paliTIPITAKA Volume 9 - Sutta Pitaka 1

[346] Athakho so kevatta bhikkhu yena mahabrahma tenupasankami upasankamitva tam mahabrahmanam etadavoca kattha nu kho avuso ime cattaro mahabhuta aparisesa nirujjhanti seyyathidam pathavidhatu apodhatu tejodhatu vayodhatuti . evam vutte kevatta so mahabrahma tam bhikkhum etadavoca ahamasmi bhikkhu brahma mahabrahma abhibhu anabhibhuto annadatthudaso vasavatti issaro katta nimmita settho sajjita vasi pita bhutabhabyananti . dutiyampi kho kevatta so bhikkhu tam mahabrahmanam etadavoca na kho aham tam avuso evam pucchami tvamasi brahma mahabrahma abhibhu anabhibhuto annadatthudaso

--------------------------------------------------------------------------------------------- page281.

Vasavatti issaro katta nimmita sajjita vasi pita bhutabhabyanam evanca kho ahantam avuso evam pucchami kattha nu kho avuso ime cattaro mahabhuta aparisesa nirujjhanti seyyathidam pathavidhatu apodhatu tejodhatu vayodhatuti . dutiyampi kho kevatta so mahabrahma tam bhikkhum etadavoca ahamasmi bhikkhu brahma mahabrahma abhibhu anabhibhuto annadatthudaso vasavatti issaro katta nimmita settho sajjita vasi pita bhutabhabyananti . tatiyampi kho kevatta so bhikkhu tam mahabrahmanam etadavoca na kho ahantam avuso evam pucchami tvamasi brahma mahabrahma abhibhu anabhibhuto annadatthudaso vasavatti issaro katta nimmita settho sajjita vasi pita bhutabhabyanam evanca kho ahantam avuso evam pucchami kattha nu kho avuso ime cattaro mahabhuta aparisesa nirujjhanti seyyathidam pathavidhatu apodhatu tejodhatu vayodhatuti. [347] Athakho kevatta so mahabrahma tam bhikkhum bahayam gahetva ekamantam apanetva tam bhikkhum etadavoca ime kho mam bhikkhu brahmakayika deva evam jananti natthi kinci brahmuno annatam natthi kinci brahmuno adittham natthi kinci brahmuno aviditam natthi kinci brahmuno asacchikatanti tasma ahametesam sammukha na byakasim ahampi kho bhikkhu na janami yatthime cattaro mahabhuta aparisesa nirujjhanti seyyathidam pathavidhatu apodhatu

--------------------------------------------------------------------------------------------- page282.

Tejodhatu vayodhatuti tasma tiha bhikkhu tumhevetam dukkatam tumhevetam aparaddham yam tvam bhagavantam abhimuncitva ^1- bahiddha pariyetthim apajjasi imassa panhassa veyyakaranaya gaccha tvam bhikkhu tameva bhagavantam upasankamitva imam panham puccha yatha te bhagava byakaroti tatha nam dhareyyasiti. [348] Athakho kevatta so bhikkhu seyyathapi nama balava puriso samminjitam va baham pasareyya pasaritam va baham samminjeyya evameva brahmaloke antarahito mama purato paturahosi . athakho so kevatta so bhikkhu mam abhivadetva ekamantam nisidi . Ekamantam nasinno kho kevatta so bhikkhu mam etadavoca kattha nu kho bhante ime cattaro mahabhuta aparisesa nirujjhanti seyyathidam pathavidhatu apodhatu tejodhatu vayodhatuti. {348.1} Evam vutte aham kevatta tam bhikkhum etadavocam bhutapubbam bhikkhu samuddika banija tiradassim sakunam gahetva navaya ajjhogahanti te atiradassiniya navaya tiradassim sakunam muncanti so gacchati puratthimam disam gacchati dakkhinam disam gacchati pacchimam disam gacchati uttaram disam gacchati uddham disam gacchati anudisam sace so samanta tiram passati tathapakkanto va hoti sace pana so samanta tiram na passati tameva navam paccagacchati ayameva kho tvam bhikkhu yato yava brahmaloka pariyesamano imassa @Footnote: ¹ Si. atisitva.

--------------------------------------------------------------------------------------------- page283.

Panhassa veyyakaranena ajjhagama athakho mayhameva santike paccagato na kho eso bhikkhu panho evam pucchitabbo kattha nu kho bhante ime cattaro mahabhuta aparisesa nirujjhanti seyyathidam pathavidhatu apodhatu tejodhatu vayodhatuti . evanca kho so bhikkhu panho pucchitabbo. [349] Kattha apo ca pathavi ca tejo vayo na gadhati kattha dighanca rassanca anum thulam subhasubham kattha namanca rupanca asesam uparujjhatiti. Tatra veyyakaranam bhavati. [350] Vinnanam anidassanam anantam sabbato pabham ettha apo ca pathavi ca tejo vayo na gadhati ettha dighanca rassanca anum thulam subhasubham ettha namanca rupanca asesam uparujjhati vinnanassa nirodhena etthetam uparujjhatiti. Idamavoca bhagava . attamano kevatto gahapatiputto bhagavato bhasitam abhinanditi. Kevattasuttam ekadasamam nitthitam. ------------------

--------------------------------------------------------------------------------------------- page284.

Lohiccasuttam dvadasamam [351] Evamme sutam . ekam samayam bhagava kosalesu carikam caramano mahata bhikkhusamghena saddhim pancamattehi bhikkhusatehi yena salavatika tadavasari . tena kho pana samayena lohicco brahmano salavatikam ajjhavasati sattussadam satinakatthodakam sadhannam rajabhoggam ranna pasenadikosalena dinnam rajadayam brahmadeyyam. [352] Tena kho pana samayena lohiccassa brahmanassa evarupam papakam ditthigatam uppannam hoti idha samano va brahmano va kusalam dhammam adhigaccheyya kusalam dhammam adhigantva na parassa aroceyya kinhi paro parassa karissati seyyathapi nama puranam bandhanam chinditva annam navam bandhanam kareyya evam sampadamidam papakam lobhadhammam vadami kinhi paro parassa karissatiti . assosi kho lohicco brahmano samano khalu bho gotamo sakyaputto sakyakula pabbajito kosalesu carikancaramano mahata bhikkhusamghena saddhim pancamattehi bhikkhusatehi salavatikam anuppatto tam kho pana bhavantam gotamam evamkalyano kittisaddo abbhuggato itipi so bhagava .pe. buddho bhagavati so imam lokam sadevakam samarakam sabrahmakam sassamanabrahmanim pajam sadevamanussam sayam abhinna sacchikatva pavedeti so dhammam deseti adikalyanam majjhekalyanam

--------------------------------------------------------------------------------------------- page285.

