Paccayavāro
[424] Saññojanaṃ dhammaṃ paccayā saññojano dhammo uppajjati
hetupaccayā: tīṇi paṭiccasadisaṃ . nosaññojanaṃ dhammaṃ paccayā
nosaññojano dhammo uppajjati hetupaccayā: nosaññojanaṃ ekaṃ
khandhaṃ paccayā tayo khandhā cittasamuṭṭhānañca rūpaṃ dve khandhe ...
Paṭisandhikkhaṇe khandhe paccayā vatthu vatthuṃ paccayā khandhā ekaṃ
mahābhūtaṃ ... mahābhūte paccayā cittasamuṭṭhānaṃ rūpaṃ kaṭattārūpaṃ
upādārūpaṃ vatthuṃ paccayā nosaññojanā khandhā.
{424.1} Nosaññojanaṃ dhammaṃ paccayā saññojano dhammo uppajjati
Hetupaccayā: nosaññojane khandhe paccayā saññojanā . nosaññojanaṃ
dhammaṃ paccayā saññojano ca nosaññojano ca dhammā uppajjanti
hetupaccayā: nosaññojanaṃ ekaṃ khandhaṃ paccayā tayo khandhā
saññojanañca cittasamuṭṭhānañca rūpaṃ dve khandhe ... vatthuṃ
paccayā saññojanā mahābhūte paccayā cittasamuṭṭhānaṃ rūpaṃ vatthuṃ
paccayā saññojanā sampayuttakā ca khandhā.
{424.2} Saññojanañca nosaññojanañca dhammaṃ paccayā
saññojano dhammo uppajjati hetupaccayā: kāmarāgasaññojanañca
sampayuttake ca khandhe paccayā diṭṭhisaññojanaṃ avijjāsaññojanaṃ
kāmarāgasaññojanañca vatthuñca paccayā diṭṭhisaññojanaṃ
avijjāsaññojanaṃ cakkaṃ bandhitabbaṃ.
{424.3} Saññojanañca nosaññojanañca dhammaṃ paccayā
nosaññojano dhammo uppajjati hetupaccayā: nosaññojanaṃ ekaṃ
khandhañca saññojane ca paccayā tayo khandhā cittasamuṭṭhānañca
rūpaṃ dve khandhe ... cakkaṃ saññojane ca vatthuñca paccayā nosaññojanā
khandhā . saññojanañca nosaññojanañca dhammaṃ paccayā saññojano
ca nosaññojano ca dhammā uppajjanti hetupaccayā: nosaññojanaṃ
ekaṃ khandhañca kāmarāgasaññojanañca paccayā tayo khandhā diṭṭhisaññojanaṃ
avijjāsaññojanaṃ cittasamuṭṭhānañca rūpaṃ dve khandhe ...
Cakkaṃ kāmarāgasaññojanañca vatthuñca paccayā diṭṭhisaññojanaṃ
avijjāsaññojanaṃ sampayuttakā ca khandhā cakkaṃ. Saṅkhittaṃ.
[425] Hetuyā nava ārammaṇe nava sabbattha nava
vipāke ekaṃ avigate nava.
[426] Nahetuyā cattāri . yattha yattha vatthu labbhati tattha
tattha ninnānaṃ kātabbaṃ. Naārammaṇe tīṇi novigate tīṇi.
Evaṃ itarepi dve gaṇanā ca nissayavāro ca kātabbā.
Saṃsaṭṭhavāro
[427] Saññojanaṃ dhammaṃ saṃsaṭṭho saññojano dhammo uppajjati
hetupaccayā: kāmarāgasaññojanaṃ saṃsaṭṭhaṃ diṭṭhisaññojanaṃ avijjāsaññojanaṃ
evaṃ nava pañhā arūpāyeva kātabbā.
Saṃsaṭṭhavāropi sampayuttavāropi evaṃ kātabbā.
