[353] Evamme sutam ekam samayam bhagava savatthiyam viharati
jetavane anathapindikassa arame . atha kho pingalakoccho
brahmano yena bhagava tenupasankami upasankamitva bhagavata saddhim
sammodi sammodaniyam katham saraniyam vitisaretva ekamantam nisidi .
Ekamantam nisinno kho pingalakoccho brahmano bhagavantam etadavoca
yeme bho gotama samanabrahmana sanghino ganino ganacariya nata
yasassino titthakara sadhusammata bahujanassa seyyathidam purano
kassapo makkhali gosalo ajito kesakambalo pakudho kaccayano
sanjayo velatthaputto nigantho nataputto sabbe te sakaya
patinnaya abbhannimsu sabbeva na abbhannimsu udahu ekacce
abbhannimsu ekacce na abbhannimsuti . alam brahmana titthatetam
sabbe te sakaya patinnaya abbhannimsu sabbeva na abbhannimsu
udahu ekacce abbhannimsu ekacce na abbhannimsuti dhammam te
brahmana desessami tam sunahi sadhukam manasikarohi bhasissamiti .
Evam bhoti kho pingalakoccho brahmano bhagavato paccassosi.
[354] Bhagava etadavoca seyyathapi brahmana puriso
saratthiko saragavesi sarapariyesanam caramano mahato rukkhassa
titthato saravato atikkammeva saram atikkamma pheggum atikkamma
Tacam atikkamma pappatikam sakhapalasam chetva adaya pakkameyya
saranti mannamano . tamenam cakkhuma puriso disva evam vadeyya
na vatayam bhavam puriso annasi saram na annasi pheggum na annasi
pappatikam na annasi sakhapalasam tathahayam bhavam puriso saratthiko
saragavesi sarapariyesanam caramano mahato rukkhassa titthato saravato
atikkammeva saram atikkamma pheggum atikkamma tacam atikkamma
pappatikam sakhapalasam chetva adaya pakkanto saranti
mannamano yancassa sarena sarakaraniyam tancassa attham
nanubhavissatiti.
{354.1} Seyyathapi va pana brahmana puriso saratthiko
saragavesi sarapariyesanam caramano mahato rukkhassa titthato saravato
atikkammeva saram atikkamma pheggum atikkamma tacam pappatikam chetva
adaya pakkameyya saranti mannamano . tamenam cakkhuma puriso
disva evam vadeyya na vatayam bhavam puriso annasi saram na
annasi pheggum na annasi tacam na annasi pappatikam na
annasi sakhapalasam tathahayam bhavam puriso saratthiko saragavesi
sarapariyesanam caramano mahato rukkhassa titthato saravato atikkammeva
saram atikkamma pheggum atikkamma tacam pappatikam chetva adaya
pakkanto saranti mannamano yancassa sarena sarakaraniyam
tancassa attham nanubhavissatiti.
{354.2} Seyyathapi va pana brahmana puriso saratthiko
saragavesi sarapariyesanam caramano mahato rukkhassa
Titthato saravato atikkammeva saram atikkamma pheggum tacam chetva
adaya pakkameyya saranti mannamano . tamenam cakkhuma puriso
disva evam vadeyya na vatayam bhavam puriso annasi saram na
annasi pheggum na annasi tacam na annasi pappatikam na
annasi sakhapalasam tathahayam bhavam puriso saratthiko saragavesi
sarapariyesanam caramano mahato rukkhassa titthato saravato atikkammeva
saram atikkamma pheggum tacam chetva adaya pakkanto saranti
mannamano yancassa sarena sarakaraniyam tancassa attham
nanubhavissatiti.
{354.3} Seyyathapi va pana brahmana puriso saratthiko
saragavesi sarapariyesanam caramano mahato rukkhassa titthato saravato
atikkammeva saram pheggum chetva adaya pakkameyya saranti
mannamano . tamenam cakkhuma puriso disva evam vadeyya na
vatayam bhavam puriso annasi saram na annasi pheggum na annasi
tacam na annasi pappatikam na annasi sakhapalasam tathahayam bhavam
puriso saratthiko saragavesi sarapariyesanam caramano mahato rukkhassa
titthato saravato atikkammeva saram pheggum chetva adaya pakkanto
saranti mannamano yancassa sarena sarakaraniyam tancassa attham
nanubhavissatiti.
