ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
 ThaiVersion   PaliThai   PaliRoman 
First itemPrevious itemไม่แสดงหมายเลขหน้า
ในกรณี :- 
   บรรทัดแรกของแต่ละหน้าNext itemLast item chage to ROMAN letter
TIPITAKA Volume 33 : PALI ROMAN Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ

page403.

Suttantapitake khuddakanikayassa buddhavamso ------------- namo tassa bhagavato arahato sammasambuddhassa. Ratanacankamanakando [1] /buddha./ |1.1| Brahma ca lokadhipati samahpati 1- katanjali anadhivaram ayacatha santidha satta apparajakkhajatika desehi dhammam anukampimam pajanti. |1.2| 2- [bhagava lokadhipati naruttamo katanjalibrahmaganehi yacito santidha dhirapparajakkhajatika desetu dhammam anukampimam pajam. |1.3| Desetu sugato dhammam desetu amatampadam lokanamanukampaya dhammam desetu nayaka]. |1.4| Sampannavijjacaranassa tadino jutindharassantimadehadharino tathagatassappatipuggalassa uppajji karunnata sabbasatte. @Footnote: 1 Ma. sahampati. 2 Ma. Yu. ime patha natthi.

--------------------------------------------------------------------------------------------- page404.

1- [tam sutva bhagava sattha idam vacanamabravi] |1.5| aparuta te amatassa dvara ye sotavanto pamuncantu saddham vihimsasanni pagunam na bhasim dhammam panitam manujesu brahmeti. |1.6| 2- [bhagava tasmim samaye veneyyanamnukampako ajapalanigrodhaduma payasi munipungavo. |1.7| Anukkamena gamanena baranasimupagami tasmim hi pallankavare nisidi bhagava tada. |1.8| Pancannam vaggiyananca dhammacakkappavattayi dukkham dukkhasamuppadam nirodham maggamuttamam. |1.9| Pavattayi tam bhagava isi te pancavaggiya attharasakoti tada brahmadevagana saha. |1.10| Pathamasmim sannipate dhammabhisamaya labhu kondanno bhaddiyo vappo mahanamo ca assaji. |1.11| Vinita tena parena sabbepi anupubbaso attharasakoti tada brahmadevagana saha. |1.12| Pathamasmim sannipate sotapattiphalam tada anukkamena gamanena rajagahamupagami. @Footnote: 1-2 Ma. Yu. ime patha natthi.

--------------------------------------------------------------------------------------------- page405.

|1.13| Veluvanamahavihare vihasi munipungavo tam sutva bimbisaro ca bhagavantamupasankami. |1.14| Ekadasanahuteneva parivara maha ahu dipagandhadhupamaladini bhagavantamabhipujayi. |1.15| Tasmim samagameyeva kamadinava desayi desanapariyosane rajanampamukham tada. |1.16| Caturasitisahassanam dhammabhisamayo ahu tam sutvana pita raja [1]- nava dutani pesayi. |1.17| Navasahassaparivarehi pabbajjam yacate munim navasahassaparivara arahattamupagamum. |1.18| Kaludayi pariyosane bhikkhuvesam gahetva so sahassaparivarehi bhagavantam nimantayi. |1.19| Nimantamadhivasetva mahamaggam patipajjati visatisahassabhikkhuhi payasi sakyapungavo. |1.20| Anukkamena gamanena kapilavatthumupagami rohiniya naditire patiharamakasi so. |1.21| Tasmim pallankamajjhamhi nisidi sakyapungavo mahavessantaradhammam desetva bhagava pitu caturasitisahassanam dhammabhisamayo ahu]. @Footnote: 1 Po. bhagavantam nimantayi.

--------------------------------------------------------------------------------------------- page406.

|1.22| Na hete 1- jananti sadevamanussa 2- buddho ayam kidisako naruttamo iddhibalam pannabalanca kidisam buddhabalam lokahitassa kidisam. |1.23| Na hete 3- jananti sadevamanussa 4- buddho ayam idisako naruttamo iddhibalam pannabalanca idisam 5- buddhabalam lokahitassa idisam 6- |1.24| handaham dassayissami buddhabalam anuttaram cankamam mapayissami nabhe ratanamanditam. |1.25| Bhumma maharajika tavatimsa yama ca deva tusita ca nimmita paranimmita yepica brahmakayika anandita vipulamakamsu ghosam. |1.26| Obhasita ca pathavi sadevaka puthu ca lokantarika asamvuta tamo ca tibbo vihato tada ahu disvana accherakapatihiram. |1.27| Sadevagandhabbamanussarakkhase abha ulara vipula ajayatha @Footnote: 1-3 Yu. na bho te. 2-4 Ma. Yu. sadevamanusa. 5-6 Ma. Yu. edisam.

