paliTIPITAKA Volume 25 - Sutta Pitaka 17

[78] ⁶ Evamme sutam . ekam samayam bhagava rajagahe viharati veluvane kalandakanivape . tena kho pana samayena ayasma pilindavaccho bhikkhu vasalavadena samudacarati . atha kho sambahula bhikkhu yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinna kho te bhikkhu bhagavantam etadavocum ayasma bhante pilindavaccho bhikkhu vasalavadena samudacaratiti . atha kho bhagava annataram bhikkhum amantesi ehi tvam bhikkhu mama vacanena pilindavaccham bhikkhum amantehi sattha tam avuso vaccha ^1- amantetiti. Evam bhanteti kho so bhikkhu bhagavato patissutva ^2- yenayasma pilindavaccho tenupasankami upasankamitva @Footnote: ¹ Ma. Yu. pilindavaccha . ² Po. patisunitva. Ayasmantam pilindavaccham etadavoca sattha tam avuso ^[1]- amantetiti. Evamavusoti kho ayasma pilindavaccho tassa bhikkhuno patissutva yena bhagava tenupasankami upasankamitva bhagavantam abhivadetva ekamantam nisidi . ekamantam nisinnam kho ayasmantam pilindavaccham bhagava etadavoca saccam kira tvam pilindavaccha bhikkhu vasalavadena samudacarasiti. Evam bhanteti. {78.1} Atha kho bhagava ayasmato pilindavacchassa pubbenivasam manasikatva bhikkhu amantesi ma kho tumhe bhikkhave vacchassa bhikkhuno ujjhayittha na bhikkhave vaccho dosantaro bhikkhu vasalavadena samudacarati vacchassa bhikkhave bhikkhuno panca jatisatani abbhokinnani brahmanakule paccajatani so tassa vasalavado digharattam ajjhacinno ^2- tenayam vaccho bhikkhu vasalavadena samudacaratiti . Atha kho bhagava etamattham viditva tayam velayam imam udanam udanesi yamhi na maya vattati ^3- na mano yo khinalobho amamo niraso panunnakodho abhinibbutatto so brahmano so samano sa bhikkhuti. Chattham.

The Pali Tipitaka in Roman Character Volume 25 page 113-114. http://84000.org/tipitaka/read/roman_item_s.php?book=25&item=78&items=1&modeTY=2&mode=bracket Classified by content :- http://84000.org/tipitaka/read/roman_item_s.php?book=25&item=78&items=1&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=25&item=78&items=1&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=25&item=78&items=1&modeTY=2&mode=bracket Study Atthakatha :- http://84000.org/tipitaka/attha/attha.php?b=25&i=78 The Pali Atthakatha in Thai :- http://84000.org/tipitaka/atthapali/read_th.php?B=26&A=4554 The Pali Atthakatha in Roman :- http://84000.org/tipitaka/atthapali/read_rm.php?B=26&A=4554 Contents of The Tipitaka Volume 25 http://84000.org/tipitaka/read/?index_25