บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
Rūpidukaṃ paṭiccavāro [255] Rūpiṃ dhammaṃ paṭicca rūpī dhammo uppajjati hetupaccayā: ekaṃ mahābhūtaṃ paṭicca tayo mahābhūtā dve mahābhūte ... mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ . rūpiṃ dhammaṃ paṭicca arūpī dhammo uppajjati hetupaccayā: paṭisandhikkhaṇe vatthuṃ paṭicca arūpino khandhā . rūpiṃ dhammaṃ paṭicca rūpī ca arūpī ca dhammā uppajjanti hetupaccayā: paṭisandhikkhaṇe vatthuṃ paṭicca arūpino khandhā mahābhūte paṭicca kaṭattārūpaṃ . arūpiṃ dhammaṃ paṭicca arūpī dhammo uppajjati hetupaccayā: arūpiṃ ekaṃ khandhaṃ paṭicca tayo khandhā dve khandhe ... Paṭisandhi. {255.1} Arūpiṃ dhammaṃ paṭicca rūpī dhammo uppajjati hetupaccayā: arūpino khandhe paṭicca cittasamuṭṭhānaṃ rūpaṃ paṭisandhi . arūpiṃ dhammaṃ paṭicca rūpī ca arūpī ca dhammā uppajjanti hetupaccayā: arūpiṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... paṭisandhi . rūpiṃ ca arūpiṃ ca dhammaṃ paṭicca rūpī Dhammo uppajjati hetupaccayā: arūpino khandhe ca mahābhūte ca paṭicca cittasamuṭṭhānaṃ rūpaṃ paṭisandhikkhaṇe ... . rūpiṃ ca arūpiṃ ca dhammaṃ paṭicca arūpī dhammo uppajjati hetupaccayā: paṭisandhikkhaṇe arūpiṃ ekaṃ khandhañca vatthuñca paṭicca tayo khandhā dve khandhe .... Rūpiṃ ca arūpiṃ ca dhammaṃ paṭicca rūpī ca arūpī ca dhammā uppajjanti hetupaccayā: paṭisandhikkhaṇe arūpiṃ ekaṃ khandhañca vatthuñca paṭicca tayo khandhā dve khandhe ... Arūpino khandhe ca mahābhūte ca paṭicca kaṭattārūpaṃ. Saṅkhittaṃ. [256] Hetuyā nava ārammaṇe tīṇi adhipatiyā pañca anantare tīṇi samanantare tīṇi sahajāte nava aññamaññe cha nissaye nava upanissaye tīṇi purejāte ekaṃ āsevane ekaṃ kamme nava vipāke nava āhāre nava indriye nava jhāne nava magge nava sampayutte tīṇi vippayutte nava atthiyā nava natthiyā tīṇi vigate tīṇi avigate nava. Anulomaṃ niṭṭhitaṃ. [257] Rūpiṃ dhammaṃ paṭicca rūpī dhammo uppajjati nahetupaccayā: tīṇi . arūpiṃ dhammaṃ paṭicca arūpī dhammo uppajjati nahetupaccayā: ahetukaṃ arūpiṃ ekaṃ khandhaṃ paṭicca tayo khandhā dve khandhe ... Ahetukapaṭisandhikkhaṇe vicikicchāsahagate uddhaccasahagate khandhe paṭicca vicikicchāsahagato uddhaccasahagato moho . nahetupaccayā nava pañhā Ahetukanti niyāmetabbaṃ. [258] Nahetuyā nava naārammaṇe tīṇi naadhipatiyā nava naanantare tīṇi nasamanantare tīṇi naaññamaññe tīṇi naupanissaye tīṇi napurejāte nava napacchājāte nava naāsevane nava nakamme dve navipāke pañca naāhāre ekaṃ naindriye ekaṃ najhāne dve namagge nava nasampayutte tīṇi navippayutte dve nonatthiyā tīṇi novigate tīṇi. Paccanīyaṃ niṭṭhitaṃ. [259] Hetupaccayā naārammaṇe tīṇi ... naadhipatiyā nava naanantare tīṇi nasamanantare tīṇi naaññamaññe tīṇi naupanissaye tīṇi napurejāte nava napacchājāte nava naāsevane nava nakamme ekaṃ navipāke pañca nasampayutte tīṇi navippayutte ekaṃ nonatthiyā tīṇi novigate tīṇi. Anulomapaccanīyaṃ niṭṭhitaṃ. [260] Nahetupaccayā ārammaṇe tīṇi ... Anantare tīṇi samanantare tīṇi sahajāte nava aññamaññe cha nissaye nava upanissaye tīṇi purejāte ekaṃ āsevane ekaṃ kamme nava vipāke nava āhāre nava indriye nava jhāne nava magge ekaṃ sampayutte tīṇi vippayutte nava atthiyā nava natthiyā tīṇi vigate tīṇi avigate nava. Paccanīyānulomaṃ niṭṭhitaṃ. Sahajātavāropi paṭiccavārasadiso paccayavāro [261] Rūpiṃ dhammaṃ paccayā rūpī dhammo uppajjati hetupaccayā: ekaṃ mahābhūtaṃ ... paṭiccasadisaṃ . rūpiṃ dhammaṃ paccayā arūpī dhammo uppajjati hetupaccayā: vatthuṃ paccayā arūpino khandhā paṭisandhi . Rūpiṃ dhammaṃ paccayā rūpī ca arūpī ca dhammā uppajjanti hetupaccayā: vatthuṃ paccayā arūpino khandhā mahābhūte paccayā cittasamuṭṭhānaṃ rūpaṃ paṭisandhi . evaṃ avasesā pañhā pavatti paṭisandhi vibhajjitabbā. [262] Rūpiṃ dhammaṃ paccayā arūpī dhammo uppajjati ārammaṇapaccayā: cakkhāyatanaṃ paccayā cakkhuviññāṇaṃ kāyāyatanaṃ paccayā kāyaviññāṇaṃ vatthuṃ paccayā arūpino khandhā paṭisandhi . arūpiṃ dhammaṃ paccayā arūpī dhammo uppajjati ārammaṇapaccayā: arūpiṃ ekaṃ khandhaṃ ... dve khandhe ... paṭisandhi . rūpiṃ ca arūpiṃ ca dhammaṃ paccayā arūpī dhammo uppajjati ārammaṇapaccayā: cakkhuviññāṇasahagataṃ ekaṃ khandhañca cakkhāyatanañca paccayā tayo khandhā dve khandhe ... kāyaviññāṇasahagataṃ ... arūpiṃ ekaṃ khandhañca vatthuñca paccayā tayo khandhā dve khandhe .... Saṅkhittaṃ. [263] Hetuyā nava ārammaṇe tīṇi adhipatiyā nava anantare tīṇi samanantare tīṇi sahajāte nava aññamaññe cha Nissaye nava upanissaye tīṇi purejāte tīṇi āsevane tīṇi kamme nava . saṅkhittaṃ . magge nava sampayutte tīṇi vippayutte nava atthiyā nava natthiyā tīṇi vigate tīṇi avigate nava. Anulomaṃ niṭṭhitaṃ. [264] Rūpiṃ dhammaṃ paccayā rūpī dhammo uppajjati nahetupaccayā: ekaṃ mahābhūtaṃ ... asaññasattānaṃ ekaṃ mahābhūtaṃ ... . rūpiṃ dhammaṃ paccayā arūpī dhammo uppajjati nahetupaccayā: cakkhāyatanaṃ paccayā cakkhuviññāṇaṃ kāyāyatanaṃ paccayā kāyaviññāṇaṃ vatthuṃ paccayā ahetukā arūpino khandhā ahetukapaṭisandhikkhaṇe vatthuṃ paccayā vicikicchāsahagato uddhaccasahagato moho . rūpiṃ dhammaṃ paccayā rūpī ca arūpī ca dhammā uppajjanti nahetupaccayā: pavatti paṭisandhi kātabbā . arūpiṃ dhammaṃ paccayā arūpī dhammo uppajjati nahetupaccayā: ahetukaṃ arūpiṃ ekaṃ khandhaṃ ... paṭisandhikkhaṇe vicikicchāsahagate uddhaccasahagate khandhe paccayā vicikicchāsahagato uddhaccasahagato moho. {264.1} Arūpiṃ dhammaṃ paccayā rūpī dhammo uppajjati nahetupaccayā: arūpino khandhe paccayā cittasamuṭṭhānaṃ rūpaṃ paṭisandhi . arūpiṃ dhammaṃ paccayā rūpī ca arūpī ca dhammā uppajjanti nahetupaccayā: arūpiṃ ekaṃ khandhaṃ paccayā tayo khandhā cittasamuṭṭhānañca rūpaṃ dve khandhe ... paṭisandhi . rūpiñca arūpiñca dhammaṃ paccayā rūpī dhammo uppajjati nahetupaccayā: arūpino Khandhe ca mahābhūte ca paccayā cittasamuṭṭhānaṃ rūpaṃ paṭisandhi. {264.2} Rūpiñca arūpiñca dhammaṃ paccayā arūpī dhammo uppajjati nahetupaccayā: cakkhuviññāṇasahagataṃ ekaṃ khandhañca cakkhāyatanañca paccayā tayo khandhā dve khandhe ... kāyaviññāṇasahagataṃ ... Arūpiṃ ekaṃ khandhañca vatthuñca paccayā tayo khandhā dve khandhe ... Paṭisandhikkhaṇe vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. {264.3} Rūpiñca