Pannavagge iddhikatha
[679] Ka iddhi kati iddhiyo iddhiya kati bhumiyo kati
pada kati padani kati mulani . ka iddhiti ijjhanatthena
iddhi . kati iddhiyoti dasa iddhiyo . iddhiya catasso bhumiyo
cattaro pada attha padani solasa mulani.
[680] Katama dasa iddhiyo . adhitthana iddhi vikubbana
iddhi manomaya iddhi nanavipphara iddhi samadhivipphara iddhi
ariya iddhi kammavipakaja iddhi punnavato iddhi vijjamaya
iddhi tattha tattha sammappayogappaccaya 1- ijjhanatthena iddhi.
[681] Iddhiya katama catasso bhumiyo . vivekajabhumi
pathamajjhanam pitisukhabhumi dutiyajjhanam upekkhasukhabhumi tatiyajjhanam
adukkhamasukhabhumi catutthajjhanam iddhiya ima catasso bhumiyo
iddhilabhaya iddhipatilabhaya iddhivikubbanaya iddhivisavitaya
iddhivasibhavaya iddhivesarajjaya samvattantiti.
[682] Iddhiya katame cattaro pada . idha bhikkhu
chandasamadhipadhanasankharasamannagatam iddhipadam bhaveti viriyasamadhi-
padhanasankharasamannagatam iddhipadam bhaveti cittasamadhipadhanasankhara-
samannagatam iddhipadam bhaveti vimamsasamadhipadhanasankharasamannagatam
iddhipadam bhaveti iddhiya ime cattaro pada iddhilabhaya
@Footnote: 1 Ma. Yu. samma payogapaccaya. evamuparipi.
Iddhipatilabhaya iddhivikubbanaya 1- iddhivisavitaya iddhivasibhavaya
iddhivesarajjaya samvattantiti.
[683] Iddhiya katamani attha padani . chandance bhikkhu
nissaya labhati samadhim labhati cittassa ekaggatam chando na
samadhi samadhi na chando anno chando anno samadhi
viriyance bhikkhu nissaya labhati samadhim labhati cittassa ekaggatam
viriyam na samadhi samadhi na viriyam annam viriyam anno samadhi
cittance bhikkhu nissaya labhati samadhim labhati cittassa ekaggatam
cittam na samadhi samadhi na cittam annam cittam anno samadhi
vimamsance bhikkhu nissaya labhati samadhim labhati cittassa ekaggatam
vimamsa na samadhi samadhi na vimamsa anna vimamsa anno
samadhi iddhiya imani attha padani iddhilabhaya iddhipatilabhaya
iddhivikubbanaya iddhivisavitaya iddhivasibhavaya iddhivesarajjaya
samvattantiti.
[684] Iddhiya katamani solasa mulani . anonatam 2- cittam
kosajje na injatiti anenjam anunnatam cittam uddhacce na
injatiti anenjam anabhinatam cittam rage na injatiti anenjam
anapanatam cittam byapade na injatiti anenjam anissitam cittam
ditthiya na injatiti anenjam appatibaddham cittam chandarage
na injatiti anenjam vippamuttam cittam kamarage na injatiti
@Footnote: 1 Ma. iddhivikubbanataya. evamuparipi. 2 Yu. anonatam.
Anenjam visannuttam cittam kilese na injatiti anenjam
vipariyadikatam cittam kilesapariyade na injatiti anenjam ekaggatam 1-
cittam nanattakilese 2- na injatiti anenjam saddhaya pariggahitam
cittam assaddhiye na injatiti anenjam viriyena pariggahitam
cittam kosajje na injatiti anenjam satiya pariggahitam cittam
pamade na injatiti anenjam samadhina pariggahitam cittam
uddhacce na injatiti anenjam pannaya pariggahitam cittam
avijjaya na injatiti anenjam obhasagatam cittam avijjandhakare
na injatiti anenjam iddhiya imani solasa mulani
iddhilabhaya iddhipatilabhaya iddhivikubbanaya iddhivisavitaya
iddhivasibhavaya iddhivesarajjaya samvattantiti.
