paliTIPITAKA Volume 2 - Vinaya Pitaka 2

[662] Tena samayena buddho bhagava savatthiyam viharati jetavane anathapindikassa arame . tena kho pana samayena aritthassa nama bhikkhuno gandhabadhipubbassa evarupam papakam ditthigatam uppannam hoti tathaham bhagavata dhammam desitam ajanami yatha yeme antarayika dhamma vutta bhagavata te patisevato nalam antarayayati. Assosum kho sambahula bhikkhu aritthassa kira nama bhikkhuno gandhabadhipubbassa evarupam papakam ditthigatam uppannam tathaham bhagavata dhammam desitam ajanami yatha yeme antarayika dhamma vutta bhagavata te patisevato nalam antarayayati. {662.1} Athakho te bhikkhu yena arittho bhikkhu gandhabadhipubbo tenupasankamimsu upasankamitva arittham bhikkhum gandhabadhipubbam etadavocum saccam kira te avuso arittha evarupam papakam ditthigatam uppannam tathaham bhagavata dhammam desitam ajanami yatha yeme antarayika dhamma vutta bhagavata te patisevato nalam antarayayati . evam bya kho aham avuso bhagavata dhammam desitam ajanami yatha yeme antarayika dhamma vutta bhagavata te patisevato nalam antarayayati . ma avuso arittha evam avaca ma bhagavantam abbhacikkhi na hi sadhu bhagavato abbhakkhanam na hi bhagava evam Vadeyya anekapariyayena avuso arittha antarayika dhamma ^[1]- vutta bhagavata alanca pana te patisevato antarayaya appassada kama vutta bhagavata bahudukkha bahupayasa ^2- adinavo ettha bhiyyo atthikankalupama kama vutta bhagavata bahudukkha bahupayasa adinavo ettha bhiyyo mamsapesupama kama vutta bhagavata .pe. Tinukkupama kama vutta bhagavata .pe. angarakasupama kama vutta bhagavata .pe. supinakupama kama vutta bhagavata .pe. Yacitakupama kama vutta bhagavata .pe. rukkhaphalupama kama vutta bhagavata .pe. asisunupama kama vutta bhagavata .pe. Sattisulupama kama vutta bhagavata .pe. sappasirupama kama vutta bhagavata bahudukkha bahupayasa adinavo ettha bhiyyoti. {662.2} Evampi kho arittho bhikkhu gandhabadhipubbo tehi bhikkhuhi vuccamano tatheva tam papakam ditthigatam thamasa paramasa abhinivissa voharati evam bya kho aham avuso bhagavata dhammam desitam ajanami yatha yeme antarayika dhamma vutta bhagavata te patisevato nalam antarayayati . yato ca kho te bhikkhu nasakkhimsu arittham bhikkhum gandhabadhipubbam etasma papaka ditthigata vivecetum athakho te bhikkhu yena bhagava tenupasankamimsu upasankamitva bhagavato etamattham arocesum. @Footnote: ¹ Ma. Yu. antarayika. evam sabbattha natabbam ² Ma. Yu. bahupayasa. @evamuparipi. Athakho bhagava etasmim nidane etasmim pakarane bhikkhusangham sannipatapetva arittham bhikkhum gandhabadhipubbam patipucchi saccam kira te arittha evarupam papakam ditthigatam uppannam tathaham bhagavata dhammam desitam ajanami yatha yeme antarayika dhamma vutta bhagavata te patisevato nalam antarayayati . evam bya kho aham bhante bhagavata dhammam desitam ajanami yatha yeme antarayika dhamma vutta bhagavata te patisevato nalam antarayayati. {662.3} Kassa nu kho nama tvam moghapurisa maya evam dhammam desitam ajanasi nanu maya moghapurisa anekapariyayena antarayika dhamma vutta alanca pana te patisevato antarayaya appassada kama vutta maya bahudukkha bahupayasa adinavo ettha bhiyyo atthikankalupama kama vutta maya .pe. mamsapesupama kama vutta maya .pe. tinukkupama kama vutta maya .pe. Angarakasupama kama vutta maya .pe. supinakupama kama vutta maya .pe. Yacitakupama kama vutta maya .pe. rukkhaphalupama kama vutta maya .pe. Asisunupama kama vutta maya .pe. sattisulupama kama vutta maya .pe. Sappasirupama kama vutta maya bahudukkha bahupayasa adinavo ettha bhiyyo atha ca pana tvam moghapurisa attana duggahitena ditthigatena Amhe ceva abbhacikkhasi attananca khanasi ^1- bahunca apunnam pasavasi tanhi te moghapurisa bhavissati digharattam ahitaya dukkhaya netam moghapurisa appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {662.4} yo pana bhikkhu evam vadeyya tathaham bhagavata dhammam desitam ajanami yatha yeme antarayika dhamma vutta bhagavata te patisevato nalam antarayayati . so bhikkhu bhikkhuhi evamassa vacaniyo ma ayasma evam avaca ma bhagavantam abbhacikkhi na hi sadhu bhagavato abbhakkhanam na hi bhagava evam vadeyya anekapariyayena avuso antarayika dhamma vutta bhagavata alanca pana te patisevato antarayayati . evanca ^[2]- so bhikkhu bhikkhuhi vuccamano tatheva pagganheyya so bhikkhu bhikkhuhi yavatatiyam samanubhasitabbo tassa patinissaggaya . yavatatiyance samanubhasiyamano tam patinissajjeyya iccetam kusalam no ce patinissajjeyya pacittiyanti.

The Pali Tipitaka in Roman Character Volume 2 page 431-434. http://84000.org/tipitaka/read/roman_item_s.php?book=2&item=662&items=1&modeTY=2&mode=bracket Classified by content :- http://84000.org/tipitaka/read/roman_item_s.php?book=2&item=662&items=1&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=662&items=1&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=662&items=1&modeTY=2&mode=bracket Study Atthakatha :- http://84000.org/tipitaka/attha/attha.php?b=2&i=662 The Pali Atthakatha in Thai :- http://84000.org/tipitaka/atthapali/read_th.php?B=2&A=9784 The Pali Atthakatha in Roman :- http://84000.org/tipitaka/atthapali/read_rm.php?B=2&A=9784 Contents of The Tipitaka Volume 2 http://84000.org/tipitaka/read/?index_2