{354.4} Seyyathapi va pana brahmana puriso saratthiko
saragavesi sarapariyesanam caramano mahato rukkhassa titthato saravato
saranneva chetva adaya pakkameyya saranti janamano . tamenam
Cakkhuma puriso disva evam vadeyya annasi vatayam bhavam puriso
saram annasi pheggum annasi tacam annasi pappatikam annasi
sakhapalasam tathahayam bhavam puriso saratthiko saragavesi sarapariyenam
caramano mahato rukkhassa titthato saravato saranneva chetva
adaya pakkanto saranti janamano yancassa sarena sarakaraniyam
tancassa attham anubhavissatiti.
[355] Evameva kho brahmana idhekacco kulaputto saddha
agarasma anagariyam pabbajito hoti otinnomhi jatiya jaraya
maranena sokaparidevadukkhadomanassupayasehi dukkhotinno
dukkhapareto appevanama imassa kevalassa dukkhakkhandhassa antakiriya
pannayethati . so evam pabbajito samano labhasakkarasilokam
abhinibbatteti . so tena labhasakkarasilokena attamano hoti
paripunnasankappo . so tena labhasakkarasilokena attanukkamseti
param vambheti ahamasmi labhi sakkarasilokava ime pananne
bhikkhu appannata appesakkhati . labhasakkarasilokena ca ye
anne dhamma uttaritara ca panitatara ca tesam dhammanam sacchikiriyaya
na chandam janeti na vayamati olinavuttiko ca hoti sathiliko .
Seyyathapi so brahmana puriso saratthiko saragavesi sarapariyesanam
caramano mahato rukkhassa titthato saravato atikkammeva saram
atikkamma pheggum atikkamma tacam atikkamma pappatikam sakhapalasam
Chetva adaya pakkanto saranti mannamano yancassa sarena
sarakaraniyam tancassa attham nanubhavissatiti . tathupamaham brahmana
imam puggalam vadami.
[356] Idha pana brahmana ekacco puggalo saddha agarasma
anagariyam pabbajito hoti otinnomhi jatiya jaraya maranena
sokaparidevadukkhadomanassupayasehi dukkhotinno dukkhapareto
appevanama imassa kevalassa dukkhakkhandhassa antakiriya
pannayethati . so evam pabbajito samano labhasakkarasilokam
abhinibbatteti . so tena labhasakkarasilokena na attamano
hoti na paripunnasankappo . so tena labhasakkarasilokena
na attanukkamseti na param vambheti . labhasakkarasilokena ca
ye anne dhamma uttaritara ca panitatara ca tesam dhammanam
sacchikiriyaya chandam janeti vayamati anolinavuttiko ca hoti
asathiliko.
{356.1} So silasampadam aradheti . so taya silasampadaya
attamano hoti paripunnasankappo . so taya silasampadaya
attanukkamseti param vambheti ahamasmi silava kalyanadhammo
ime pananne bhikkhu dussila papadhammati . silasampadaya ca
ye anne dhamma uttaritara ca panitatara ca tesam dhammanam
sacchikiriyaya na chandam janeti na vayamati olinavuttiko ca
hoti sathiliko . seyyathapi so brahmana puriso saratthiko
Saragavesi sarapariyesanam caramano mahato rukkhassa titthato saravato
atikkammeva saram atikkamma pheggum atikkamma tacam pappatikam chetva
adaya pakkanto saranti mannamano yancassa sarena
sarakaraniyam tancassa attham nanubhavissatiti . tathupamaham brahmana
imam puggalam vadami.
[357] Idha pana brahmana ekacco .pe. antakiriya
pannayethati . so evam pabbajito samano labhasakkarasilokam
abhinibbatteti . so tena labhasakkarasilokena na attamano
hoti na paripunnasankappo . so tena labhasakkarasilokena
na attanukkamseti na param vambheti . labhasakkarasilokena ca
ye anne dhamma uttaritara ca panitatara ca tesam dhammanam
sacchikiriyaya chandam janeti vayamati anolinavuttiko ca hoti
asathiliko . so silasampadam aradheti . so taya silasampadaya
attamano hoti no ca kho paripunnasankappo.
{357.1} So taya silasampadaya na attanukkamseti na param vambheti.
Silasampadaya ca ye anne dhamma uttaritara ca panitatara ca tesam
dhammanam sacchikiriyaya chandam janeti vayamati anolinavuttiko ca hoti
asathiliko . so samadhisampadam aradheti . so taya samadhisampadaya
attamano hoti paripunnasankappo . so taya samadhisampadaya
attanukkamseti param vambheti ahamasmi samahito ekaggacitto ime pananne
Bhikkhu asamahita vibbhantacittati . samadhisampadaya ca ye anne
dhamma uttaritara ca panitatara ca tesam dhammanam sacchikiriyaya
chandam na janeti na vayamati olinavuttiko ca hoti sathiliko .