arūpiñca dhammaṃ paccayā rūpī ca arūpī ca dhammā uppajjanti nahetupaccayā: arūpiṃ ekaṃ khandhañca vatthuñca paccayā ahetukā tayo khandhā dve khandhe ... Arūpino khandhe ca mahābhūte ca paccayā cittasamuṭṭhānaṃ rūpaṃ paṭisandhi. [265] Nahetuyā nava naārammaṇe tīṇi naadhipatiyā nava naanantare tīṇi nasamanantare tīṇi naaññamaññe tīṇi naupanissaye tīṇi napurejāte nava napacchājāte nava naāsevane nava nakamme cattāri navipāke nava naāhāre ekaṃ naindriye ekaṃ najhāne cattāri namagge nava nasampayutte tīṇi navippayutte dve nonatthiyā tīṇi novigate tīṇi. Paccanīyaṃ niṭṭhitaṃ. [266] Hetupaccayā naārammaṇe tīṇi . saṅkhittaṃ sabbe kātabbā . ... nakamme tīṇi navipāke nava nasampayutte tīṇi Navippayutte ekaṃ nonatthiyā tīṇi novigate tīṇi. Anulomapaccanīyaṃ niṭṭhitaṃ. [267] Nahetupaccayā ārammaṇe tīṇi sabbe kātabbā ... Jhāne nava magge tīṇi saṅkhittaṃ ... Avigate nava. Paccanīyānulomaṃ niṭṭhitaṃ. Nissayavāropi paccayavārasadiso. Saṃsaṭṭhavāro [268] Arūpiṃ dhammaṃ saṃsaṭṭho arūpī dhammo uppajjati hetupaccayā: arūpiṃ ekaṃ khandhaṃ saṃsaṭṭhā tayo khandhā dve khandhe ... Paṭisandhi. [269] Hetuyā ekaṃ avigate ekaṃ. Evaṃ paccanīyampi tīṇi gaṇanāpi sampayuttavāropi sabbe kātabbā ekāyeva pañhā. Pañhāvāro [270] Arūpī dhammo arūpissa dhammassa hetupaccayena paccayo: arūpī hetū sampayuttakānaṃ khandhānaṃ hetupaccayena paccayo paṭisandhi . Arūpī dhammo rūpissa dhammassa hetupaccayena paccayo: arūpī hetū cittasamuṭṭhānānaṃ rūpānaṃ hetupaccayena paccayo paṭisandhi . Arūpī dhammo rūpissa ca arūpissa ca dhammassa hetupaccayena paccayo: arūpī hetū sampayuttakānaṃ khandhānaṃ cittasamuṭṭhānānañca Rūpānaṃ hetupaccayena paccayo paṭisandhi. [271] Rūpī dhammo arūpissa dhammassa ārammaṇapaccayena paccayo: cakkhuṃ ... vatthuṃ itthindriyaṃ purisindriyaṃ jīvitindriyaṃ āpodhātuṃ ... Kabaḷiṃkāraṃ āhāraṃ aniccato ... domanassaṃ uppajjati dibbena cakkhunā rūpaṃ passati dibbāya sotadhātuyā saddaṃ suṇāti rūpāyatanaṃ cakkhuviññāṇassa ārammaṇapaccayena paccayo phoṭṭhabbāyatanaṃ kāyaviññāṇassa ārammaṇapaccayena paccayo rūpino khandhā iddhividhañāṇassa pubbenivāsānussatiñāṇassa anāgataṃsañāṇassa āvajjanāya ārammaṇapaccayena paccayo. {271.1} Arūpī dhammo arūpissa dhammassa ārammaṇapaccayena paccayo: dānaṃ ... sīlaṃ ... uposathakammaṃ ... Taṃ paccavekkhati pubbe suciṇṇāni paccavekkhati jhānā ... ariyā maggā ... Phalaṃ paccavekkhanti nibbānaṃ gotrabhussa vodānassa maggassa phalassa āvajjanāya ārammaṇapaccayena paccayo ariyā pahīne kilese ... Vikkhambhite kilese ... pubbe ... arūpino khandhe aniccato ... domanassaṃ uppajjati cetopariyañāṇena arūpicittasamaṅgissa cittaṃ jānāti ākāsānañcāyatanaṃ viññāṇañcāyatanassa ākiñcaññāyatanaṃ nevasaññānāsaññāyatanassa arūpino khandhā iddhividhañāṇassa cetopariyañāṇassa pubbenivāsānussatiñāṇassa yathākammūpagañāṇassa anāgataṃsañāṇassa āvajjanāya ārammaṇapaccayena paccayo. [272] Rūpī dhammo arūpissa dhammassa adhipatipaccayena paccayo: ārammaṇādhipati cakkhu ... kabaḷiṃkāraṃ āhāraṃ garuṃ katvā assādeti