paliTIPITAKA Volume 32 - Sutta Pitaka 24

Dasamam ajitattherapadanam (400) [402] |402.488| Padumuttaro nama jino sabbadhammana paragu ajjhogahetva himavantam nisidi lokanayako. |402.489| Naham addakkhi ^1- sambuddham napi saddam sunomaham mama bhikkham ^2- gavesanto ahindami vane aham. |402.490| Tatthaddassami sambuddham dvattimsavaralakkhanam disvana cittamapajjim ^3- satto ko namayam bhave. @Footnote: ¹ Ma. Yu. addakkhim. ² Ma. bhakkham. ³ Ma. vittimapajjim.

--------------------------------------------------------------------------------------------- page528.

|402.491| Lakkhanani viloketva mama vijjam anussarim sutam hi metam buddhanam panditanam subhasitam. |402.492| Tesam yatha ^1- tam vacanam ayam buddho bhavissati yannuna ^2- tam sakkareyyam gatim me sodhayissati. |402.493| Khippam assamamagantva madhutelam ^3- gahim aham kolambakam gahetvana upaganchim vinayakam. |402.494| Tidandake gahetvana abbhokase thapesaham padipam pajjalitvana atthakkhattum avandaham. |402.495| Sattarattindivam buddho nisidi purisuttamo tato ratya vivasane vutthasi lokanayako. |402.496| Pasannacitto sumano sabbarattindivam aham dipam buddhassa padasim pasanno sehi panibhi. |402.497| Sabbe gandha ^4- vanamaya pabbate gandhamadane buddhassa anubhavena aganchum buddhasantike. |402.498| Yekeci pupphagandha se pupphita dharaniruha buddhassa anubhavena sabbe sannipatum tada. |402.499| Yavata himavantamhi naga ca garula ubho dhammanca sotukama te aganchum buddhasantike. |402.500| Devalo nama samano buddhassa aggasavako vasisatasahassehi buddhasantikupagami. @Footnote: ¹ Yu. tatha. ² Ma. Yu. yannunaham. ³ Po. Yu. dumatelam. ⁴ Ma. ... vana gandhamaya.

--------------------------------------------------------------------------------------------- page529.

|402.501| Padumuttaro lokavidu ahutinam patiggaho bhikkhusanghe nisiditva ima gatha abhasatha. |402.502| Yo me dipam padipesi pasanno sehi panibhi tamaham kittayissami sunatha mama bhasato. |402.503| Satthi kappasahassani devaloke ramissati sahassakkhattum raja ca cakkavatti bhavissati. Solasamam bhanavaram. |402.504| Chattimsakkhattum devindo devarajjam karissati pathaviyam sattasatam vipulam rajjam karissati. |402.505| Padesarajjam vipulam gananato asankhayam imina dipadanena dibbacakkhu bhavissati. |402.506| Samantato addhakosam passissati ayam sada devaloka cavantassa nibbattantassa jantuno. |402.507| Diva va yadiva rattim padipam dharayissati jayamanassa santassa punnakammasamangino. |402.508| Yavata nagaram asi tavata jotayissati upapajjati yam yonim devattam atha manusam. |402.509| Asseva dipadanassa atthadipaphalena ca ^1- upatthissantimam ^2- jantum dipadanassidam phalam. @Footnote: ¹ Ma. Yu. hi. ² Ma. Yu. na cajissantimam jantum.

--------------------------------------------------------------------------------------------- page530.

|402.510| Kappasatasahassamhi okkakakulasambhavo gotamo nama namena sattha loke bhavissati. |402.511| Tassa dhammesu dayado oraso dhammanimmito sabbasave parinnaya nibbayissatinasavo. |402.512| Tosayitvana sambuddham gotamam sakyapungavam ajito nama namena hessati satthusavako. |402.513| Satthikappasahassani devaloke ramim aham tatrapi me dipasatam jotate ^1- niccakalikam. |402.514| Devaloke manusse va niddhavanti pabha mama buddhasettham saritvana bhiyyo hasam janesaham. |402.515| Tusitaham cavitvana okkamim matukucchiya jayamanassa santassa aloko vipulo ahu. |402.516| Agara abhinikkhamma pabbajim anagariyam bavarim upasankamma sissattam ajjhupagamim. |402.517| Himavante vasantoham assosim lokanayakam uttamattham gavesanto upaganchim vinayakam. |402.518| Danto buddho dametapi ^2- oghatinno nirupadhi nibbanam kathayi buddho sabbadukkha pamocanam. |402.519| Tamme agamanam siddham tositoham mahamunim tisso vijja anuppatta katam buddhassa sasanam. @Footnote: ¹ Yu. jotare. ² Ma. dametavi. yu ... ca medhavi.

--------------------------------------------------------------------------------------------- page531.

|402.520| Satasahasse ito kappe yam dipam adadintada duggatim nabhijanami dipadanassidam phalam. |402.521| Kilesa jhapita mayham bhava sabbe samuhata nagova bandhanam chetva viharami anasavo. |402.522| Svagatam vata me asi mama buddhassa santike tisso vijja anuppatta katam buddhassa sasanam. |402.523| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma ajito thero ima gathayo abhasitthati. Ajitattherassa apadanam samattam. Uddanam pilindavaccho selo ca sabbakittamadhudado kutagari bakulo ca girisalalasavhayo. Sabbado ajito ceva gathayo ganita visa satani panca gathanam visati ca taduttari. Pilindavaggo cattaliso.

--------------------------------------------------------------------------------------------- page532.

Atha vagguddanam padumarakkhado ceva umma gandhodakena ca ekappadasaddasanni mandaram bodhivandako. Ambatanca pilindi ca gathayo ganitapica catusattati gathayo ekadasasatani ca. Padumavaggadasakam. Catuttham satakam samattam. ---------

The Pali Tipitaka in Roman Character Volume 32 page 527-532. http://84000.org/tipitaka/read/roman_item_s.php?book=32&item=402&items=1&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=32&item=402&items=1&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=32&item=402&items=1&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=32&item=402&items=1&pagebreak=1&modeTY=2 Study Atthakatha :- http://84000.org/tipitaka/attha/attha.php?b=32&i=402 Contents of The Tipitaka Volume 32 http://84000.org/tipitaka/read/?index_32