ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 24 : PALI ROMAN Sutta Pitaka Vol 16 : Sutta. Aṅ. (5): dasaka-ekādasakanipātā
     [68]   Ekam  samayam  bhagava  nalakapane  viharati  palasavane  tena
kho   pana  samayena  bhagava  tadahuposathe  bhikkhusanghaparivuto  nisinno  hoti
athakho   bhagava   bahudeva   rattim   bhikkhu  dhammiya  kathaya  sandassetva
Samadapetva     samuttejetva    sampahamsetva    tunhibhutam    tunhibhutam
bhikkhusangham     anuviloketva     ayasmantam     sariputtam    amantesi
vigatathinamiddho    kho   sariputta   bhikkhusangho   patibhatu   tam   sariputta
bhikkhunam   dhammi   katha   pitthi   me  agilayati  tamaham  ayamissamiti .
Evam bhanteti kho ayasma sariputto bhagavato paccassosi.
     {68.1}  Athakho  bhagava  catugunam  sanghatim  pannapetva  dakkhinena
passena  sihaseyyam  kappesi  pade  padam  accadhaya 1- sato sampajano
utthanasannam   manasikaritva   .   tatra  kho  ayasma  sariputto  bhikkhu
amantesi  avuso  bhikkhavoti  .  avusoti  kho  te  bhikkhu  ayasmato
sariputtassa  paccassosum  .  ayasma  sariputto  etadavoca  yassakassaci
avuso  saddha  natthi  kusalesu dhammesu hiri natthi ... Ottappam natthi ...
Viriyam  natthi ... Panna natthi ... Sotavadhanam natthi ... Dhammadharana natthi
...  atthupaparikkha  natthi  ...  dhammanudhammapatipatti natthi ... Appamado
natthi  kusalesu  dhammesu  tassa  ya ratti va divaso va agacchati haniyeva
patikankha  kusalesu  dhammesu  no  vuddhi  seyyathapi  avuso  kalapakkhe
candassa   ya   ratti   va   divaso  va  agacchati  hayateva  vannena
hayati   mandalena   hayati  abhaya  hayati  arohaparinahena  evameva
kho    avuso   yassakassaci   saddha   natthi   kusalesu   dhammesu   hiri
natthi  ...  ottappam  natthi  ...  viriyam  natthi  ...  panna natthi ...
Sotavadhanam  natthi  ...  dhammadharana  natthi ... Atthupaparikkha natthi ...
@Footnote: 1 Po. accodhaya.
Dhammanudhammapatipatti   natthi   ...   appamado   natthi  kusalesu  dhammesu
tassa  ya  ratti  va  divaso  va  agacchati haniyeva patikankha kusalesu
dhammesu no vuddhi.
     {68.2}  Yassakassaci  avuso  saddha  atthi  kusalesu  dhammesu hiri
atthi ... Ottappam atthi ... Viriyam atthi ... Panna atthi ... Sotavadhanam
atthi ... Dhammadharana atthi ... Atthupaparikkha atthi ... Dhammanudhammapatipatti
atthi  ...  appamado atthi kusalesu dhammesu tassa ya ratti va divaso va
agacchati   vuddhiyeva   patikankha   kusalesu   dhammesu   no   parihani
seyyathapi   avuso   junhapakkhe  candassa  ya  ratti  va  divaso  va
agacchati    vaddhateva   vannena   vaddhati   mandalena   vaddhati   abhaya
vaddhati  arohaparinahena  evameva  kho  avuso  yassakassaci saddha atthi
kusalesu  dhammesu hiri atthi ... Ottappam atthi ... Viriyam atthi ... Panna
atthi  ...  sotavadhanam  atthi  ... Dhammadharana atthi ... Atthupaparikkha
atthi   ...  dhammanudhammapatipatti  atthi  ...  appamado  atthi  kusalesu
dhammesu  tassa  ya  ratti  va  divaso  va agacchati vuddhiyeva patikankha
kusalesu dhammesu no parihaniti.
     {68.3}    Athakho   bhagava   paccutthaya   ayasmantam   sariputtam
amantesi    sadhu   sadhu   sariputta   yassakassaci   sariputta   saddha
natthi   kusalesu  dhammesu  hiri  natthi  ...  ottappam  natthi  ...  viriyam
natthi   ...  panna  natthi  ...  sotavadhanam  natthi  ...  dhammadharana
natthi   ...  atthupaparikkha  natthi  ...  dhammanudhammapatipatti  natthi  ...
Appamado   natthi  kusalesu  dhammesu  tassa  ya  ratti  va  divaso  va
agacchati  haniyeva  patikankha  kusalesu  dhammesu  no  vuddhi  seyyathapi
sariputta   kalapakkhe   candassa  ya  ratti  va  divaso  va  agacchati
hayateva    vannena    hayati    mandalena   hayati   abhaya   hayati
arohaparinahena   evameva   kho   sariputta  yassakassaci  saddha  natthi
kusalesu   dhammesu   .pe.   appamado   natthi  kusalesu  dhammesu  tassa
ya   ratti   va  divaso  va  agacchati  haniyeva  patikankha  kusalesu
dhammesu no vuddhi.
     {68.4}   Yassakassaci   sariputta  saddha  atthi  kusalesu  dhammesu
hiri  atthi ... Ottappam atthi ... Viriyam atthi ... Sotavadhanam atthi ...
Dhammadharana   atthi  ...  atthupaparikkha  atthi  ...  dhammanudhammapatipatti
atthi  ...  appamado  atthi  kusalesu  dhammesu tassa ya ratti va divaso
va   agacchati   vuddhiyeva  patikankha  kusalesu  dhammesu  no  parihani
seyyathapi   sariputta  junhapakkhe  candassa  ya  ratti  va  divaso  va
agacchati    vaddhateva   vannena   vaddhati   mandalena   vaddhati   abhaya
vaddhati   arohaparinahena   evameva  kho  sariputta  yassakassaci  saddha
atthi  kusalesu  dhammesu  .pe.  appamado  atthi  kusalesu  dhammesu tassa
ya  ratti  va  divaso  va agacchati vuddhiyeva patikankha kusalesu dhammesu
no parihaniti.



             The Pali Tipitaka in Roman Character Volume 24 page 134-137. http://84000.org/tipitaka/read/roman_item_s.php?book=24&item=68&items=1&modeTY=2              Classified by [Item Number] :- http://84000.org/tipitaka/read/roman_item_s.php?book=24&item=68&items=1&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=24&item=68&items=1&modeTY=2              Compare with The Royal Version of Thai Tipitaka :- http://84000.org/tipitaka/read/byitem_s.php?book=24&item=68&items=1&modeTY=2              Study Atthakatha :- http://84000.org/tipitaka/attha/attha.php?b=24&i=68              Contents of The Tipitaka Volume 24 http://84000.org/tipitaka/read/?index_24

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com

Background color :