paliTIPITAKA Volume 41 - Abhidhamma Pitaka 8

Pañhāvāro [876] Dassanenapahātabbahetuko dhammo dassanenapahātabbahetukassa dhammassa hetupaccayena paccayo dassanenapahātabbahetukā hetū sampayuttakānaṃ khandhānaṃ hetupaccayena paccayo .pe. [877] Dassanenapahātabbahetuko dhammo nevadassanenanabhāvanāya- pahātabbahetukassa dhammassa hetupaccayena paccayo dassanena- pahātabbahetukā hetū cittasamuṭṭhānānaṃ rūpānaṃ hetupaccayena paccayo. [878] Dassanenapahātabbahetuko dhammo dassanenapahātabba- hetukassa ca nevadassanenanabhāvanāyapahātabbahetukassa ca dhammassa hetupaccayena paccayo dassanenapahātabbahetukā hetū sampayuttakānaṃ Khandhānaṃ cittasamuṭṭhānānañca rūpānaṃ hetupaccayena paccayo . bhāvanāya ... tīṇi .pe. nevadassanenanabhāvanāyapahātabbahetuko dhammo nevadassanenanabhāvanāya ... Ekaṃ. [879] Nevadassanenanabhāvanāyapahātabbahetuko dhammo dassanenapahātabbahetukassa dhammassa hetupaccayena paccayo vicikicchāsahagato moho sampayuttakānaṃ khandhānaṃ hetupaccayena paccayo. [880] Nevadassanenanabhāvanāyapahātabbahetuko dhammo bhāvanāyapahātabbahetukassa dhammassa hetupaccayena paccayo uddhaccasahagato moho sampayuttakānaṃ khandhānaṃ hetupaccayena paccayo. [881] Nevadassanenanabhāvanāyapahātabbahetuko dhammo dassanena- pahātabbahetukassa ca nevadassanenanabhāvanāyapahātabbahetukassa ca dhammassa hetupaccayena paccayo vicikicchāsahagato moho sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. [882] Nevadassanenanabhāvanāyapahātabbahetuko dhammo bhāvanāya- pahātabbahetukassa ca nevadassanenanabhāvanāyapahātabbahetukassa ca dhammassa hetupaccayena paccayo uddhaccasahagato moho sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. [883] Dassanenapahātabbahetuko dhammo dassanenapahātabbahetukassa dhammassa ārammaṇapaccayena paccayo dassanenapahātabbahetukaṃ rāgaṃ assādeti abhinandati taṃ ārabbha dassanenapahātabbahetuko Rāgo uppajjati diṭṭhi uppajjati vicikicchā uppajjati dassanenapahātabbahetukaṃ domanassaṃ uppajjati diṭṭhiṃ assādeti abhinandati taṃ ārabbha dassanenapahātabbahetuko rāgo uppajjati diṭṭhi uppajjati vicikicchā uppajjati dassanenapahātabbahetukaṃ domanassaṃ uppajjati vicikicchaṃ ārabbha vicikicchā uppajjati diṭṭhi uppajjati dassanenapahātabbahetukaṃ domanassaṃ uppajjati dassanenapahātabbahetukaṃ domanassaṃ ārabbha dassanenapahātabbahetukaṃ domanassaṃ uppajjati diṭṭhi uppajjati vicikicchā uppajjati. [884] Dassanenapahātabbahetuko dhammo nevadassanenanabhāvanāya- pahātabbahetukassa dhammassa ārammaṇapaccayena paccayo ariyā dassanenapahātabbahetuke pahīne kilese paccavekkhanti vikkhambhite ... Pubbe .pe. dassanenapahātabbahetuke khandhe aniccato dukkhato anattato ... cetopariyañāṇena dassanenapahātabbahetukā khandhā cetopariyañāṇassa pubbenivāsānussatiñāṇassa yathākammūpagañāṇassa anāgataṃsañāṇassa āvajjanāya mohassa ca ārammaṇapaccayena paccayo. [885] Dassanenapahātabbahetuko dhammo dassanenapahātabbahetukassa ca nevadassanenanabhāvanāyapahātabbahetukassa ca dhammassa ... dassanena- pahātabbahetuke khandhe ārabbha vicikicchāsahagatā khandhā ca moho ca uppajjanti. [886] Bhāvanāyapahātabbahetuko dhammo bhāvanāyapahātabbahetukassa Dhammassa ārammaṇapaccayena paccayo bhāvanāyapahātabbahetukaṃ rāgaṃ assādeti abhinandati taṃ ārabbha bhāvanāyapahātabbahetuko