Pariyosanakalyanam sattham sabyanjanam kevalaparipunnam parisuddham brahmacariyam pakaseti sadhu kho pana tatharupanam arahatam dassanam hotiti. [353] Athakho lohicco brahmano rosikam nhapitam amantesi ehi tvam samma rosike yena samano gotamo tenupasankama upasankamitva mama vacanena samanam gotamam appabadham appatankam lahutthanam balam phasuviharam puccha lohicco bho gotama brahmano bhavantam gotamam appabadham appatankam lahutthanam balam phasuviharam pucchatiti evanca vadehi adhivasetu kira bhavam gotamo lohiccassa brahmanassa svatanaya bhattam saddhim bhikkhusamghenati . evam bhanteti kho rosiko nhapiko lohiccassa brahmanassa patissutva yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho rosiko nhapiko bhagavantam etadavoca lohicco bhante brahmano bhagavantam appabadham appatankam lahutthanam balam phasuviharam pucchati evanca vadeti adhivasetu kira bhante bhagava lohiccassa brahmanassa svatanaya bhattam saddhim bhikkhusamghenati. Adhivasesi bhagava tunhibhavena. [354] Athakho rosiko nhapito bhagavato adhivasanam viditva utthayasana bhagavantam abhivadetva padakkhinam katva yena lohicco brahmano tenupasankami upasankamitva lohiccam brahmanam etadavoca avocumha kho mayam bhoto vacanena tam bhagavantam lohicco bhante

--------------------------------------------------------------------------------------------- page286.

Brahmano bhagavantam appabadham appatankam lahutthanam balam phasuviharam pucchati evanca vadeti adhivasetu kira bhante bhagava lohiccassa brahmanassa svatanaya bhattam saddhim bhikkhusamghenati adhivutthanca pana tena bhagavatati . athakho lohicco brahmano tassa rattiya accayena sake nivesane panitam khadaniyam bhojaniyam patiyadetva rosikam nhapitam amantesi ehi tvam samma rosike yena samano gotamo tenupasankama upasankamitva samanassa gotamassa kalam arocehi kalo bho gotama nitthitam bhattanti . evam bhoti kho rosiko nhapito lohiccassa brahmanassa patissutva yena bhagava tenupasankami upasankamitva bhagavantam abhivadetva ekamantam atthasi . ekamantam thito kho rosiko nhapito bhagavato kalam arocesi kalo bhante nitthitam bhattanti. [355] Athakho bhagava pubbanhasamayam nivasetva pattacivaramadaya saddhim bhikkhusamghena yena salavatika tenupasankami. {355.1} Tena kho pana samayena rosiko nhapito bhagavantam pitthito pitthito anubandho hoti . athakho rosiko nhapito bhagavantam etadavoca lohiccassa bhante brahmanassa evarupam papakam ditthigatam uppannam hoti idha samano va brahmano va kusalam dhammam adhigaccheyya kusalam dhammam adhigantva na parassa aroceyya kinhi paro parassa karissati seyyathapi nama puranam bandhanam chinditva annam navam bandhanam kareyya evam

--------------------------------------------------------------------------------------------- page287.

Sampadamidam papakam lobhadhammam vadami kinhi paro parassa karissatiti sadhu bhante bhagava lohiccam brahmanam etasma papaka ditthigata vivecetuti . appevanama siya rosike appevanama siya rosiketi. Athakho bhagava yena lohiccassa brahmanassa nivesanam tenupasankami upasankamitva pannatte asane nisidi . athakho lohicco brahmano buddhappamukham bhikkhusamgham panitena khadaniyena bhojaniyena sahattha santappesi sampavaresi. [356] Athakho lohicco brahmano bhagavantam bhuttavim onitapattapanim annataram nicam asanam gahetva ekamantam nisidi . Ekamantam nisinnam kho lohiccam brahmanam bhagava etadavoca saccam kira lohicca te evarupam papakam ditthigatam uppannam idha samano va brahmano va kusalam dhammam adhigaccheyya kusalam dhammam adhigantva na parassa aroceyya kinhi paro parassa karissati seyyathapi nama puranam bandhanam chinditva annam navam bandhanam kareyya evam sampadamidam papakam lobhadhammam vadami kinhi paro parassa karissatiti . Evam bho gotama . tam kim mannasi lohicca nanu tvam salavatikam ajjhavasasiti . evam bho gotama . yo nu kho lohicca evam vadeyya lohicco brahmano salavatikam ajjhavasati ya salavatikaya samudayam sanjati lohicco va tam brahmano ekako paribhunjeyya na annesam dadeyyati evamvadi so ye tam upajivanti tesam

--------------------------------------------------------------------------------------------- page288.

Antarayakaro va hoti no vati. {356.1} Antarayakaro bho gotama . antarayakaro samano hitanukampi va tesam hoti ahitanukampi vati . ahitanukampi bho gotama . ahitanukampissa mettam va tesu cittam paccupatthitam hoti sapattikam vati . sapattikam bho gotama . sapattike citte paccupatthite micchaditthi va hoti sammaditthi vati . micchaditthi bho gotama . Micchaditthissa kho aham lohicca dvinnam gatinam annataram gatim vadami nirayam va tiracchanayonim va. [357] Tam kim mannasi lohicca nanu raja pasenadikosalo kasikosalam ajjhavasatiti . evam bho gotama . yo nu kho lohicca evam vadeyya raja pasenadikosalo kasikosalam ajjhavasati ya kasikosale samudayam sanjati raja va tam pasenadikosalo ekako paribhunjeyya na annesam dadeyyati evamvadi so ye rajanam pasenadikosalam upajivanti tumhe ceva anne ca tesam antarayakaro va hoti no vati. {357.1} Antarayakaro bho gotama . antarayakaro samano hitanukampi va tesam hoti ahitanukampi vati . ahitanukampi bho gotama . ahitanukampissa mettam va tesu cittam paccupatthitam hoti sapattikam vati . sapattikam bho gotama . sapattike citte paccupatthite micchaditthi va hoti sammaditthi vati . micchaditthi bho gotama . Micchaditthissa kho aham lohicca dvinnam gatinam annataram gatim vadami nirayam va tiracchanayonim va.

