paliTIPITAKA Volume 41 - Abhidhamma Pitaka 8

Pañhāvāro [1796] Maggārammaṇo dhammo maggārammaṇassa dhammassa hetupaccayena paccayo maggārammaṇā hetū sampayuttakānaṃ khandhānaṃ hetupaccayena paccayo .pe. [1797] Maggārammaṇo dhammo maggādhipatissa dhammassa hetupaccayena paccayo maggārammaṇā hetū sampayuttakānaṃ maggādhipatīnaṃ khandhānaṃ hetupaccayena paccayo. [1798] Maggārammaṇo dhammo maggārammaṇassa ca maggādhipatissa ca dhammassa hetupaccayena paccayo .pe. iminā kāraṇena sattarasa pañhā kātabbā. [1799] Maggahetuko dhammo maggārammaṇassa dhammassa ārammaṇapaccayena paccayo ariyā maggā vuṭṭhahitvā maggaṃ paccavekkhanti cetopariyañāṇena maggahetukacittasamaṅgissa cittaṃ jānanti maggahetukā khandhā cetopariyañāṇassa pubbenivāsānussati- ñāṇassa anāgataṃsañāṇassa āvajjanāya ārammaṇapaccayena paccayo [1800] Maggahetuko dhammo maggādhipatissa dhammassa ārammaṇapaccayena paccayo ariyā maggā vuṭṭhahitvā maggaṃ garuṃ katvā paccavekkhanti. [1801] Maggahetuko dhammo maggārammaṇassa ca maggādhipatissa ca dhammassa ārammaṇapaccayena paccayo ariyā maggā vuṭṭhahitvā maggaṃ Garuṃ katvā paccavekkhanti. [1802] Maggādhipati dhammo maggādhipatissa dhammassa ārammaṇa- paccayena paccayo ariyā maggā vuṭṭhahitvā maggaṃ garuṃ katvā paccavekkhanti. [1803] Maggādhipati dhammo maggārammaṇassa dhammassa ārammaṇapaccayena paccayo ariyā maggā vuṭṭhahitvā maggaṃ paccavekkhanti cetopariyañāṇena maggādhipaticittasamaṅgissa cittaṃ jānanti maggādhipatī khandhā cetopariyañāṇassa pubbenivāsānussatiñāṇassa anāgataṃsañāṇassa āvajjanāya ārammaṇapaccayena paccayo. [1804] Maggādhipati dhammo maggārammaṇassa ca maggādhipatissa ca dhammassa ārammaṇapaccayena paccayo ariyā maggā vuṭṭhahitvā maggaṃ garuṃ katvā paccavekkhanti. [1805] Maggahetuko ca maggādhipati ca dhammā maggārammaṇassa dhammassa ārammaṇapaccayena paccayo ariyā maggā vuṭṭhahitvā maggaṃ paccavekkhanti cetopariyañāṇena maggahetukamaggādhipaticittasamaṅgissa cittaṃ jānanti maggahetukā ca maggādhipatī ca khandhā cetopariyañāṇassa pubbenivāsānussatiñāṇassa anāgataṃsañāṇassa āvajjanāya ārammaṇapaccayena paccayo. [1806] Maggahetuko ca maggādhipati ca dhammā maggādhipatissa dhammassa ārammaṇapaccayena paccayo ariyā maggā vuṭṭhahitvā Maggaṃ garuṃ katvā paccavekkhanti. [1807] Maggahetuko ca maggādhipati ca dhammā maggārammaṇassa ca maggādhipatissa ca dhammassa ārammaṇapaccayena paccayo ariyā maggā vuṭṭhahitvā maggaṃ garuṃ katvā paccavekkhanti. [1808] Maggārammaṇo dhammo maggārammaṇassa dhammassa adhipatipaccayena paccayo . sahajātādhipati: maggārammaṇādhipati sampayuttakānaṃ khandhānaṃ adhipatipaccayena paccayo. [1809] Maggārammaṇo dhammo maggādhipatissa dhammassa adhipatipaccayena paccayo . sahajātādhipati: maggārammaṇādhipati sampayuttakānaṃ maggādhipatīnaṃ khandhānaṃ adhipatipaccayena paccayo. [1810] Maggārammaṇo dhammo maggārammaṇassa ca maggādhipatissa ca dhammassa adhipatipaccayena paccayo . sahajātādhipati: maggārammaṇādhipati sampayuttakānaṃ maggārammaṇānañca maggādhipatīnañca khandhānaṃ adhipatipaccayena paccayo. [1811] Maggahetuko dhammo maggahetukassa dhammassa adhipatipaccayena paccayo . sahajātādhipati: maggahetukādhipati sampayuttakānaṃ khandhānaṃ adhipatipaccayena paccayo. [1812] Maggahetuko dhammo maggārammaṇassa dhammassa adhipatipaccayena paccayo . ārammaṇādhipati: ariyā maggā vuṭṭhahitvā maggaṃ garuṃ katvā paccavekkhanti. [1813] Maggahetuko dhammo