paliTIPITAKA Volume 7 - Vinaya Pitaka 7

[468] Ekam bhikkhave adhammikam patimokkhatthapanam ekam dhammikam . dve adhammikani patimokkhatthapanani dve dhammikani . Tini adhammikani patimokkhatthapanani tini dhammikani . cattari adhammikani patimokkhatthapanani cattari dhammikani . panca adhammikani patimokkhatthapanani panca dhammikani . cha adhammikani patimokkhatthapanani cha dhammikani . satta adhammikani patimokkhatthapanani satta dhammikani . attha adhammikani patimokkhatthapanani attha dhammikani . nava adhammikani

--------------------------------------------------------------------------------------------- page295.

Patimokkhatthapanani nava dhammikani . dasa adhammikani patimokkhatthapanani dasa dhammikani. [469] Katamam ekam adhammikam patimokkhatthapanam . amulikaya silavipattiya patimokkham thapeti idam ekam adhammikam patimokkhatthapanam. [470] Katamam ekam dhammikam patimokkhatthapanam . samulikaya silavipattiya patimokkham thapeti idam ekam dhammikam patimokkhatthapanam. [471] Katamani dve adhammikani patimokkhatthapanani . Amulikaya silavipattiya patimokkham thapeti amulikaya acaravipattiya patimokkham thapeti imani dve adhammikani patimokkhatthapanani. [472] Katamani dve dhammikani patimokkhatthapanani . Samulikaya silavipattiya patimokkham thapeti samulikaya acaravipattiya patimokkham thapeti imani dve dhammikani patimokkhatthapanani. [473] Katamani tini adhammikani patimokkhatthapanani . Amulikaya silavipattiya patimokkham thapeti amulikaya acaravipattiya patimokkham thapeti amulikaya ditthivipattiya patimokkham thapeti imani tini adhammikani patimokkhatthapanani. [474] Katamani tini dhammikani patimokkhatthapanani .

--------------------------------------------------------------------------------------------- page296.

Samulikaya silavipattiya patimokkham thapeti samulikaya acaravipattiya patimokkham thapeti samulikaya ditthivipattiya patimokkham thapeti imani tini dhammikani patimokkhatthapanani. [475] Katamani cattari adhammikani patimokkhatthapanani . Amulikaya silavipattiya patimokkham thapeti amulikaya acaravipattiya patimokkham thapeti amulikaya ditthivipattiya patimokkham thapeti amulikaya ajivavipattiya patimokkham thapeti imani cattari adhammikani patimokkhatthapanani. [476] Katamani cattari dhammikani patimokkhatthapanani . Samulikaya silavipattiya patimokkham thapeti samulikaya acaravipattiya patimokkham thapeti samulikaya ditthivipattiya patimokkham thapeti samulikaya ajivavipattiya patimokkham thapeti imani cattari dhammikani patimokkhatthapanani. [477] Katamani panca adhammikani patimokkhatthapanani . Amulikena parajikena patimokkham thapeti amulikena sanghadisesena patimokkham thapeti amulikena pacittiyena patimokkham thapeti amulikena patidesaniyena patimokkham thapeti amulikena dukkatena patimokkham thapeti imani panca adhammikani patimokkhatthapanani. [478] Katamani panca dhammikani patimokkhatthapanani . Samulikena parajikena patimokkham thapeti samulikena sanghadisesena

--------------------------------------------------------------------------------------------- page297.

