Abhidhammapitake patthanam
tatiyo bhago
anulomadukapatthanam purimam
----------
namo tassa bhagavato arahato sammasambuddhassa.
Hetudukam
paticcavaro
[1] Hetum dhammam paticca hetu dhammo uppajjati hetupaccaya:
alobham paticca adoso amoho adosam paticca alobho amoho
amoham paticca alobho adoso lobham paticca moho moham
paticca lobho dosam paticca moho moham paticca doso
patisandhikkhane .pe. hetum dhammam paticca nahetu dhammo uppajjati
hetupaccaya: hetum dhammam paticca sampayuttaka khandha cittasamutthananca
rupam patisandhikkhane .pe. hetum dhammam paticca hetu ca nahetu ca dhamma
uppajjanti hetupaccaya: alobham paticca adoso amoho sampayuttaka
ca khandha cittasamutthananca rupam . cakkam bandhitabbam . lobham paticca
moho sampayuttaka ca khandha cittasamutthananca rupam .pe. Patisandhikkhane .pe.
{1.1} Nahetum dhammam paticca nahetu dhammo uppajjati hetupaccaya:
nahetum ekam khandham paticca tayo khandha cittasamutthananca rupam .pe. Dve
khandhe paticca dve khandha cittasamutthananca rupam patisandhikkhane
khandhe paticca vatthu vatthum paticca khandha ekam mahabhutam .pe.
Nahetum dhammam paticca hetu dhammo uppajjati hetupaccaya: nahetu
khandhe paticca hetu patisandhikkhane vatthum paticca hetu . nahetum
dhammam paticca hetu ca nahetu ca dhamma uppajjanti hetupaccaya:
nahetum ekam khandham paticca tayo khandha hetu ca cittasamutthananca
rupam .pe. dve khandhe paticca dve khandha hetu ca cittasamutthananca
rupam patisandhikkhane vatthum paticca hetu sampayuttaka ca khandha.
{1.2} Hetunca nahetunca dhammam paticca hetu dhammo uppajjati
hetupaccaya: alobhanca sampayuttake ca khandhe paticca adoso amoho.
Cakkam bandhitabbam . lobhanca sampayuttake ca khandhe paticca moho dosanca
sampayuttake ca khandhe paticca moho patisandhikkhane alobhanca
vatthunca paticca adoso amoho .pe. hetunca nahetunca dhammam
paticca nahetu dhammo uppajjati hetupaccaya: nahetum ekam khandhanca
hetunca paticca tayo khandha cittasamutthananca rupam .pe. dve
khandhe ca hetunca paticca dve khandha cittasamutthananca rupam
patisandhikkhane vatthunca hetunca paticca sampayuttaka khandha.
{1.3} Hetunca nahetunca dhammam paticca hetu ca nahetu ca dhamma
Uppajjanti hetupaccaya: nahetum ekam khandhanca alobhanca paticca
tayo khandha adoso amoho cittasamutthananca rupam .pe.
Dve khandhe ca alobhanca paticca dve khandha adoso amoho
cittasamutthananca rupam . cakkam bandhitabbam . nahetum ekam khandhanca
lobhanca paticca tayo khandha moho ca cittasamutthananca rupam .pe.
Dve khandhe .pe. patisandhikkhane vatthunca alobhanca paticca
adoso amoho sampayuttaka ca khandha .pe.
[2] Hetum dhammam paticca hetu dhammo uppajjati arammanapaccaya:
rupam chaddetva arupeyeva nava panha . adhipatipaccaya:
patisandhi natthi paripunnam ekam mahabhutam paticca .pe. mahabhute
paticca cittasamutthanam rupam upadarupam idam nanam . anantarapaccaya:
samanantarapaccaya: sahajatapaccaya: sabbe mahabhuta yava asannasatta.
Annamannapaccaya: nissayapaccaya: upanissayapaccaya:
purejatapaccaya: asevanapaccaya: dvisupi patisandhi natthi .
Kammapaccaya: vipakapaccaya:. Sankhittam. Avigatapaccaya:.
[3] Hetuya nava arammane nava sabbattha nava avigate
nava. Evam ganetabbam.
Anulomam nitthitam.
