paliTIPITAKA Volume 44 - Abhidhamma Pitaka 11

page1.

Abhidhammapiṭake paṭṭhānaṃ pañcamo bhāgo anulomadukattikapaṭṭhānaṃ ---------- namo tassa bhagavato arahato sammāsambuddhassa. Hetudukakusalattikaṃ paṭiccavāro [1] Hetuṃ kusalaṃ dhammaṃ paṭicca hetu kusalo dhammo uppajjati hetupaccayā: hetuṃ kusalaṃ dhammaṃ paṭicca nahetu kusalo dhammo uppajjati hetupaccayā: hetuṃ kusalaṃ dhammaṃ paṭicca hetu kusalo ca nahetu kusalo ca dhammā uppajjanti hetupaccayā: . nahetuṃ kusalaṃ dhammaṃ paṭicca nahetu kusalo dhammo uppajjati hetupaccayā: nahetuṃ kusalaṃ dhammaṃ paṭicca hetu kusalo dhammo uppajjati hetupaccayā: nahetuṃ kusalaṃ dhammaṃ paṭicca hetu kusalo ca nahetu kusalo ca dhammā uppajjanti hetupaccayā: . hetuṃ kusalañca nahetuṃ kusalañca dhammaṃ paṭicca hetu kusalo dhammo uppajjati hetupaccayā: hetuṃ kusalañca nahetuṃ kusalañca dhammaṃ paṭicca nahetu kusalo dhammo

--------------------------------------------------------------------------------------------- page2.

Uppajjati hetupaccayā: hetuṃ kusalañca nahetuṃ kusalañca dhammaṃ paṭicca hetu kusalo ca nahetu kusalo ca dhammā uppajjanti hetupaccayā:. [2] Hetuṃ kusalaṃ dhammaṃ paṭicca hetu kusalo dhammo uppajjati ārammaṇapaccayā: .pe. [3] Hetuyā nava ārammaṇe nava adhipatiyā nava anantare nava samanantare nava sahajāte nava aññamaññe nava nissaye nava upanissaye nava purejāte nava āsevane nava kamme nava āhāre nava indriye nava jhāne nava magge nava sampayutte nava vippayutte nava atthiyā nava natthiyā nava vigate nava avigate nava. [4] Hetuṃ kusalaṃ dhammaṃ paṭicca hetu kusalo dhammo uppajjati naadhipatipaccayā: hetuṃ kusalaṃ dhammaṃ paṭicca nahetu kusalo dhammo uppajjati naadhipatipaccayā: hetuṃ kusalaṃ dhammaṃ paṭicca hetu kusalo ca nahetu kusalo ca dhammā uppajjanti naadhipatipaccayā: . Nahetuṃ kusalaṃ dhammaṃ paṭicca nahetu kusalo dhammo uppajjati naadhipatipaccayā: tīṇi . hetuṃ kusalañca nahetuṃ kusalañca dhammaṃ paṭicca hetu kusalo dhammo uppajjati naadhipatipaccayā: tīṇi. [5] Hetuṃ kusalaṃ dhammaṃ paṭicca hetu kusalo dhammo uppajjati napurejātapaccayā: nava napacchājātapaccayā: nava naāsevanapaccayā:

--------------------------------------------------------------------------------------------- page3.

Nava. [6] Hetuṃ kusalaṃ dhammaṃ paṭicca nahetu kusalo dhammo uppajjati nakammapaccayā: . nahetuṃ kusalaṃ dhammaṃ paṭicca nahetu kusalo dhammo uppajjati nakammapaccayā: . hetuṃ kusalañca nahetuṃ kusalañca dhammaṃ paṭicca nahetu kusalo dhammo uppajjati nakammapaccayā:. [7] Hetuṃ kusalaṃ dhammaṃ paṭicca hetu kusalo dhammo uppajjati navipākapaccayā: nava navippayuttapaccayā: nava. [8] Naadhipatiyā nava napurejāte nava napacchājāte nava naāsevane nava nakamme tīṇi navipāke nava navippayutte nava. [9] Hetupaccayā naadhipatiyā nava. [10] Naadhipatipaccayā hetuyā nava ... Ārammaṇe nava. Sahajātavāropi paccayavāropi nissayavāropi saṃsaṭṭhavāropi sampayuttavāropi paṭiccavārasadisā vitthāretabbā. Pañhāvāro [11] Hetu kusalo dhammo hetussa kusalassa dhammassa hetupaccayena paccayo: hetu kusalo dhammo nahetussa kusalassa dhammassa hetupaccayena paccayo: hetu kusalo dhammo hetussa kusalassa ca nahetussa kusalassa ca dhammassa hetupaccayena paccayo. [12] Hetu kusalo dhammo hetussa kusalassa dhammassa

--------------------------------------------------------------------------------------------- page4.

Ārammaṇapaccayena paccayo: tīṇi . nahetu kusalo dhammo nahetussa kusalassa dhammassa ārammaṇapaccayena paccayo: tīṇi . hetu kusalo ca nahetu kusalo ca dhammā hetussa kusalassa dhammassa ārammaṇapaccayena paccayo: tīṇi. [13] Hetu kusalo dhammo hetussa kusalassa dhammassa adhipatipaccayena paccayo: ārammaṇādhipati sahajātādhipati tīṇi . Nahetu kusalo dhammo nahetussa kusalassa dhammassa adhipatipaccayena paccayo: ārammaṇādhipati sahajātādhipati tīṇi . hetu kusalo ca nahetu kusalo ca dhammā hetussa kusalassa dhammassa adhipatipaccayena paccayo: ārammaṇādhipati tīṇi. [14] Hetu kusalo dhammo hetussa kusalassa dhammassa anantarapaccayena paccayo: samanantarapaccayena paccayo: sahajātapaccayena paccayo: aññamaññapaccayena paccayo: nissayapaccayena paccayo:.

The Pali Tipitaka in Roman Character Volume 44 page 1-4. https://84000.org/tipitaka/read/roman_item.php?book=44.1&item=1&items=14&pagebreak=1 Classified by [Item Number] :- http://84000.org/tipitaka/read/roman_item.php?book=44.1&item=1&items=14&pagebreak=1&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=44.1&item=1&items=14&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=44.1&item=1&items=14&pagebreak=1 Study Atthakatha :- https://84000.org/tipitaka/attha/attha.php?b=44.1&i=1 Contents of The Tipitaka Volume 44 https://84000.org/tipitaka/read/?index_44 https://84000.org/tipitaka/english/?index_44