--------------------------------------------------------------------------------------------- page289.

[358] Iti kira lohicca yo evam vadeyya lohicco brahmano salavatikam ajjhavasati ya salavatikaya samudayam sanjati lohicco va tam brahmano ekako paribhunjeyya na annesam dadeyyati evamvadi so ye tam upajivanti tesam antarayakaro hoti antarayakaro samano ahitanukampi hoti ahitanukampissa sapattikam cittam paccupatthitam hoti sapattike citte paccupatthite micchaditthi hoti . evameva kho lohicca yo evam vadeyya idha samano va brahmano va kusalam dhammam adhigaccheyya kusalam dhammam adhigantva na parassa aroceyya kinhi paro parassa karissatiti. {358.1} Seyyathapi nama puranam bandhanam .pe. karissatiti . Evamvadi so ye te kulaputta tathagatappaveditam dhammavinayam agamma evarupam ularam visesam adhigacchanti sotapattiphalampi sacchikaronti sakadagamiphalampi sacchikaronti anagamiphalampi sacchikaronti arahattampi sacchikaronti ye cime dibba gabbha paripacenti dibbanam bhavanam abhinibbattiya tesam antarayakaro hoti antarayakaro samano ahitanukampi hoti ahitanukampissa sapattikam cittam paccupatthitam hoti sapattike citte paccupatthite micchaditthi hoti . Micchaditthissa kho aham lohicca dvinnam gatinam annataram gatim vadami nirayam va tiracchanayonim va. [359] Iti kira lohicca yo evam vadeyya raja pasenadikosalo kasikosalam ajjhavasati ya kasikosale samudayam sanjati raja va

--------------------------------------------------------------------------------------------- page290.

Tam pasenadikosalo ekako paribhunjeyya na annesam dadeyyati evamvadi so ye rajanam pasenadikosalam upajivanti tumhe ceva anne ca tesam antarayakaro hoti antarayakaro samano ahitanukampi hoti ahitanukampissa sapattikam cittam paccupatthitam hoti sapattike citte paccupatthite micchaditthi hoti . evameva kho lohicca yo evam vadeyya idha samano va brahmano va kusalam dhammam adhigaccheyya kusalam dhammam adhigantva na parassa aroceyya kinhi paro parassa karissatiti. {359.1} Seyyathapi nama puranam bandhanam chinditva annam navam bandhanam kareyya evam sampadamidam papakammam lobhadhammam vadami kinhi paro parassa karissatiti . evamvadi so ye te kulaputta tathagatappaveditam dhammavinayam agamma evarupam ularam visesam adhigacchanti sotapattiphalampi sacchikaronti sakadagamiphalampi sacchikaronti anagamiphalampi sacchikaronti arahattampi sacchikaronti ye cime dibba gabbha paripacenti dibbanam bhavanam abhinibbattiya tesam antarayakaro hoti antarayakaro samano ahitanukampi hoti ahitanukampissa sapattikam cittam paccupatthitam hoti sapattike citte paccupatthite micchaditthi hoti . micchaditthissa kho aham lohicca dvinnam gatinam annataram gatim vadami nirayam va tiracchanayonim va. [360] Tayo khome lohicca sattharo ye loke codanaraha yo ca panevarupe sattharo codeti sa codana bhuta taccha dhammika

--------------------------------------------------------------------------------------------- page291.

Anavajja katame tayo idha lohicca ekacco sattha yassatthaya agarasma anagariyam pabbajito hoti svassa samannattho ananuppatto hoti . so tam samannattham ananupapunitva savakanam dhammam deseti idam vo hitaya idam vo sukhayati . Tassa savaka na sussanti na sotam odahanti na annacittam upatthapenti vokkamma ca satthu sasana vattanti . so evamassa codetabbo ayasma kho yassatthaya agarasma anagariyam pabbajito so te samannattho ananuppatto tam tvam samannattham ananupapunitva savakanam dhammam desesi idam vo hitaya idam vo sukhayati . tassa te savaka na sussanti na sotam odahanti na annacittam upatthapenti vokkamma ca satthu sasana vattanti seyyathapi nama osakkantiya va usakkeyya parammukhim va alingeyya evam sampadamidam papakam lobhadhammam vadami kinhi paro parassa karissatiti . ayam kho lohicca pathamo sattha yo loke codanaraho yo ca panevarupam sattharam codeti sa codana bhuta taccha dhammika anavajja. [361] Puna caparam lohicca idhekacco sattha yassatthaya agarasma anagariyam pabbajito hoti svassa samannattho ananuppatto hoti . so tam samannattham ananupapunitva savakanam dhammam deseti idam vo hitaya idam vo sukhayati . tassa te savaka sussanti sotam odahanti annacittam upatthapenti na ca vokkamma

--------------------------------------------------------------------------------------------- page292.

Satthu sasana vattanti . so evamassa codetabbo ayasma kho yassatthaya agarasma anagariyam pabbajito hoti so te samannattho ananuppatto tam tvam samannattham ananupapunitva savakanam dhammam desesi idam vo hitaya idam vo sukhayati . Tassa te savaka sussanti sotam odahanti annacittam upatthapenti na ca vokkamma satthu sasana vattanti seyyathapi nama sakam khettam ohaya parakkhettam niddayitabbam manneyya evam sampadamidam papakam lobhadhammam vadami kinhi paro parassa karissatiti . ayam kho lohicca dutiyo sattha yo loke codanaraho yo ca panevarupam sattharam codeti sa codana bhuta taccha dhammika anavajja. [362] Puna caparam lohicca idhekacco sattha yassatthaya agarasma anagariyam pabbajito hoti svassa samannattho anuppatto hoti . so tam samannattham anupapunitva savakanam dhammam deseti idam vo hitaya idam vo sukhayati . tassa savaka na sussanti na sotam odahanti na annacittam upatthapenti vokkamma ca satthu sasana vattanti . so evamassa codetabbo ayasma kho yassatthaya agarasma anagariyam pabbajito so te samannattho anuppatto tam tvam samannattham anupapunitva savakanam dhammam desesi idam vo hitaya idam vo sukhayati . Tassa te savaka na sussanti na sotam odahanti na annacittam

--------------------------------------------------------------------------------------------- page293.