abhinandati taṃ garuṃ katvā rāgo uppajjati diṭṭhi uppajjati . Arūpī dhammo arūpissa dhammassa adhipatipaccayena paccayo: ārammaṇādhipati sahajātādhipati . ārammaṇādhipati: dānaṃ ... . Saṅkhittaṃ . nibbānaṃ maggassa phalassa adhipatipaccayena paccayo arūpino khandhe garuṃ katvā assādeti ... rāgo uppajjati diṭṭhi uppajjati. Sahajātādhipati: arūpī adhipati sampayuttakānaṃ khandhānaṃ adhipatipaccayena paccayo . arūpī dhammo rūpissa dhammassa adhipatipaccayena paccayo: sahajātādhipati: arūpī adhipati cittasamuṭṭhānānaṃ rūpānaṃ adhipatipaccayena paccayo . arūpī dhammo rūpissa ca arūpissa ca dhammassa adhipatipaccayena paccayo: sahajātādhipati: arūpī adhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. [273] Arūpī dhammo arūpissa dhammassa anantarapaccayena paccayo: purimā purimā arūpino khandhā pacchimānaṃ pacchimānaṃ arūpīnaṃ khandhānaṃ phalasamāpattiyā anantarapaccayena paccayo samanantarapaccayena paccayo . sahajātapaccayena paccayo: satta mihaghaṭanā natthi . Aññamaññapacyena paccayo: cha . nissayapaccayena paccayo: satta pañhā mihaghaṭanā natthi. [274] Rūpī dhammo arūpissa dhammassa upanissayapaccayena paccayo: ārammaṇūpanissayo pakatūpanissayo .pe. pakatūpanissayo utuṃ ... Bhojanaṃ ... senāsanaṃ upanissāya dānaṃ deti .pe. saṅghaṃ bhindati utu bhojanaṃ senāsanaṃ saddhāya .pe. phalasamāpattiyā upanissayapaccayena paccayo . arūpī dhammo arūpissa dhammassa upanissayapaccayena paccayo: ārammaṇūpanissayo anantarūpanissayo pakatūpanissayo .pe. pakatūpanissayo: saddhaṃ upanissāya dānaṃ deti ... Sīlaṃ ... .pe. kāyikaṃ dukkhaṃ upanissāya dānaṃ deti .pe. saṅghaṃ bhindati saddhā . .pe. kāyikaṃ dukkhaṃ saddhāya .pe. phalasamāpattiyā upanissayapaccayena paccayo. [275] Rūpī dhammo arūpissa dhammassa purejātapaccayena paccayo: ārammaṇapurejātaṃ vatthupurejātaṃ . ārammaṇapurejātaṃ: cakkhuṃ ... Vatthuṃ ... kabaḷiṃkāraṃ āhāraṃ aniccato ... Domanassaṃ uppajjati dibbena cakkhunā rūpaṃ passati dibbāya sotadhātuyā saddaṃ suṇāti rūpāyatanaṃ cakkhuviññāṇassa phoṭṭhabbāyatanaṃ kāyaviññāṇassa . vatthupurejātaṃ: cakkhāyatanaṃ cakkhuviññāṇassa kāyāyatanaṃ kāyaviññāṇassa vatthu arūpīnaṃ khandhānaṃ purejātapaccayena paccayo:. [276] Arūpī dhammo rūpissa dhammassa pacchājātapaccayena paccayo: pacchājātā arūpino khandhā purejātassa imassa kāyassa pacchājātapaccayena paccayo.The Pali Tipitaka in Roman Character Volume 42 page 141-150. https://84000.org/tipitaka/read/roman_item.php?book=42&item=255&items=22 Classified by [Item Number] :- http://84000.org/tipitaka/read/roman_item.php?book=42&item=255&items=22&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=42&item=255&items=22 Compare with The Royal Version of Thai Tipitaka :- https://84000.org/tipitaka/read/byitem.php?book=42&item=255&items=22 Study Atthakatha :- https://84000.org/tipitaka/attha/attha.php?b=42&i=255 Contents of The Tipitaka Volume 42 https://84000.org/tipitaka/read/?index_42 https://84000.org/tipitaka/english/?index_42
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]