[4] Nahetum dhammam paticca nahetu dhammo uppajjati nahetupaccaya:
ahetukam nahetum ekam khandham paticca tayo khandha cittasamutthananca
Rupam .pe. dve khandhe ... ahetukapatisandhikkhane
khandhe paticca vatthu vatthum paticca khandha ekam mahabhutam .pe.
Bahiram ... aharasamutthanam ... Utusamutthanam ... Asannasattanam .pe.
Nahetum dhammam paticca hetu dhammo uppajjati nahetupaccaya:
vicikicchasahagate uddhaccasahagate khandhe paticca vicikicchasahagato
uddhaccasahagato moho.
[5] Hetum dhammam paticca nahetu dhammo uppajjati naarammanapaccaya:
hetum paticca cittasamutthanam rupam patisandhikkhane .pe.
Nahetum dhammam paticca nahetu dhammo uppajjati naarammanapaccaya:
nahetu khandhe paticca cittasamutthanam rupam patisandhikkhane sabbe
mahabhuta . hetunca nahetunca dhammam paticca nahetu dhammo
uppajjati naarammanapaccaya: hetunca nahetu ca khandhe paticca
cittasamutthanam rupam patisandhikkhane .pe. naadhipatipaccaya:
paripunnam . naanantarapaccaya: nasamanantarapaccaya: naannamannapaccaya:
naupanissayapaccaya:.
[6] Hetum dhammam paticca hetu dhammo uppajjati napurejatapaccaya:
arupe alobham paticca adoso amoho . cakkam bandhitabbam .
Lobham paticca moho moham paticca lobho .pe. patisandhikkhane .pe.
Hetum dhammam paticca nahetu dhammo uppajjati napurejatapaccaya:
arupe hetum paticca sampayuttaka khandha hetum paticca
Cittasamutthanam rupam patisandhikkhane .pe. hetum dhammam paticca
hetu ca nahetu ca dhamma uppajjanti napurejatapaccaya: arupe
alobham paticca adoso amoho sampayuttaka ca khandha . cakkam
bandhitabbam . lobham paticca moho sampayuttaka ca khandha . cakkam
bandhitabbam. Patisandhikkhane .pe.
{6.1} Nahetum dhammam paticca nahetu dhammo uppajjati napurejatapaccaya:
arupe nahetum ekam khandham paticca tayo khandha .pe. Dve khandhe paticca dve
khandha nahetu khandhe paticca cittasamutthanam rupam patisandhikkhane .pe.
Nahetum dhammam paticca hetu dhammo uppajjati napurejatapaccaya:
arupe nahetu khandhe paticca hetu patisandhikkhane .pe. nahetum
dhammam paticca hetu ca nahetu ca dhamma uppajjanti napurejatapaccaya:
arupe nahetum ekam khandham paticca tayo khandha hetu ca .pe.
Dve khandhe .pe. Patisandhikkhane .pe.
{6.2} Hetunca nahetunca dhammam paticca hetu dhammo uppajjati
napurejatapaccaya: arupe alobhanca sampayuttake ca khandhe paticca
adoso amoho . cakkam bandhitabbam . arupe lobhanca sampayuttake ca
khandhe paticca moho . cakkam bandhitabbam. Patisandhikkhane .pe. Hetunca
nahetunca dhammam paticca nahetu dhammo uppajjati napurejatapaccaya:
arupe nahetum ekam khandhanca hetunca paticca tayo khandha .pe.
Dve khandhe ... nahetu khandhe ca hetunca paticca cittasamutthanam
Rupam patisandhikkhane .pe. hetunca nahetunca dhammam paticca
hetu ca nahetu ca dhamma uppajjanti napurejatapaccaya: arupe
nahetum ekam khandhanca alobhanca paticca tayo khandha adoso
amoho ca .pe. dve khandhe ... . cakkam bandhitabbam . nahetum
ekam khandhanca lobhanca paticca tayo khandha moho ca . cakkam
bandhitabbam. Patisandhikkhane .pe.
[7] Hetum dhammam paticca hetu dhammo uppajjati napacchajatapaccaya:.
... Naasevanapaccaya:.
