TIPITAKA Volume 32 : PALI ROMAN
Sutta Pitaka Vol 24 : Sutta. Khu. Apa(1)

page265.
                                Sattarasamo suparicariyavaggo
                            pathamam suparicariyattherapadanam (161)
     [163] |163.1| Padumo nama namena     dipadindo narasabho
                     pavana abhinikkhamma              dhammam deseti cakkhuma.
      |163.2| Yakkhanam samayo asi             avidure mahesino
                     yena kiccena sampatta         ajjhapekkhimsu tavade.
      |163.3| Buddhassa giramannaya           amatassava 1- desanam
                     pasannacitto sumano            appothetva 2- upatthahim.
      |163.4| Sucinnassa phalam passam 3-       upatthanassa satthuno
                     timsakappasahassesu                duggatim nopapajjaham.
      |163.5| Unatimse kappasate                 samalankatanamako
                     sattaratanasampanno             cakkavatti mahabbalo.
      |163.6| Patisambhida catasso             vimokkhapica atthime
                     chalabhinna sacchikata          katam buddhassa sasananti
        ittham sudam ayasma suparicariyo thero ima gathayo
abhasitthati.
                                  Suparicariyattherassa apadanam samattam.
@Footnote: 1 Ma. Yu. amatassa ca. 2 ma apphotetva. 3 Ma. Yu. passa.


             The Pali Tipitaka in Roman Character Volume 32 page 265.
http://84000.org/tipitaka/read/roman_item_s.php?book=32&item=163&items=1&pagebreak=1&modeTY=2
             Classified by [Item Number] :-
http://84000.org/tipitaka/read/roman_item_s.php?book=32&item=163&items=1&pagebreak=1&modeTY=2&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=32&item=163&items=1&pagebreak=1&modeTY=2
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=32&item=163&items=1&pagebreak=1&modeTY=2
             Study Atthakatha :-
http://84000.org/tipitaka/attha/attha.php?b=32&i=163
             The Pali Atthakatha in Thai :-
http://84000.org/tipitaka/atthapali/read_th.php?B=50&A=4419
             The Pali Atthakatha in Roman :-
http://84000.org/tipitaka/atthapali/read_rm.php?B=50&A=4419
             Contents of The Tipitaka Volume 32
http://84000.org/tipitaka/read/?index_32