[384] Upādinno dhammo upādinnassa dhammassa atthipaccayena
paccayo: sahajātaṃ purejātaṃ pacchājātaṃ āhāraṃ indriyaṃ . Saṅkhittaṃ.
Yathā nikkhittapadāni vibhajitabbāni paripuṇṇāni . upādinno dhammo
anupādinnassa dhammassa atthipaccayena paccayo: sahajātaṃ purejātaṃ
pacchājātaṃ āhāraṃ. Saṅkhittaṃ. Yathā nikkhittapadāni vitthāretabbāni.
{384.1} Upādinno dhammo upādinnassa ca anupādinnassa ca
dhammassa atthipaccayena paccayo: sahajātaṃ pacchājātaṃ āhāraṃ .
Saṅkhittaṃ . yathā nikkhittapadāni vitthāretabbāni . anupādinno
dhammo anupādinnassa dhammassa atthipaccayena paccayo: sahajātaṃ
purejātaṃ pacchājātaṃ āhāraṃ . saṅkhittaṃ . yathā nikkhittapadāni
vibhajitabbāni.
{384.2} Anupādinno dhammo upādinnassa dhammassa atthi-
paccayena paccayo: purejātaṃ pacchājātaṃ āhāraṃ . purejātaṃ:
purejāte anupādinne rūpe ... Sadde ... Phoṭṭhabbe aniccato .pe.
Domanassaṃ uppajjati kusalākusale niruddhe vipāko tadārammaṇatā
Uppajjati anupādinnaṃ rūpāyatanaṃ cakkhuviññāṇassa phoṭṭhabbāyatanaṃ ... .
Pacchājātā: anupādinnā khandhā purejātassa imassa upādinnassa
kāyassa atthipaccayena paccayo anupādinno kabaḷiṃkāro āhāro
imassa upādinnassa kāyassa atthipaccayena paccayo.
{384.3} Anupādinno dhammo upādinnassa ca anupādinnassa
ca dhammassa atthipaccayena paccayo: pacchājātaṃ āhāraṃ. Pacchājātā:
anupādinnā khandhā purejātassa imassa upādinnassa ca anupādinnassa
ca kāyassa atthipaccayena paccayo anupādinno kabaḷiṃkāro āhāro
imassa upādinnassa ca anupādinnassa ca kāyassa atthipaccayena
paccayo.
{384.4} Upādinno ca anupādinno ca dhammā upādinnassa
dhammassa atthipaccayena paccayo: purejātaṃ pacchājātaṃ āhāraṃ indriyaṃ.
Purejātaṃ: anupādinnaṃ rūpāyatanañca vatthu ca phoṭṭhabbāyatanañca
vatthu ca upādinnānaṃ khandhānaṃ atthipaccayena paccayo anupādinnaṃ
rūpāyatanañca cakkhāyatanañca cakkhuviññāṇassa anupādinnaṃ
phoṭṭhabbāyatanañca kāyāyatanañca kāyaviññāṇassa atthipaccayena
paccayo . pacchājātā: anupādinnā khandhā ca anupādinno kabaḷiṃkāro
āhāro ca imassa upādinnassa kāyassa atthipaccayena paccayo .
Pacchājātā: upādinnā khandhā ca rūpajīvitindriyañca kaṭattārūpānaṃ
atthipaccayena paccayo.
{384.5} Upādinno ca anupādinno ca dhammā anupādinnassa dhammassa
Atthipaccayena paccayo: sahajātaṃ purejātaṃ pacchājātaṃ āhāraṃ. Sahajātā:
upādinnā khandhā ca mahābhūtā ca cittasamuṭṭhānānaṃ rūpānaṃ atthipaccayena
paccayo . sahajāto: anupādinno eko khandho ca vatthu ca tiṇṇannaṃ
khandhānaṃ atthipaccayena paccayo dve khandhā .... Purejātaṃ: anupādinnaṃ
rūpāyatanañca vatthu ca anupādinnānaṃ khandhānaṃ atthipaccayena paccayo
phoṭṭhabbāyatanañca vatthu ca anupādinnānaṃ khandhānaṃ atthipaccayena
paccayo . pacchājātā: upādinnā khandhā ca anupādinno kabaḷiṃkāro
āhāro ca imassa anupādinnassa kāyassa atthipaccayena paccayo.
{384.6} Upādinno ca anupādinno ca dhammā upādinnassa ca
anupādinnassa ca dhammassa atthipaccayena paccayo: āhāraṃ: upādinno
ca anupādinno ca kabaḷiṃkāro āhāro imassa upādinnassa ca
anupādinnassa ca kāyassa atthipaccayena paccayo . ... Natthipaccayena
paccayo: vigatapaccayena paccayo: avigatapaccayena paccayo:.
The Pali Tipitaka in Roman Character Volume 43 page 229-231.
https://84000.org/tipitaka/read/roman_item.php?book=43&item=384&items=1
Classified by [Item Number] :-
http://84000.org/tipitaka/read/roman_item.php?book=43&item=384&items=1&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=43&item=384&items=1
Compare with The Royal Version of Thai Tipitaka :-
https://84000.org/tipitaka/read/byitem.php?book=43&item=384&items=1
Study Atthakatha :-
https://84000.org/tipitaka/attha/attha.php?b=43&i=384
Contents of The Tipitaka Volume 43
https://84000.org/tipitaka/read/?index_43
https://84000.org/tipitaka/english/?index_43
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