[685] Katama adhitthana iddhi. Idha bhikkhu anekavihitam
iddhividham paccanubhoti ekopi hutva bahudha hoti bahudhapi
hutva eko hoti avibhavam tirobhavam tirokuddam tiropakaram
tiropabbatam asajjamano gacchati seyyathapi akase pathaviyapi
ummujjanimmujjam karoti seyyathapi udake udakepi abhijjamane
gacchati seyyathapi pathaviyam akasepi pallankena kamati 3-
seyyathapi pakkhi sakuno imepi candimasuriye evammahiddhike
evammahanubhave panina paramasati parimajjati yava brahmalokapi
kayena vasam vatteti.
@Footnote: 1 Ma. ekattagatam. 2 Ma. nanattakilesehi. 3 Yu. cankamati. evamuparipi.
{685.1} Idhati imissa ditthiya imissa khantiya imissa ruciya
imasmim adaye imasmim dhamme imasmim vinaye imasmim pavacane
imasmim brahmacariye imasmim satthusasane tena vuccati idhati.
{685.2} Bhikkhuti puthujjanakalyanako va hoti bhikkhu sekkho va
araha va akuppadhammo.
{685.3} Anekavihitam iddhividham paccanubhotiti nanappakarakam iddhividham
paccanubhoti.
{685.4} Ekopi hutva bahudha hotiti pakatiya eko bahukam
avajjati satam va sahassam va satasahassam va avajjati avajjitva
nanena adhitthati bahuko 1- homiti bahuko hoti yathayasma
cullapanthako ekopi hutva bahudha hoti evameva so iddhima
cetovasippatto eko hutva bahudha hoti.
{685.5} Bahudhapi hutva eko hotiti pakatiya bahuko ekam
avajjati avajjitva nanena adhitthati eko homiti eko hoti
yathayasma cullapanthako bahudhapi hutva eko hoti evameva
so iddhima cetovasippatto bahudhapi hutva eko hoti .
Avibhavanti kenaci anavatam hoti appaticchannam vivatam . [2]-
tirobhavanti kenaci avatam hoti paticchannam pihitam patikujjitam .
Tirokuddam tiropakaram tiropabbatam asajjamano gacchati
@Footnote: 1 Ma. Yu. bahulo. evamuparipi . 2 Ma. Yu. pakatam.
Seyyathapi akaseti pakatiya akasakasinasamapattiya labhi
hoti tirokuddam tiropakaram tiropabbatam avajjati avajjitva
nanena adhitthati akaso hotuti akaso hoti so 1-
tirokuddam tiropakaram tiropabbatam asajjamano 2- gacchati yatha
manussa pakatiya aniddhimanto kenaci anavate aparikkhitte
asajjamana gacchanti evameva so iddhima cetovasippatto
tirokuddam tiropakaram tiropabbatam asajjamano gacchati seyyathapi
akase.
{685.6} Pathaviyapi ummujjanimmujjam karoti seyyathapi udaketi
pakatiya apokasinasamapattiya labhi hoti pathavim avajjati
avajjitva nanena adhitthati udakam hotuti udakam hoti
so pathaviya ummujjanimmujjam karoti yatha manussa pakatiya
aniddhimanto udake ummujjanimmujjam karoti evameva so iddhima
cetovasippatto pathaviya ummujjanimmujjam karoti seyyathapi udake.
Udakepi abhijjamane gacchati seyyathapi pathaviyanti pakatiya
pathavikasinasamapattiya labhi hoti udakam avajjati avajjitva
nanena adhitthati pathavi hotuti pathavi hoti so abhijjamane
udake gacchati yatha manussa pakatiya aniddhimanto abhijjamanaya
pathaviya gacchanti evameva so iddhima cetovasippatto
@Footnote: 1 Ma. ayam patho natthi. 2 Yu. avajjamano.
Abhijjamane udake gacchati seyyathapi pathaviyam.