Seyyathapi so brahmana puriso saratthiko saragavesi sarapariyesanam
caramano mahato rukkhassa titthato saravato atikkammeva saram
atikkamma pheggum tacam chetva adaya pakkanto saranti
mannamano yancassa sarena sarakaraniyam tancassa attham
nanubhavissatiti. Tathupamaham brahmana imam puggalam vadami.
[358] Idha pana brahmana ekacco puggalo saddha agarasma
anagariyam pabbajito hoti otinnomhi jatiya jaraya maranena .pe.
Antakiriya pannayethati . so evam pabbajito samano labhasakkarasilokam
abhinibbatteti . so tena labhasakkarasilokena na attamano hoti na
paripunnasankappo . so tena labhasakkarasilokena na attanukkamseti
na param vambheti . labhasakkarasilokena ca ye anne dhamma uttaritara
ca panitatara ca tesam dhammanam sacchikiriyaya chandam janeti vayamati
anolinavuttiko ca hoti asathiliko . so silasampadam aradheti .
So taya silasampadaya attamano hoti no ca kho paripunnasankappo.
So taya silasampadaya na attanukkamseti na param vambheti .
Silasampadaya ca ye anne dhamma uttaritara ca panitatara ca tesam
Dhammanam sacchikiriyaya chandam janeti vayamati anolinavuttiko ca hoti
asathiliko . so samadhisampadam aradheti . so taya samadhisampadaya
attamano hoti no ca kho paripunnasankappo. So taya samadhisampadaya
na attanukkamseti na param vambheti . samadhisampadaya ca ye anne
dhamma uttaritara ca panitatara ca tesam dhammanam sacchikiriyaya chandam
janeti vayamati anolinavuttiko ca hoti asathiliko . so nanadassanam
aradheti . so tena nanadassanena attamano hoti paripunnasankappo.
So tena nanadassanena attanukkamseti param vambheti ahamasmi janam
passam viharami ime pananne bhikkhu ajanam apassam viharantiti .
Nanadassanena ca ye anne dhamma uttaritara ca panitatara ca tesam
dhammanam sacchikiriyaya na chandam janeti na vayamati olinavuttiko ca hoti
sathiliko . seyyathapi so brahmana puriso saratthiko saragavesi
sarapariyesanam caramano mahato rukkhassa titthato saravato atikkammeva
saram pheggum chetva adaya pakkanto saranti mannamano yancassa
sarena sarakaraniyam tancassa attham nanubhavissatiti . tathupamaham
brahmana imam puggalam vadami.
[359] Idha pana brahmana ekacco puggalo saddha agarasma
anagariyam pabbajito hoti otinnomhi jatiya jaraya
maranena sokaparidevadukkhadomanassupayasehi dukkhotinno
Dukkhapareto appevanama imassa kevalassa dukkhakkhandhassa antakiriya
pannayethati . so evam pabbajito samano labhasakkarasilokam
abhinibbatteti . so tena labhasakkarasilokena na attamano hoti
na paripunnasankappo . so tena labhasakkarasilokena na
attanukkamseti na param vambheti . labhasakkarasilokena ca ye
anne dhamma uttaritara ca panitatara ca tesam dhammanam sacchikiriyaya
chandam janeti vayamati anolinavuttiko ca hoti asathiliko . so
silasampadam aradheti . so taya silasampadaya attamano hoti no
ca kho paripunnasankappo.
{359.1} So taya silasampadaya na attanukkamseti na param vambheti.
