paliTIPITAKA Volume 10 - Sutta Pitaka 2

[98] Attha kho ime ananda hetu attha paccaya mahato bhumicalassa patubhavaya. Katame attha. {98.1} Ayam ananda mahapathavi udake patitthita udakam vate patitthitam vato akasattho hoti so kho ananda samayo yam mahavata vayanti mahavata vayanta udakam kampenti udakam kampitam pathavim kampeti ayam pathamo hetu pathamo paccayo mahato bhumicalassa patubhavaya. {98.2} Puna caparam ananda samano va hoti brahmano va iddhima cetovasippatto devo va mahiddhiko mahanubhavo tassa ^1- paritta pathavisanna bhavita hoti appamana aposanna so imam pathavim kampeti sankampeti sampakampeti sampavedheti ayam dutiyo hetu dutiyo paccayo mahato bhumicalassa patubhavaya. {98.3} Puna caparam ananda yada bodhisatto tusita kaya cavitva sato sampajano matu kucchim okkamati tadayam pathavi kampati sankampati sampakampati sampavedhati ayam tatiyo hetu tatiyo paccayo mahato bhumicalassa patubhavaya. {98.4} Puna caparam ananda yada bodhisatto sato sampajano matu kucchimha nikkhamati tadayam pathavi kampati sankampati sampakampati sampavedhati ayam catuttho hetu catuttho paccayo mahato bhumicalassa patubhavaya. @Footnote: ¹ Si. Yu. yassa. {98.5} Puna caparam ananda yada tathagato anuttaram sammasambodhim abhisambujjhati tadayam pathavi kampati sankampati sampakampati sampavedhati ayam pancamo hetu pancamo paccayo mahato bhumicalassa patubhavaya. Puna caparam ananda yada tathagato anuttaram dhammacakkam pavattesi ^1- tadayam pathavi kampati sankampati sampakampati sampavedhati ayam chattho hetu chattho paccayo mahato bhumicalassa patubhavaya. {98.6} Puna caparam ananda yada tathagato sato sampajano ayusankharam ossajjati tadayam pathavi kampati sankampati sampakampati sampavedhati ayam sattamo hetu sattamo paccayo mahato bhumicalassa patubhavaya. {98.7} Puna caparam ananda yada tathagato anupadisesaya nibbanadhatuya parinibbayati tadayam pathavi kampati sankampati sampakampati sampavedhati ayam atthamo hetu atthamo paccayo mahato bhumicalassa patubhavaya . ime kho ananda attha hetu attha paccaya mahato bhumicalassa patubhavayati.

The Pali Tipitaka in Roman Character Volume 10 page 126-127. http://84000.org/tipitaka/read/roman_item_s.php?book=10&item=98&items=1&modeTY=2 Classified by [Item Number] :- http://84000.org/tipitaka/read/roman_item_s.php?book=10&item=98&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=10&item=98&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=10&item=98&items=1&modeTY=2 Study Atthakatha :- http://84000.org/tipitaka/attha/attha.php?b=10&i=98 The Pali Atthakatha in Thai :- http://84000.org/tipitaka/atthapali/read_th.php?B=5&A=2965 The Pali Atthakatha in Roman :- http://84000.org/tipitaka/atthapali/read_rm.php?B=5&A=2965 Contents of The Tipitaka Volume 10 http://84000.org/tipitaka/read/?index_10