บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
Catuttham madhumamsadayakattherapadanam (414) [4] |4.106| Nagare bandhumatiya sukariko ahosaham ukkotakam randhayitva madhumamsamhi 1- okirim. |4.107| Sannipatam aham gantva ekapattam aham 2- gahim purayitvana tam pattam bhikkhusanghassadasaham. |4.108| Yo 3- vuddhatherataro bhikkhu niyyademi aham tada imina pattapurena labhissam 4- vipulam sukham. |4.109| Duve sampattiyo bhutva sukkamulena codito pacchime vattamanamhi kilese jhapayissati. @Footnote: 1 Yu. madhusappimhi akirim. 2 Ma. Yu. gahe saham. 3 Ma. Yu. yottha -- niyyadesi @mamam tada. 4 Ma. Yu. labhassu. |4.110| Tattha cittam pasadetva tavatimsam aganchiham tattha bhutva pivitva ca labhami vipulam sukham. |4.111| Mandape rukkhamule va pubbakammam anussarim annapanabhivasso me ativassati tavade. |4.112| Idam pacchimakam mayham carimo vattate bhavo idhapi annapanam me vassate sabbakalikam. |4.113| Teneva madhudanena 1- sandhavitva bhave aham sabbasave parinnaya viharami anasavo. |4.114| Ekanavute ito kappe yam danamadadim tada duggatim nabhijanami madhudanassidam phalam. |4.115| Kilesa jhapita mayham bhava sabbe samuhata nagova bandhanam chetva viharami anasavo. |4.116| Svagatam vata me asi mama buddhassa santike tisso vijja anuppatta katam buddhassa sasanam. |4.117| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma madhumamsadayako thero ima gathayo abhasitthati. Madhumamsadayakattherassa apadanam samattam. @Footnote: 1 Yu. mamsadanena.The Pali Tipitaka in Roman Character Volume 33 page 12-13. https://84000.org/tipitaka/read/roman_item.php?book=33.1&item=4&items=1 Classified by [Item Number] :- http://84000.org/tipitaka/read/roman_item.php?book=33.1&item=4&items=1&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=33.1&item=4&items=1 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=4&items=1 Study Atthakatha :- https://84000.org/tipitaka/attha/attha.php?b=33.1&i=4 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]