[8] Hetum dhammam paticca nahetu dhammo uppajjati nakammapaccaya:
hetum paticca sampayuttaka cetana . nahetum dhammam paticca
nahetu dhammo uppajjati nakammapaccaya: nahetu khandhe paticca
sampayuttaka cetana bahiram ... Aharasamutthanam ... Utusamutthanam ....
Hetunca nahetunca dhammam paticca nahetu dhammo uppajjati nakammapaccaya:
hetunca sampayuttake ca khandhe paticca sampayuttaka
cetana.
[9] Hetum dhammam paticca hetu dhammo uppajjati navipakapaccaya:
nava.
[10] Nahetum dhammam paticca nahetu dhammo uppajjati naaharapaccaya:
bahiram ... utusamutthanam ... asannasattanam ekam mahabhutam paticca
tayo mahabhuta .pe. Mahabhute paticca katattarupam upadarupam.
[11] ... Naindriyapaccaya: bahiram ... Aharasamutthanam ...
Utusamutthanam ekam mahabhutam .pe. mahabhute paticca upadarupam
asannasattanam mahabhute paticca rupajivitindriyam.
[12] ... Najhanapaccaya: pancavinnanasahagatam ekam khandham .pe.
Bahiram ... Aharasamutthanam ... Utusamutthanam ... Asannasattanam .pe.
[13] ... Namaggapaccaya: ahetukam nahetum ekam khandham paticca .pe.
Ahetukapatisandhikkhane ... bahiram ... aharasamutthanam ...
Utusamutthanam ... Asannasattanam .pe. Nasampayuttapaccaya: navippayuttapaccaya:
napurejatasadisam arupapanhayeva. Nonatthipaccaya: novigatapaccaya:.
[14] Nahetuya dve naarammane tini naadhipatiya nava
naanantare tini nasamanantare tini naannamanne tini
naupanissaye tini napurejate nava napacchajate nava naasevane
nava nakamme tini navipake nava naahare ekam naindriye
ekam najhane ekam namagge ekam nasampayutte tini
navippayutte nava nonatthiya tini novigate tini . evam
ganetabbam.
Paccaniyam nitthitam.
[15] Hetupaccaya naarammane tini ... naadhipatiya nava
naanantare tini . sankhittam . ... naupanissaye tini napurejate nava
naasevane nava nakamme tini navipake nava nasampayutte tini
Navippayutte nava nonatthiya tini novigate tini.
Anulomapaccaniyam nitthitam.
[16] Nahetupaccaya arammane dve ... anantare dve .
Sankhittam . ... kamme dve vipake ekam ahare dve indriye
dve jhane dve magge ekam sampayutte dve . sankhittam .
... Avigate dve.
Paccaniyanulomam nitthitam.
Sahajatavaropi paticcavarasadiso . paccayavaropi nissayavaropi
paticcavarasadisayeva panha mahabhutesu nitthitesu vatthum paccayati
katabba pancayatanani anulomepi paccaniyepi yatha labbhanti
tatha katabba . samsatthavaropi sampayuttavaropi paripunna rupam
natthi arupameva.
Panhavaro
[17] Hetu dhammo hetussa dhammassa hetupaccayena paccayo:
alobho adosassa amohassa hetupaccayena paccayo . cakkam
bandhitabbam . lobho mohassa hetupaccayena paccayo doso mohassa
hetupaccayena paccayo patisandhikkhane .pe. hetu dhammo nahetussa
dhammassa hetupaccayena paccayo: hetu sampayuttakanam khandhanam
cittasamutthanananca rupanam hetupaccayena paccayo patisandhikkhane
.pe. hetu dhammo hetussa ca nahetussa ca dhammassa hetupaccayena
Paccayo: alobho adosassa amohassa sampayuttakananca khandhanam
cittasamutthanananca rupanam hetupaccayena paccayo . cakkam
bandhitabbam. Lobho mohassa .pe. Patisandhikkhane .pe.