Upatthapenti vokkamma ca satthu sasana vattanti seyyathapi nama puranam bandhanam chinditva annam navam bandhanam kareyya evam sampadamidam papakam lobhadhammam vadami kinhi paro parassa karissatiti . Ayam kho lohicca tatiyo sattha yo loke codanaraho yo ca panevarupam sattharam codeti sa codana bhuta taccha dhammika anavajja . Ime kho lohicca tayo sattharo ye loke codanaraha yo ca panevarupe sattharo codeti sa codana bhuta taccha dhammika anavajjati. [363] Evam vutte lohicco brahmano bhagavantam etadavoca atthi pana bho gotama koci sattha yo loke na codanarahoti . Atthi kho lohicca sattha yo loke na codanarahoti . katamo pana bho gotama sattha yo loke na codanarahoti. {363.1} Idha lohicca tathagato loke uppajjati araham sammasambuddho .pe. (yatha samannaphale evam vittharetabbam) .pe. evam kho lohicca bhikkhu silasampanno hoti .pe. pathamam jhanam upasampajja viharati . yasmim kho lohicca satthari savako evarupam ularam visesam adhigacchati . ayam kho lohicca sattha yo loke na codanaraho yo panevarupam sattharam codeti sa codana abhuta ataccha adhammika savajja .pe. dutiyam jhanam . tatiyam jhanam . catuttham jhanam upasampajja viharati . yasmim kho lohicca satthari savako evarupam ularam visesam adhigacchati . ayampi kho lohicca sattha yo loke

--------------------------------------------------------------------------------------------- page294.

Na codanaraho yo ca panevarupam sattharam codeti sa codana abhuta ataccha adhammika savajja .pe. nanadassanaya cittam abhiniharati abhininnameti . yasmim kho lohicca satthari savako evarupam .pe. naparam itthattayati pajanati . yasmim kho lohicca satthari savako evarupam ularam visesam adhigacchati . ayam kho lohicca sattha yo loke na codanaraho yo ca panevarupam sattharam codeti sa codana abhuta ataccha adhammika savajjati. [364] Evam vutte lohicco brahmano bhagavantam etadavoca seyyathapi bho gotama puriso purisam narakapapatam papatantam kesesu gahetva uddharitva thale patitthapeyya evamevaham bhota gotamena narakapapatam papatanto uddharitva thale patitthapito abhikkantam bho gotama abhikkantam bho gotama seyyathapi bho gotama nikkujjitam va ukkujjeyya paticchannam va vivareyya mulhassa va maggam acikkheyya .pe. upasakam mam bhavam gotamo dharetu ajjatagge panupetam saranangatanti .pe. Lohiccasuttam dvadasamam nitthitam. ------------

--------------------------------------------------------------------------------------------- page295.

Tevijjasuttam terasamam [365] Evamme sutam. Ekam samayam bhagava kosalesu carikancaramano mahata bhikkhusamghena saddhim pancamattehi bhikkhusatehi yena manasakatannama kosalanam brahmanagamo tadavasari . tatra sudam bhagava manasakate viharati uttarena manasakatassa aciravatiya nadiya tire ambavane. [366] Tena kho pana samayena sambahula abhinnata abhinnata brahmanamahasala manasakate pativasanti seyyathidam vanki brahmano tarukkho brahmano pokkharasati brahmano janussoni *- brahmano todeyyabrahmano anne ca abhinnata abhinnata brahmanamahasala . athakho vasetthabharadvajanam manavanam janghaviharam anucankamantanam anuvicarantanam maggamagge katha udapadi vasettho manavo evamaha ayameva ujumaggo ayamanjasayano niyyaniko niyyati takkarassa brahmasahabyataya yvayam akkhato brahmanena pokkharasatinati . bharadvajopi manavo evamaha ayameva ujumaggo ayamanjasayano niyyaniko niyyati takkarassa brahmasahabyataya yvayam akkhato brahmanena tarukkhenati . Neva kho asakkhi vasettho manavo bharadvajam manavam sannapetum na pana asakkhi bharadvajo manavo vasettham manavam sannapetum. @Footnote:* mikar—kr khagoe janusoni peDna janussoni

--------------------------------------------------------------------------------------------- page296.

[367] Athakho vasettho manavo bharadvajam manavam amantesi ayam kho pana bharadvaja samano gotamo sakyaputto sakyakula pabbajito manasakate viharati uttarena manasakatassa aciravatiya nadiya tire ambavane tam kho pana bhavantam gotamam evamkalyano kittisaddo abbhuggato itipi so bhagava araham sammasambuddho .pe. Bhagavati ayama bharadvaja yena samano gotamo tenupasankamissama upasankamitva etamattham samanam gotamam pucchissama yatha no samano gotamo byakarissati tatha nam dharessamati . evam bhoti kho bharadvajo manavo vasetthassa manavassa paccassosi. [368] Athakho vasetthabharadvaja manava yena bhagava tenupasankamimsu upasankamitva bhagavata saddhim sammodimsu sammodaniyam katham saraniyam vitisaretva ekamantam nisidimsu . ekamantam nisinno kho vasettho manavo bhagavantam etadavoca idha bho gotama amhakam janghaviharam anucankamantanam anuvicarantanam maggamagge katha udapadi aham evam vadami ayameva ujumaggo ayamanjasayano niyyaniko niyyati takkarassa brahmasahabyataya yvayam akkhato brahmanena pokkharasatinati bharadvajo manavo evamaha ayameva ujumaggo ayamanjasayano niyyaniko niyyati takkarassa brahmasahabyataya yvayam akkhato brahmanena tarukkhenati ettha bho gotama attheva viggaho atthi vivado atthi nanavadoti. Iti

--------------------------------------------------------------------------------------------- page297.

