[91] Tena kho pana samayena bhikkhu dasavassamha 3- dasavassamhati
bala abyatta upasampadenti . dissanti upajjhaya bala
saddhiviharika pandita dissanti upajjhaya abyatta saddhiviharika
byatta dissanti upajjhaya appassuta saddhiviharika
bahussuta dissanti upajjhaya duppanna saddhiviharika
pannavanto . annataropi annatitthiyapubbo upajjhayena
sahadhammikam vuccamano upajjhayassa vadam aropetva tamyeva
titthayatanam sankami . ye te bhikkhu appiccha .pe. te
ujjhayanti khiyanti vipacenti katham hi nama bhikkhu dasavassamha 4-
dasavassamhati bala abyatta upasampadenti dissanti
upajjhaya bala saddhiviharika pandita dissanti upajjhaya
@Footnote: 1 Si. atilahuko . 2 Yu. bhinnobhavayati . 3-4 Ma. Yu. dasavassamuha. ito
@param idisameva.
Abyatta saddhiviharika byatta dissanti upajjhaya appassuta
saddhiviharika bahussuta dissanti upajjhaya duppanna
saddhiviharika pannavantoti . athakho te bhikkhu bhagavato etamattham
arocesum . saccam kira bhikkhave bhikkhu dasavassamha dasavassamhati
bala abyatta upasampadenti dissanti upajjhaya bala
saddhiviharika pandita dissanti upajjhaya abyatta saddhiviharika
byatta dissanti upajjhaya appassuta saddhiviharika
bahussuta dissanti upajjhaya duppanna saddhiviharika
pannavantoti . saccam bhagavati . vigarahi buddho bhagava katham
hi nama te bhikkhave moghapurisa dasavassamha dasavassamhati
bala abyatta upasampadessanti dissanti upajjhaya bala
saddhiviharika pandita dissanti upajjhaya abyatta saddhiviharika
byatta dissanti upajjhaya appassuta saddhiviharika
bahussuta dissanti upajjhaya duppanna saddhiviharika
pannavanto netam bhikkhave appasannanam va pasadaya .pe.
Vigarahitva dhammim katham katva bhikkhu amantesi na bhikkhave balena
abyattena upasampadetabbo yo upasampadeyya apatti
dukkatassa anujanami bhikkhave byattena bhikkhuna patibalena
dasavassena va atirekadasavassena va upasampadetunti.
[92] Tena kho pana samayena bhikkhu upajjhayesu pakkamantesupi
Vibbhamantesupi kalakatesupi pakkhasankantesupi anacariyaka anovadiyamana
ananusasiyamana dunnivattha dupparuta anakappasampanna
pindaya caranti . manussanam 1- bhunjamananam uparibhojanepi
uttitthapattam upanamenti uparikhadaniyepi ... uparisayaniyepi ...
Uparipaniyepi uttitthapattam upanamenti samam supampi odanampi
vinnapetva bhunjanti bhattaggepi uccasadda mahasadda
viharanti . manussa ujjhayanti khiyanti vipacenti katham hi nama
samana sakyaputtiya dunnivattha dupparuta anakappasampanna
pindaya carissanti manussanam bhunjamananam uparibhojanepi
uttitthapattam upanamessanti uparikhadaniyepi ... uparisayaniyepi ...
Uparipaniyepi uttitthapattam upanamessanti samam supampi odanampi
vinnapetva bhunjissanti bhattaggepi uccasadda mahasadda
viharissanti seyyathapi brahmana brahmanabhojaneti . assosum
kho bhikkhu tesam manussanam ujjhayantanam khiyantanam vipacentanam .
Ye te bhikkhu appiccha .pe. te ujjhayanti khiyanti vipacenti
katham hi nama bhikkhu dunnivattha dupparuta anakappasampanna ...
Viharissantiti . athakho te bhikkhu bhagavato etamattham arocesum .pe.
Saccam kira bhikkhave bhikkhu dunnivattha dupparuta anakappasampanna ...
Viharantiti . saccam bhagavati . vigarahi buddho bhagava .pe.
@Footnote: 1 ito pure Yu. Ra. tesaddo dissati.
Vigarahitva dhammim katham katva bhikkhu amantesi
{92.1} anujanami bhikkhave acariyam . acariyo bhikkhave
antevasikamhi puttacittam upatthapessati antevasiko
acariyamhi pitucittam upatthapessati evante annamannam
sagarava sappatissa sabhagavuttika 1- viharanta imasmim
dhammavinaye vuddhim virulhim vepullam apajjissanti . anujanami
bhikkhave dasavassam 2- nissaya vatthum dasavassena nissayam datum .
