paliTIPITAKA Volume 17 - Sutta Pitaka 9

[509] Savatthi . addasa kho ayasma anando .pe. Ayasmantam sariputtam etadavoca vippasannani kho te avuso sariputta indriyani parisuddho mukhavanno pariyodato katamenayasma sariputto ajja viharena vihasiti. {509.1} Idhaham avuso vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja viharami . tassa mayham avuso na evam hoti aham dutiyam jhanam samapajjamiti va aham dutiyam jhanam samapannoti va aham dutiya ^1- jhana vutthitoti vati. Tatha hi panayasmato sariputtassa digharattam ahankaramamankaramananusaya susamuhata tasma ayasmato sariputtassa na evam hoti aham dutiyam jhanam samapajjamiti va aham dutiyam jhanam samapannoti va aham dutiya jhana vutthitoti vati. [510] Savatthi . addasa kho ayasma anando .pe. Vippasannani kho te avuso sariputta indriyani parisuddho mukhavanno pariyodato katamenayasma sariputto ajja viharena vihasiti . idhaham avuso pitiya ca viraga upekkhako ca viharami sato ca sampajano sukhanca kayena patisamvedemi yantam ariya acikkhanti upekkhako satima sukhavihariti tatiyam jhanam @Footnote: ¹ Po. Yu. dutiyajjhana. Upasampajja viharami . tassa mayham avuso na evam hoti aham tatiyam jhanam samapajjamiti va aham tatiyam jhanam samapannoti va aham tatiya jhana vutthitoti vati . tatha hi panayasmato sariputtassa digharattam ahankaramamankaramananusaya susamuhata tasma ayasmato sariputtassa na evam hoti aham tatiyam jhanam samapajjamiti va aham tatiyam jhanam samapannoti va aham tatiya jhana vutthitoti vati. [511] Savatthi . addasa kho ayasma anando .pe. Vippasannani kho te avuso sariputta indriyani parisuddho mukhavanno pariyodato katamenayasma sariputto ajja viharena vihasiti . idhaham avuso sukhassa ca pahana dukkhassa ca pahana pubbeva somanassadomanassanam atthangama adukkhamasukham upekkhasatiparisuddhim catuttham jhanam upasampajja viharami . tassa mayham avuso na evam hoti aham catuttham jhanam samapajjamiti va aham catuttham jhanam samapannoti va aham catuttha jhana vutthitoti vati . tatha hi panayasmato sariputtassa digharattam ahankara- mamankaramananusaya susamuhata tasma ayasmato sariputtassa na evam hoti aham catuttham jhanam samapajjamiti va aham catuttham jhanam samapannoti va aham catuttha jhana vutthitoti vati. [512] Savatthi . addasa kho ayasma anando .pe. Idhaham avuso sabbaso rupasannanam samatikkama patighasannanam atthangama nanattasannanam amanasikara ananto akasoti akasanancayatanam upasampajja viharami .pe. Vutthitoti vati. [513] Savatthi . addasa kho ayasma anando .pe. Idhaham avuso sabbaso akasanancayatanam samatikkamma anantam vinnananti vinnanancayatanam upasampajja viharami .pe. Vutthitoti vati. [514] Savatthi . atha kho ayasma sariputto .pe. Idhaham avuso sabbaso vinnanancayatanam samatikkamma natthi kinciti akincannayatanam upasampajja viharami .pe. Vutthitoti vati. [515] Savatthi . atha kho ayasma sariputto .pe. Idhaham avuso akincannayatanam samatikkamma nevasannanasannayatanam upasampajja viharami .pe. Vutthitoti vati. [516] Ekam samayam ayasma sariputto savatthiyam viharati jetavane anathapindikassa arame . atha kho ayasma sariputto pubbanhasamayam nivasetva pattacivaramadaya savatthim pindaya pavisi savatthiyam pindaya caritva pacchabhattam pindapatapatikkanto yena andhavanam tenupasankami divaviharaya andhavanam ajjhogahetva annatarasmim rukkhamule divaviharam nisidi . atha kho ayasma Sariputto sayanhasamayam patisallana vutthito yena jetavanam anathapindikassa aramo tenupasankami . addasa kho ayasma anando ayasmantam sariputtam duratova agacchantam disvana ayasmantam sariputtam etadavoca vippasannani kho te avuso sariputta indriyani parisuddho mukhavanno pariyodato katamenayasma sariputto ajja viharena vihasiti . idhaham avuso sabbaso nevasannanasannayatanam samatikkamma sannavedayitanirodham upasampajja viharami . tassa mayham avuso na evam hoti aham sannavedayitanirodham samapajjamiti va aham sannavedayitanirodham samapannoti va aham sannavedayitanirodha vutthitoti vati . tatha hi panayasmato sariputtassa digharattam ahankaramamankaramananusaya susamuhata tasma ayasmato sariputtassa na evam hoti aham sannavedayitanirodham samapajjamiti va aham sannavedayitanirodham samapannoti va aham sannavedayitanirodha vutthitoti vati.

The Pali Tipitaka in Roman Character Volume 17 page 292-295. http://84000.org/tipitaka/read/roman_item_s.php?book=17&item=509&items=8&modeTY=2 Classified by [Item Number] :- http://84000.org/tipitaka/read/roman_item_s.php?book=17&item=509&items=8&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=17&item=509&items=8&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=17&item=509&items=8&modeTY=2 Study Atthakatha :- http://84000.org/tipitaka/attha/attha.php?b=17&i=509 Contents of The Tipitaka Volume 17 http://84000.org/tipitaka/read/?index_17