Kira vasettha tvam evam vadesi ayameva ujumaggo ayamanjasayano niyyaniko niyyati takkarassa brahmasahabyataya yvayam akkhato brahmanena pokkharasatinati bharadvajo manavo evamaha ayameva ujumaggo ayamanjasayano niyyaniko niyyati takkarassa brahmasahabyataya yvayam akkhato akkhato brahmanena tarukkhenati atha kismim pana vo vasettha viggaho kismim vivado kismim nanavadoti. {368.1} Maggamagge bho gotama kincapi bho gotama brahmana nanamagge pannapenti addhariya brahmana tittiriya brahmana chandoka brahmana bavharidha brahmana athakho sabbani tani niyyanikani niyyanti takkarassa brahmasahabyataya seyyathapi bho gotama gamassa va nigamassa va avidure bahuni cepi nanamaggani bhavanti athakho sabbani tani gamasamosaranani bhavanti evameva kho bho gotama kincapi brahmana nanamagge pannapenti addhariya brahmana tittiriya brahmana chandoka brahmana bavharidha brahmana athakho sabbani tani niyyanikani niyyanti takkarassa brahmasahabyatayati . Niyyantiti vasettha vadesi. {368.2} Niyyantiti bho gotama vadami . niyyantiti vasettha vadesi . niyyantiti bho gotama vadami . Niyyantiti vasettha vadesi. Niyyantiti bho gotama vadamiti. [369] Kim pana vasettha atthi koci tevijjanam brahmananam ekabrahmanopi yena brahma sakkhi ditthoti . no hidam bho

--------------------------------------------------------------------------------------------- page298.

Gotama . kim pana vasettha atthi koci tevijjanam brahmananam ekacariyopi yena brahma sakkhi ditthoti . no hidam bho gotama . kim pana vasettha atthi koci tevijjanam brahmananam acariyapacariyopi yena brahma sakkhi ditthoti . no hidam bho gotama . kim pana vasettha atthi koci tevijjanam brahmananam yava sattamacariyamahayuga yena brahma sakkhi ditthoti . no hidam bho gotama . kim pana vasettha atthi ye te tevijjanam brahmananam pubbaka isayo mantanam kattaro mantanam pavattaro yesamidam etarahi tevijja brahmana puranam mantapadam gitam pavuttam samihitam tadanugayanti tadanubhasanti bhasitamanubhasanti vacitamanuvacenti seyyathidam atthako vamako vamadevo vessamitto yamataggi angiraso bharadvajo vasettho kassapo bhagu tepi nam evamahamsu mayametam janama mayametam passama yattha va brahma yena va brahma yahim va brahmati. No hidam bho gotama. [370] Iti kira vasettha natthi koci tevijjanam brahmananam ekabrahmanopi yena brahma sakkhi ditthoti . no hidam bho gotama . kim pana vasettha natthi koci tevijjanam brahmananam ekacariyopi yena brahma sakkhi ditthoti . no hidam bho gotama. Kim pana vasettha natthi koci tevijjanam brahmananam acariyapacariyopi yena brahma sakkhi ditthoti . no hidam bho gotama .

--------------------------------------------------------------------------------------------- page299.

Kim pana vasettha natthi koci tevijjanam brahmananam yava sattamacariyamahayuga yena brahma sakkhi ditthoti . no hidam bho gotama . kim pana vasettha yepi te kira tevijjanam brahmananam pubbaka isayo mantanam kattaro mantanam pavattaro yesamidam etarahi tevijja brahmana poranam mantapadam gitam pavuttam samihitam tadanugayanti tadanubhasanti bhasitamanubhasanti vacitamanuvacenti seyyathidam atthako vamako vamadevo vessamitto yamataggi angiraso bharadvajo vasettho kassapo bhagu tepi nam evamahamsu mayametam janama mayametam passama yattha va brahma yena va brahma yahim va brahmati . te va tevijja brahmana evamahamsu mayam na janama mayam na passama tassa sahabyataya maggam desema ayameva ujumaggo ayamanjasayano niyyaniko niyyati takkarassa brahmasahabyatayati. [371] Tam kim mannasi vasettha nanu evam sante tevijjanam brahmananam appatihirikatam bhasitam sampajjatiti . addha kho bho gotama evam sante tevijjanam brahmananam appatihirikatam bhasitam sampajjatiti . sadhu vasettha tevijja brahmana yam na jananti yam na passanti tassa sahabyataya maggam desissanti ayameva ujumaggo ayamanjasayano niyyaniko niyyati takkarassa brahmasahabyatayati netam thanam vijjati . seyyathapi vasettha

--------------------------------------------------------------------------------------------- page300.

Andhaveniparamparasamsatta purimopi na passati majjhimopi na passati pacchimopi na passati evameva kho vasettha andhavenupamam manne tevijjanam brahmananam bhasitam purimopi na passati majjhimopi na passati pacchimopi na passati tesamidam tevijjanam brahmananam bhasitam hassakamyeva sampajjati namakamyeva sampajjati rittakamyeva sampajjati tucchakamyeva sampajjati . tam kim mannasi vasettha passanti tevijja brahmana candimasuriye anne vapi bahu jana yato ca candimasuriya uggacchanti yattha ca ogacchanti ayacanti thomayanti panjalika namassamana anuparivattantiti . evam bho gotama passanti tevijja brahmana candimasuriye anne vapi bahu jana yato ca candimasuriya uggacchanti yattha ca ogacchanti ayacanti thomayanti panjalika namassamana anuparivattantiti. [372] Tam kim mannasi vasettha yam passanti tevijja brahmana candimasuriye anne vapi bahu jana yato ca candimasuriya uggacchanti yattha ca ogacchanti ayacanti thomayanti panjalika namassamana anuparivattantiti tesampi pahonti tevijja brahmana candimasuriyanam sahabyataya maggam desetum ayameva ujumaggo ayamanjasayano niyyaniko niyyati takkarassa candimasuriyanam sahabyatayati . no hidam bho gotama. Iti kira vasettha yam passanti tevijja brahmana candimasuriye anne vapi bahu jana yato ca candimasuriya uggacchanti

--------------------------------------------------------------------------------------------- page301.