Evanca pana bhikkhave acariyo gahetabbo . ekamsam uttarasangam
karitva pade vanditva ukkutikam nisiditva anjalim paggahetva
evamassa vacaniyo acariyo me bhante hohi ayasmato nissaya
vacchami acariyo me bhante hohi ayasmato nissaya vacchami
acariyo me bhante hohi ayasmato nissaya vacchamiti . sahuti
va lahuti va opayikanti va patirupanti va pasadikena
samapadehiti va kayena vinnapeti vacaya vinnapeti
kayena vacaya vinnapeti gahito hoti acariyo na kayena
vinnapeti na vacaya vinnapeti na kayena vacaya vinnapeti
na gahito hoti acariyo.
[93] Antevasikena bhikkhave acariyamhi sammavattitabbam .
Tatrayam sammavattana . kalasseva utthaya upahana 3- omuncitva
ekamsam uttarasangam karitva dantakattham databbam mukhodakam databbam
asanam pannapetabbam sace yagu hoti bhajanam dhovitva yagu
@Footnote: 1 Ma. Yu. sabhagavuttino . 2 Yu. dasavassani . 3 Ma. upahanam.
Upanametabba yagum pitassa udakam datva bhajanam patiggahetva nicam
katva sadhukam aparighamsantena dhovitva patisametabbam acariyamhi
vutthite asanam uddharitabbam sace so deso uklapo hoti so deso
sammajjitabbo.
{93.1} Sace acariyo gamam pavisitukamo hoti nivasanam databbam
patinivasanam patiggahetabbam kayabandhanam databbam sagunam katva
sanghatiyo databba dhovitva patto saudako databbo sace
acariyo pacchasamanam akankhati timandalam paticchadentena
parimandalam nivasetva kayabandhanam bandhitva sagunam katva
sanghatiyo parupitva ganthikam patimuncitva dhovitva pattam
gahetva acariyassa pacchasamanena hotabbam natidure gantabbam
naccasanne gantabbam pattapariyapannam patiggahetabbam na
acariyassa bhanamanassa antarantara katha opatetabba acariyo
apattisamanta bhanamano nivaretabbo nivattantena pathamataram
agantva asanam pannapetabbam padodakam padapitham padakathalikam
upanikkhipitabbam paccuggantva pattacivaram patiggahetabbam patinivasanam
databbam nivasanam patiggahetabbam.
{93.2} Sace civaram sinnam hoti muhuttam unhe otapetabbam na ca
unhe civaram nidahitabbam civaram samharitabbam civaram samharantena caturangulam
kannam ussadetva civaram samharitabbam ma majjhe bhango ahositi
obhoge kayabandhanam katabbam . sace pindapato
Hoti acariyo ca bhunjitukamo hoti udakam datva pindapato
upanametabbo acariyo paniyena pucchitabbo bhuttavissa
udakam datva pattam patiggahetva nicam katva sadhukam aparighamsantena
dhovitva vodakam katva muhuttam unhe otapetabbo na ca
unhe patto nidahitabbo pattacivaram nikkhipitabbam pattam nikkhipantena
ekena hatthena pattam gahetva ekena hatthena hetthamancam
va hetthapitham va paramasitva patto nikkhipitabbo na ca
anantarahitaya bhumiya patto nikkhipitabbo civaram nikkhipantena
ekena hatthena civaram gahetva ekena hatthena civaravamsam va
civararajjum va pamajjitva parato antam orato bhogam katva
civaram nikkhipitabbam acariyamhi vutthite asanam uddharitabbam padodakam
padapitham padakathalikam patisametabbam sace so deso uklapo
hoti so deso sammajjitabbo.