Patimokkham thapeti samulikena pacittiyena patimokkham thapeti samulikena patidesaniyena patimokkham thapeti samulikena dukkatena patimokkham thapeti imani panca dhammikani patimokkhatthapanani. [479] Katamani cha adhammikani patimokkhatthapanani . amulikaya silavipattiya patimokkham thapeti akataya amulikaya silavipattiya patimokkham thapeti kataya amulikaya acaravipattiya patimokkham thapeti akataya amulikaya acaravipattiya patimokkham thapeti kataya amulikaya ditthivipattiya patimokkham thapeti akataya amulikaya ditthivipattiya patimokkham thapeti kataya imani cha adhammikani patimokkhatthapanani. [480] Katamani cha dhammikani patimokkhatthapanani . samulikaya silavipattiya patimokkham thapeti akataya samulikaya silavipattiya patimokkham thapeti kataya samulikaya acaravipattiya patimokkham thapeti akataya samulikaya acaravipattiya patimokkham thapeti kataya samulikaya ditthivipattiya patimokkham thapeti akataya samulikaya ditthivipattiya patimokkham thapeti kataya imani cha dhammikani patimokkhatthapanani. [481] Katamani satta adhammikani patimokkhatthapanani . Amulikena parajikena patimokkham thapeti amulikena sanghadisesena patimokkham thapeti amulikena thullaccayena patimokkham thapeti

--------------------------------------------------------------------------------------------- page298.

Amulikena pacittiyena patimokkham thapeti amulikena patidesaniyena patimokkham thapeti amulikena dukkatena patimokkham thapeti amulikena dubbhasitena patimokkham thapeti imani satta adhammikani patimokkhatthapanani. [482] Katamani satta dhammikani patimokkhatthapanani . Samulikena parajikena patimokkham thapeti samulikena sanghadisesena patimokkham thapeti samulikena thullaccayena patimokkham thapeti samulikena pacittiyena patimokkham thapeti samulikena patidesaniyena patimokkham thapeti samulikena dukkatena patimokkham thapeti samulikena dubbhasitena patimokkham thapeti imani satta dhammikani patimokkhatthapanani. [483] Katamani attha adhammikani patimokkhatthapanani . Amulikaya silavipattiya patimokkham thapeti akataya amulikaya silavipattiya patimokkham thapeti kataya amulikaya acaravipattiya patimokkham thapeti akataya amulikaya acaravipattiya patimokkham thapeti kataya amulikaya ditthivipattiya patimokkham thapeti akataya amulikaya ditthivipattiya patimokkham thapeti kataya amulikaya ajivavipattiya patimokkham thapeti akataya amulikaya ajivavipattiya patimokkham thapeti kataya imani attha adhammikani patimokkhatthapanani.

--------------------------------------------------------------------------------------------- page299.

[484] Katamani attha dhammikani patimokkhatthapanani . Samulikaya silavipattiya patimokkham thapeti akataya samulikaya silavipattiya patimokkham thapeti kataya samulikaya acaravipattiya patimokkham thapeti akataya samulikaya acaravipattiya patimokkham thapeti kataya samulikaya ditthivipattiya patimokkham thapeti akataya samulikaya ditthivipattiya patimokkham thapeti kataya samulikaya ajivavipattiya patimokkham thapeti akataya samulikaya ajivavipattiya patimokkham thapeti kataya imani attha dhammikani patimokkhatthapanani. [485] Katamani nava adhammikani patimokkhatthapanani . Amulikaya silavipattiya patimokkham thapeti akataya amulikaya silavipattiya patimokkham thapeti kataya amulikaya silavipattiya patimokkham thapeti katakataya amulikaya acaravipattiya patimokkham thapeti akataya amulikaya acaravipattiya patimokkham thapeti kataya amulikaya acaravipattiya patimokkham thapeti katakataya amulikaya ditthivipattiya patimokkham thapeti akataya amulikaya ditthivipattiya patimokkham thapeti kataya amulikaya ditthivipattiya patimokkham thapeti katakataya imani nava adhammikani patimokkhatthapanani. [486] Katamani nava dhammikani patimokkhatthapanani . samulikaya silavipattiya patimokkham thapeti akataya samulikaya silavipattiya

--------------------------------------------------------------------------------------------- page300.