--------------------------------------------------------------------------------------------- page407.

Imasmim loke parasmim cubhaye adhopi uddham tiriyanca vitthatam. |1.28| Sattuttamo anadhivaro vinayako sattha ahu deva manussa pujito mahanubhavo sata punna lakkhano dassesi accherakapatihiriyam. |1.29| 1- [tasmim samagame sattha abbhuggantva nabhe tale sinerupabbatam rammam cankamam mapayi jino. |1.30| Dasasahassilokadhatudevata jinasantike tathagatam namassitva buddhapujam karimsu te]. |1.31| So yacito devavarena cakkhuma attham samekkhitva tada naruttamo cankamam mapayi lokanayako sunitthitam sabbaratananimmitam. |1.32| Iddhi ca adesananusasani tipatihire bhagava vasi ahu cankamam mapayi lokanayako sunitthitam sabbaratananimmitam. |1.33| Dasasahassilokadhatuya sinerupabbatuttame thambheva dassesi patipatiya cankame ratanamaye. @Footnote: 1 Ma. Yu. ime patha natthi.

--------------------------------------------------------------------------------------------- page408.

|1.34| Dasasahassam 1- atikkamma cankamam mapayi jino sabbasovannamaya passe cankame ratanamaye. |1.35| Tulasanghatanuvatta 2- sovannaphalakatthaka vedika sabbasovanna dubhato passesu nimmita. |1.36| Manimuttavalukakinno nimmito ratanamayo obhaseti disa sabba sataramsiva uggato. |1.37| Tasmim cankamane dhiro dvattimsavaralakkhano virocamano sambuddho cankame cankami jino. |1.38| Dibbam mandaravam puppham padumam parichattakam cankamane okiranti sabbe deva samagata. |1.39| Passanti tam devasangha dasasahassi samagata namassamana nipatanti tutthahattha pamodita. |1.40| Tavatimsa ca yama ca tusita capi devata nimmanaratino deva ye deva vasavattino udaggacitta sumana passanti lokanayakam. |1.41| Sadevagandhabbamanussarakkhasa naga supanna athavapi kinnara passanti tam lokahitanukampakam nabheva accuggatacandamandalam. @Footnote: 1 Ma. Yu. ... dasasahassi. 2 Ma. Yu. ... nuvagga.

--------------------------------------------------------------------------------------------- page409.

|1.42| Abhassara subhakinha vehapphala akanittha ca susuddhasukka vatthavasana titthanti panjalikata. |1.43| Muncanti puppham pana pancavannikam mandaravam 1- candanacunnamissakam 2- bhamanti celani ca ambare tada aho jino lokahitanukampako. |1.44| Tuvam sattha ca ketu ca dhajo yupo ca paninam parayano patittha ca dipo ca dipaduttamo. |1.45| Dasasahassilokadhatuya devatayo mahiddhika parivaretva namassanti tutthahattha pamodita. |1.46| Devata devakanna ca pasanna tutthamanasa pancavannikapupphehi pujayanti narasabham. |1.47| Passanti tam devasangha pasanna tutthamanasa pancavannikapupphehi pujayanti narasabham. |1.48| Aho acchariyam loke abbhutam lomahamsanam na medisam bhutapubbam accheram lomahamsanam. |1.49| Sakasakamhi bhavane nisiditvana devata hasanti ta mahahasitam disvanaccherakam nabhe. |1.50| Akasattha ca bhummattha tinosadhinivasino 3- katanjali namassanti tutthahattha pamodita. @Footnote: 1 Yu. mandavaram. 2 Ma. Yu. ..missitam. ito param idisameva. @3 Ma. Yu. tinapanthanivasino.

