paliTIPITAKA Volume 7 - Vinaya Pitaka 7

[216] Tena kho pana samayena chabbaggiya bhikkhu ucce mancapatipadake dharenti . saha mancapatipadakehi pavedhenti . Manussa viharacarikam ahindanta passitva ujjhayanti khiyanti vipacenati .pe. seyyathapi gihi kamabhoginoti .pe. bhagavato etamattham arocesum .pe. na bhikkhave ucca mancapatipadaka dharetabba yo dhareyya apatti dukkatassa anujanami bhikkhave atthangulaparamam mancapatipadakanti. [217] Tena kho pana samayena sanghassa suttam uppannam Hoti . bhagavato etamattham arocesum . anujanami bhikkhave suttam ^1- mancam vethetunti ^2- . angani bahum suttam pariyadiyanti .pe. Anujanami bhikkhave ange vijjhitva atthapadakam vethetunti ^2- . Colakam uppannam hoti . bhagavato etamattham arocesum . anujanami bhikkhave cimilikam katunti . tulika uppanna hoti .pe. anujanami bhikkhave vijatetva bimbohanam katum tini tulani rukkhatulam latatulam potakitulanti. [218] Tena kho pana samayena chabbaggiya bhikkhu addhakayikani bimbohanani dharenti . manussa viharacarikam ahindanta passitva ujjhayanti khiyanti vipacenti .pe. seyyathapi gihi kamabhoginoti .pe. bhagavato etamattham arocesum . na bhikkhave addhakayikani bimbohanani dharetabbani yo dhareyya apatti dukkatassa anujanami bhikkhave sisappamanam bimbohanam katunti. [219] Tena kho pana samayena rajagahe giraggasamajjo hoti. Manussa mahamattanam atthaya bhisiyo patiyadenti unnabhisim colabhisim vakabhisim tinabhisim pannabhisim . te vitivatte samajje chavim uppatetva ^3- haranti . addasamsu ^4- kho bhikkhu samajjatthane bahum unnampi colampi ^5- vakampi tinampi pannampi chadditam ^6- . @Footnote: ¹ Ma. Yu. ayam patho na dissati. ² Ma. vedhetunti. Yu. vetunti. ³ Ma. Yu. @opatetva. ⁴ Ma. Yu. addasasum. ⁵ Ma. colakampi. ⁶ Yu. chadditani. Disvana bhagavato etamattham arocesum . anujanami bhikkhave panca bhisiyo unnabhisim colabhisim vakabhisim tinabhisim pannabhisinti. [220] Tena kho pana samayena sanghassa senasanaparikkharikam ^1- dussam uppannam hoti . bhagavato etamattham arocesum . anujanami bhikkhave bhisim onaddhitunti ^2-. [221] Tena kho pana samayena bhikkhu mancabhisim pithe samharanti ^3- pithabhisim mance samharanti . bhisiyo paribhijjanti . bhagavato etamattham arocesum . anujanami bhikkhave onaddhamancam onaddhapithanti . Ullokam akaritva santharanti ^4- . hetthato nippatenti ^5- .pe. Anujanami bhikkhave ullokam karitva santharitva bhisim onaddhitunti . Chavim uppatetva haranti .pe. anujanami bhikkhave phositunti ^6-. Harantiyeva .pe. anujanami bhikkhave bhittikammanti . harantiyeva .pe. Anujanami bhikkhave hatthabhittinti ^7-. [222] Tena kho pana samayena titthiyanam seyyayo setavannayo honti . kalavannakata bhumi . gerukaparikammakata bhitti . Bahu manussa seyyapekkhaka gacchanti . bhagavato etamattham arocesum . anujanami bhikkhave vihare setavannam kalavannam @Footnote: ¹ Yu. senasanaparikkharadussam. ² Ma. Yu. onandhitunti. ³ Ma. santharanti. @⁴ Yu. samharanti. ⁵ Ma. Yu. nipphatanti. ⁶ Ma. posetunti. Yu. positunti. @⁷ Ma. Yu. bhattikammanti. Gerukaparikammanti. [223] Tena kho pana samayena pharusaya bhittiya setavanno na nipatati . bhagavato etamattham arocesum . anujanami bhikkhave thusapindam datva panikaya