rāgo uppajjati uddhaccaṃ uppajjati bhāvanāyapahātabbahetukaṃ domanassaṃ uppajjati uddhaccaṃ ārabbha uddhaccaṃ uppajjati bhāvanāyapahātabbahetukaṃ domanassaṃ uppajjati bhāvanāya- pahātabbahetukaṃ domanassaṃ ārabbha bhāvanāyapahātabbahetukaṃ domanassaṃ uppajjati uddhaccaṃ uppajjati. [887] Bhāvanāyapahātabbahetuko dhammo dassanenapahātabbahetukassa dhammassa ... bhāvanāyapahātabbahetukaṃ rāgaṃ assādeti abhinandati taṃ ārabbha dassanenapahātabbahetuko rāgo uppajjati diṭṭhi uppajjati vicikicchā uppajjati dassanenapahātabbahetukaṃ domanassaṃ uppajjati uddhaccaṃ ārabbha diṭṭhi uppajjati vicikicchā uppajjati dassanenapahātabbahetukaṃ domanassaṃ uppajjati bhāvanāyapahātabbahetukaṃ domanassaṃ ārabbha dassanenapahātabbahetukaṃ domanassaṃ uppajjati diṭṭhi uppajjati vicikicchā uppajjati. [888] Bhāvanāyapahātabbahetuko dhammo nevadassanena- nabhāvanāyapahātabbahetukassa dhammassa ... ariyā bhāvanāya- pahātabbahetukaṃ pahīnaṃ kilesaṃ paccavekkhanti vikkhambhitakilesaṃ ... Pubbe samudāciṇṇe ... bhāvanāyapahātabbahetuke khandhe aniccato ... cetopariyañāṇena bhāvanāyapahātabbahetukā khandhā cetopariyañāṇassa pubbenivāsānussatiñāṇassa Yathākammūpagañāṇassa anāgataṃsañāṇassa āvajjanāya mohassa ca ārammaṇapaccayena paccayo. [889] Bhāvanāyapahātabbahetuko dhammo dassanenapahātabba- hetukassa ca nevadassanenanabhāvanāyapahātabbahetukassa ca dhammassa ārammaṇapaccayena paccayo bhāvanāyapahātabbahetuke khandhe ārabbha vicikicchāsahagatā khandhā ca moho ca uppajjanti. [890] Bhāvanāyapahātabbahetuko dhammo bhāvanāyapahātabbahetukassa ca nevadassanenanabhāvanāyapahātabbahetukassa ca dhammassa ... Bhāvanāyapahātabbahetuke khandhe ārabbha uddhaccasahagatā khandhā ca moho ca uppajjanti. [891] Nevadassanenanabhāvanāyapahātabbahetuko dhammo nevadassanenanabhāvanāyapahātabbahetukassa dhammassa ārammaṇapaccayena paccayo dānaṃ datvā ... . vitthāretabbaṃ dassanattikasadisaṃ . ... Āvajjanāya mohassa ca ārammaṇapaccayena paccayo. [892] Nevadassanenanabhāvanāyapahātabbahetuko dhammo dassanenapahātabbahetukassa dhammassa ārammaṇapaccayena paccayo dānaṃ datvā .... Yathā dassanattikaṃ. [893] Nevadassanenanabhāvanāyapahātabbahetuko dhammo bhāvanāyapahātabbahetukassa dhammassa ārammaṇapaccayena paccayo dānaṃ datvā .... Yathā dassanattikaṃ. [894] Nevadassanenanabhāvanāyapahātabbahetuko dhammo dassanena- pahātabbahetukassa ca nevadassanenanabhāvanāyapahātabbahetukassa ca dhammassa ... cakkhuṃ ārabbha vicikicchāsahagatā khandhā ca moho ca uppajjanti sotaṃ ... vatthuṃ ... Nevadassanenanabhāvanāyapahātabbahetuke khandhe ārabbha vicikicchāsahagatā khandhā ca moho ca uppajjanti.

The Pali Tipitaka in Roman Character Volume 41 page 285-290. https://84000.org/tipitaka/read/roman_item.php?book=41&item=876&items=19 Classified by [Item Number] :- http://84000.org/tipitaka/read/roman_item.php?book=41&item=876&items=19&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=41&item=876&items=19 Compare with The Royal Version of Thai Tipitaka :- https://84000.org/tipitaka/read/byitem.php?book=41&item=876&items=19 Study Atthakatha :- https://84000.org/tipitaka/attha/attha.php?b=41&i=876 Contents of The Tipitaka Volume 41 https://84000.org/tipitaka/read/?index_41 https://84000.org/tipitaka/english/?index_41