{685.7} Akasepi pallankena kamati seyyathapi pakkhi sakunoti
pakatiya pathavikasinasamapattiya labhi hoti akase 1- avajjati
avajjitva nanena adhitthati pathavi hotuti pathavi hoti so akase
antalikkhe cankamatipi titthatipi nisidatipi seyyampi kappeti yatha
manussa pakatiya aniddhimanto pathaviya cankamantipi titthantipi
nisidantipi seyyampi kappenti evameva so iddhima cetovasippatto
akase antalikkhe cankamatipi titthatipi nisidatipi seyyampi kappeti
seyyathapi pakkhi sakuno.
{685.8} Imepi candimasuriye evammahiddhike evammahanubhave
panina paramasati parimajjatiti idha so iddhima cetovasippatto
nisinnako va nipannako va candimasuriye avajjati avajjitva
nanena adhitthati hatthapase hotuti hatthapase hoti so
nisinnako va nipannako va candimasuriye panina amasati
paramasati parimajjati yatha manussa pakatiya aniddhimanto kincideva
rupagatam hatthapase amasanti paramasanti parimajjanti evameva
so iddhima cetovasippatto nisinnako va nipannako va candimasuriye
panina amasati paramasati parimajjati.
{685.9} Yava brahmalokapi kayena vasam vattetiti sace so
iddhima cetovasippatto brahmalokam gantukamo hoti durepi santike
@Footnote: 1 Ma. Yu. akasam.
Adhitthati santike hotuti santikepi hoti santikepi dure
adhitthati dure hotuti dure hoti bahukampi thokam adhitthati
thokam hotuti thokam hoti thokampi bahukam adhitthati bahukam
hotuti bahukam hoti dibbena cakkhuna tassa brahmuno rupam
passati dibbaya sotadhatuya tassa brahmuno saddam sunati
cetopariyananena tassa brahmuno cittam pajanati sace so
iddhima cetovasippatto dissamanena kayena brahmalokam
gantukamo hoti kayavasena cittam parinameti kayavasena cittam
adhitthati kayavasena cittam parinametva kayavasena cittam
adhitthahitva sukhasannanca lahusannanca okkamitva dissamanena
kayena brahmalokam gacchati
{685.10} sace so iddhima cetovasippatto adissamanena
kayena brahmalokam gantukamo hoti cittavasena kayam parinameti
cittavasena kayam adhitthati cittavasena kayam parinametva cittavasena
kayam adhitthahitva sukhasannanca lahusannanca okkamitva
adissamanena kayena brahmalokam gacchati so tassa brahmuno
purato rupam 1- abhinimminati manomayam sabbangapaccangam 2-
ahinindriyam sace so iddhima cankamati nimmitopi
tattha cankamati sace so iddhima titthati nimmitopi tattha
titthati sace so iddhima nisidati nimmitopi tattha nisidati
sace so iddhima seyyam kappeti nimmitopi tattha seyyam kappeti
@Footnote: 1-2 Ma. rupim... sabbangapaccangim. evamuparipi.
Sace so iddhima dhumayati nimmitopi tattha dhumayati sace
so iddhima pajjalati nimmitopi tattha pajjalati sace so
iddhima dhammam bhasati nimmitopi tattha dhammam bhasati sace
so iddhima panham pucchati nimmitopi tattha panham pucchati sace
so iddhima panham puttho vissajjeti 1- nimmitopi tattha panham
puttho vissajjeti sace so iddhima tena brahmuna saddhim
santitthati sallapati sakaccham samapajjati nimmitopi tattha tena
brahmuna saddhim santitthati sallapati sakaccham samapajjati
yannadeva [2]- so iddhima karoti tantadeva hi so nimmito
karotiti ayam adhitthana iddhi.
[686] Katama vikubbana iddhi . sikhissa bhagavato arahato
sammasambuddhassa abhibhu nama savako brahmaloke thito sahassilokadhatum
sarena vinnapesi so dissamanenapi kayena dhammam desesi 3-
adissamanenapi kayena dhammam desesi dissamanenapi hetthimena
upaddhakayena adissamanenapi uparimena upaddhakayena
dhammam desesi dissamanenapi uparimena upaddhakayena adissamanenapi
hetthimena upaddhakayena dhammam desesi so pakativannam
vijahitva kumarakavannam va dasseti nagavannam va dasseti
supannavannam va dasseti yakkhavannam va dasseti asuravannam
va dasseti indavannam va dasseti devavannam va
@Footnote: 1 Ma. sabbattha visajjeti. 2 Yu. hi. 3 Yu. deseti. evamuparipi.
