paliTIPITAKA Volume 31 - Sutta Pitaka 23

[257] Katham obhasavasena nanattekattarupanimittanam dassanatthe panna dibbacakkhunanam . idha bhikkhu chandasamadhi- padhanasankharasamannagatam iddhipadam bhaveti viriyasamadhi .pe. Cittasamadhi .pe. vimamsasamadhipadhanasankharasamannagatam iddhipadam bhaveti so imesu catusu iddhipadesu cittam paribhaveti paridameti mudum karoti kammaniyam so imesu catusu iddhipadesu cittam paribhavetva paridametva mudum karitva kammaniyam alokasannam manasi karoti divasannam adhitthati yatha diva tatha ratti yatha ratti tatha diva iti vivatena cetasa apariyonaddhena sappabhasam ^1- cittam bhaveti so tatha bhavitena cittena parisuddhena pariyodatena sattanam cutupapatananaya cittam abhiniharati abhininnameti so dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanati ime vata bhonto satta kayaduccaritena samannagata vaciduccaritena samannagata manoduccaritena @Footnote: ¹ Si. sammabhavam. Samannagata ariyanam upavadaka micchaditthika micchaditthikamma- samadana te kayassa bheda parammarana apayam duggatim vinipatam nirayam upapanna ime va pana bhonto satta kayasucaritena samannagata vacisucaritena samannagata manosucaritena samannagata ariyanam anupavadaka sammaditthika sammaditthikammasamadana te kayassa bheda parammarana sugatim saggam lokam upapannati iti dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanati tam natatthena nanam pajananatthena panna tena vuccati obhasavasena nanattekatta- rupanimittanam dassanatthe panna dibbacakkhunanam. --------

The Pali Tipitaka in Roman Character Volume 31 page 168-169. http://84000.org/tipitaka/read/roman_item_s.php?book=31&item=257&items=1&modeTY=2 Classified by [Item Number] :- http://84000.org/tipitaka/read/roman_item_s.php?book=31&item=257&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=31&item=257&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=31&item=257&items=1&modeTY=2 Study Atthakatha :- http://84000.org/tipitaka/attha/attha.php?b=31&i=257 The Pali Atthakatha in Thai :- http://84000.org/tipitaka/atthapali/read_th.php?B=47&A=8681 The Pali Atthakatha in Roman :- http://84000.org/tipitaka/atthapali/read_rm.php?B=47&A=8681 Contents of The Tipitaka Volume 31 http://84000.org/tipitaka/read/?index_31