paliTIPITAKA Volume 26 - Sutta Pitaka 18

[472] |472.367| 1 Jivakambavanam rammam gacchantim bhikkhunim subham dhuttako sannivaresi tamenam abravi subha. |472.368| Kim te aparadhitam maya yam mam ovadiyanutitthasi ^1- na hi pabbajitaya avuso puriso samphusanaya kappati. |472.369| Garuke mama satthu sasane ya sikkha sugatena desita parisuddhapadam ananganam kim mam ovadiyanutitthasi ^1-. |472.370| Avilacitto anavilam sarajo vitarajam ananganam sabbattha vimuttamanasam kim mam ovadiyanutitthasi ^1-. |472.371| Dahara ca apapika casi kinte pabbajja karissati nikkhipa kasayacivaram ehi ramamase ^2- supupphite vane. |472.372| Madhuranca pavanti sabbaso kusumarajena samutthita duma pathamavasanto sukho utu ehi ramamase ^2- supupphite vane. |472.373| Kusumitasikhara ca padapa abhigajjantiva maluterita ka tuyham rati bhavissati yadi eka vanamogahissasi. |472.374| Valamigasanghasevitam kunjaramattakarenulolitam asahayika gantumicchasi rahitam bhisanakam mahavanam. |472.375| Tapaniyakatava dhitika vicarasi cittaratheva ^3- acchara @Footnote: ¹ Ma. Yu. ovariyana titthasi. ² Ma. ramama. ³ Ma. cittalateva.

--------------------------------------------------------------------------------------------- page491.

Kasikasukhumehi vagguhi sobhasi nivasanehinopame. |472.376| Aham tava vasanugo siyam yadi viharemase kananantare na hi matthi taya piyataro pano kinnarimandalocane. |472.377| Yadi me vacanam karissasi sukhita ehi agaramavasa pasadanivatavasini parikammante karontu nariyo. |472.378| Kasikasukhumani dharassu ^1- abhiropehi ca malavannakam kancanamanimuttakam bahum vividham abharanam karomi te. |472.379| Sudhotarajapacchadam subham gonakatulikasanthatam navam abhiruhi sayanam maharaham candanamanditam saragandhikam. |472.380| Uppalam ca udakato ^2- ubbhatam yatha yam amanussasevitam evam tuvam brahmacarini sakesu angesu jaram gamissasi. |472.381| Kinte idha sarasammatam kunapapuramhi susanavaddhane bhedanadhamme kalevare yam disva vimano udikkhasi. |472.382| Akkhini ca turiyariva kinnariyariva pabbatantare tava me nayanani dakkhiya bhiyyo kamarati pavaddhati. |472.383| Uppalasikharopamani te vimale hatakasannibhe mukhe tava me nayanani dakkhiya bhiyyo kamaguno pavaddhati. |472.384| Api duragata saremhase ayatapamhe visuddhadassane @Footnote: ¹ Ma. dharaya. ² Ma. uppalam cudaka samuggatam yathatam.

--------------------------------------------------------------------------------------------- page492.

Na hi matthi taya piyatara nayana kinnarimandalocane. |472.385| Apathena payatumicchasi candam kilanakam gavesasi sinerum ^1- langhetumicchasi yo tvam buddhasutam patthesi ^2-. |472.386| Natthi hi loke sadevake rago yatthapi dani me siya napi nam janami kiriso atha maggena hato samulako. |472.387| Inghalakhuyava ujjhito visapattoriva aggato ^3- kato napi nam passami kiriso atha maggena hato samulako. |472.388| Yassa siya apaccavekkhitam sattha va anusasito siya tvam tadisikam palobhaya janantim so imam vihannasi. |472.389| Mayham hi akkutthavandite sukhadukkhe ca sati upatthita sankhatamasubhanti janiya sabbattheva mano na limpati. |472.390| Saham sugatassa savika maggatthangikayanayayini uddhatasalla anasava sunnagaragata ramamiham. |472.391| Dittha hi maya sucittita sombha darukacillakani va tantihi ca khilakehi ca vinibaddha vividham panaccita. |472.392| Tamhuddhate tantikhilake vissatthe vikale paripakkate avinde khandaso kate kimhi tattha manam nivesaye. |472.393| Tathupamam dehakani mam tehi dhammehi vina na vattanti @Footnote: ¹ Ma. Yu. merum. ² Yu. maggayasi. ³ Ma. aggito.

--------------------------------------------------------------------------------------------- page493.

Dhammehi vina na vattanti kimhi tattha manam nivesaye. |472.394| Yatha haritalena makkhitam addasa cittikam bhittiya katam tamhi te viparitadassanam panna ^1- manusika niratthika. |472.395| Mayam viya aggato katam supinanteva suvannapadapam upadhavasi andha rittakam janamajjheriva rupparupakam. |472.396| Vattaniriva kotarohita majjhe bubbulaka saassuka pilakolika cettha jayati vividha cakkhuvidha va ^2- mandita. |472.397| Upadiya ^3- carudassana na ca pajjittha alaggamanasa ^4- handa te cakkhum harassu tam tassa narassa adasi tavade. |472.398| Tassa ca viramasi tavade rago tattha khamapayi ca nam sotthi siya brahmacarini na puno edisakam bhavissata. |472.399| Ahaniya ^5- edisam janam aggim pajjalitamva lingiya ganhissam asivisam ^6- viya api nu sotthi siya khamehi no. |472.400| Mutta ca tato sa bhikkhuni agami buddhavarassa santikam passiya varapunnalakkhanam cakkhu asi yathapuranakanti. Subha jivakambavanika. Timsanipato samatto. ------------ @Footnote: ¹ Po. Ma. sanna manusika. ² Ma. Yu. ca pindita. ³ Ma. Yu. uppatiya. @⁴ Ma. Yu. asangamanasa. ⁵ Ma. asadiya. ⁶ Ma. ganhiya asivisam.

--------------------------------------------------------------------------------------------- page494.

Therigathaya cattalisanipato

The Pali Tipitaka in Roman Character Volume 26 page 490-494. http://84000.org/tipitaka/read/roman_item_s.php?book=26&item=472&items=1&pagebreak=1&modeTY=2&mode=bracket Classified by content :- http://84000.org/tipitaka/read/roman_item_s.php?book=26&item=472&items=1&pagebreak=1&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=26&item=472&items=1&pagebreak=1&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=26&item=472&items=1&pagebreak=1&modeTY=2&mode=bracket Study Atthakatha :- http://84000.org/tipitaka/attha/attha.php?b=26&i=472 The Pali Atthakatha in Thai :- http://84000.org/tipitaka/atthapali/read_th.php?B=34&A=6632 The Pali Atthakatha in Roman :- http://84000.org/tipitaka/atthapali/read_rm.php?B=34&A=6632 Contents of The Tipitaka Volume 26 http://84000.org/tipitaka/read/?index_26