[18] Hetu dhammo hetussa dhammassa arammanapaccayena
paccayo: hetum arabbha hetu uppajjanti . hetu dhammo nahetussa
dhammassa arammanapaccayena paccayo: hetum arabbha nahetu khandha
uppajjanti . hetu dhammo hetussa ca nahetussa ca dhammassa
arammanapaccayena paccayo: hetum arabbha hetu ca sampayuttaka ca
khandha uppajjanti . nahetu dhammo nahetussa dhammassa arammanapaccayena
paccayo: danam datva silam samadiyitva uposathakammam
katva tam paccavekkhati pubbe sucinnani paccavekkhati jhana
vutthahitva jhanam paccavekkhati ariya magga vutthahitva maggam
paccavekkhanti phalam ... nibbanam ... nibbanam gotrabhussa vodanassa
maggassa phalassa avajjanaya arammanapaccayena paccayo ariya
nahetu pahine kilese paccavekkhanti vikkhambhite kilese ... pubbe
samudacinne kilese jananti cakkhum ... .pe.
{18.1} Vatthum ... nahetu khandhe aniccato dukkhato anattato
vipassanti .pe. domanassam uppajjati dibbena cakkhuna rupam passati
dibbaya sotadhatuya saddam sunati cetopariyananena
nahetucittasamangissa cittam janati akasanancayatanakiriyam
vinnanancayatanakiriyassa akincannayatanakiriyam
Nevasannanasannayatanakiriyassa rupayatanam cakkhuvinnanassa
.pe. photthabbayatanam kayavinnanassa arammanapaccayena
paccayo nahetu khandha iddhividhananassa cetopariyananassa
pubbenivasanussatinanassa yathakammupagananassa anagatamsananassa
avajjanaya arammanapaccayena paccayo.
{18.2} Nahetu dhammo hetussa dhammassa arammanapaccayena paccayo:
danam datva ... pathamagamanamyeva avajjana natthi rupayatanam cakkhuvinnanassa
.pe. photthabbayatanam kayavinnanassati idam natthi . nahetu dhammo
hetussa ca nahetussa ca dhammassa arammanapaccayena paccayo: danam datva
silam ... uposathakammam ... Tam paccavekkhati tam arabbha hetu ca sampayuttaka
ca khandha uppajjanti. Tattha thitena imam katabbam dutiyagamanasadisam.
{18.3} Hetu ca nahetu ca dhamma hetussa dhammassa arammanapaccayena
paccayo: hetunca sampayuttake ca khandhe arabbha hetu uppajjanti.
Hetu ca nahetu ca dhamma nahetussa dhammassa arammanapaccayena
paccayo: hetunca sampayuttake ca khandhe arabbha nahetu khandha
uppajjanti . hetu ca nahetu ca dhamma hetussa ca nahetussa ca
dhammassa arammanapaccayena paccayo: hetunca sampayuttake ca
khandhe arabbha hetu ca sampayuttaka ca khandha uppajjanti.
[19] Hetu dhammo hetussa dhammassa adhipatipaccayena paccayo:
arammanadhipati sahajatadhipati . arammanadhipati: hetum garum katva
Hetu uppajjanti . sahajatadhipati: hetu adhipati sampayuttakanam
hetunam adhipatipaccayena paccayo . hetu dhammo nahetussa dhammassa
adhipatipaccayena paccayo: arammanadhipati sahajatadhipati .
Arammanadhipati: hetum garum katva nahetu khandha uppajjanti .
Sahajatadhipati: hetu adhipati sampayuttakanam khandhanam cittasamutthanananca
rupanam adhipatipaccayena paccayo . hetu dhammo hetussa ca
nahetussa ca dhammassa adhipatipaccayena paccayo: arammanadhipati
sahajatadhipati . arammanadhipati: hetum garum katva hetu ca
sampayuttaka ca khandha uppajjanti . sahajatadhipati: hetu adhipati
sampayuttakanam khandhanam hetunanca cittasamutthanananca rupanam
adhipatipaccayena paccayo.
{19.1} Nahetu dhammo nahetussa dhammassa adhipatipaccayena paccayo:
arammanadhipati sahajatadhipati . arammanadhipati: danam datvati
vittharetabbam yava nahetu khandha . sahajatadhipati: nahetu adhipati
sampayuttakanam khandhanam cittasamutthanananca rupanam adhipatipaccayena
paccayo . nahetu dhammo hetussa dhammassa adhipatipaccayena paccayo:
arammanadhipati sahajatadhipati . arammanadhipati: danam datva ...