--------------------------------------------------------------------------------------------- page410.

|1.51| Yepi dighayuka naga punnavanto mahiddhika pamodita namassanti pujayanti naruttamam. |1.52| Sangitiyo pavattanti ambare anilanjase cammanaddhani vadenti disvanaccherakam nabhe. |1.53| Sankha ca panava ceva athopi dendima bahu antalikkhasmim vajjayanti disvanaccherakam nabhe. |1.54| Abbhuto vata no ajja uppajji lomahamsano dhuvamatthasiddhim labhama khano no patipatito. |1.55| Buddhoti tesam sutvana piti uppajji tavade buddho buddhoti kathayanta titthanti panjalikata. |1.56| Hinkaram 1- sadhukaranca ukkutthisampanadanam 2- paja ca vividha gagane vattanti panjalikata. |1.57| Gayanti selenti ca vadayanti ca bhujanipphotenti 3- ca naccayanti ca muncanti puppham pana pancavannikam mandaravam candanacunnamissakam. |1.58| Yatha tuyham mahavira padesu cakkalakkhanam dhajam vajirapatakam vaddhamanankusapitam. |1.59| Rupe sile samadhimhi pannaya ca asadiso vimuttiya asamasamo dhammacakkappavattane. @Footnote: 1 Ma. hinkara. Yu. bhinkaram. 2 Ma. .. sampahamsanam. Yu. .. sampasadanam. @3 Ma. Yu. pothenti.

--------------------------------------------------------------------------------------------- page411.

|1.60| Dasanagabalam kaye tuyham pakatikam balam iddhibalena asamo dhammacakkappavattane. |1.61| Evam sabbagunupetam sabbanga samupagatam mahamunim karunikam lokanatham namassatha. |1.62| Abhivadanam thomananca vandananca pasamsanam namassananca pujanca sabbam arahasi tuvam. |1.63| Ye keci loke vandaneyya vandanam arahanti ye sabbasettho mahavira sadiso te na vijjati. |1.64| Sariputto mahapanno samadhijjhanakovido gijjhakute thitoyeva passati lokanayakam. |1.65| Suphullam salarajamva candamva gagane yatha majjhantikeva suriyam oloketi narasabham. |1.66| Jalantam diparukkhamva tarunasuriyamva uggatam byamappabhanuranjitam passati lokanayakam. |1.67| Pancannam bhikkhusatanam katakiccana tadinam khinasavanam vimalanam khanena sannipatayi. |1.68| Lokappasadanam nama patihiram nidassayi amhepi tattha gantvana vandissama mayam jinam. |1.69| Etha sabbe gamissama pucchissama mayam jinam kankham vinodayissama passitva lokanayakam.

--------------------------------------------------------------------------------------------- page412.

|1.70| Sadhuti te patissutva nipaka samvutindriya pattacivaramadaya taramana upagamum. |1.71| Khinasavehi vimalehi dantehi uttame dame sariputto mahapanno iddhiya upasankami. |1.72| Tehi bhikkhuhi parivuto sariputto mahagani lilanto 1- devova gagane iddhiya upasankami. |1.73| Ukkasitanca khipitanca ajjhupekkhitvana subbata sagarava sappatissa sambuddham upasankamum. |1.74| Upasankamitva passanti sayambhum lokanayakam nabhe accuggatam viram candamva gagane yatha. |1.75| Jalantam diparukkhamva vijjuva gagane yatha majjhantikeva suriyam passanti lokanayakam. |1.76| Pancabhikkhusata sabbe passanti lokanayakam rahadamiva vippasannam suphullam padumam yatha. |1.77| Anjalim paggahetvana tutthahattha pamodita namassamana nipatanti satthuno cakkalakkhane. |1.78| Sariputto mahapanno korandasamasadiso samadhijjhanakusalo vandati lokanayakam. |1.79| Gajjito kalameghova niluppalasamasadiso iddhibalena asamo moggallano mahiddhiko. @Footnote: 1 Ma. Yu. lalanto.