{93.3} Sace acariyo nahayitukamo hoti nahanam patiyadetabbam
sace sitena attho hoti sitam patiyadetabbam sace unhena attho
hoti unham patiyadetabbam . sace acariyo jantagharam pavisitukamo
hoti cunnam sannetabbam mattika temetabba jantagharapitham adaya
acariyassa pitthito pitthito gantva jantagharapitham datva civaram
patiggahetva ekamantam nikkhipitabbam cunnam databbam mattika
databba sace ussahati jantagharam pavisitabbam jantagharam
Pavisantena mattikaya mukham makkhetva purato ca pacchato ca
paticchadetva jantagharam pavisitabbam na there bhikkhu anupakhajja
nisiditabbam na nava bhikkhu asanena patibahetabba 1- jantaghare
acariyassa parikammam katabbam jantaghara nikkhamantena jantagharapitham
adaya purato ca pacchato ca paticchadetva jantaghara nikkhamitabbam
udakepi acariyassa parikammam katabbam nahatena pathamataram uttaritva
attano gattam vodakam katva nivasetva acariyassa gattato
udakam pamajjitabbam nivasanam databbam sanghati databba jantagharapitham
adaya pathamataram agantva asanam pannapetabbam padodakam
padapitham padakathalikam upanikkhipitabbam acariyo paniyena pucchitabbo.
{93.4} Sace uddisapetukamo hoti uddisapetabbo sace
paripucchitukamo hoti paripucchitabbo . yasmim vihare acariyo viharati
sace so viharo uklapo hoti sace ussahati sodhetabbo viharam
sodhentena pathamam pattacivaram niharitva ekamantam nikkhipitabbam
nisidanapaccattharanam niharitva ekamantam nikkhipitabbam bhisibimbohanam
niharitva ekamantam nikkhipitabbam manco nicam katva sadhukam
aparighamsantena asanghattantena kavatapittham niharitva ekamantam
nikkhipitabbo pitham nicam katva sadhukam aparighamsantena asanghattantena
kavatapittham niharitva ekamantam nikkhipitabbam mancapatipadaka
niharitva ekamantam nikkhipitabba khelamallako niharitva ekamantam
@Footnote: 1 Ma. patibahitabba.
Nikkhipitabbo apassenaphalakam niharitva ekamantam nikkhipitabbam
bhummattharanam yathapannattam sallakkhetva niharitva ekamantam
nikkhipitabbam.
{93.5} Sace vihare santanakam hoti ulloka pathamam oharatabbam
alokasandhikannabhaga pamajjitabba sace gerukaparikammakata bhitti
kannakita hoti colakam temetva piletva pamajjitabba sace
kalavannakata bhumi kannakita hoti colakam temetva piletva
pamajjitabba sace akata hoti bhumi udakena paripphosetva
sammajjitabba ma viharo rajena uhanniti sankaram vicinitva
ekamantam chaddetabbam bhummattharanam otapetva sodhetva
pappotetva atiharitva yathapannattam pannapetabbam
mancapatipadaka otapetva pamajjitva atiharitva yathathane
thapetabba manco otapetva sodhetva pappotetva nicam
katva sadhukam aparighamsantena asanghattantena kavatapittham atiharitva
yathapannattam pannapetabbo pitham otapetva sodhetva
pappotetva nicam katva sadhukam aparighamsantena asanghattantena
kavatapittham atiharitva yathapannattam pannapetabbam bhisibimbohanam
otapetva sodhetva pappotetva atiharitva yathapannattam
pannapetabbam nisidanapaccattharanam otapetva sodhetva
pappotetva atiharitva yathapannattam pannapetabbam
khelamallako otapetva pamajjitva atiharitva yathathane
Thapetabbo apassenaphalakam otapetva pamajjitva atiharitva
yathathane thapetabbam pattacivaram nikkhipitabbam pattam nikkhipantena
ekena hatthena pattam gahetva ekena hatthena hetthamancam
va hetthapitham va paramasitva patto nikkhipitabbo na ca
anantarahitaya bhumiya patto nikkhipitabbo civaram nikkhipantena
ekena hatthena civaram gahetva ekena hatthena civaravamsam va
civararajjum va pamajjitva parato antam orato bhogam katva
civaram nikkhipitabbam.
{93.6} Sace puratthima saraja vayanti puratthima vatapana
thaketabba sace pacchima saraja vata vayanti pacchima vatapana
thaketabba sace uttara saraja vata vayanti uttara vatapana
thaketabba sace dakkhina saraja vata vayanti dakkhina vatapana
thaketabba sace sitakalo hoti diva vatapana vivaritabba rattim
thaketabba sace unhakalo hoti diva vatapana thaketabba rattim
vivaritabba.