Pañhāvāro
[428] Saññojano dhammo saññojanassa dhammassa hetupaccayena
paccayo: saññojanā hetū sampayuttakānaṃ saññojanānaṃ hetupaccayena
paccayo . saññojano dhammo nosaññojanassa dhammassa hetupaccayena
paccayo: saññojanā hetū sampayuttakānaṃ khandhānaṃ cittasamuṭṭhānānañca
rūpānaṃ hetupaccayena paccayo . saññojano dhammo
saññojanassa ca nosaññojanassa ca dhammassa hetupaccayena paccayo:
saññojanā hetū sampayuttakānaṃ khandhānaṃ saññojanānañca cittasamuṭṭhānānañca
rūpānaṃ hetupaccayena paccayo . nosaññojano dhammo
nosaññojanassa dhammassa hetupaccayena paccayo: nosaññojanā
Hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena
paccayo paṭisandhikkhaṇe ....
[429] Saññojano dhammo saññojanassa dhammassa ārammaṇapaccayena
paccayo: saññojane ārabbha saññojanā uppajjanti .
Mūlaṃ kātabbaṃ saññojane ārabbha nosaññojanā khandhā uppajjanti .
Mūlaṃ kātabbaṃ saññojane ārabbha saññojanā ca
sampayuttakā ca khandhā uppajjanti.
{429.1} Nosaññojano dhammo nosaññojanassa dhammassa
ārammaṇapaccayena paccayo: dānaṃ datvā sīlaṃ ... Uposathakammaṃ ... Taṃ
paccavekkhati pubbe suciṇṇāni paccavekkhati jhānā vuṭṭhahitvā jhānaṃ
paccavekkhati ariyā maggā vuṭṭhahitvā maggaṃ paccavekkhanti phalaṃ ...
Nibbānaṃ paccavekkhanti nibbānaṃ gotrabhussa vodānassa maggassa
phalassa āvajjanāya ariyā nosaññojane pahīne kilese ... Vikkhambhite
kilese ... Pubbe ... Cakkhuṃ ... Vatthuṃ ... Nosaññojane khandhe aniccato ...
Domanassaṃ uppajjati dibbena cakkhunā rūpaṃ passati dibbāya sotadhātuyā
saddaṃ suṇāti cetopariyañāṇena nosaññojanacittasamaṅgissa cittaṃ
jānāti ākāsānañcāyatanaṃ viññāṇañcāyatanassa ākiñcaññāyatanaṃ
nevasaññānāsaññāyatanassa rūpāyatanaṃ cakkhuviññāṇassa
phoṭṭhabbāyatanaṃ kāyaviññāṇassa nosaññojanā khandhā iddhividhañāṇassa
cetopariyañāṇassa pubbenivāsānussatiñāṇassa yathākammūpagañāṇassa
Anāgataṃsañāṇassa āvajjanāya ārammaṇapaccayena paccayo.
{429.2} Nosaññojano dhammo saññojanassa dhammassa
ārammaṇapaccayena paccayo: dānaṃ ... Sīlaṃ ... Uposathakammaṃ ... Pubbe
... jhānā ... cakkhuṃ ... Vatthuṃ ... Nosaññojane khandhe assādeti
abhinandati taṃ ārabbha rāgo ... domanassaṃ uppajjati .
Nosaññojano dhammo saññojanassa ca nosaññojanassa ca dhammassa
ārammaṇapaccayena paccayo: dānaṃ ... Sīlaṃ ... Uposathakammaṃ ... Pubbe
... jhānā ... cakkhuṃ ... Vatthuṃ ... Nosaññojane khandhe assādeti
abhinandati taṃ ārabbha saññojanā ca saññojanasampayuttā ca khandhā
uppajjanti . saññojano ca nosaññojano ca dhammā
saññojanassa dhammassa ārammaṇapaccayena paccayo: tīṇi
ārabbhayeva kātabbā.
The Pali Tipitaka in Roman Character Volume 42 page 244-248.
https://84000.org/tipitaka/read/roman_item.php?book=42&item=424&items=6
Classified by [Item Number] :-
http://84000.org/tipitaka/read/roman_item.php?book=42&item=424&items=6&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=42&item=424&items=6
Compare with The Royal Version of Thai Tipitaka :-
https://84000.org/tipitaka/read/byitem.php?book=42&item=424&items=6
Study Atthakatha :-
https://84000.org/tipitaka/attha/attha.php?b=42&i=424
Contents of The Tipitaka Volume 42
https://84000.org/tipitaka/read/?index_42
https://84000.org/tipitaka/english/?index_42
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
