paliTIPITAKA Volume 25 - Sutta Pitaka 17

[88] Aparipakkaya meghiya cetovimuttiya panca dhamma paripakaya samvattanti katame panca 1 idha meghiya bhikkhu kalyanamitto hoti kalyanasampavanko aparipakkaya meghiya cetovimuttiya ayam pathamo dhammo paripakaya samvattati . ² puna ca param meghiya bhikkhu silava hoti patimokkhasamvarasamvuto viharati acaragocarasampanno anumattesu vajjesu bhayadassavi samadaya sikkhati sikkhapadesu aparipakkaya meghiya cetovimuttiya ayam dutiyo dhammo paripakaya samvattati. {88.1} ³ Puna ca param meghiya bhikkhu yayam katha abhisallekhika cetovivaranasappaya ekantanibbidaya viragaya nirodhaya upasamaya abhinnaya sambodhaya nibbanaya samvattati seyyathidam appicchakatha santutthikatha pavivekakatha asamsaggakatha viriyarambhakatha silakatha samadhikatha pannakatha vimuttikatha vimuttinanadassanakatha evarupiya kathaya nikamalabhi hoti akicchalabhi akasiralabhi aparipakkaya meghiya cetovimuttiya ayam tatiyo dhammo paripakaya samvattati. {88.2} ⁴ Puna ca param meghiya bhikkhu araddhaviriyo viharati akusalanam dhammanam pahanaya kusalanam dhammanam uppadaya ^1- thamava dalhaparakkamo anikkhittadhuro kusalesu dhammesu aparipakkaya meghiya cetovimuttiya ayam catuttho dhammo paripakaya samvattati. {88.3} ⁵ Puna ca param meghiya bhikkhu pannava hoti udayatthagaminiya pannaya samannagato ariyaya nibbedhikaya sammadukkhakkhayagaminiya aparipakkaya meghiya cetovimuttiya ayam pancamo dhammo paripakaya samvattati . aparipakkaya meghiya cetovimuttiya ime panca dhamma paripakaya samvattanti . kalyanamittassetam meghiya bhikkhuno patikankham kalyanasahayassa kalyanasampavankassa yam silava bhavissati patimokkhasamvarasamvuto viharissati acaragocarasampanno anumattesu vajjesu bhayadassavi samadaya sikakhissati sikkhapadesu. {88.4} Kalyanamittassetam meghiya bhikkhuno patikankham kalyanasahayassa kalyanasampavankassa yam yayam katha abhisallekhika cetovivaranasappaya ekantanibbidaya viragaya nirodhaya upasamaya abhinnaya sambodhaya nibbanaya samvattissati seyyathidam appicchakatha santutthikatha pavivekakatha asamsaggakatha viriyarambhakatha silakatha samadhikatha pannakatha vimuttikatha vimuttinanadassanakatha evarupiya kathaya nikamalabhi bhavissati ^2- akicchalabhi akasiralabhi . kalyanamittassetam meghiya bhikkhuno patikankham kalyanasahayassa kalyanasampavankassa yam araddhaviriyo @Footnote: ¹ Ma. Yu. upasampadaya . ² Yu. hoti. Viharissati akusalanam dhammanam pahanaya kusalanam dhammanam uppadaya thamava dalhaparakkamo anikkhittadhuro kusalesu dhammesu . Kalyanamittassetam meghiya bhikkhuno patikankham kalyanasahayassa kalyanasampavankassa yam pannava bhavissati udayatthagaminiya pannaya samannagato ariyaya nibbedhikaya sammadukkhakkhayagaminiya.

The Pali Tipitaka in Roman Character Volume 25 page 126-128. http://84000.org/tipitaka/read/roman_item_s.php?book=25&item=88&items=1&modeTY=2&bgc=seashell Classified by [Item Number] :- http://84000.org/tipitaka/read/roman_item_s.php?book=25&item=88&items=1&modeTY=2&bgc=seashell&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=25&item=88&items=1&modeTY=2&bgc=seashell Compare with The Royal Version of Thai Tipitaka :- http://84000.org/tipitaka/read/byitem_s.php?book=25&item=88&items=1&modeTY=2&bgc=seashell Study Atthakatha :- http://84000.org/tipitaka/attha/attha.php?b=25&i=88&bgc=seashell The Pali Atthakatha in Thai :- http://84000.org/tipitaka/atthapali/read_th.php?B=26&A=5138 The Pali Atthakatha in Roman :- http://84000.org/tipitaka/atthapali/read_rm.php?B=26&A=5138 Contents of The Tipitaka Volume 25 http://84000.org/tipitaka/read/?index_25