{93.7} Sace parivenam uklapam hoti parivenam sammajjitabbam sace
kotthako uklapo hoti kotthako sammajjitabbo sace upatthanasala
uklapa hoti upatthanasala sammajjitabba sace aggisala
uklapa hoti aggisala sammajjitabba sace vaccakuti uklapa
hoti vaccakuti sammajjitabba sace paniyam na hoti paniyam
upatthapetabbam sace paribhojaniyam na hoti paribhojaniyam
Upatthapetabbam sace acamanakumbhiya udakam na hoti acamanakumbhiya
udakam asincitabbam.
{93.8} Sace acariyassa anabhirati uppanna hoti antevasikena
vupakasetabbo vupakasapetabbo dhammakatha vassa katabba
sace acariyassa kukkuccam uppannam hoti antevasikena vinodetabbam
vinodapetabbam dhammakatha vassa katabba sace acariyassa ditthigatam
uppannam hoti antevasikena vivecetabbam vivecapetabbam dhammakatha
vassa katabba.
{93.9} Sace acariyo garudhammam ajjhapanno hoti parivasaraho
antevasikena ussukkam katabbam kinti nu kho sangho acariyassa parivasam
dadeyyati sace acariyo mulaya patikassanaraho hoti antevasikena
ussukkam katabbam kinti nu kho sangho acariyam mulaya patikasseyyati
sace acariyo manattaraho hoti antevasikena ussukkam katabbam
kinti nu kho sangho acariyassa manattam dadeyyati sace acariyo
abbhanaraho hoti antevasikena ussukkam katabbam kinti nu kho
sangho acariyam abbheyyati.
{93.10} Sace sangho acariyassa kammam kattukamo hoti tajjaniyam
va niyassam va pabbajaniyam va patisaraniyam va ukkhepaniyam va
antevasikena ussukkam katabbam kinti nu kho sangho acariyassa kammam
na kareyya lahukaya va parinameyyati katam va panassa hoti sanghena
kammam tajjaniyam va niyassam va pabbajaniyam va
Patisaraniyam va ukkhepaniyam va antevasikena ussukkam katabbam
kinti nu kho acariyo sammavatteyya lomam pateyya nettharam
vatteyya sangho tam kammam patippassambheyyati.
{93.11} Sace acariyassa civaram dhovitabbam hoti antevasikena
dhovitabbam ussukkam va katabbam kinti nu kho acariyassa civaram dhoviyethati
sace acariyassa civaram katabbam hoti antevasikena katabbam ussukkam
va katabbam kinti nu kho acariyassa civaram kariyethati sace acariyassa
rajanam pacitabbam hoti antevasikena pacitabbam ussukkam va katabbam
kinti nu kho acariyassa rajanam paciyethati sace acariyassa civaram rajetabbam
hoti antevasikena rajetabbam ussukkam va katabbam kinti nu kho
acariyassa civaram rajiyethati civaram rajentena sadhukam samparivattakam
samparivattakam rajetabbam na ca acchinne theve pakkamitabbam.
{93.12} Na acariyam anapuccha ekaccassa patto databbo
na ekaccassa patto patiggahetabbo na ekaccassa civaram databbam
na ekaccassa civaram patiggahetabbam na ekaccassa parikkharo databbo
na ekaccassa parikkharo patiggahetabbo na ekaccassa kesa chedetabba
na ekaccena kesa chedapetabba na ekaccassa parikammam katabbam na
ekaccena parikammam karapetabbam na ekaccassa veyyavacco
katabbo na ekaccena veyyavacco karapetabbo na ekaccassa
Pacchasamanena hotabbam na ekacco pacchasamano adatabbo
na ekaccassa pindapato niharitabbo na ekaccena pindapato
niharapetabbo . na acariyam anapuccha gamo pavisitabbo na
susanam gantabbam na disa pakkamitabba.
{93.13} Sace acariyo gilano hoti yavajivam upatthatabbo
vutthanassa agametabbanti.
Acariyavattam nitthitam.
The Pali Tipitaka in Roman Character Volume 4 page 109-120.
https://84000.org/tipitaka/read/roman_item.php?book=4&item=91&items=3
Classified by [Item Number] :-
http://84000.org/tipitaka/read/roman_item.php?book=4&item=91&items=3&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=4&item=91&items=3
Compare with The Royal Version of Thai Tipitaka :-
https://84000.org/tipitaka/read/byitem.php?book=4&item=91&items=3
Study Atthakatha :-
https://84000.org/tipitaka/attha/attha.php?b=4&i=91
Contents of The Tipitaka Volume 4
https://84000.org/tipitaka/read/?index_4
https://84000.org/tipitaka/english/?index_4
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
