[28] |28.235| 18 Pandupalasovadanisi
yamapurisapi ca tam 1- upatthita
uyyogamukhe ca titthasi
patheyyampi ca te na vijjati.
|28.236| So karohi dipamattano
khippam vayama pandito bhava
niddhantamalo anangano
dibbam ariyabhumimehisi 2-.
|28.237| Upanitavayo va danisi
@Footnote: 1 Po. Ma. te. . 2 Ma. ariyabhumim upehisi.
Sampayatosi yamassa santikam
vasopi ca te natthi antara
patheyyampi ca te na vijjati.
|28.238| So karohi dipamattano
khippam vayama pandito bhava
niddhantamalo anangano
na puna jatijaram upehisi.
|28.239| Anupubbena medhavi thokam thokam khane khane
kammaro rajatasseva niddhame malamattano.
|28.240| Ayasa va malam samutthitam 1-
tadutthaya tameva khadati
evam atidhonacarinam
sani kammani nayanti duggatim.
|28.241| Asajjhayamala manta anutthanamala ghara
malam vannassa kosajjam pamado rakkhato malam.
|28.242| Malitthiya duccaritam maccheram dadato malam
mala ve papaka dhamma asmim loke paramhi ca
|28.243| tato mala malataram avijja paramam malam
etam malam pahatvana nimmala hotha bhikkhavo.
@Footnote: 1 samutthayatipi.
|28.244| Sujivam ahirikena kakasurena dhamsina
pakkhandina pagabbhena sankilitthena jivitam.
|28.245| Hirimata ca dujjivam niccam sucigavesina
alinenapagabbhena suddhajivena passata.
|28.246| Yo panamatimapeti musavadanca bhasati
loke adinnam adiyati paradaranca gacchati
|28.247| suramerayapananca yo naro anuyunjati
idhevameso lokasmim mulam khanati attano.
|28.248| Evam bho purisa janahi papadhamma asannata
ma tam lobho adhammo ca ciram dukkhaya randhayum.
|28.249| Dadati ve yathasaddham yathapasadanam jano
tattha yo mankuto hoti paresam panabhojane
na so diva va rattim va samadhim adhigacchati.
|28.250| Yassacetam samucchinnam mulaghaccam 1- samuhatam
sa ve diva va rattim va samadhim adhigacchati.
|28.251| Natthi ragasamo aggi natthi dosasamo gaho
natthi mohasamam jalam natthi tanhasama nadi.
|28.252| Sudassam vajjamannesam attano pana duddasam
paresam hi so vajjani opunati yathabhusam
attano pana chadeti kalimva kitava satho.
@Footnote: 1 Po. mulaghaccham.
|28.253| Paravajjanupassissa niccam ujjhanasannino
asava tassa vaddhanti ara so asavakkhaya.
|28.254| Akaseva padam natthi samano natthi bahiro 1-
papancabhirata paja nippapanca tathagata.
|28.255| Akaseva padam natthi samano natthi bahiro 2-
sankhara sassata natthi natthi buddhanaminjitam.
Malavaggo attharasamo.
-----------
Dhammapadagathaya ekunavisatimo dhammatthavaggo
The Pali Tipitaka in Roman Character Volume 25 page 46-49.
http://84000.org/tipitaka/read/roman_item_s.php?book=25&item=28&items=1&modeTY=2&mode=bracket
Classified by content :-
http://84000.org/tipitaka/read/roman_item_s.php?book=25&item=28&items=1&modeTY=2
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=25&item=28&items=1&modeTY=2&mode=bracket
Compare with The Royal Version of Thai Tipitaka :-
http://84000.org/tipitaka/read/byitem_s.php?book=25&item=28&items=1&modeTY=2&mode=bracket
Study Atthakatha :-
http://84000.org/tipitaka/attha/attha.php?b=25&i=28
The Pali Atthakatha in Thai :-
http://84000.org/tipitaka/atthapali/read_th.php?B=24&A=1
The Pali Atthakatha in Roman :-
http://84000.org/tipitaka/atthapali/read_rm.php?B=24&A=1
Contents of The Tipitaka Volume 25
http://84000.org/tipitaka/read/?index_25
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
