Suttanipate uragavaggassa dasamam alavakasuttam
[310] 10 Evamme sutam . ekam samayam bhagava alaviyam
viharati alavakassa yakkhassa bhavane . atha kho alavako yakkho
yena bhagava tenupasankami upasankamitva bhagavantam etadavoca
nikkhama samanati . sadhavusoti bhagava nikkhami . pavisa samanati .
Sadhavusoti bhagava pavisi . dutiyampi kho alavako yakkho
bhagavantam etadavoca nikkhama samanati . sadhavusoti bhagava nikkhami .
Pavisa samanati . sadhavusoti bhagava pavisi . tatiyampi kho
so 3- alavako yakkho bhagavantam etadavoca nikkhama samanati .
@Footnote: 1 Po. Ma. Yu. kamamanam. 2 Ma. Yu. dasasata yakkha. 3 Ma. Yu. ayam patho natthi.
Sadhavusoti bhagava nikkhami . pavisa samanati . sadhavusoti bhagava
pavisi . catutthampi kho alavako yakkho bhagavantam etadavoca nikkhama
samanati . na khvaham avuso nikkhamissami yante karaniyam tam
karohiti . panhantam samana pucchissami sace me na byakarissasi
cittam va te khipissami hadayam va te phalessami 1- padesu va
gahetva paragangaya khipissamiti.
{310.1} Na khvahantam [2]- passami sadevake loke samarake
sabrahmake sassamanabrahmaniya pajaya sadevamanussaya yo me
cittam va khipeyya hadayam va phaleyya padesu va gahetva
paragangaya khipeyya api ca tuvam avuso puccha yadakankhasiti .
Atha kho alavako yakkho bhagavantam gathaya ajjhabhasi
[311] |311.606| Kim sudha vittam purisassa settham
kim su sucinnam sukhamavahati
kim su have sadhutaram rasanam
kathamjivim jivitamahu settham.
|311.607| Saddhidha vittam purisassa settham
dhammo sucinno sukhamavahati
saccam have sadhutaram rasanam
pannajivim jivitamahu settham.
|311.608| Katham su tarati ogham katham su tarati annavam
@Footnote: 1 Po. phalissami. 2 Ma. Yu. avuso.
Katham su dukkhamacceti katham su parisujjhati.
|311.609| Saddhaya tarati ogham appamadena annavam
viriyena 1- dukkhamacceti pannaya parisujjhati.
|311.610| Katham su labhate pannam katham su vindate dhanam
katham su kittim pappoti katham mittani ganthati
asma loka param lokam katham pecca na socati.
|311.611| Saddahano arahatam dhammam nibbanapattiya
sussusam 2- labhate pannam appamatto vicakkhano
|311.612| patirupakari dhurava utthata vindate dhanam
saccena kittim pappoti dadam mittani ganthati.
|311.613| Yassete caturo dhamma saddhassa gharamesino
saccam dhammo dhiti cago sa 3- ve pecca na socati.
|311.614| Ingha annepi pucchassu puthu samanabrahmane
yadi sacca dama caga khantya bhiyyodha vijjati.
|311.615| Katham nudani puccheyyam puthu samanabrahmane
yoham 4- ajja pajanami yo attho 5- samparayiko
|311.616| atthaya vata me buddho vasayalavimagama.
Yoham 4- ajja pajanami yattha dinnam mahapphalam
|311.617| so aham vicarissami gama gamam pura puram
namassamano sambuddham dhammassa ca sudhammatanti.
Alavakasuttam dasamam.
------------
@Footnote: 1 Ma. viriyena. 2 Yu. sussusa. 3 Po. so . 4 Yu. soham. 5 Po. yo cattho.
The Pali Tipitaka in Roman Character Volume 25 page 359-361.
http://84000.org/tipitaka/read/roman_item_s.php?book=25&item=310&items=2&modeTY=2
Classified by [Item Number] :-
http://84000.org/tipitaka/read/roman_item_s.php?book=25&item=310&items=2&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=25&item=310&items=2&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=25&item=310&items=2&modeTY=2
Study Atthakatha :-
http://84000.org/tipitaka/attha/attha.php?b=25&i=310
The Pali Atthakatha in Thai :-
http://84000.org/tipitaka/atthapali/read_th.php?B=28&A=5838
The Pali Atthakatha in Roman :-
http://84000.org/tipitaka/atthapali/read_rm.php?B=28&A=5838
Contents of The Tipitaka Volume 25
http://84000.org/tipitaka/read/?index_25
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ DhammaPerfect@yahoo.com
