paliTIPITAKA Volume 8 - Vinaya Pitaka 8

[1361] Appannatte pannattam pannatte anuppannattam sammukhavinayo pannatto sativinayo pannatto amulhavinayo pannatto patinnatakaranam pannattam yebhuyyasika pannatta tassapapiyasika pannatta tinavattharako pannatto sanghasutthutaya sanghaphasutaya . ime dve atthavase paticca tathagatena Savakanam tinavattharako pannatto . dve atthavase paticca tathagatena savakanam tinavattharako pannatto dummankunam puggalanam niggahaya pesalanam bhikkhunam phasuviharaya . ime dve atthavase paticca tathagatena savakanam tinavattharako pannatto . dve atthavase paticca tathagatena savakanam tinavattharako pannatto ditthadhammikanam asavanam samvaraya samparayikanam asavanam patighataya . ime dve atthavase paticca tathagatena savakanam tinavattharako pannatto . dve atthavase paticca tathagatena savakanam tinavattharako pannatto ditthadhammikanam veranam samvaraya samparayikanam veranam patighataya. {1361.1} Ime dve atthavase paticca tathagatena savakanam tinavattharako pannatto . dve atthavase paticca tathagatena savakanam tinavattharako pannatto ditthadhammikanam vajjanam samvaraya samparayikanam vajjanam patighataya . ime dve atthavase paticca tathagatena savakanam tinavattharako pannatto . dve atthavase paticca tathagatena savakanam tinavattharako pannatto ditthadhammikanam bhayanam samvaraya samparayikanam bhayanam patighataya . Ime dve atthavase paticca tathagatena savakanam tinavattharako pannatto . dve atthavase paticca tathagatena savakanam tinavattharako pannatto ditthadhammikanam akusalanam dhammanam samvaraya samparayikanam akusalanam dhammanam Patighataya . ime dve atthavase paticca tathagatena savakanam tinavattharako pannatto . dve atthavase paticca tathagatena savakanam tinavattharako pannatto gihinam anukampaya papicchanam pakkhupacchedaya . ime dve atthavase paticca tathagatena savakanam tinavattharako pannatto . dve atthavase paticca tathagatena savakanam tinavattharako pannatto appasannanam pasadaya pasannanam bhiyyobhavaya . ime dve atthavase paticca tathagatena savakanam tinavattharako pannatto . dve atthavase paticca tathagatena savakanam tinavattharako pannatto saddhammatthitiya vinayanuggahaya . ime dve atthavase paticca tathagatena savakanam tinavattharako pannattoti. Pannattavaggo ^1- nitthito catuttho.

The Pali Tipitaka in Roman Character Volume 8 page 547-549. https://84000.org/tipitaka/read/roman_item.php?book=8&item=1361&items=1 Classified by [Item Number] :- http://84000.org/tipitaka/read/roman_item.php?book=8&item=1361&items=1&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=8&item=1361&items=1 Compare with The Royal Version of Thai Tipitaka :- https://84000.org/tipitaka/read/byitem.php?book=8&item=1361&items=1 Study Atthakatha :- https://84000.org/tipitaka/attha/attha.php?b=8&i=1361 Contents of The Tipitaka Volume 8 https://84000.org/tipitaka/read/?index_8 https://84000.org/tipitaka/english/?index_8