Dasseti brahmavannam va dasseti samuddavannam va dasseti
pabbatavannam va dasseti vanavannam va dasseti sihavannam
va dasseti byagghavannam va dasseti dipivannam va dasseti
hatthimpi 1- dasseti assampi dasseti rathampi dasseti pattimpi
dasseti vividhampi senabyuham dasseti 2- ayam vikubbana iddhi.
[687] Katama manomaya iddhi . idha bhikkhu imamha kaya
annam kayam abhinimminati rupim manomayam sabbangapaccangam ahinindriyam
seyyathapi puriso munjamha isikam 3- pavaheyya tassa
evamassa ayam munjo ayam isika 3- anno munjo anna
isika 3- munjamha tveva isika 3- pavalhati seyyathapi va
pana puriso asim kosiya pavaheyya tassa evamassa ayam asi
ayam kosi anno asi anna kosi kosiya tveva asi pavalhoti
seyyathapi va pana puriso ahim karanda uddhareyya tassa evamassa
ayam ahi 4- ayam karando anno ahi anno karando karanda
tveva ahi ubbhatoti evameva bhikkhu imamha kaya annam kayam
abhinimminati rupam manomayam sabbangapaccangam ahinindriyam ayam
manomaya iddhi.
[688] Katama nanavipphara iddhi . aniccanupassanaya
niccasannaya pahanattho ijjhatiti nanavipphara iddhi dukkhanupassanaya
sukhasannaya anattanupassanaya attasannaya nibbidanupassanaya
@Footnote: 1 Yu. hatthivannampi. 2 Ma. dassetiti. 3 Ma. isikam. isika.
@4 Yu. asi. evamuparipi.
Nandiya viraganupassanaya ragassa nirodhanupassanaya
samudayassa patinissagganupassanaya adanassa pahanattho
ijjhatiti nanavipphara iddhi ayasmato bakkulassa
nanavipphara iddhi ayasmato sankiccassa nanavipphara iddhi
ayasmato bhutapalassa nanavipphara iddhi ayam nanavipphara
iddhi.
[689] Katama samadhivipphara iddhi . pathamajjhanena nivarananam
pahanattho ijjhatiti samadhivipphara iddhi dutiyajjhanena
vitakkavicaranam pahanattho ijjhatiti samadhivipphara iddhi tatiyajjhanena
pitiya pahanattho ijjhatiti .pe. catutthajjhanena sukhadukkhanam
pahanattho ijjhatiti .pe. akasanancayatanasamapattiya
rupasannaya patighasannaya nanattasannaya pahanattho ijjhatiti
.pe. vinnanancayatanasamapattiya akasanancayatanasannaya
pahanattho ijjhatiti .pe. akincannayatanasamapattiya
vinnanancayatanasannaya pahanattho ijjhatiti .pe.
Nevasannanasannayatanasamapattiya akincannayatanasannaya
pahanattho ijjhatiti samadhivipphara iddhi ayasmato sariputtassa
samadhivipphara iddhi ayasmato sanjivassa samadhivipphara
iddhi ayasmato khanukondannassa samadhivipphara iddhi
uttaraya upasikaya samadhivipphara iddhi samavatiya
Upasikaya samadhivipphara iddhi ayam samadhivipphara iddhi.
[690] Katama ariya iddhi . idha bhikkhu sace akankhati
patikule appatikulasanni vihareyyanti appatikulasanni tattha
viharati sace akankhati appatikule patikulasanni vihareyyanti
patikulasanni tattha viharati sace akankhati patikule ca appatikule
ca appatikulasanni vihareyyanti appatikulasanni tattha viharati
sace akankhati appatikule ca patikule ca patikulasanni vihareyyanti
patikulasanni tattha viharati sace akankhati patikule ca appatikule
ca tadubhayam abhinivajjetva upekkhako vihareyyam sato sampajanoti
upekkhako tattha viharati sato sampajano.