Patimokkham thapeti kataya samulikaya silavipattiya patimokkham thapeti katakataya samulikaya acaravipattiya patimokkham thapeti akataya samulikaya acaravipattiya patimokkham thapeti kataya samulikaya acaravipattiya patimokkham thapeti katakataya samulikaya ditthivipattiya patimokkham thapeti akataya samulikaya ditthivipattiya patimokkham thapeti kataya samulikaya ditthivipattiya patimokkham thapeti katakataya imani nava dhammikani patimokkhatthapanani. [487] Katamani dasa adhammikani patimokkhatthapanani . na parajiko tassam parisayam nisinno hoti na parajikakatha vippakata hoti na sikkham paccakkhatako tassam parisayam nisinno hoti na sikkham paccakkhatakatha vippakata hoti dhammikam samaggim upeti na dhammikam samaggim paccadiyati na dhammikaya samaggiya paccadanakatha vippakata hoti na silavipattiya ditthasutaparisankito hoti na acaravipattiya ditthasutaparisankito hoti na ditthivipattiya ditthasutaparisankito hoti imani dasa adhammikani patimokkhatthapanani. [488] Katamani dasa dhammikani patimokkhatthapanani . Parajiko tassam parisayam nisinno hoti parajikakatha vippakata hoti sikkham paccakkhatako tassam parisayam nisinno hoti sikkham paccakkhatakatha vippakata hoti dhammikam samaggim na upeti dhammikam

--------------------------------------------------------------------------------------------- page301.

Samaggim paccadiyati dhammikaya samaggiya paccadanakatha vippakata hoti silavipattiya ditthasutaparisankito hoti acaravipattiya ditthasutaparisankito hoti ditthivipattiya ditthasutaparisankito hoti imani dasa dhammikani patimokkhatthapanani ^1-. [489] Katham parajiko tassam parisayam nisinno hoti . idha bhikkhave yehi akarehi yehi lingehi yehi nimittehi parajikassa dhammassa ajjhapatti hoti tehi akarehi tehi lingehi tehi nimittehi bhikkhu bhikkhum passati parajikam dhammam ajjhapajjantam na heva kho bhikkhu bhikkhum passati parajikam dhammam ajjhapajjantam apica anno bhikkhu bhikkhussa aroceti itthannamo avuso bhikkhu parajikam dhammam ajjhapannoti na heva kho bhikkhu bhikkhum passati parajikam dhammam ajjhapajjantam na pi anno bhikkhu bhikkhussa aroceti itthannamo avuso bhikkhu parajikam dhammam ajjhapannoti apica so va bhikkhu bhikkhussa aroceti aham avuso parajikam dhammam ajjhapannoti akankhamano bhikkhave bhikkhu tena ditthena tena sutena taya parisankaya ^2- tadahuposathe catuddase va pannarase va tasmim puggale sammukhibhute sanghamajjhe udahareyya {489.1} sunatu me bhante sangho itthannamo puggalo parajikam dhammam ajjhapanno tassa patimokkham thapemi na tasmim @Footnote: ¹ Yu. imani ... patimokkhatthapananiti ime patha natthi. ² Ma. parisankitaya.

--------------------------------------------------------------------------------------------- page302.

Sammukhibhute patimokkham uddisitabbanti. Dhammikam patimokkhatthapanam. [490] Bhikkhussa patimokkhe thapite parisa vutthati dasannam antarayanam annatarena antarayena ^1- rajantarayena va corantarayena va agyantarayena va udakantarayena va manussantarayena va amanussantarayena va valantarayena va sirimsapantarayena va jivitantarayena va brahmacariyantarayena va akankhamano bhikkhave bhikkhu tasmim avase annatarasmim va avase tasmim puggale sammukhibhute sanghamajjhe udahareyya {490.1} sunatu me bhante sangho itthannamassa puggalassa parajikakatha vippakata tam vatthum avinicchitam yadi sanghassa pattakallam sangho tam vatthum vinicchineyyati . evance tam labhetha iccetam kusalam no ce labhetha tadahuposathe catuddase va pannarase va tasmim puggale sammukhibhute sanghamajjhe udaharitabbam {490.2} sunatu me bhante sangho itthannamassa puggalassa parajikakatha vippakata tam vatthum avinicchitam tassa patimokkham thapemi na tasmim sammukhibhute patimokkham uddisitabbanti . dhammikam patimokkhatthapanam. [491] Katham sikkham paccakkhatako tassam parisayam nisinno hoti. Idha pana bhikkhave bhikkhuna ^2- yehi akarehi yehi lingehi @Footnote: ¹ Ma. Yu. ayam patho na dissati. ² Ma. Yu. ra ayam patho na dissati.

