Naāsavadukanakusalattike āsavadukakusalattikaṃ
[224] Naāsavaṃ nakusalaṃ dhammaṃ paccayā noāsavo kusalo dhammo
uppajjati hetupaccayā:.
[225] Hetuyā ekaṃ.
[226] Naāsavaṃ naakusalaṃ dhammaṃ paccayā āsavo akusalo dhammo
uppajjati hetupaccayā:.
[227] Hetuyā tīṇi.
[228] Naāsavaṃ naabyākataṃ dhammaṃ paṭicca noāsavo abyākato
dhammo uppajjati hetupaccayā: . nanoāsavaṃ naabyākataṃ dhammaṃ
paṭicca noāsavo abyākato dhammo uppajjati hetupaccayā: .
Dukamūlakaṃ ekaṃ. Tīṇi .pe.
Nasāsavadukanakusalattike sāsavadukakusalattikaṃ
[229] Naanāsavaṃ nakusalaṃ dhammaṃ paccayā anāsavo kusalo dhammo
uppajjati hetupaccayā:.
[230] Hetuyā dve.
[231] Naanāsavaṃ naakusalaṃ dhammaṃ paccayā āsavo akusalo dhammo
uppajjati hetupaccayā:
[232] Hetuyā ekaṃ.
Naāsavasampayuttadukanakusalattike
āsavasampayuttadukakusalattikaṃ
[233] Naāsavasampayuttaṃ nakusalaṃ dhammaṃ paccayā āsavavippayutto
kusalo dhammo uppajjati hetupaccayā:.
[234] Hetuyā ekaṃ.
[235] Naāsavasampayuttaṃ naakusalaṃ dhammaṃ paccayā āsavasampayutto
akusalo dhammo uppajjati hetupaccayā:.
[236] Hetuyā tīṇi.
[237] Naāsavasampayuttaṃ naabyākataṃ dhammaṃ paṭicca
Āsavavippayutto abyākato dhammo uppajjati hetupaccayā:.
[238] Hetuyā tīṇi.
Naāsavasāsavadukanakusalattike āsavasāsavadukakusalattikaṃ
[239] Naāsavañcevanaanāsavañca nakusalaṃ dhammaṃ paccayā
sāsavocevanocaāsavo kusalo dhammo uppajjati hetupaccayā:.
[240] Hetuyā ekaṃ.
[241] Naāsavañcevanaanāsavañca naakusalaṃ dhammaṃ paccayā
āsavocevasāsavoca akusalo dhammo uppajjati hetupaccayā:.
[242] Hetuyā tīṇi.
[243] Naāsavañcevanaanāsavañca naabyākataṃ dhammaṃ paṭicca
sāsavocevanocaāsavo abyākato dhammo uppajjati hetupaccayā:.
[244] Hetuyā tīṇi.
Āsavañcevaāsavasampayuttadukaṃ natthi.
Āsavavippayuttanasāsavadukanakusalattike
āsavavippayuttasāsavadukakusalattikaṃ
[245] Āsavavippayuttaṃ naanāsavaṃ nakusalaṃ dhammaṃ paccayā āsava-
vippayutto anāsavo kusalo dhammo uppajjati hetupaccayā:
āsavavippayuttaṃ naanāsavaṃ nakusalaṃ dhammaṃ paccayā āsavavippayutto
sāsavo kusalo dhammo uppajjati hetupaccayā:.
[246] Hetuyā dve.
[247] Āsavavippayuttaṃ naanāsavaṃ naakusalaṃ dhammaṃ paccayā
āsavavippayutto sāsavo akusalo dhammo uppajjati hetupaccayā:.
[248] Hetuyā ekaṃ.
[249] Āsavavippayuttaṃ nasāsavaṃ naabyākataṃ dhammaṃ paṭicca āsava-
vippayutto sāsavo abyākato dhammo uppajjati hetupaccayā: .
Āsavavippayuttaṃ naanāsavaṃ abyākataṃ dhammaṃ paṭicca āsavavippayutto
sāsavo abyākato dhammo uppajjati hetupaccayā:.
[250] Hetuyā dve.
The Pali Tipitaka in Roman Character Volume 45 page 391-394.
http://84000.org/tipitaka/read/roman_item.php?book=45.3&item=224&items=27
Classified by [Item Number] :-
http://84000.org/tipitaka/read/roman_item.php?book=45.3&item=224&items=27&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item.php?book=45.3&item=224&items=27
Compare with The Royal Version of Thai Tipitaka :-
http://84000.org/tipitaka/read/byitem.php?book=45.3&item=224&items=27
Study Atthakatha :-
http://84000.org/tipitaka/attha/attha.php?b=45.3&i=224
Contents of The Tipitaka Volume 45
http://84000.org/tipitaka/read/?index_45
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ DhammaPerfect@yahoo.com
