paliTIPITAKA Volume 16 - Sutta Pitaka 8

[464] Evamme sutam ekam samayam ayasma ca mahakassapo ayasma ca sariputto baranasiyam viharanti isipatane migadaye . @Footnote: ¹ Yu. ayam patho natthi . ² Ma. Yu. kassapasadiso. evamuparipi. Atha kho ayasma sariputto sayanhasamayam patisallana vutthito yenayasma mahakassapo tenupasankami upasankamitva ayasmata mahakassapena saddhim sammodi sammodaniyam katham saraniyam vitisaretva ekamantam nisidi. [465] Ekamantam nisinno kho ayasma sariputto ayasmantam mahakassapam etadavoca vuccati hidam avuso kassapa anatapi anottapi abhabbo sambodhaya abhabbo nibbanaya abhabbo anuttarassa yogakkhemassa adhigamaya atapi ca kho ottapi bhabbo sambodhaya bhabbo nibbanaya bhabbo anuttarassa yogakkhemassa adhigamaya kittavata nu kho avuso anatapi hoti anottapi abhabbo sambodhaya abhabbo nibbanaya abhabbo anuttarassa yogakkhemassa adhigamaya kittavata ca panavuso atapi hoti ottapi bhabbo sambodhaya bhabbo nibbanaya bhabbo anuttarassa yogakkhemassa adhigamayati. [466] Idhavuso bhikkhu anuppanna me papaka akusala dhamma uppajjamana anatthaya samvatteyyunti na atappam karoti uppanna me papaka akusala dhamma appahiyamana anatthaya samvatteyyunti na atappam karoti anuppanna me kusala dhamma anuppajjamana anatthaya samvatteyyunti na atappam karoti uppanna me kusala dhamma nirujjhamana anatthaya samvatteyyunti Na atappam karoti. Evam kho avuso anatapi hoti. [467] Kathancavuso anottapi hoti . idhavuso bhikkhu anuppanna me papaka akusala dhamma uppajjamana anatthaya samvatteyyunti na ottappati uppanna me papaka akusala dhamma appahiyamana anatthaya samvatteyyunti na ottappati anuppanna me kusala dhamma anuppajjamana anatthaya samvatteyyunti na ottappati uppanna me kusala dhamma nirujjhamana anatthaya samvatteyyunti na ottappati . evam kho avuso anottapi hoti . evam kho avuso anatapi anottapi abhabbo sambodhaya abhabbo nibbanaya abhabbo anuttarassa yogakkhemassa adhigamaya. [468] Kathancavuso atapi hoti . idhavuso bhikkhu anuppanna me papaka akusala dhamma uppajjamana anatthaya samvatteyyunti atappam karoti uppanna me papaka akusala dhamma appahiyamana anatthaya samvatteyyunti atappam karoti anuppanna me kusala dhamma anuppajjamana anatthaya samvatteyyunti atappam karoti uppanna me kusala dhamma nirujjhamana anatthaya samvatteyyunti atappam karoti . evam kho avuso atapi hoti. [469] Kathancavuso ottapi hoti . idhavuso bhikkhu Anuppanna me papaka akusala dhamma uppajjamana anatthaya samvatteyyunti ottappati uppanna me papaka akusala dhamma appahiyamana anatthaya samvatteyyunti ottappati anuppanna me kusala dhamma anuppajjamana anatthaya samvatteyyunti ottappati uppanna me kusala dhamma nirujjhamana anatthaya samvatteyyunti ottappati . evam kho avuso ottapi hoti . Evam kho avuso atapi ottapi bhabbo sambodhaya bhabbo nibbanaya bhabbo anuttarassa yogakkhemassa adhigamayati. Dutiyam.

The Pali Tipitaka in Roman Character Volume 16 page 230-233. http://84000.org/tipitaka/read/roman_item_s.php?book=16&item=464&items=6&modeTY=2&mode=bracket Classified by content :- http://84000.org/tipitaka/read/roman_item_s.php?book=16&item=464&items=6&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=16&item=464&items=6&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=16&item=464&items=6&modeTY=2&mode=bracket Study Atthakatha :- http://84000.org/tipitaka/attha/attha.php?b=16&i=464 The Pali Atthakatha in Thai :- http://84000.org/tipitaka/atthapali/read_th.php?B=12&A=4121 The Pali Atthakatha in Roman :- http://84000.org/tipitaka/atthapali/read_rm.php?B=12&A=4121 Contents of The Tipitaka Volume 16 http://84000.org/tipitaka/read/?index_16