Yattha ca ogacchanti ayacanti thomayanti panjalika namassamana anuparivattanti tesampi na pahonti candimasuriyanam sahabyataya maggam desetum ayameva ujumaggo ayamanjasayano niyyaniko niyyati takkarassa candimasuriyanam sahabyatayati kim pana na kira tevijjehi brahmanehi brahma sakkhi dittho napi kira tevijjanam brahmananam acariyehi brahma sakkhi dittho napi kira tevijjanam brahmananam acariyapacariyehi brahma sakkhi dittho napi kira tevijjanam brahmananam yava sattamacariyamahayuga brahma sakkhi dittho yepi kira tevijjanam brahmananam pubbaka isayo mantanam kattaro mantanam pavattaro yesamidam etarahi tevijja brahmana poranam mantapadam gitam pavuttam samihitam tadanugayanti tadanubhasanti bhasitamanubhasanti vacitamanuvacenti seyyathidam atthako vamako vamadevo vessamitto yamataggi angiraso bharadvajo vasettho kassapo bhagu tepi nam evamahamsu mayametam janama mayametam passama yattha va brahma yena va brahma yahim va brahmati . te va tevijja brahmana evamahamsu yam na janama yam na passama tassa sahabyataya maggam desema ayameva ujumaggo ayamanjasayano niyyaniko niyyati takkarassa brahmasahabyatayati. [373] Tam kim mannasi vasettha nanu evam sante tevijjanam brahmananam appatihirikatam bhasitam sampajjatiti . addha kho bho

--------------------------------------------------------------------------------------------- page302.

Gotama evam sante tevijjanam brahmananam appatihirikatam bhasitam sampajjatiti . sadhu vasettha te ca vasettha tevijja brahmana yam na jananti yam na passanti tassa sahabyataya maggam desessanti ayameva ujumaggo ayamanjasayano niyyaniko niyyati takkarassa brahmasahabyatayati netam thanam vijjati. [374] Seyyathapi vasettha puriso evam vadeyya aham ya imasmim janapade janapadakalyani tam icchami tam kamemiti . tamenam evam vadeyyum ambho purisa yam tvam janapadakalyanim icchasi kamesi janasi tam janapadakalyanim khattiyim va brahmanim va vessim va suddim vati . iti puttho noti vadeyya . tamenam evam vadeyyum ambho purisa yam tvam janapadakalyanim icchasi kamesi janasi tam janapadakalyanim evamnama va evamgotta va digha va rassa va majjhima va kalika va sama va manguracchavi vati amukasmim game va nigame va nagare vati . iti puttho noti vadeyya. Tamenam evam vadeyyum ambho purisa yam tvam na janasi na passasi tam tvam icchasi kamesiti. Iti puttho amati vadeyya. {374.1} Tam kim mannasi vasettha nanu evam sante tassa purisassa appatihirikatam bhasitam sampajjatiti . addha kho bho gotama evam sante tassa purisassa appatihirikatam bhasitam sampajjatiti . evameva kho vasettha na kira tevijjehi brahmanehi brahma sakkhi dittho .pe.

--------------------------------------------------------------------------------------------- page303.

[375] Seyyathapi vasettha puriso catummahapathe nissenim kareyya pasadassa arohanaya . tamenam evam vadeyyum ambho purisa yam tvam pasadassa arohanaya nissenim karosi janasi tam pasadam puratthimaya va disaya dakkhinaya va disaya pacchimaya va disaya uttaraya va disaya ucco va nico va majjho vati . iti puttho noti vadeyya . tamenam evam vadeyyum ambho purisa yam tvam na janasi na passasi tassa tvam pasadassa arohanaya nissenim karositi . iti puttho amati vadeyya . tam kim mannasi vasettha nanu evam sante tassa purisassa appatihirikatam bhasitam sampajjatiti . Addha bho gotama evam sante tassa purisassa appatihirikatam bhasitam sampajjatiti. {375.1} Evameva kho vasettha na kira tevijjehi brahmanehi brahma sakkhi dittho napi kira tevijjanam brahmananam acariyehi brahma sakkhi dittho napi kira tevijjanam brahmananam acariyapacariyehi brahma sakkhi dittho napi kira tevijjanam brahmananam yava sattamacariyamahayuga brahma sakkhi dittho yepi kira tevijjanam brahmananam pubbaka isayo mantanam kattaro mantanam pavattaro yesamidam etarahi tevijja brahmana poranam mantapadam gitam pavuttam samihitam tadanugayanti tamanubhasanti bhasitamanubhasanti vacitamanuvacenti seyyathidam atthako vamako vamadevo vessamitto yamataggi angiraso bharadvajo vasettho kassapo bhagu tepi na evamahamsu mayametam

--------------------------------------------------------------------------------------------- page304.

Janama mayametam passama yattha va brahma yena va brahma yahim va brahmati . te va tevijja brahmana evamahamsu yam na janama yam na passama tassa sahabyataya maggam desema ayameva ujumaggo ayamanjasayano niyyaniko niyyati takkarassa brahmasahabyatayati. {375.2} Tam kim mannasi vasettha nanu evam sante tevijjanam brahmananam appatihirikatam bhasitam sampajjatiti . addha kho bho gotama evam sante tevijjanam brahmananam appatihirikatam bhasitam sampajjatiti . sadhu vasettha te ca vasettha tevijja brahmana yam na jananti yam na passanti tassa sahabyataya maggam desessanti ayameva ujumaggo ayamanjasayano niyyaniko niyyati takkarassa brahmasahabyatayati netam thanam vijjati. [376] Seyyathapi vasettha ayam aciravati nadi pura udakassa samatittika kakapeyya athakho puriso agaccheyya paratthiko paragavesi paragami param taritukamo so orime tire thito parimantiram avheyya ehi para param ehi para paranti . tam kim mannasi vasettha api nu tassa purisassa avhayanahetu va ayacanahetu va patthanahetu va abhinandanahetu va aciravatiya nadiya parimantiram orimantiram agaccheyyati . no hidam bho gotama. Evameva kho vasettha tevijja brahmana ye dhamma brahmanakarana te dhamme pahaya vattamana ye dhamma abrahmanakarana

--------------------------------------------------------------------------------------------- page305.