--------------------------------------------------------------------------------------------- page303.

Yehi nimittehi sikkha paccakkhata hoti tehi akarehi tehi lingehi tehi nimittehi bhikkhu bhikkhum passati sikkham paccakkhantam na heva kho bhikkhu bhikkhum passati sikkham paccakkhantam apica anno bhikkhu bhikkhussa aroceti itthannamena avuso bhikkhuna sikkha paccakkhatati na heva kho bhikkhu bhikkhum passati sikkham paccakkhantam na pi anno bhikkhu bhikkhussa aroceti itthannamena avuso bhikkhuna sikkha paccakkhatati apica so va bhikkhu bhikkhussa aroceti maya avuso sikkha paccakkhatati akankhamano bhikkhave bhikkhu tena ditthena tena sutena taya parisankaya tadahuposathe catuddase va pannarase va tasmim puggale sammukhibhute sanghamajjhe udahareyya {491.1} sunatu me bhante sangho itthannamena puggalena sikkha paccakkhata tassa patimokkham thapemi na tasmim sammukhibhute patimokkham uddisitabbanti. Dhammikam patimokkhatthapanam. [492] Bhikkhussa patimokkhe thapite parisa vutthati dasannam antarayanam annatarena antarayena rajantarayena va .pe. Brahmacariyantarayena va akankhamano bhikkhave bhikkhu tasmim avase annatarasmim va avase tasmim puggale sammukhibhute sanghamajjhe udahareyya {492.1} sunatu me bhante sangho itthannamassa puggalassa sikkham paccakkhatakatha vippakata tam vatthum avinicchitam yadi sanghassa pattakallam sangho tam vatthum vinicchineyyati .

--------------------------------------------------------------------------------------------- page304.

Evance tam labhetha iccetam kusalam no ce labhetha tadahuposathe catuddase va pannarase va tasmim puggale sammukhibhute sanghamajjhe udaharitabbam {492.2} sunatu me bhante sangho itthannamassa puggalassa sikkham paccakkhatakatha vippakata tam vatthum avinicchitam tassa patimokkham thapemi na tasmim sammukhibhute patimokkham uddisitabbanti . dhammikam patimokkhatthapanam. [493] Katham dhammikam samaggim na upeti . idha pana bhikkhave ^1- yehi akarehi yehi lingehi yehi nimittehi dhammikaya samaggiya anupagamanam hoti tehi akarehi tehi lingehi tehi nimittehi bhikkhu bhikkhum passati dhammikam samaggim na upentam na heva kho bhikkhu bhikkhum passati dhammikam samaggim na upentam apica anno bhikkhu bhikkhussa aroceti itthannamo avuso bhikkhu dhammikam samaggim na upetiti na heva kho bhikkhu bhikkhum passati dhammikam samaggim na upentam na pi ^2- anno bhikkhu bhikkhussa aroceti itthannamo avuso bhikkhu dhammikam samaggim na upetiti apica so va bhikkhu bhikkhussa aroceti aham avuso dhammikam samaggim na upemiti akankhamano bhikkhave bhikkhu tena ditthena tena sutena taya parisankaya tadahuposathe catuddase va pannarase va tasmim puggale sammukhibhute sanghamajjhe udahareyya sunatu me bhante sangho itthannamo puggalo dhammikam samaggim na @Footnote: ¹ Ma. bhikkhu. ² Ma. Yu. napi.