--------------------------------------------------------------------------------------------- page413.

|1.80| Mahakassapatheropi uggatakanakasannibho dhutagune agganikkhitto thomito satthuvannito. |1.81| Dibbacakkhuna yo aggo anuruddho mahagani natisettho bhagavato avidureva titthati. |1.82| Apattianapattiya satekicchaya kovido vinaye agganikkhitto upali satthuvannito. |1.83| Sukhumanipunatthapatividdho kathikanam pavaro gani isi mantaniya putto punno namati vissuto. |1.84| Etesam cittamannaya opammakusalo muni kankhacchedo mahaviro kathesi attano gunam. |1.85| Cattaro te asankheyya koti yesam na nayati sattakayo ca akaso cakkavala anantaka |1.86| buddhananam appameyyam na sakka ete vijanitum. Kimetam acchariyam loke yam me iddhivikubbanam |1.87| anne bahu acchariya abbhuta lomahamsana. Yadaham tusite kaye santusito namaham tada |1.88| dasasahassi samagamma yacanti anjali mamam. Kaloyam te mahavira uppajja matukucchiyam |1.89| sadevakam tarayanto bujjhassu amatampadam.

--------------------------------------------------------------------------------------------- page414.

Tusita kaya cavitvana yada okkami kucchiyam |1.90| dasasahassi lokadhatu kampati 1- dharani tada. Yadaham matukucchito sampajanova nikkhamim |1.91| sadhukaram pavattanti dasasahassi pakampatha. Okkanti me samo natthi jatito abhinikkhame |1.92| sambodhiyam aham settho dhammacakkappavattane. Aho acchariyam loke buddhanam gunamahantata |1.93| dasasahassi lokadhatu chappakaram pakampatha obhaso ca maha asi accheram lomahamsanam. |1.94| Bhagava ca tamhi samaye lokajettho narasabho sadevakam dassayanto iddhiya cankami jino. |1.95| Cankame cankamantova kathesi lokanayako antara na nivatteti catuhatthe cankame yatha. |1.96| Sariputto mahapanno samadhijjhanakovido pannaya paramippatto pucchati lokanayakam. |1.97| Kidiso te mahavira abhiniharo naruttama kimhi kale taya vira patthita bodhimuttama. |1.98| Danam silanca nekkhammam pannaviriyanca kidisam khantisaccamadhitthanam mettupekkha ca kidisa. @Footnote: 1 Ma. Yu. kampittha.

--------------------------------------------------------------------------------------------- page415.

|1.99| Dasaparami mahavira kidisa lokanayaka katham upaparami punna paramatthaparami katham. |1.100| 1- [katikammaadhitthaya adhipati ca kidisa kidisa parami honti dhira lokasmi kidisa. |1.101| Metta karuna mudita upekkha capi kidisa kidisam buddhadhammanam kevalam paripuraya] |1.102| tassa puttho viyakasi karavikamadhuragiro nibbapayanto hadayam hasayanto sadevakam. |1.103| Atitabuddhana jinana desitam nikilitam buddhaparamparagatam pubbe nivasanugataya buddhiya pakasayi lokahitam sadevake. |1.104| Pitipamojjajananam sokasallavinodanam sabbasampattipatilabham cittam katva sunatha me. |1.105| Madanimmadanam sokanudam samsaraparimocanam sabbadukkhakkhayam maggam sakkaccam patipajjathati. Ratanacankamanakando nitthito. @Footnote: 1 Ma. Yu. ime patha natthi.


             The Pali Tipitaka in Roman Character Volume 33 page 403-415. http://84000.org/tipitaka/read/roman_item.php?book=33.2&item=1&items=1&pagebreak=1&modeTY=2              Classified by [Item Number] :- http://84000.org/tipitaka/read/roman_item.php?book=33.2&item=1&items=1&pagebreak=1&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item.php?book=33.2&item=1&items=1&pagebreak=1&modeTY=2              Compare with The Royal Version of Thai Tipitaka :- http://84000.org/tipitaka/read/byitem.php?book=33.2&item=1&items=1&pagebreak=1&modeTY=2              Study Atthakatha :- http://84000.org/tipitaka/attha/attha.php?b=33.2&i=1              Contents of The Tipitaka Volume 33 http://84000.org/tipitaka/read/?index_33

First itemPrevious itemไม่แสดงหมายเลขหน้า
ในกรณี :- 
   บรรทัดแรกของแต่ละหน้าNext itemLast item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com