Sankhittam yava vatthu nahetu ca khandha tava katabbam. Sahajatadhipati:
nahetu adhipati sampayuttakanam hetunam adhipatipaccayena paccayo.
{19.2} Nahetu dhammo hetussa ca nahetussa ca
dhammassa adhipatipaccayena paccayo: arammanadhipati
Sahajatadhipati . arammanadhipati: danam datva silam ... Uposathakammam ...
Tam garum katva paccavekkhati tam garum katva nahetu khandha ca
hetu ca uppajjanti pubbe sucinnani yava vatthu nahetu khandha ca
tava katabbam . sahajatadhipati: nahetu adhipati sampayuttakanam khandhanam
hetunanca cittasamutthanananca rupanam adhipatipaccayena paccayo.
{19.3} Hetu ca nahetu ca dhamma hetussa dhammassa adhipatipaccayena
paccayo: arammanadhipati: hetunca sampayuttake ca khandhe garum katva
hetu uppajjanti . hetu ca nahetu ca dhamma nahetussa dhammassa
adhipatipaccayena paccayo: arammanadhipati: hetunca sampayuttake ca
khandhe garum katva nahetu khandha uppajjanti . hetu ca nahetu ca
dhamma hetussa ca nahetussa ca dhammassa adhipatipaccayena paccayo:
arammanadhipati: hetunca sampayuttake ca khandhe garum katva hetu ca
sampayuttaka ca khandha uppajjanti.
[20] Hetu dhammo hetussa dhammassa anantarapaccayena paccayo:
purima purima hetu pacchimanam pacchimanam hetunam anantarapaccayena
paccayo . hetu dhammo nahetussa dhammassa anantarapaccayena paccayo:
purima purima hetu pacchimanam pacchimanam nahetunam khandhanam anantarapaccayena
paccayena paccayo . hetu dhammo hetussa ca nahetussa ca dhammassa
anantarapaccayena paccayo: purima purima hetu pacchimanam pacchimanam
hetunam sampayuttakananca khandhanam anantarapaccayena paccayo.
{20.1} Nahetu dhammo nahetussa dhammassa anantarapaccayena paccayo:
purima purima nahetu khandha pacchimanam pacchimanam nahetunam khandhanam
anantarapaccayena paccayo anulomam gotrabhussa . sankhittam .
Nevasannanasannayatanam phalasamapattiya anantarapaccayena paccayo .
Nahetu dhammo hetussa dhammassa anantarapaccayena paccayo: nahetu dhammo
hetussa ca nahetussa ca dhammassa anantarapaccayena paccayo: nahetumulakam
tinipi ekasadisam.
{20.2} Hetu ca nahetu ca dhamma hetussa dhammassa anantarapaccayena
paccayo: purima purima hetu ca sampayuttaka ca khandha pacchimanam
pacchimanam hetunam anantarapaccayena paccayo . hetu ca nahetu ca
dhamma nahetussa dhammassa anantarapaccayena paccayo: purima
purima hetu ca sampayuttaka ca khandha pacchimanam pacchimanam
nahetunam khandhanam anantarapaccayena paccayo hetu ca nahetu ca
dhamma hetussa ca nahetussa ca dhammassa anantarapaccayena paccayo:
purima purima hetu ca sampayuttaka ca khandha pacchimanam pacchimanam
hetunam sampayuttakananca khandhanam anantarapaccayena paccayo.
The Pali Tipitaka in Roman Character Volume 42 page 1-13.
https://84000.org/tipitaka/read/roman_item.php?book=42&item=1&items=20
Classified by [Item Number] :-
http://84000.org/tipitaka/read/roman_item.php?book=42&item=1&items=20&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=42&item=1&items=20
Compare with The Royal Version of Thai Tipitaka :-
https://84000.org/tipitaka/read/byitem.php?book=42&item=1&items=20
Study Atthakatha :-
https://84000.org/tipitaka/attha/attha.php?b=42&i=1
Contents of The Tipitaka Volume 42
https://84000.org/tipitaka/read/?index_42
https://84000.org/tipitaka/english/?index_42
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
