paliTIPITAKA Volume 17 - Sutta Pitaka 9

[111] Evam vimuccamano bhante bhikkhu chindeyya orambhagiyani sannojanani . katham pana bhante janato katham passato anantara asavanam khayo hotiti . idha bhikkhu assutava puthujjano .pe. ^1- atasitaye thane tasam apajjati . taso heso bhikkhu assutavato puthujjanassa no cassam no ca me siya na bhavissati na me bhavissatiti . sutava ca kho bhikkhu ariyasavako .pe. atasitaye @Footnote: ¹ Po. Ma. Yu. peyyalo natthi. Thane na tasam apajjati . Na heso bhikkhu taso sutavato ariyasavakassa no cassam no ca me siya na bhavissati na me bhavissatiti. Rupupayam va bhikkhu vinnanam titthamanam tittheyya ruparammanam rupappatittham nandupasevanam vuddhim virulhim vepullam apajjeyya . vedanupayam va bhikkhu . sannupayam va bhikkhu . sankharupayam va bhikkhu vinnanam titthamanam tittheyya sankhararammanam sankharappatittham nandupasevanam vuddhim virulhim vepullam apajjeyya . so ^1- bhikkhu evam vadeyya ahamannatra rupa annatra vedanaya annatra sannaya annatra sankharehi vinnanassa agatim va gatim va cutim va upapattim va vuddhim va virulhim va vepullam va pannapessamiti netam thanam vijjati. {111.1} Rupadhatuya ce bhikkhu bhikkhuno rago pahino hoti ragassa pahana vocchijjatarammanam patittha vinnanassa na hoti . Vedanadhatuya ce bhikkhu bhikkhuno . sannadhatuya ce bhikkhu bhikkhuno. Sankharadhatuya ce bhikkhu bhikkhuno . vinnanadhatuya ce bhikkhu bhikkhuno rago pahino hoti ragassa pahana vocchijjatarammanam patittha vinnanassa na hoti . tadappatitthitam vinnanam avirulham anabhisankhacca vimuttam vimuttatta thitam thitatta santusitam santusitatta na paritassati aparitassam paccattanneva parinibbayati . khina jati .pe. naparam itthattayati pajanati . evam kho bhikkhu janato evam passato anantara asavanam khayo hotiti. @Footnote: ¹ Po. Ma. yo.

The Pali Tipitaka in Roman Character Volume 17 page 70-71. http://84000.org/tipitaka/read/roman_item_s.php?book=17&item=111&items=1&modeTY=2 Classified by [Item Number] :- http://84000.org/tipitaka/read/roman_item_s.php?book=17&item=111&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=17&item=111&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=17&item=111&items=1&modeTY=2 Study Atthakatha :- http://84000.org/tipitaka/attha/attha.php?b=17&i=111 The Pali Atthakatha in Thai :- http://84000.org/tipitaka/atthapali/read_th.php?B=12&A=6594 The Pali Atthakatha in Roman :- http://84000.org/tipitaka/atthapali/read_rm.php?B=12&A=6594 Contents of The Tipitaka Volume 17 http://84000.org/tipitaka/read/?index_17