina nihina parihina 5- omaka lamaka
jatukka parittati attatthapanna asuci manussa.
[821] Eko care khaggavisanakappoti ekoti .pe.
Careti attha cariyayo .pe. eko care khaggavisanakappo .
Tenaha so paccekasambuddho
@Footnote: 1 Ma. nikkarana. 2 Ma. dulladdha sudulladdhati. 3 Ma. patisevanti.
@4 Ma. paripucchanti. 5 Ma. ayam patho natthi.
Bhajanti sevanti ca karanattha
nikkarana dullabha ajja mitta
attatthapanna asuci manussa
eko care khaggavisanakappoti.
Khaggavisanasuttaniddeso nitthito 1-.
Ajito tissametteyyo punnako atha mettagu
dhotako upasivo ca nando ca atha hemako
todeyyakappa dubhayo jatukanni ca pandito
bhadravudho udayo ca posalo capi brahmano
mogharaja ca medhavi pingiyo ca mahaisi
solasannam 2- panetesam brahmananamva sasanam
parayananam niddeso tattaka ca bhavanti hi
khaggavisanasuttanam niddesapi tattheva 3- ca
niddesa duvidha neyya paripunna sulikkhita 4-.
Suttaniddeso samatto.
----------
@Footnote: 1 Ma. ekunavisatimo. 2 Ma. solasanam. 3 Ma. tatheva. 4 Ma. sulakkhitati.
The Pali Tipitaka in Roman Character Volume 30 page 409-429.
https://84000.org/tipitaka/read/roman_item.php?book=30&item=783&items=39
Classified by [Item Number] :-
http://84000.org/tipitaka/read/roman_item.php?book=30&item=783&items=39&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=30&item=783&items=39
Compare with The Royal Version of Thai Tipitaka :-
https://84000.org/tipitaka/read/byitem.php?book=30&item=783&items=39
Study Atthakatha :-
https://84000.org/tipitaka/attha/attha.php?b=30&i=783
Contents of The Tipitaka Volume 30
https://84000.org/tipitaka/read/?index_30
https://84000.org/tipitaka/english/?index_30
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
