[473] Yantena bhagavata janata passata arahata sammasambuddhena
upakkamitva asucim mocanapaccaya sanghadiseso kattha pannatto .
Kam arabbha . kismim vatthusmim .pe. kenabhatanti . yantena bhagavata
janata passata arahata sammasambuddhena upakkamitva asucim
mocanapaccaya sanghadiseso kattha pannattoti .
@Footnote: 1 Po. vannayimsu.
Savatthiya pannatto . kam arabbhati . ayasmantam seyyasakam
arabbha . kismim vatthusminti . ayasma seyyasako upakkamitva
asucim mocesi tasmim vatthusmim . atthi tattha pannatti anuppannatti
anuppannapannattiti . eka pannatti eka anuppannatti
anuppannapannatti tasmim natthi . sabbattha pannatti padesapannattiti .
Sabbattha pannatti . sadharanapannatti asadharanapannattiti .
Asadharanapannatti . ekato pannatti ubhato pannattiti .
Ekato pannatti . pancannam patimokkhuddesanam katthogadham
kattha pariyapannanti. Nidanogadham nidanapariyapannam.
{473.1} Katamena uddesena uddesam agacchatiti . tatiyena
uddesena uddesam agacchati . catunnam vipattinam katama vipattiti .
Silavipatti . sattannam apattikkhandhanam katamo apattikkhandhoti .
Sanghadisesapattikkhandho . channam apattisamutthananam katihi samutthanehi
samutthati . ekena samutthanena samutthati kayato ca cittato ca
samutthati na vacato .pe. Kenabhatanti. Paramparabhatam.
Upali dasako ceva sonako siggavo tatha
moggaliputtena pancama ete jambusirivhaye.
Tato mahindo ittiyo uttiyo ceva sambalo
.pe.
Ete naga mahapanna vinayannu maggakovida
Vinayam dipe pakasesum pitakam tambapanniyati.
[474] Matugamena saddhim kayasamsaggam samapajjanapaccaya
sanghadiseso kattha pannattoti . savatthiya pannatto . kam
arabbhati . ayasmantam udayim arabbha . kismim vatthusminti .
Ayasma udayi matugamena saddhim kayasamsaggam samapajji tasmim
vatthusmim . eka pannatti . channam apattisamutthananam ekena
samutthanena samutthati kayato ca cittato ca samutthati na vacato.
[475] Matugamam dutthullahi vacahi obhasanapaccaya
sanghadiseso kattha pannattoti . savatthiya pannatto . kam
arabbhati . ayasmantam udayim arabbha . kismim vatthusminti .
Ayasma udayi matugamam dutthullahi vacahi obhasi tasmim
vatthusmim . eka pannatti . channam apattisamutthananam tihi
samutthanehi samutthati siya kayato ca cittato ca samutthati
na vacato siya vacato ca cittato ca samutthati na kayato
siya kayato ca vacato ca cittato ca samutthati.
[476] Matugamassa santike attakamaparicariyaya vannam
bhasanapaccaya sanghadiseso kattha pannattoti . savatthiya pannatto.
Kam arabbhati . ayasmantam udayim arabbha . kismim
vatthusminti . ayasma udayi matugamassa santike attakamaparicariyaya
vannam abhasi tasmim vatthusmim . eka pannatti .
Channam apattisamutthananam tihi samutthanehi samutthati.
The Pali Tipitaka in Roman Character Volume 8 page 120-123.
https://84000.org/tipitaka/read/roman_item.php?book=8&item=473&items=4
Classified by [Item Number] :-
http://84000.org/tipitaka/read/roman_item.php?book=8&item=473&items=4&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=8&item=473&items=4
Compare with The Royal Version of Thai Tipitaka :-
https://84000.org/tipitaka/read/byitem.php?book=8&item=473&items=4
Study Atthakatha :-
https://84000.org/tipitaka/attha/attha.php?b=8&i=473
Contents of The Tipitaka Volume 8
https://84000.org/tipitaka/read/?index_8
https://84000.org/tipitaka/english/?index_8
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
