บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1)
Sattamam niggundipupphiyattherapadanam (327) [329] |329.39| Yada devo devakaya cavati ayusankhaya tayo sadda niccharanti devanam anumodatam. |329.40| Ito bho sugatim gaccha manussanam sahabyatam manussabhuto saddhamme labha saddham anuttaram. |329.41| Sa te saddha nivitthassa mulajata patitthita yavajivam asamhira saddhamme supavedite. |329.42| Kayena kusalam katva vacaya kusalam bahum manasa kusalam katva abyapajjham nirupadhim.--------------------------------------------------------------------------------------------- page403.
|329.43| Tato opadhikam punnam katva danena tam bahum anne 1- pavare saddhamme brahmacariye nivesaya. |329.44| Imaya anukampaya devadevam yatha vidu cavantam anumodanti ehi deva punappunam. |329.45| Samviggoham 2- tada asim devasanghe samagate kamsu nama aham yonim gamissami ito cuto. |329.46| Mama samvegamannaya samano bhavitindriyo mamuddharitukamo so agacchi mama santikam. |329.47| Sumano nama namena padumuttarasavako atthadhammanusasitva samvejesi mamantada. Dvadasamam bhanavaram. |329.48| Tassaham vacanam sutva buddhe cittam pasadayim. Tam dhiram 3- abhivadetva tattha kalam kato aham. |329.49| Upapajjim 4- sa tattheva sukkamulena codito vasanto matukucchimhi puna dharetu matuya. |329.50| Tamha kaya cavitvana tidase upapajjaham etthantare na passami domanassam aham tada. |329.51| Tavatimsa cavitvana matukucchim samokkamim nikkhamitvana kicchimha kinci 5- dukkham ajaniham. @Footnote: 1 Ma. annepi macce .... Yu. anne nicceva .... 2 Ma. samvego me tada asi. @3 Yu. viram. 4 Yu. upapajjissam. 5 Ma. Yu. kanhasukkam ajanaham.--------------------------------------------------------------------------------------------- page404.
|329.52| Jatiya sattavassena 1- aramam pavisim aham gotamassa bhagavato sakyaputtassa tadino. |329.53| Vittharike pavacane bahujannamhi sasane addasam sasanam kare bhikkhavo tattha satthuno. |329.54| Savatthi nama nagaram raja tatthasi kosalo rathena nagayuttena upesi bodhimuttamam. |329.55| Tassaham nagam disvana pubbakammam anussarim anjalim paggahetvana samayam agamasaham. |329.56| Jatiya sattavassova pabbajim anagariyam yo so buddham upatthasi anando nama savako. |329.57| Gatima dhitima ceva satima ca bahussuto ranno cittam pasadento niyyadesi mahajuti. |329.58| Tassaham dhammam sutvana pubbakammam anussarim tattheva thitako santo arahattam apapunim. |329.59| Ekamsam civaram katva sire katvana anjalim sambuddham abhivadetva imam vacam udirayim. |329.60| Padumuttarabuddhassa dipadindassa tadino 2- nigundipuppham paggayha sihasane thapesaham. |329.61| Tena kammena dipadinda lokajettha narasabha pattomhi acalam thanam hitva jayaparajayam. @Footnote: 1 Ma. sattavassova. 2 Ma. Yu. satthuno.--------------------------------------------------------------------------------------------- page405.
|329.62| Pancavisasahassamhi kappanam manujadhipa abbudanirabbudani atthatthasimsu khattiya. |329.63| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma niggundipupphiyo thero ima gathayo abhasitthati. Niggundipupphiyattherassa apadanam samattam.The Pali Tipitaka in Roman Character Volume 32 page 402-405. http://84000.org/tipitaka/read/roman_item_s.php?book=32&item=329&items=1&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=32&item=329&items=1&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=32&item=329&items=1&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=32&item=329&items=1&pagebreak=1&modeTY=2 Study Atthakatha :- http://84000.org/tipitaka/attha/attha.php?b=32&i=329 The Pali Atthakatha in Thai :- http://84000.org/tipitaka/atthapali/read_th.php?B=50&A=5212 The Pali Atthakatha in Roman :- http://84000.org/tipitaka/atthapali/read_rm.php?B=50&A=5212 Contents of The Tipitaka Volume 32 http://84000.org/tipitaka/read/?index_32
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]