|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
TIPITAKA Volume 23 : PALI ROMAN Sutta Pitaka Vol 15 : Sutta. Aṅ. (4): sattaka-aṭṭhaka-navakanipātā
|
|
Pannasakasangahita vagga abyakatavaggo pathamo [51] Athakho annataro bhikkhu yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho so bhikkhu bhagavantam etadavoca ko nu kho bhante hetu ko paccayo yena sutavato ariyasavakassa vicikiccha nuppajjati abyakatavatthusuti. {51.1} Ditthinirodha kho bhikkhu sutavato ariyasavakassa vicikiccha nuppajjati abyakatavatthusu . hoti tathagato parammaranati kho bhikkhu ditthigatametam na hoti tathagato parammaranati kho bhikkhu ditthigatametam hoti ca na ca hoti tathagato parammaranati kho bhikkhu ditthigatametam neva hoti na na hoti tathagato parammaranati kho bhikkhu ditthigatametam . Assutava bhikkhu puthujjano ditthim nappajanati ditthisamudayam nappajanati ditthinirodham nappajanati ditthinirodhagaminim patipadam nappajanati tassa sa ditthi pavaddhati so na parimuccati jatiya jaraya maranena sokehi paridevehi dukkhehi domanassehi upayasehi na parimuccati dukkhasmati vadami. {51.2} Sutava ca kho bhikkhu ariyasavako ditthim pajanati ditthisamudayam pajanati ditthinirodham pajanati ditthinirodhagaminim patipadam pajanati tassa sa ditthi nirujjhati so parimuccati jatiya jaraya maranena sokehi paridevehi--------------------------------------------------------------------------------------------- page70.
Dukkhehi domanassehi upayasehi parimuccati dukkhasmati vadami . Evam janam kho bhikkhu sutava ariyasavako evam passam hoti tathagato parammaranatipi na byakaroti na hoti tathagato parammaranatipi na byakaroti hoti ca na ca hoti tathagato parammaranatipi na byakaroti neva hoti na na hoti tathagato parammaranati na byakaroti evam janam kho bhikkhu sutava ariyasavako evam passam evam abyakaranadhammo hoti abyakatavatthusu evam janam kho bhikkhu sutava ariyasavako evam passam nacchambhati na kampati na vedhati na santasam apajjati abyakatavatthusu. {51.3} Hoti tathagato parammaranati kho bhikkhu tanhagatametam sannagatametam mannitametam papancitametam upadanagatametam vippatisaro eso na hoti tathagato parammaranati kho bhikkhu vippatisaro eso hoti ca na ca hoti tathagato parammaranati kho bhikkhu vippatisaro eso neva hoti na na hoti tathagato parammaranati kho bhikkhu vippatisaro eso . assutava bhikkhu puthujjano vippatisaram nappajanati vippatisarasamudayam nappajanati vippatisaranirodham nappajanati vippatisaranirodhagaminim patipadam nappajanati tassa so vippatisaro pavaddhati so na parimuccati jatiya jaraya maranena sokehi paridevehi dukkhehi domanassehi upayasehi na parimuccati dukkhasmati vadami. {51.4} Sutava ca kho bhikkhu ariyasavako vippatisaram pajanati vippatisarasamudayam pajanati vippatisaranirodham--------------------------------------------------------------------------------------------- page71.
Pajanati vippatisaranirodhagaminim patipadam pajanati tassa so vippatisaro nirujjhati .pe. evam janam kho bhikkhu sutava ariyasavako evam passam nacchambhati na kampati na vedhati na santasam apajjati abyakatavatthusu. Ayam kho bhikkhu hetu ayam paccayo yena sutavato ariyasavakassa vicikiccha nuppajjati abyakatavatthusuti.The Pali Tipitaka in Roman Character Volume 23 page 69-71. http://84000.org/tipitaka/read/roman_item_s.php?book=23&item=51&items=1&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=23&item=51&items=1&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=23&item=51&items=1&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=23&item=51&items=1&pagebreak=1&modeTY=2 Study Atthakatha :- http://84000.org/tipitaka/attha/attha.php?b=23&i=51 The Pali Atthakatha in Thai :- http://84000.org/tipitaka/atthapali/read_th.php?B=16&A=4224 The Pali Atthakatha in Roman :- http://84000.org/tipitaka/atthapali/read_rm.php?B=16&A=4224 Contents of The Tipitaka Volume 23 http://84000.org/tipitaka/read/?index_23
       |
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]