บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 32 : PALI ROMAN Sutta Pitaka Vol 24 : Sutta. Khu. Apa(1)
Dasamam asanabodhiyattherapadanam (60) [62] |62.78| Jatiya sattavassoham addasam lokanayakam pasannacitto sumano upaganchim naruttamam. |62.79| Tissassaham bhagavato lokajetthassa tadino hattho hatthena cittena ropayim bodhimuttamam. |62.80| Asano namadheyyena dharaniruhapadapo panca vasse paricarim asanam bodhimuttamam. |62.81| Pupphitam padapam disva abbhutam lomahamsanam sakam kammam pakittento buddhasettham upagamim. |62.82| Tisso tada so 1- sambuddho sayambhu aggapuggalo bhikkhusanghe nisiditva ima gatha abhasatha. |62.83| Yenayam ropita bodhi buddhapuja ca sakkata tamaham kittayissami sunatha mama bhasato. |62.84| Timsakappani devesu devarajjam karissati catussatthinca khattum so cakkavatti bhavissati. |62.85| Tusitahi caritvana sukkamulena codito dve sampatti anubhotva manussatte ramissati. |62.86| Padhanam pahitatto so upasanto nirupadhi sabbasave parinnaya nibbayissatyanasavo. @Footnote: 1 Yu. yo. |62.87| Vivekamanuyuttoham upasanto nirupadhi nagova bandhanam chetva viharami anasavo. |62.88| Dvenavute ito kappe bodhim ropesaham tada duggatim nabhijanami bodhiropassidam phalam. |62.89| Catussattatito kappe dandasenoti vissuto sattaratanasampanno cakkavatti tada ahu. |62.90| Tesattati ito kappe sattahesum mahipati samantanemi namena rajano cakkavattino. |62.91| Punnavisatito kappe punnako nama khattiyo sattaratanasampanno cakkavatti mahabbalo. |62.92| Patisambhida catasso vimokkhapica atthime chalabhinna sacchikata katam buddhassa sasananti. Ittham sudam ayasma asanabodhiyo thero ima gathayo abhasitthati. Asanabodhiyattherassa apadanam samattam. Uddanam vijani sataramsi ca sayanodaki vahiso 1- parivaro padipanca dhajo padumapujako bodhi ca dasamo vutto gatha dvenavuti tatha. Vijanivaggo chattho. @Footnote: 1 Ma. Yu. vahiyo.The Pali Tipitaka in Roman Character Volume 32 page 159-160. http://84000.org/tipitaka/read/roman_item_s.php?book=32&item=62&items=1&modeTY=2 Classified by [Item Number] :- http://84000.org/tipitaka/read/roman_item_s.php?book=32&item=62&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=32&item=62&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=32&item=62&items=1&modeTY=2 Study Atthakatha :- http://84000.org/tipitaka/attha/attha.php?b=32&i=62 The Pali Atthakatha in Thai :- http://84000.org/tipitaka/atthapali/read_th.php?B=50&A=2257 The Pali Atthakatha in Roman :- http://84000.org/tipitaka/atthapali/read_rm.php?B=50&A=2257 Contents of The Tipitaka Volume 32 http://84000.org/tipitaka/read/?index_32
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]