--------------------------------------------------------------------------------------------- page305.

Upeti tassa patimokkham thapemi na tasmim sammukhibhute patimokkham uddisitabbanti. Dhammikam patimokkhatthapanam. [494] Katham dhammikam samaggim paccadiyati . idha pana bhikkhave yehi akarehi yehi lingehi yehi nimittehi dhammikaya samaggiya paccadanam hoti tehi akarehi tehi lingehi tehi nimittehi bhikkhu bhikkhum passati dhammikam samaggim paccadiyantam na heva kho bhikkhu bhikkhum passati dhammikam samaggim paccadiyantam apica anno bhikkhu bhikkhussa aroceti itthannamo avuso bhikkhu dhammikam samaggim paccadiyatiti na heva kho bhikkhu bhikkhum passati dhammikam samaggim paccadiyantam na pi anno bhikkhu bhikkhussa aroceti itthannamo avuso bhikkhu dhammikam samaggim paccadiyatiti apica so va bhikkhu bhikkhussa aroceti aham avuso dhammikam samaggim paccadiyamiti akankhamano bhikkhave bhikkhu tena ditthena tena sutena taya parisankaya tadahuposathe catuddase va pannarase va tasmim puggale sammukhibhute sanghamajjhe udahareyya sunatu me bhante sangho itthannamo puggalo dhammikam samaggim paccadiyati tassa patimokkham thapemi na tasmim sammukhibhute patimokkham uddisitabbanti. Dhammikam patimokkhatthapanam. [495] Bhikkhussa patimokkhe thapite parisa vutthati dasannam antarayanam annatarena antarayena rajantarayena va .pe.

--------------------------------------------------------------------------------------------- page306.

Brahmacariyantarayena va akankhamano bhikkhave bhikkhu tasmim avase annatarasmim va avase tasmim puggale sammukhibhute sanghamajjhe udahareyya sunatu me bhante sangho itthannamassa puggalassa dhammikaya samaggiya paccadanakatha vippakata tam vatthum avinicchitam yadi sanghassa pattakallam sangho tam vatthum vinicchineyyati . evance tam labhetha iccetam kusalam no ce labhetha tadahuposathe catuddase va pannarase va tasmim puggale sammukhibhute sanghamajjhe udaharitabbam {495.1} sunatu me bhante sangho itthannamassa puggalassa dhammikaya samaggiya paccadanakatha vippakata tam vatthum avinicchitam tassa patimokkham thapemi na tasmim sammukhibhute patimokkham uddisitabbanti. Dhammikam patimokkhatthapanam. [496] Katham silavipattiya ditthasutaparisankito hoti . idha pana bhikkhave bhikkhu yehi akarehi yehi lingehi yehi nimittehi silavipattiya ditthasutaparisankito hoti tehi akarehi tehi lingehi tehi nimittehi bhikkhu bhikkhum passati silavipattiya ditthasutaparisankitam na heva kho bhikkhu bhikkhum passati silavipattiya ditthasutaparisankitam apica anno bhikkhu bhikkhussa aroceti itthannamo avuso bhikkhu silavipattiya ditthasutaparisankitoti na heva kho bhikkhu bhikkhum passati silavipattiya ditthasutaparisankitam na pi anno bhikkhu bhikkhussa aroceti itthannamo avuso

--------------------------------------------------------------------------------------------- page307.