maggādhipatissa dhammassa adhipatipaccayena paccayo ārammaṇādhipati sahajātādhipati . ārammaṇādhipati: ariyā maggā vuṭṭhahitvā maggaṃ garuṃ katvā paccavekkhanti . sahajātādhipati: maggahetukādhipati sampayuttakānaṃ maggādhipatīnaṃ khandhānaṃ adhipatipaccayena paccayo. [1814] Maggahetuko dhammo maggārammaṇassa ca maggādhipatissa ca dhammassa adhipatipaccayena paccayo ārammaṇādhipati sahajātādhipati . ārammaṇādhipati: ariyā maggā vuṭṭhahitvā maggaṃ garuṃ katvā paccavekkhanti. [1815] Maggahetuko dhammo maggahetukassa ca maggādhipatissa ca dhammassa adhipatipaccayena paccayo . sahajātādhipati: maggahetukādhipati sampayuttakānaṃ maggahetukānañca maggādhipatīnañca khandhānaṃ adhipatipaccayena paccayo. [1816] Maggādhipati dhammo maggādhipatissa dhammassa adhipatipaccayena paccayo ārammaṇādhipati sahajātādhipati . ārammaṇādhipati: ariyā maggā vuṭṭhahitvā .pe. paccavekkhanti . sahajātādhipati: maggādhipati sampayuttakānaṃ khandhānaṃ adhipatipaccayena paccayo. [1817] Maggādhipati dhammo maggārammaṇassa dhammassa adhipatipaccayena paccayo ārammaṇādhipati sahajātādhipati . Ārammaṇādhipati: ariyā maggā vuṭṭhahitvā .pe. paccavekkhanti . Sahajātādhipati: maggādhipati adhipati sampayuttakānaṃ maggārammaṇānaṃ khandhānaṃ adhipatipaccayena paccayo. [1818] Maggādhipati dhammo maggahetukassa dhammassa adhipatipaccayena paccayo . sahajātādhipati: maggādhipati adhipati sampayuttakānaṃ maggahetukānaṃ khandhānaṃ adhipatipaccayena paccayo. [1819] Maggādhipati dhammo maggārammaṇassa ca maggādhipatissa ca dhammassa adhipatipaccayena paccayo ārammaṇādhipati sahajātādhipati . ārammaṇādhipati: ariyā maggā vuṭṭhahitvā .pe. Sahajātādhipati: maggādhipati adhipati sampayuttakānaṃ maggārammaṇānañca maggādhipatīnañca khandhānaṃ adhipatipaccayena paccayo. [1820] Maggādhipati dhammo maggahetukassa ca maggādhipatissa ca dhammassa adhipatipaccayena paccayo . sahajātādhipati: maggādhipati adhipati sampayuttakānaṃ maggahetukānañca maggādhipatīnañca khandhānaṃ adhipatipaccayena paccayo. [1821] Maggārammaṇo ca maggādhipati ca dhammā maggārammaṇassa dhammassa adhipatipaccayena paccayo . sahajātādhipati: maggārammaṇā ca maggādhipati ca adhipati sampayuttakānaṃ maggārammaṇānaṃ khandhānaṃ adhipatipaccayena paccayo. [1822] Maggārammaṇo ca maggādhipati ca dhammā maggādhipatissa Dhammassa adhipatipaccayena paccayo . sahajātādhipati: maggārammaṇā ca maggādhipati ca adhipati sampayuttakānaṃ maggādhipatīnaṃ khandhānaṃ adhipatipaccayena paccayo. [1823] Maggārammaṇo ca maggādhipati ca dhammā maggārammaṇassa ca maggādhipatissa ca dhammassa adhipatipaccayena paccayo . Sahajātādhipati: maggārammaṇā ca maggādhipati ca adhipati sampayuttakānaṃ maggārammaṇānañca maggādhipatīnañca khandhānaṃ adhipatipaccayena paccayo.

The Pali Tipitaka in Roman Character Volume 41 page 515-520. https://84000.org/tipitaka/read/roman_item.php?book=41&item=1796&items=28 Classified by [Item Number] :- http://84000.org/tipitaka/read/roman_item.php?book=41&item=1796&items=28&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=41&item=1796&items=28 Compare with The Royal Version of Thai Tipitaka :- https://84000.org/tipitaka/read/byitem.php?book=41&item=1796&items=28 Study Atthakatha :- https://84000.org/tipitaka/attha/attha.php?b=41&i=1796 Contents of The Tipitaka Volume 41 https://84000.org/tipitaka/read/?index_41 https://84000.org/tipitaka/english/?index_41