paliTIPITAKA Volume 4 - Vinaya Pitaka 4

[19] Athakho bhagava tadavasese bhikkhu dhammiya kathaya ovadi anusasi . athakho ayasmato ca vappassa ayasmato ca bhaddiyassa bhagavata dhammiya kathaya ovadiyamananam anusasiyamananam virajam vitamalam dhammacakkhum udapadi yankinci samudayadhammam sabbantam nirodhadhammanti . Te ditthadhamma pattadhamma viditadhamma pariyogalhadhamma tinnavicikiccha vigatakathamkatha vesarajjappatta aparappaccaya @Footnote: ¹ Po. atikkammeva . ² yebhuyyena itisaddo pakkhitto. so samapanno @datthabbo . ³ Ma. Yu. Ra. imam udanam . 4-5 Ma. annasikondannotveva. @Yu. Ra. annatakondanno. Satthu sasane bhagavantam etadavocum labheyyama mayam bhante bhagavato santike pabbajjam labheyyama upasampadanti . etha bhikkhavoti bhagava avoca svakkhato dhammo caratha brahmacariyam samma dukkhassa antakiriyayati . sa va tesam ayasmantanam upasampada ahosi . athakho bhagava tadavasese bhikkhu niharabhatto ^[1]- dhammiya kathaya ovadi anusasi . yam tayo bhikkhu pindaya caritva aharanti tena chabbaggo yapeti. {19.1} Athakho ayasmato ca mahanamassa ayasmato ca assajissa bhagavata dhammiya kathaya ovadiyamananam anusasiyamananam virajam vitamalam dhammacakkhum udapadi yankinci samudayadhammam sabbantam nirodhadhammanti . Te ditthadhamma pattadhamma viditadhamma pariyogalhadhamma tinnavicikiccha vigatakathamkatha vesarajjappatta aparappaccaya satthu sasane bhagavantam etadavocum labheyyama mayam bhante bhagavato santike pabbajjam labheyyama upasampadanti . etha bhikkhavoti bhagava avoca svakkhato dhammo caratha brahmacariyam samma dukkhassa antakiriyayati . sa va tesam ayasmantanam upasampada ahosi. [20] Athakho bhagava pancavaggiye bhikkhu amantesi rupam bhikkhave anatta . rupanca hidam bhikkhave atta abhavissa nayidam rupam abadhaya samvatteyya labbhetha ca rupe evam me @Footnote: ¹ Yu. Ra. etantare imina niharenati pathadvayam atthi. Rupam hotu evam me rupam ma ahositi . yasma ca kho bhikkhave rupam anatta tasma rupam abadhaya samvattati na ca labbhati rupe evam me rupam hotu evam me rupam ma ahositi. {20.1} Vedana anatta . vedana ca hidam bhikkhave atta abhavissa nayidam vedana abadhaya samvatteyya labbhetha ca vedanaya evam me vedana hotu evam me vedana ma ahositi. Yasma ca kho bhikkhave vedana anatta tasma vedana abadhaya samvattati na ca labbhati vedanaya evam me vedana hotu evam me vedana ma ahositi. {20.2} Sanna anatta . sanna ca hidam bhikkhave atta abhavissa nayidam sanna abadhaya samvatteyya . labbhetha ca sannaya evam me sanna hotu evam me sanna ma ahositi . Yasma ca kho bhikkhave sanna anatta tasma sanna abadhaya samvattati na ca labbhati sannaya evam me sanna hotu evam me sanna ma ahositi. {20.3} Sankhara anatta . sankhara ca hidam bhikkhave atta abhavissamsu nayidam sankhara abadhaya samvatteyyum labbhetha ca sankharesu evam me sankhara hontu evam me sankhara ma ahesunti. Yasma ca kho bhikkhave sankhara anatta tasma sankhara abadhaya samvattanti na ca labbhati sankharesu evam me sankhara hontu evam me sankhara ma ahesunti. {20.4} Vinnanam anatta . vinnananca Hidam bhikkhave atta abhavissa nayidam vinnanam abadhaya samvatteyya labbhetha ca vinnane evam me vinnanam hotu evam me vinnanam ma ahositi . yasma ca kho bhikkhave vinnanam anatta tasma vinnanam abadhaya samvattati na ca labbhati vinnane evam me vinnanam hotu evam me vinnanam ma ahositi.

The Pali Tipitaka in Roman Character Volume 4 page 23-26. https://84000.org/tipitaka/read/roman_item.php?book=4&item=19&items=2 Classified by [Item Number] :- http://84000.org/tipitaka/read/roman_item.php?book=4&item=19&items=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=4&item=19&items=2 Compare with The Royal Version of Thai Tipitaka :- https://84000.org/tipitaka/read/byitem.php?book=4&item=19&items=2 Study Atthakatha :- https://84000.org/tipitaka/attha/attha.php?b=4&i=19 Contents of The Tipitaka Volume 4 https://84000.org/tipitaka/read/?index_4 https://84000.org/tipitaka/english/?index_4