Te dhamme samadaya vattamana evamahamsu indam avhayama somam avhayama varunam avhayama isanam avhayama pajapatim avhayama brahmanam avhayama mahindam avhayamati . te ca vasettha tevijja brahmana ye dhamma brahmanakarana te dhamme pahaya pavattamana ye dhamma abrahmanakarana te dhamme samadaya vattamana avhayanahetu va ayacanahetu va patthanahetu va abhinandanahetu va kayassa bheda parammarana brahmanam sahabyupaga bhavissantiti netam thanam vijjati. [377] Seyyathapi vasettha ayam aciravati nadi pura udakassa samatittika kakapeyya atha puriso agaccheyya paratthiko paragavesi paragami param taritukamo so orime tire dalhaya rajjuya pacchabaham galhabandhanam bandho tam kim mannasi vasettha nanu so puriso aciravatiya nadiya orima tira parimantiram gaccheyyati . No hidam bho gotama. {377.1} Evameva kho vasettha pancime kamaguna ariyassa vinaye adduntipi vuccanti bandhanantipi vuccanti katame panca cakkhuvinneyya rupa ittha kanta manapa piyarupa kamupasanhita rajaniya sotavinneyya sadda .pe. ghanavinneyya gandha . Jivhavinneyya rasa . kayavinneyya photthabba ittha kanta manapa piyarupa kamupasanhita rajaniyati . ime kho vasettha panca kamaguna ariyassa vinaye adduntipi

--------------------------------------------------------------------------------------------- page306.

Vuccanti bandhanantipi vuccanti ime kho vasettha panca kamagune tevijja brahmana gadhita mucchita ajjhosanna anadinavadassavino anissaranapanna paribhunjanti . te ca vasettha tevijja brahmana ye dhamma brahmanakarana te dhamme pahaya vattamana ye dhamma abrahmanakarana te dhamme samadaya vattamana panca kamagune gadhita mucchita ajjhosanna anadinavadassavino anissaranapanna paribhunjanti kamachandabandha kayassa bheda parammarana brahmanam sahabyupaga bhavissantiti netam thanam vijjati. [378] Seyyathapi vasettha ayam aciravati nadi pura udakassa samatittika kakapeyya athakho puriso agaccheyya paratthiko paragavesi paragami param taritukamo so orime tire sasisam parupitva nipajjeyya . tam kim mannasi vasettha api nu kho so puriso aciravatiya nadiya orima tira parimantiram gaccheyyati. No hidam bho gotama . evameva kho vasettha pancime nivarana ariyassa vinaye avaranatipi vuccanti nivaranatipi vuccanti onahanatipi vuccanti pariyohanatipi vuccanti katame panca kamachandanivaranam byapadanivaranam thinamiddhanivaranam uddhaccakukkuccanivaranam vicikicchanivaranam ime kho vasettha panca nivarana ariyassa vinaye avaranatipi vuccanti nivaranatipi vuccanti onahanatipi vuccanti pariyohanatipi vuccanti.

--------------------------------------------------------------------------------------------- page307.

[379] Imehi kho vasettha pancahi nivaranehi tevijja brahmana avuta nivuta ophuta pariyonaddha . te ca vasettha tevijja brahmana ye dhamma brahmanakarana te dhamme pahaya vattamana ye dhamma abrahmanakarana te dhamme samadaya vattamana pancahi nivaranehi avuta nivuta ophuta pariyonaddha te kayassa bheda parammarana brahmasahabyupaga bhavissantiti netam thanam vijjati. [380] Tam kim mannasi vasettha kinti te sutam brahmananam vuddhanam mahallakanam acariyapacariyanam bhasamananam sapariggaho va brahma apariggaho vati . apariggaho bho gotama. Saveracitto va averacitto vati . averacitto bho gotama . sabyapajjhacitto va abyapajjhacitto vati . abyapajjhacitto bho gotama . Samkilitthacitto va asamkilitthacitto vati . asamkilitthacitto bho gotama. Vasavatti va avasavatti vati. Vasavatti bho gotama. {380.1} Tam kim mannasi vasettha sapariggaha va tevijja brahmana apariggaha vati . sapariggaha bho gotama. Saveracitta va averacitta vati . saveracitta bho gotama. Sabyapajjhacitta va abyapajjhacitta vati . sabyapajjhacitta bho gotama. Samkilitthacitta va asamkilitthacitta vati . samkilitthacitta bho gotama . vasavatti va avasavatti vati. Avasavatti bho gotama.

--------------------------------------------------------------------------------------------- page308.

[381] Iti kira te vasettha sapariggaha tevijja brahmana apariggaho brahma api nu kho sapariggahanam tevijjanam brahmananam apariggahena brahmuna saddhim samsandati sametiti . No hetam bho gotama. Sadhu vasettha te ca vasettha sapariggaha tevijja brahmana kayassa bheda parammarana apariggahassa brahmuno sahabyupaga bhavissantiti netam thanam vijjati. {381.1} Iti kira te vasettha saveracitta tevijja brahmana averacitto brahma api nu kho saveracittanam tevijjanam brahmananam averacittena brahmuna saddhim samsandati sametiti. No hetam bho gotama. Iti kira te vasettha sabyapajjhacitta tevijja brahmana abyapajjhacitto brahma samkilitthacitta tevijja brahmana asamkilitthacitto brahma avasavatti tevijja brahmana vasavatti brahma api nu kho avasavattinam tevijjanam brahmananam vasavattina brahmuna saddhim samsandati sametiti . no hetam bho gotama . sadhu vasettha te ca vasettha avasavatti tevijja brahmana kayassa bheda parammarana vasavattissa brahmuno sahabyupaga bhavissantiti netam thanam vijjati . idha kho pana te vasettha tevijja brahmana asiditva samsidanti samsiditva visattam papunanti sukhataram manne taranti tasma idam tevijjanam brahmananam tevijjairinantipi vuccati tevijjavivanantipi vuccati tevijjabyasanantipi vuccatiti.