Silasampadaya ca ye anne dhamma uttaritara ca panitatara ca tesam
dhammanam sacchikiriyaya chandam janeti vayamati anolinavuttiko ca hoti
asathiliko . so samadhisampadam aradheti . so taya samadhisampadaya
attamano hoti no ca kho paripunnasankappo. So taya samadhisampadaya
na attanukkamseti na param vambheti . samadhisampadaya ca ye anne
dhamma uttaritara ca panitatara ca tesam dhammanam sacchikiriyaya chandam
janeti vayamati anolinavuttiko ca hoti asathiliko . so nanadassanam
aradheti . so tena nanadassanena attamano hoti no ca kho
paripunnasankappo . so tena nanadassanena na attanukkamseti
na param vambheti . nanadassanena ca ye anne dhamma uttaritara ca
Panitatara ca tesam dhammanam sacchikiriyaya chandam janeti vayamati
anolinavuttiko ca hoti asathiliko . katame ca brahmana dhamma
nanadassanena uttaritara ca panitatara ca . idha brahmana bhikkhu
vivicceva kamehi vivicca akusalehi dhammehi savitakkam savicaram vivekajam
pitisukham pathamam jhanam upasampajja viharati . ayampi kho brahmana
dhammo nanadassanena uttaritaro ca panitataro ca . puna caparam
brahmana bhikkhu vitakkavicaranam vupasama ajjhattam sampasadanam
cetaso ekodibhavam avitakkam avicaram samadhijam pitisukham dutiyam
jhanam .pe. Tatiyam jhanam .pe. Catuttham jhanam upasampajja viharati.
{359.2} Ayampi kho brahmana dhammo nanadassanena uttaritaro
ca panitataro ca . puna caparam brahmana bhikkhu sabbaso rupasannanam
samatikkama patighasannanam atthangama nanattasannanam amanasikara
ananto akasoti akasanancayatanam upasampajja viharati .
Ayampi kho brahmana dhammo nanadassanena uttaritaro ca panitataro
ca . puna caparam brahmana bhikkhu sabbaso akasanancayatanam
samatikkamma anantam vinnananti vinnanancayatanam upasampajja
viharati .pe. sabbaso vinnanancayatanam samatikkamma natthi
kinciti akincannayatanam upasampajja viharati .pe. sabbaso
akincannayatanam samatikkamma nevasannanasannayatanam upasampajja
viharati . ayampi kho brahmana dhammo nanadassanena uttaritaro
Ca panitataro ca . puna caparam brahmana bhikkhu sabbaso
nevasannanasannayatanam samatikkamma sannavedayitanirodham
upasampajja viharati . pannayapassa 1- disva asava parikkhina
honti . ayampi kho brahmana dhammo nanadassanena uttaritaro
ca panitataro ca . ime kho brahmana dhamma nanadassanena
uttaritara ca panitatara ca . seyyathapi so brahmana puriso
saratthiko saragavesi sarapariyesanam caramano mahato rukkhassa titthato
saravato saranneva chetva adaya pakkanto saranti janamano
yancassa sarena sarakaraniyam tancassa attham anubhavissatiti .
Tathupamaham brahmana imam puggalam vadami.
[360] Iti kho brahmana nayidam brahmacariyam labha sakkarasilokanisamsam
na silasampadanisamsam na samadhisampadanisamsam na nanadassananisamsam
ya ca kho ayam brahmana akuppa cetovimutti etadatthamidam brahmana
brahmacariyam etam saram etam pariyosananti.
Evam vutte pingalakoccho brahmano bhagavantam etadavoca
abhikkantam bho gotama abhikkantam bho gotama .pe. upasakam
mam bhavam gotamo dharetu ajjatagge panupetam saranangatanti.
Culasaropamasuttam nitthitam dasamam.
Opammavaggo tatiyo.
@Footnote: 1 Ma. pannaya cassa.
Tassuddanam
moliyatajjanaritthamano andhavanekatipunnanivapo
rasikanerumahagajjamano saravaropunapingalakoccho.
--------------------
Mahayamakavaggo
culagosingasalasuttam
The Pali Tipitaka in Roman Character Volume 12 page 374-386.
http://84000.org/tipitaka/read/roman_item_s.php?book=12&item=353&items=8&modeTY=2&mode=bracket
Classified by content :-
http://84000.org/tipitaka/read/roman_item_s.php?book=12&item=353&items=8&modeTY=2
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=12&item=353&items=8&modeTY=2&mode=bracket
Compare with The Royal Version of Thai Tipitaka :-
http://84000.org/tipitaka/read/byitem_s.php?book=12&item=353&items=8&modeTY=2&mode=bracket
Study Atthakatha :-
http://84000.org/tipitaka/attha/attha.php?b=12&i=353
The Pali Atthakatha in Thai :-
http://84000.org/tipitaka/atthapali/read_th.php?B=8&A=3583
The Pali Atthakatha in Roman :-
http://84000.org/tipitaka/atthapali/read_rm.php?B=8&A=3583
Contents of The Tipitaka Volume 12
http://84000.org/tipitaka/read/?index_12
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
