paliTIPITAKA Volume 24 - Sutta Pitaka 16

[69] Ekam samayam bhagava savatthiyam viharati jetavane anathapindikassa arame . tena kho pana samayena sambahula bhikkhu pacchabhattam Pindapatapatikkanta upatthanasalayam sannisinna sannipatita anekavihitam tiracchanakatham anuyutta viharanti seyyathidam rajakatham corakatham mahamattakatham senakatham bhayakatham yuddhakatham annakatham panakatham vatthakatham sayanakatham malakatham gandhakatham natikatham yanakatham gamakatham nigamakatham nagarakatham janapadakatham itthikatham surakatham ^1- visikhakatham kumbhatthanakatham pubbapetakatham nanattakatham lokakkhayikam samuddakkhayikam iti bhavabhavakatham iti vati. {69.1} Athakho bhagava sayanhasamayam patisallana vutthito yenupatthanasala tenupasankami upasankamitva pannatte asane nisidi nisajja kho bhagava bhikkhu amantesi kaya nuttha bhikkhave etarahi kathaya sannisinna ka ca pana vo antarakatha vippakatati. {69.2} Idha mayam bhante pacchabhattam pindapatapatikkanta upatthanasalayam sannisinna sannipatita anekavihitam tiracchanakatham anuyutta viharama seyyathidam rajakatham corakatham .pe. Iti bhavabhavakatham iti vati . na kho panetam bhikkhave tumhakam patirupam kulaputtanam saddha ^2- agarasma anagariyam pabbajitanam yam tumhe anekavihitam tiracchanakatham anuyutta vihareyyatha seyyathidam rajakatham corakatham mahamattakatham senakatham bhayakatham yuddhakatham annakatham panakatham vatthakatham sayanakatham malakatham gandhakatham natikatham yanakatham gamakatham nigamakatham nagarakatham janapadakatham itthikatham surakatham visikhakatham kumbhatthanakatham pubbapetakatham nanattakatham lokakkhayikam samuddakkhayikam iti bhavabhavakatham iti va dasayimani bhikkhave kathavatthuni katamani dasa appicchakatha santutthikatha @Footnote: ¹ Po. surakatham . ² Ma. saddhaya. Pavivekakatha asamsaggakatha viriyarambhakatha silakatha samadhikatha pannakatha vimuttikatha vimuttinanadassanakatha ^1- imani kho bhikkhave dasa kathavatthuni imesam ce tumhe bhikkhave dasannam kathavatthunam upadayupadaya katham katheyyatha imesampi candimasuriyanam evammahiddhikanam evammahanubhavanam tejasa tejam pariyadiyeyyatha ko pana vado annatitthiyanam paribbajakananti.

The Pali Tipitaka in Roman Character Volume 24 page 137-139. http://84000.org/tipitaka/read/roman_item_s.php?book=24&item=69&items=1&modeTY=2 Classified by [Item Number] :- http://84000.org/tipitaka/read/roman_item_s.php?book=24&item=69&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=24&item=69&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=24&item=69&items=1&modeTY=2 Study Atthakatha :- http://84000.org/tipitaka/attha/attha.php?b=24&i=69 The Pali Atthakatha in Thai :- http://84000.org/tipitaka/atthapali/read_th.php?B=16&A=7956 The Pali Atthakatha in Roman :- http://84000.org/tipitaka/atthapali/read_rm.php?B=16&A=7956 Contents of The Tipitaka Volume 24 http://84000.org/tipitaka/read/?index_24