paliTIPITAKA Volume 8 - Vinaya Pitaka 8

Samutthanasisasankhepam ^1- [826] Anicca sabbasankhara ^2- dukkhanatta ca sankhata. Nibbananceva pannatti anatta iti nicchaya. Buddhacande anuppanne buddhadicce anuggate tesam sabhagadhammanam namamattam na nayati ^3-. Dukkaram vividham katva purayitvana parami ^4- uppajjanti mahavira cakkhubhuta sabrahmake te desayanti saddhammam dukkhahanim sukhavaham. Angiraso sakyamuni sabbabhutanukampako sabbasattuttamo siho pitake tini desayi suttantam abhidhammanca vinayanca mahagunam. Evam niyati saddhammo vinayo yadi titthati ubhato ca vibhangani khandhaka ya ca matika mala suttaguneneva parivarena ganthita. Tasseva parivarassa samutthanam niyato katam sambhedanidanancannam sutte dissanti upari tasma sikkhe parivaram dhammakamo supesaloti. Vibhange dvisu pannattam uddisanti uposathe pavakkhami samutthanam yathanayam sunatha me. @Footnote: ¹ Yu. samutthanassuddanam. Ma. samutthanasisasankhepasamutthanassuddanam . ² Ma. Yu. @sabbe . ³ Ma. Yu. nayati . ⁴ Yu. parami. Parajikam yam pathamam dutiyanca tato param sancarittanubhasanca atirekanca civaram lomani padasodhammo bhutasamvidhanena ca theyyadesanacorinca ananunnaya ^1- terasa. Terasete samutthananaya vinnuhi cintita ekekasmim samutthane sadisa idha dissare. ------------ [827] Methunam sukkasamsaggo aniyata pathamika pubbupaparipacita raho bhikkhuniya saha sabhojane raho dve ca anguli udake hasam pahare uggire ceva tepannasa ca sekhiya adhakkhagamavassuta ^2- talamatthanca suddhika vassam vuttha ca ovadam nanubandhe pavattinim chasattati ime sikkha kayamanasika kata sabbe ekasamutthana pathamam parajikam yatha. Pathamaparajikasamutthanam nitthitam. [828] Adinnam viggahuttarim ^3- dutthulla attakaminam amula annabhagiya aniyata dutiyika acchinde parinamane musa omasapesuna dutthulla pathavikhane ^4- bhutam annaya ujjhape @Footnote: ¹ Ma. Yu. ananunnataya. ² Yu. adhakkhakam. ³ Ma. viggahuttari. ⁴ Yu. pathavimkhane. Nikkaddhanam sincananca amisahetu bhuttavi ehi anadari bhimsa apanidhe ca jivitam janam sappanakam kammam unasamvasanasana sahadhammikavilekha moho amulakena ca kukkuccam dhammikam ^1- ^[2]- datva parinameyya puggale kinte akalaacchinde duggahi nirayena ca ganam vibhangam dubbalam kathinaphasupassayam ^3- akkosacandi macchari gabbhini ca payantiya dve vassa sikkha sanghena tayo ceva gihigata kumaribhuta tisso ca unadvadasasammata alantava sokavassam ^4- chanda anuvassa ca dve sikkhapada sattatime samutthana tika kata kayacittena na vaca vacacitta na kayika ^5- tihi dvarehi jayanti parajikam dutiyam yatha. Dutiyaparajikasamutthanam nitthitam. [829] Sancari kuti viharo dhovananca patiggaho vinnattuttari abhihatthum ubhinnam dutakena ca kosiya suddhadvebhaga chabbassani nisidanam rincanti rupika ceva ubho nanappakaraka unabandhanavassika suttam vikappanena ca @Footnote: ¹ Yu. dhammakam. ² Ma. civaram. ³ Ma. kathinaphasupassayam. ⁴ Ma. Yu. sokavasam. @⁵ Ma. Yu. vacacittam na kayikam. Dvaradanasibbini ^1- ca puvapaccayajoti ca ratanam suci manco ca tulam nisidanakandu ca vassika ca sugatena vinnatti annacetapana dve sanghika mahajanika dve puggala lahuka garu dve vighasa satika ca samanacivarena ca samapannasime dhamma chahi thanehi jayare kayato na vacacitta vacato na kayamana kayavaca na cittato ^2- kayacitta na vacato ^3- vacacitta na kayena tihi thanehi ^4- jayare chasamutthanika cete ^5- sancarittena sadisa. Sancarittasamutthanam nitthitam. [830] Bhedanuvattadubbaca- dusadutthulladitthi ca chandam ujjagghika dve ca dve ca sadda na byahare chama nicasane thanam pacchato uppathena ca vajjanuvatti gahana osare paccacikkhana kismim samsattha dve vadhi visibbe dukkhitaya ca puna samsattha na vupasame aramanca pavarana anvaddhamasam ^6- sahajivini dve civaram anubandhana @Footnote: ¹ Ma. dvaradanasibbani ca. ² Ma. Yu. na ca citta. ³ Ma. Yu. na vacika. @⁴ Ma. Yu. dvarehi. ⁵ Ma. Yu. ete. ⁶ Ma. anvaddham sahajivinim. Sattatimsa ime dhamma kayavacaya cittato sabbe ekasamutthana samanubhasana yatha. Samanubhasanasamutthanam nitthitam. [831] Ubbhatam kathinam tini pathamam pattabhesajjam accekancapi ^1- sasankam pakkamantena va duve upassayam parampara anatirittam nimantana vikappam ranno vikale vosasarannakena ^2- ca usuya ^3- sannicayanca pure paccha vikale ca pancahika sankamani ^4- dvepi avasathena ca pasakhe asane ceva ^5- timsaekunaka ime kayavaca na cittato ^6- tihi dvarehi jayare dvisamutthanika sabbe kathinena saha sama ^7-. Kathinasamutthanam nitthitam. [832] Elakaloma dve seyya ahaccapindabhojanam ganavikale sannidhi dantaponenacelaka uyyuttam vase ^8- uyyodhi sura orena nhayana dubbanne dve desanika lasunuttitthe ^9- naccana. Nhanam attharanam seyya antoratthe tatha bahi @Footnote: ¹ Si. Yu. accekam vapi . ² vosasarannitena . ³ Ma. Yu. ussaya. @⁴ Po. sankamani . Yu. sankamani . ⁵ Po. dve pasakhe ca asane. @⁶ Ma. Yu. na ca citta . ⁷ Po. sama sama . ⁸ Ma. Yu. senam. @⁹ Ma. lasunupatitthe. Antovassam cittagaram asandi suttakantana veyyavaccam sahattha ca abhikkhukavasena ca chattam yananca sanghanim alankaram gandhavasitam bhikkhuni sikkhamana ca samaneri gihiniya asankacchika apatti cattarisa ca catuttari kayena na vacacittena kayacittena na vacato dvisamutthanika sabbe sama elakalomaka. Elakalomasamutthanam nitthitam.

The Pali Tipitaka in Roman Character Volume 8 page 224-229. https://84000.org/tipitaka/read/roman_item.php?book=8&item=826&items=7 Classified by [Item Number] :- http://84000.org/tipitaka/read/roman_item.php?book=8&item=826&items=7&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=8&item=826&items=7 Compare with The Royal Version of Thai Tipitaka :- https://84000.org/tipitaka/read/byitem.php?book=8&item=826&items=7 Study Atthakatha :- https://84000.org/tipitaka/attha/attha.php?b=8&i=826 Contents of The Tipitaka Volume 8 https://84000.org/tipitaka/read/?index_8 https://84000.org/tipitaka/english/?index_8