--------------------------------------------------------------------------------------------- page309.

[382] Evam vutte vasettho manavo bhagavantam etadavoca sutam metam bho gotama samano gotamo brahmanam sahabyataya maggam janatiti . tam kim mannasi vasettha asanne ito manasakatam na ito dure manasakatanti . evam bho gotama asanne ito manasakatam na ito dure manasakatanti . tam kim mannasi vasettha idha puriso manasakate jatasamvaddho tamenam manasakata tavadeva avasatam manasakatassa maggam puccheyyam siya nu kho vasettha tassa purisassa manasakate jatasamvaddhassa manasakatassa maggam putthassa dandhayitattam va vitthayitattam vati . no hidam bho gotama. Tam kissa hetu. Asuko hi bho gotama puriso manasakate jatasamvaddho tassa sabbaneva manasakatassa maggani suviditaniti . siya kho vasettha tassa purisassa manasakate jatasamvaddhassa manasakatassa maggam putthassa dandhayitattam va vitthayitattam va na tveva tathagatassa brahmaloke va brahmalokagaminiya va patipadaya putthassa dandhayitattam va vitthayitattam va brahmanancaham vasettha pajanami brahmalokanca brahmalokagamininca patipadam yathapatipanno ca brahma brahmalokam upapanno tanca pajanamiti. [383] Evam vutte vasettho manavo bhagavantam etadavoca sutam metam bho gotama samano gotamo brahmanam sahabyataya maggam desetiti sadhu no bhavam bho gotamo brahmanam sahabyataya maggam

--------------------------------------------------------------------------------------------- page310.

Desetu ullumpatu bhavam bho gotamo brahmanim pajanti . tenahi vasettha sunahi sadhukam manasikarohi bhasissamiti . evam bhoti kho vasettho manavo bhagavato paccassosi. {383.1} Bhagava etadavoca idha vasettha tathagato loke uppajjati araham sammasambuddho .pe. (yatha samannaphalam evam vittharetabbam) .pe. Evam kho vasettha bhikkhu silasampanno hoti .pe. Tassime panca nivarane pahine attani samanupassato pamujjam jayati pamuditassa piti jayati pitimanassa kayo passambhati passaddhakayo sukham vedeti sukhino cittam samadhiyati . so mettasahagatena cetasa ekam disam pharitva viharati tatha dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam mettasahagatena cetasa vipulena mahaggatena appamanena averena abyapajjhena pharitva viharati . Seyyathapi vasettha balava samkhadhamo appakasireneva catuddisa vinnapeyya evameva kho vasettha evam bhavitaya mettaya cetovimuttiya yam pamanakatam kammam na tam tatravasissati na tam tatravatitthati. Ayampi kho vasettha brahmanam sahabyataya maggo. [384] Puna caparam vasettha bhikkhu karunasahagatena cetasa .pe. Muditasahagatena cetasa .pe. upekkhasahagatena cetasa ekam disam pharitva viharati tatha dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam upekkhasahagatena

--------------------------------------------------------------------------------------------- page311.

Cetasa vipulena mahaggatena appamanena averena abyapajjhena pharitva viharati . seyyathapi vasettha balava samkhadhamo appakasireneva catuddisa vinnapeyya evameva kho vasettha evam bhavitaya upekkhaya cetovimuttiya yam pamanakatam kammam na tam tatravasissati na tam tatravatitthati . ayam kho vasettha brahmanam sahabyataya maggo. {384.1} Tam kim mannasi vasettha evamvihari bhikkhu sapariggaho va apariggaho vati . apariggaho bho gotama . saveracitto va averacitto vati . averacitto bho gotama . sabyapajjhacitto va abyapajjhacitto vati . abyapajjhacitto bho gotama . Samkilitthacitto va asamkilitthacitto vati . asamkilitthacitto bho gotama. Vasavatti va avasavatti vati . vasavatti bho gotama . Iti kira vasettha apariggaho bhikkhu apariggaho brahma api nu kho apariggahassa bhikkhuno apariggahena brahmuna saddhim samsandati sametiti . evam bho gotama. Sadhu vasettha so ca vasettha apariggaho bhikkhu kayassa bheda parammarana apariggahassa brahmuno sahabyupago bhavissatiti thanametam vijjati . iti kira vasettha averacitto bhikkhu averacitto brahma .pe. Abyapajjhacitto bhikkhu abyapajjhacitto brahma . asamkilitthacitto bhikkhu asamkilitthacitto brahma . vasavatti bhikkhu vasavatti brahma api nu kho vasavattissa bhikkhuno vasavattina brahmuna saddhim samsandati

--------------------------------------------------------------------------------------------- page312.

Sametiti . evam bho gotama . Sadhu vasettha so ca vasettha vasavatti bhikkhu kayassa bheda parammarana vasavattissa brahmuno sahabyupago bhavissatiti. Thanametam vijjatiti. [385] Evam vutte vasetthabharadvaja manava bhagavantam etadavocum abhikkantam bho gotama abhikkantam bho gotama seyyathapi bho gotama nikkujjitam va ukkujjeyya paticchannam va vivareyya mulhassa va maggam acikkheyya andhakare va telapajjotam dhareyya cakkhumanto rupani dakkhantiti evameva kho bhota gotamena anekapariyayena dhammo pakasito ete mayam bhavantam gotamam saranam gacchama dhammanca bhikkhusamghanca upasake no bhavam gotamo dharetu ajjatagge panupetam saranangateti. Tevijjasuttam terasamam nitthitam. -------------- Tassuddanam brahma samanna ambattha sonakuta mahali jalini sihapotthapadasubho kevatto lohicca tevijja terasati. Silakkhandhavaggo nitthito.

The Pali Tipitaka in Roman Character Volume 9 page 280-312. https://84000.org/tipitaka/read/roman_item.php?book=9&item=346&items=40&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=9&item=346&items=40&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=9&item=346&items=40&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=9&item=346&items=40&pagebreak=1&modeTY=2 Study Atthakatha :- https://84000.org/tipitaka/attha/attha.php?b=9&i=346 Contents of The Tipitaka Volume 9 https://84000.org/tipitaka/read/?index_9 https://84000.org/tipitaka/english/?index_9