Bhikkhu silavipattiya ditthasutaparisankitoti apica so va bhikkhu bhikkhussa aroceti aham avuso silavipattiya ditthasutaparisankitoti ^1- akankhamano bhikkhave bhikkhu tena ditthena tena sutena taya parisankaya tadahuposathe catuddase va pannarase va tasmim puggale sammukhibhute sanghamajjhe udahareyya {496.1} sunatu me bhante sangho itthannamo puggalo silavipattiya ditthasutaparisankito hoti tassa patimokkham thapemi na tasmim sammukhibhute patimokkham uddisitabbanti . dhammikam patimokkhatthapanam. [497] Katham acaravipattiya ditthasutaparisankito hoti . idha pana bhikkhave bhikkhu yehi akarehi yehi lingehi yehi nimittehi acaravipattiya ditthasutaparisankito hoti tehi akarehi tehi lingehi tehi nimittehi bhikkhu bhikkhum passati acaravipattiya ditthasutaparisankitam na heva kho bhikkhu bhikkhum passati acaravipattiya ditthasutaparisankitam apica anno bhikkhu bhikkhussa aroceti itthannamo avuso bhikkhu acaravipattiya ditthasutaparisankitoti na heva kho bhikkhu bhikkhum passati acaravipattiya ditthasutaparisankitam na pi anno bhikkhu bhikkhussa aroceti itthannamo avuso bhikkhu acaravipattiya ditthasutaparisankitoti apica so va bhikkhu bhikkhussa aroceti aham avuso acaravipattiya ditthasutaparisankitoti akankhamano bhikkhave bhikkhu tena ditthena tena sutena @Footnote: ¹ Ma. Yu. ... parisankitomahiti.

--------------------------------------------------------------------------------------------- page308.

Taya parisankaya tadahuposathe catuddase va pannarase va tasmim puggale sammukhibhute sanghamajjhe udahareyya sunatu me bhante sangho itthannamo puggalo acaravipattiya ditthasutaparisankito tassa patimokkham thapemi na tasmim sammukhibhute patimokkham uddisitabbanti. Dhammikam patimokkhatthapanam. [498] Katham ditthivipattiya ditthasutaparisankito hoti . idha pana bhikkhave bhikkhu yehi akarehi yehi lingehi yehi nimittehi ditthivipattiya ditthasutaparisankito hoti tehi akarehi tehi lingehi tehi nimittehi bhikkhu bhikkhum passati ditthivipattiya ditthasutaparisankitam na heva kho bhikkhu bhikkhum passati ditthivipattiya ditthasutaparisankitam apica anno bhikkhu bhikkhussa aroceti itthannamo avuso bhikkhu ditthivipattiya ditthasutaparisankitoti na heva kho bhikkhu bhikkhum passati ditthivipattiya ditthasutaparisankitam na pi anno bhikkhu bhikkhussa aroceti itthannamo avuso bhikkhu ditthivipattiya ditthasutaparisankitoti apica so va bhikkhu bhikkhussa aroceti aham avuso ditthivipattiya ditthasutaparisankitoti akankhamano bhikkhave bhikkhu tena ditthena tena sutena taya parisankaya tadahuposathe catuddase va pannarase va tasmim puggale sammukhibhute sanghamajjhe udahareyya sunatu me bhante sangho itthannamo puggalo ditthivipattiya ditthasutaparisankito

--------------------------------------------------------------------------------------------- page309.

Tassa patimokkham thapemi na tasmim sammukhibhute patimokkham uddisitabbanti . dhammikam patimokkhatthapanam . imani dasa dhammikani patimokkhatthapananiti. Pathamo bhanavaro.

The Pali Tipitaka in Roman Character Volume 7 page 294-309. https://84000.org/tipitaka/read/roman_item.php?book=7&item=468&items=31&pagebreak=1&modeTY=2&mode=bracket Classified by content :- https://84000.org/tipitaka/read/roman_item.php?book=7&item=468&items=31&pagebreak=1&modeTY=2 Compare with The Pali Tipitaka in Thai Character :- https://84000.org/tipitaka/read/pali_item.php?book=7&item=468&items=31&pagebreak=1&modeTY=2&mode=bracket Compare with The Royal Version of Thai Tipitaka :- https://84000.org/tipitaka/read/byitem.php?book=7&item=468&items=31&pagebreak=1&modeTY=2&mode=bracket Study Atthakatha :- https://84000.org/tipitaka/attha/attha.php?b=7&i=468 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7