patibahetva ^1- setavannam nipatetunti . Setavanno anibandhaniyo hoti . bhagavato etamattham arocesum . Anujanami bhikkhave sanhamattikam datva panikaya patibahetva setavannam nipatetunti . setavanno anibandhaniyo hoti .pe. Anujanami bhikkhave ikkasam pitthamaddanti. [224] Tena kho pana samayena pharusaya bhittiya geruka na nipatati . bhagavato etamattham arocesum . anujanami bhikkhave thusapindam datva panikaya patibahetva gerukam nipatetunti . Geruka anibandhaniya hoti .pe. anujanami bhikkhave kundakamattikam datva panikaya patibahetva gerukam nipatetunti . geruka anibandhaniya hoti . bhagavato etamattham arocesum . anujanami bhikkhave sasapakutam ^2- sitthatelakanti . accussannam hoti . bhagavato etamattham arocesum. Anujanami bhikkhave colakena paccuddharitunti. [225] Tena kho pana samayena pharusaya bhumiya kalavanno na nipatati .pe. anujanami bhikkhave thusapindam datva panikaya patibahetva kalavannam nipatetunti . kalavanno anibandhaniyo @Footnote: ¹ Ma. Yu. patibahitva. ² Ma. sasapakuttam. Yu. sasapakuddam. Hoti . bhagavato etamattham arocesum . anujanami bhikkhave landumattikam ^1- datva panikaya patibahetva kalavannam nipatetunti . kalavanno anibandhaniyo hoti . bhagavato etamattham arocesum. Anujanami bhikkhave ikkasam kasavanti. [226] Tena kho pana samayena chabbaggiya bhikkhu vihare patibhanacittam ^2- karapenti itthirupakam purisarupakam. Manussa viharacarikam ahindanta passitva ujjhayanti khiyanti vipacenti .pe. Seyyathapi gihi kamabhoginoti .pe. bhagavato etamattham arocesum . Na bhikkhave patibhanacittam karapetabbam itthirupakam purisarupakam yo karapeyya apatti dukkatassa anujanami bhikkhave malakammam latakammam makaradantakam pancapatikanti. [227] Tena kho pana samayena vihara nicavatthuka honti . Udakena otthariyanti . bhagavato etamattham arocesum .pe. Anujanami bhikkhave uccavatthukam katunti . cayo paripatati .pe. Anujanami bhikkhave cinitum tayo caye itthakacayam silacayam darucayanti. Arohanta vihannanti .pe. anujanami bhikkhave tayo sopane itthakasopanam silasopanam darusopananti . arohanta paripatanti .pe. Anujanami bhikkhave alambanabahanti. [228] Tena kho pana samayena vihara alakamanda pakata ^3- @Footnote: ¹ Ma. Yu. gandumattikam. ² Ma. Yu. patibhanacittam. ³ ayam patho na dissati. Honti . bhikkhu hiriyanti nipajjitum . bhagavato etamattham arocesum. Anujanami bhikkhave tirokaraninti . tirokaranim ukkhipitva olokenti . bhagavato etamattham arocesum . anujanami bhikkhave addhakuddakanti . addhakuddaka uparito olokenti . Bhagavato etamattham arocesum . anujanami bhikkhave tayo gabbhe sivikagabbham nalikagabbham hammiyagabbhanti.

The Pali Tipitaka in Roman Character Volume 7 page 92-97. https://84000.org/tipitaka/read/roman_item.php?book=7&item=216&items=13 Classified by [Item Number] :- http://84000.org/tipitaka/read/roman_item.php?book=7&item=216&items=13&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=7&item=216&items=13 Compare with The Royal Version of Thai Tipitaka :- https://84000.org/tipitaka/read/byitem.php?book=7&item=216&items=13 Study Atthakatha :- https://84000.org/tipitaka/attha/attha.php?b=7&i=216 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7