paliTIPITAKA Volume 2 - Vinaya Pitaka 2

Chatthasikkhapadam [383] Tena samayena buddho bhagava savatthiyam viharati jetavane anathapindikassa arame . tena kho pana samayena chabbaggiya bhikkhu varaseyyayo palibuddhanti ^1- there ^2- bhikkhu vutthapenti . Athakho chabbaggiyanam bhikkhunam etadahosi kena nu kho mayam upayena idheva vassam vaseyyamati . athakho chabbaggiya bhikkhu there bhikkhu anupakhajja seyyam kappenti yassa sambadho bhavissati so pakkamissatiti . ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu there bhikkhu anupakhajja seyyam kappessantiti. {383.1} Athakho te bhikkhu bhagavato etamattham arocesum .pe. Saccam kira tumhe bhikkhave there bhikkhu anupakhajja seyyam kappethati. Saccam bhagavati . vigarahi buddho bhagava katham hi nama tumhe moghapurisa there bhikkhu anupakhajja seyyam kappessatha netam moghapurisa appasannanam va pasadaya .pe. Evanca pana bhikkhave imam sikkhapadam uddiseyyatha {383.2} yo pana bhikkhu sanghike vihare janam pubbupagatam bhakkhum anupakhajja seyyam kappeyya yassa sambadho bhavissati so pakkamissatiti etadeva paccayam karitva anannam pacittiyanti. [384] Yo panati yo yadiso .pe. bhikkhuti .pe. ayam @Footnote: ¹ Ma. palibundhenti . ² Ma. thera. Imasmim atthe adhippeto bhikkhuti . sanghiko nama viharo sanghassa dinno hoti pariccatto . janati nama vuddhoti janati gilanoti janati sanghena dinnoti janati . anupakhajjati anupavisitva . seyyam kappeyyati mancassa va pithassa va pavisantassa va nikkhamantassa va upacare seyyam santharati va santharapeti va apatti dukkatassa abhinisidati va abhinipajjati va apatti pacittiyassa . etadeva paccayam karitva anannanti na anno koci paccayo hoti anupakhajja seyyam kappetum. [385] Sanghike sanghikasanni anupakhajja seyyam kappeti apatti pacittiyassa . sanghike vematiko anupakhajja seyyam kappeti apatti pacittiyassa . sanghike puggalikasanni anupakhajja seyyam kappeti apatti pacittiyassa . mancassa va pithassa va pavisantassa va nikkhamantassa va upacaram thapetva seyyam santharati va santharapeti va apatti dukkatassa . abhinisidati va abhinipajjati va apatti dukkatassa . viharassa upacare va upatthanasalayam va mandape va rukkhamule va ajjhokase va seyyam santharati va santharapeti va apatti dukkatassa . Abhinisidati va abhinipajjati va apatti dukkatassa . puggalike sanghikasanni apatti dukkatassa . puggalike vematiko apatti dukkatassa . puggalike puggalikasanni annassa puggalike apatti Dukkatassa. Attano puggalike anapatti. [386] Anapatti gilano pavisati sitena va unhena va pilito pavisati apadasu ummattakassa adikammikassati. Chatthasikkhapadam nitthitam. -------

The Pali Tipitaka in Roman Character Volume 2 page 250-252. http://84000.org/tipitaka/read/roman_item_s.php?book=2&item=383&items=4&modeTY=2 Classified by [Item Number] :- http://84000.org/tipitaka/read/roman_item_s.php?book=2&item=383&items=4&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=383&items=4&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=383&items=4&modeTY=2 Study Atthakatha :- http://84000.org/tipitaka/attha/attha.php?b=2&i=383 The Pali Atthakatha in Thai :- http://84000.org/tipitaka/atthapali/read_th.php?B=2&A=7215 The Pali Atthakatha in Roman :- http://84000.org/tipitaka/atthapali/read_rm.php?B=2&A=7215 Contents of The Tipitaka Volume 2 http://84000.org/tipitaka/read/?index_2