Dhammapadagathaya catuvisatimo tanhavaggo
[34] |34.334| 24 Manujassa pamattacarino
tanha vaddhati maluva viya
so palavati 1- hurahuram
phalamicchamva vanasmim vanaro.
|34.335| Yam esa sahati jammi tanha loke visattika
soka tassa pavaddhanti abhivaddhamva biranam.
|34.336| Yo ce tam sahati jammim tanham loke duraccayam
soka tamha papatanti udabinduva pokkhara.
|34.337| Tam vo vadami bhaddam vo yavantettha samagata
tanhaya mulam khanatha usiratthova biranam.
Ma vo nalam va sotova maro bhanji punappunam.
|34.338| Yathapi mule anupaddave dalhe
chinnopi rukkho punareva ruhati
evampi tanhanusaye anuhate
nibbattati dukkhamidam punappunam.
|34.339| Yassa chattimsatisota manapassavana bhusa
maha 2- vahanti dudditthim sankappa raganissita.
@Footnote: 1 pariplavatitipi . 2 Yu. vahavahanti.
|34.340| Savanti sabbadhi sota lata ubbhijja titthati
tanca disva latam jatam mulam pannaya chindatha.
|34.341| Saritani sinehitani ca
somanassani bhavanti jantuno
te satasita sukhesino
te ve jatijarupaga nara.
|34.342| Tasinaya purakkhata paja
parisappanti sasova badhito 1-
sannojanasangasatta 2-
dukkhamupenti punappunam ciraya.
|34.343| Tasinaya purakkhata paja
parisappanti sasova badhito 3-
tasma tasinam vinodaye
bhikkhu akankham 4- viragamattano.
|34.344| Yo nibbanatho vanadhimutto
vanamutto vanameva dhavati
tam puggalameva passatha
mutto bandhanameva dhavati.
|34.345| Na tam dalham bandhanamahu dhira
yadayasam darujam pabbajanca
@Footnote: 1-3 Ma. banudhito. . 2 Ma. Yu. sannojanasangasattaka . 4 Yu. akankhi.
Sarattaratta manikundalesu
puttesu daresu ca ya apekkha.
|34.346| Etam dalham bandhanamahu dhira
oharinam sithilam duppamuncam
etampi chetvana paribbajanti
anapekkhino kamasukham pahaya.
|34.347| Ye ragarattanupatanti sotam
sayam katam makkatakova jalam
etampi chetvana vajanti dhira
anapekkhino sabbadukkham pahaya.
|34.348| Munca pure munca pacchato
majjhe munca bhavassa paragu
sabbattha vimuttamanaso
na puna jatijaram upehisi.
|34.349| Vitakkamathitassa jantuno
tibbaragassa subhanupassino
bhiyyo tanha pavaddhati
esa kho dalham karoti bandhanam.
|34.350| Vitakkupasame ca yo rato
asubham bhavayati sada sato
Esa kho vyantikahati
esacchecchati 1- marabandhanam.
|34.351| Nittham gato asantasi vitatanho anangano
acchindi bhavasallani antimoyam samussayo.
|34.352| Vitatanho anadano niruttipadakovido
akkharanam sannipatam janna pubbaparani ca
sa ve antimasariro mahapanno mahapurisoti vuccati.
|34.353| Sabbabhibhu sabbaviduhamasmi
sabbesu dhammesu anupalitto
sabbanjaho tanhakkhaye vimutto
sayam abhinnaya kamuddiseyyam.
|34.354| Sabbadanam dhammadanam jinati
sabbam rasam dhammaraso jinati
sabbam ratim dhammarati jinati
tanhakkhayo sabbadukkham jinati.
|34.355| Hananti bhoga dummedham no 1- ce paragavesino
bhogatanhaya dummedho hanti anneva attanam.
|34.356| Tinadosani khettani ragadosa ayam paja
tasma hi vitaragesu dinnam hoti mahapphalam.
@Footnote: 1 esacchindatitipi . 2 no ca itipi.
|34.357| Tinadosani khettani dosadosa ayam paja
tasma hi vitadosesu dinnam hoti mahapphalam.
|34.358| Tinadosani khettani mohadosa ayam paja
tasma hi vitamohesu dinnam hoti mahapphalam.
|34.359| Tinadosani khettani icchadosa ayam paja
tasma hi vigaticchesu dinnam hoti mahapphalam.
Tanhavaggo catuvisatimo.
------------
The Pali Tipitaka in Roman Character Volume 25 page 60-64.
http://84000.org/tipitaka/read/roman_item_s.php?book=25&item=34&items=1&modeTY=2
Classified by [Item Number] :-
http://84000.org/tipitaka/read/roman_item_s.php?book=25&item=34&items=1&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=25&item=34&items=1&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=25&item=34&items=1&modeTY=2
Study Atthakatha :-
http://84000.org/tipitaka/attha/attha.php?b=25&i=34
The Pali Atthakatha in Thai :-
http://84000.org/tipitaka/atthapali/read_th.php?B=25&A=1
The Pali Atthakatha in Roman :-
http://84000.org/tipitaka/atthapali/read_rm.php?B=25&A=1
Contents of The Tipitaka Volume 25
http://84000.org/tipitaka/read/?index_25
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ DhammaPerfect@yahoo.com