{690.1} Katham patikule appatikulasanni viharati . anitthasmim
vatthusmim mettaya va pharati dhatuto va upasamharati evam patikule
appatikulasanni viharati.
{690.2} Katham appatikule patikulasanni viharati . itthasmim
vatthusmim asubhaya va pharati aniccato va upasamharati evam appatikule
patikulasanni viharati.
{690.3} Katham patikule ca appatikule ca appatikulasanni viharati.
Anitthasmim ca itthasmim ca vatthusmim mettaya va pharati dhatuto
va upasamharati evam patikule ca appatikule ca appatikulasanni
Viharati.
{690.4} Katham appatikule ca patikule ca patikulasanni viharati.
Itthasmim ca anitthasmim ca [1]- asubhaya va pharati aniccato va
upasamharati evam appatikule ca patikule ca patikulasanni viharati.
{690.5} Katham patikule ca appatikule ca tadubhayam abhinivajjetva
upekkhako viharati sato sampajano . idha bhikkhu cakkhuna rupam
disva neva sumano hoti na dummano upekkhako viharati sato
sampajano sotena saddam sutva ghanena gandham ghayitva jivhaya
rasam sayitva kayena photthabbam phusitva manasa dhammam vinnaya
neva sumano hoti na dummano upekkhako viharati sato sampajano
evam patikule ca appatikule ca tadubhayam abhinivajjetva upekkhako
viharati sato sampajano ayam ariya iddhi.
[691] Katama kammavipakaja iddhi . sabbesam pakkhinam sabbesam
devanam ekaccanam manussanam ekaccanam vinipatikanam ayam
kammavipakaja iddhi.
[692] Katama punnavato iddhi . raja cakkavatti vehasam
gacchati saddhim caturanginiya senaya antamaso assabandhagopake
purise 2- upadaya jotiyassa 3- gahapatissa punnavato iddhi
jatilassa gahapatissa punnavato iddhi mendakassa gahapatissa
@Footnote: 1 Ma. Yu. vatthusmim. 2 Si. assabandhane purise. Ma. assabandhagopurise.
@3 Si. Yu. jotikassa.
Punnavato iddhi ghositassa gahapatissa punnavato iddhi pancannam
mahapunnanam punnavato iddhi ayam punnavato iddhi.
[693] Katama vijjamaya iddhi. Vijjadhara vijjam parijapetva 1-
vehasam gacchanti akase antalikkhe hatthimpi dassenti
assampi dassenti rathampi dassenti pattimpi dassenti
vividhampi senabyuham dassenti ayam vijjamaya iddhi.
[694] Katham tattha tattha sammappayogappaccaya ijjhanatthena
iddhi . nekkhammena kamacchandassa pahanattho ijjhatiti tattha
tattha sammappayogappaccaya ijjhanatthena iddhi abyapadena
byapadassa pahanattho ijjhatiti .pe. alokasannaya thinamiddhassa
.pe. arahattamaggena sabbakilesanam pahanattho ijjhatiti tattha
tattha sammappayogappaccaya ijjhanatthena iddhi evam tattha tattha
sammappayogappaccaya ijjhanatthena iddhi ima dasa iddhiyoti.
Iddhikatha nitthita.
----------
The Pali Tipitaka in Roman Character Volume 31 page 589-601.
http://84000.org/tipitaka/read/roman_item_s.php?book=31&item=679&items=16&modeTY=2
Classified by [Item Number] :-
http://84000.org/tipitaka/read/roman_item_s.php?book=31&item=679&items=16&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=31&item=679&items=16&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=31&item=679&items=16&modeTY=2
Study Atthakatha :-
http://84000.org/tipitaka/attha/attha.php?b=31&i=679
The Pali Atthakatha in Thai :-
http://84000.org/tipitaka/atthapali/read_th.php?B=48&A=6954
The Pali Atthakatha in Roman :-
http://84000.org/tipitaka/atthapali/read_rm.php?B=48&A=6954
Contents of The Tipitaka Volume 31
http://84000.org/tipitaka/read/?index_31
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
