[150] Pubbe appatisamviditena ranno antepuram pavisantassa
pacittiyam kattha pannattanti . savatthiya pannattam . kam
arabbhati . ayasmantam anandam arabbha . kismim vatthusminti .
Ayasma anando pubbe appatisamvidito ranno antepuram pavisi
tasmim vatthusmim . eka pannatti . channam apattisamutthananam
dvihi samutthanehi samutthati (kathinake) .pe.
[151] Ratanam ugganhantassa pacittiyam kattha pannattanti .
Savatthiya pannattam . kam arabbhati . annataram bhikkhum arabbha .
Kismim vatthusminti . annataro bhikkhu ratanam uggahesi tasmim
vatthusmim . eka pannatti dve anuppannattiyo . channam
apattisamutthananam chahi samutthanehi samutthati .pe.
[152] Santam bhikkhum anapuccha vikale gamam pavisantassa
pacittiyam kattha pannattanti . savatthiya pannattam . kam
arabbhati . chabbaggiye bhikkhu arabbha . kismim vatthusminti .
Chabbaggiya bhikkhu santam bhikkhum anapuccha 2- vikale gamam pavisimsu
@Footnote: 1 Si. samaggassa padanena puggalassa parinamanati.
@2 Ma. Yu. santam bhikkhum anapucchati idam pathattayam natthi.
Tasmim vatthusmim . eka pannatti tisso anuppannattiyo .
Channam apattisamutthananam dvihi samutthanehi samutthati (kathinake) .pe.
[153] Atthimayam va dantamayam va visanamayam va sucigharam
karapentassa pacittiyam kattha pannattanti . sakkesu pannattam .
Kam arabbhati . sambahule bhikkhu arabbha . kismim vattusminti .
Sambahula bhikkhu na mattam janitva bahu sucighare vinnapesum
tasmim vatthusmim . eka pannatti . channam apattisamutthananam
chahi samutthanehi samutthati .pe.
[154] Pamanatikkantam mancam va pitham va karapentassa
pacittiyam kattha pannattanti . savatthiya pannattam . kam
arabbhati . ayasmantam upanandam sakyaputtam arabbha . kismim
vatthusminti . ayasma upanando sakyaputto uccam mancam
karapesi 1- tasmim vatthusmim . eka pannatti . channam
apattisamutthananam chahi samutthanehi samutthati .pe.
[155] Mancam va pitham va tulonaddham karapentassa pacittiyam
kattha pannattanti . savatthiya pannattam . kam arabbhati .
Chabbaggiye bhikkhu arabbha . kismim vatthusminti . chabbaggiya
bhikkhu mancampi pithampi 2- tulonaddham karapesum tasmim vatthusmim .
Eka pannatti . channam apattisamutthananam chahi samutthanehi
samutthati .pe.
@Footnote: 1 Ma. Yu. ucce mance sayi . 2 Ma. mancam va pitham va.
[156] Pamanatikkantam nisidanam karapentassa pacittiyam kattha
pannattanti . savatthiya pannattam . kam arabbhati . chabbaggiye
bhikkhu arabbha . kismim vatthusminti . chabbaggiya bhikkhu appamanikani
nisidanani karapesum 1- tasmim vatthusmim . eka pannatti
eka anuppannatti . channam apattisamutthananam chahi samutthanehi
samutthati .pe.
[157] Pamanatikkantam kandupaticchadim karapentassa pacittiyam
kattha pannattanti . savatthiya pannattam . kam arabbhati .
Chabbaggiye bhikkhu arabbha . kismim vatthusminti . chabbaggiya
bhikkhu appamanikayo kandupaticchadiyo dharesum tasmim vatthusmim .
Eka pannatti . channam apattisamutthananam chahi samutthanehi
samutthati .pe.
[158] Pamanatikkantam vassikasatikam karapentassa pacittiyam
kattha pannattanti . savatthiya pannattam . kam arabbhati .
Chabbaggiye bhikkhu arabbha . kismim vatthusminti . chabbaggiya
bhikkhu appamanikayo vassikasatikayo dharesum tasmim vatthusmim .
Eka pannatti . channam apattisamutthananam chahi samutthanehi
samutthati .pe.
[159] Sugatacivarappamanam civaram karapentassa pacittiyam kattha
pannattanti . savatthiya pannattam . kam arabbhati . ayasmantam
@Footnote: 1 Ma. Yu. dharesum.
Nandam arabbha . kismim vatthusminti . ayasma nando sugatacivarappamanam
civaram dharesi tasmim vatthusmim . eka pannatti .
Channam apattisamutthananam chahi samutthanehi samutthati .pe.
Rajavaggo navamo.
Tassuddanam
[160] Antepuranca ugganhe anapuccha pavesane
sucigharanca mancanca tulonaddham nisidanam
kanduvassikasatikam pamanam civaram dharayiti 1-.
Dvenavuti pacittiya nitthita.
Tesam vagganam uddanam
[161] Musa bhutanca ovado bhojanacelakena ca
sura sappanaka dhammo rajavaggena te navati.
----------
[162] Yantena bhagavata janata passata arahata sammasambuddhena
annatikaya bhikkhuniya antaragharam pavitthaya hatthato khadaniyam
va bhojaniyam va sahattha patiggahetva bhunjantassa patidesaniyam
kattha pannattanti . savatthiya pannattam . kam arabbhati .
@Footnote: 1 tesam tesam vagganam avasane uddanani yuropiya maramma potthakesu na dissanti
@idheva dassiyanti tani pana visadisani honti. icchantena tattha oloketabbam.
Annataram bhikkhum arabbha . kismim vatthusminti . annataro
bhikkhu annatikaya bhikkhuniya antaragharam pavitthaya hatthato
amisam patiggahesi tasmim vatthusmim . eka pannatti . channam
apattisamutthananam dvihi samutthanehi samutthati siya kayato
samutthati na vacato na cittato siya kayato ca cittato ca samutthati
na vacato .pe.
The Pali Tipitaka in Roman Character Volume 8 page 59-63.
https://84000.org/tipitaka/read/roman_item.php?book=8&item=150&items=13
Classified by [Item Number] :-
http://84000.org/tipitaka/read/roman_item.php?book=8&item=150&items=13&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=8&item=150&items=13
Compare with The Royal Version of Thai Tipitaka :-
https://84000.org/tipitaka/read/byitem.php?book=8&item=150&items=13
Study Atthakatha :-
https://84000.org/tipitaka/attha/attha.php?b=8&i=150
Contents of The Tipitaka Volume 8
https://84000.org/tipitaka/read/?index_8
https://84000.org/tipitaka/english/?index_8
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
