ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemไม่แสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 33 : PALI ROMAN Sutta Pitaka Vol 25 : Sutta. Khu. Apa(2) Buddhavaṃso Cariyāpiṭakaṃ
     [9] |9.1| Anomadassissa aparena        sambuddho dipaduttamo
                 padumo nama namena             asamo appatipuggalo.
        |9.2| Tassapi asamam silam                samadhipi anantako 1-
                 asankheyyam nanavaram              vimuttipi anupama.
        |9.3| Tassapi atulatejassa            dhammacakkappavattane
                 abhisamaya tayo asum             mahatama pavahana.
        |9.4| Pathamabhisamaye buddho            kotisatamabodhayi
                 dutiyabhisamaye dhiro               navutikotimabodhayi.
        |9.5| Yada ca padumo buddho            ovadi sakamatrajam
                 tada asitikotinam                  tatiyabhisamayo ahu.
        |9.6| Sannipata tayo asum           padumassa mahesino
                 koti satasahassanam               pathamo asi samagamo.
        |9.7| Kathinattharasamaye                  uppanne kathinacivare
                 dhammasenapatitthaya 2-        bhikkhu sibbimsu civaram.
        |9.8| Tada te vimala bhikkhu             chalabhinna mahiddhika
                 tini satasahassani                samimsu aparajita.
        |9.9| Punaparam so naravusabho 3-       pavane vasam upagami
                 tada samagamo asi             dvinnam satasahassanam.
        |9.10| Ahantena samayena              siho asim migabhibhu
@Footnote: 1 Yu. anantaka. 2 Yu. ... patatthaya. 3 Ma. Yu. narasabho.

--------------------------------------------------------------------------------------------- page468.

Vivekamanubruhantam pavane addasam jinam. |9.11| Vanditva sirasa pade katvana tam padakkhinam tikkhattum abhinaditva 1- sattaham jinamupatthahim. |9.12| Sattaham varasamapattiya vutthahitva tathagato manasa cintayitvana kotibhikkhu samanayi. |9.13| Tadapi so mahaviro tesam majjhe viyakari aparimeyye ito kappe ayam buddho bhavissati. |9.14| Ahu kapilavhaya ramma nikkhamitva tathagato padhanam padahitvana katva dukkarakarikam. |9.15| Ajapalarukkhamulasmim nisiditva tathagato tattha payasam paggayha neranjaramupehiti. |9.16| Neranjaraya tiramhi payasam adi so jino patiyatta varamaggena bodhimulamhi ehiti. |9.17| Tato padakkhinam katva bodhimandam anuttaram assattharukkhamulamhi bujjhissati mahayaso. |9.18| Imassa janika mata maya nama bhavissati pita suddhodano nama ayam hessati gotamo. |9.19| Anasava vitaraga santacitta samahita kolito upatisso ca agga hessanti savaka anando namupatthako upatthissatimam jinam. @Footnote: 1 Yu. abhinanditva.

--------------------------------------------------------------------------------------------- page469.

|9.20| Khema uppalavanna ca agga hessanti savika anasava vitaraga santacitta samahita. |9.21| Bodhi tassa bhagavato assatthoti pavuccati citto ca hatthalavako agga hessantupatthaka. |9.22| Nandamata ca uttara agga hessantupatthika ayu vassasatam tassa gotamassa yasassino. |9.23| Idam sutvana vacanam asamassa mahesino amodita naramaru buddhavijankuro ayam. |9.24| Ukkutthisadda vattanti apphotenti hasanti ca katanjali namassanti dasasahassi sadevaka. |9.25| Yadimassa lokanathassa virajjhissama sasanam anagatamhi addhane hessama sammukha imam. |9.26| Yatha manussa nadim taranta patitittham virajjhiya hettha tittham gahetvana uttaranti mahanadim. |9.27| Evameva mayam sabbe yadi muncamimam jinam anagatamhi addhane hessama sammukha imam. |9.28| Tassapi vacanam sutva bhiyyo cittam pasadayim uttarim vattamadhitthasim dasaparamipuriya. |9.29| Campakam nama nagaram asamo nama khattiyo asama nama janika padumassa mahesino. |9.30| Dasavassasahassani agaram ajjhavasi so

--------------------------------------------------------------------------------------------- page470.

Nando vasu yasattaro 1- tayo pasada muttama. |9.31| Tettimsa [2]- sahassani nariyo samalankata uttara nama sa nari rammo namasi atrajo. |9.32| Nimitte caturo disva ratha yanena nikkhami anuna 3- atthamasani padhanam padahi jino. |9.33| Brahmuna yacito santo padumo lokanayako vattacakko mahaviro dhananjuyyanamuttame. |9.34| Salo ca upasalo ca ahesum aggasavaka varuno namupatthako padumassa mahesino. |9.35| Radha ceva suradha ca ahesum aggasavika bodhi tassa bhagavato mahasonoti vuccati. |9.36| Sabhiyo 4- ceva asamo ca ahesum aggupatthaka ruci ca nandimara ca ahesum aggupatthika. |9.37| Atthapannasaratanam accuggato mahamuni pabha niddhavati tassa asama sabbato 5- disa. |9.38| Candappabha suriyappabha ratanagghimanippabha sabbapi ta hata honti patva jinappabhuttamam. |9.39| Vassasatasahassani ayu vijjati tavade tavata titthamano so taresi janatam bahum. @Footnote: 1 Po. yasuttaro. Ma. nandavasu yasuttara. Yu. nanda ca suyasa uttara. @2 Ma. ca. Yu. ... sata .... 3 Yu. anunakam addhamasam. 4 Ma. Yu. bhiyo. @5 Ma. Yu. sabbaso.

--------------------------------------------------------------------------------------------- page471.

|9.40| Paripakkamanase satte bodhayitva asesato sesanne 1- anusasetva nibbuto so sasavako. |9.41| Uragova tacam jinnam vuddha 2- pattamva padapo jahitva sabbasankhare nibbuto so yatha sikhiti. |9.42| Padumo jinavaro sattha dhammaramamhi nibbuto dhatuvittharikam asi tesu tesu padesatoti. Padumabuddhavamso atthamo. Navamo naradabuddhavamso


             The Pali Tipitaka in Roman Character Volume 33 page 467-471. http://84000.org/tipitaka/read/roman_item_s.php?book=33&item=189&items=1&pagebreak=1&modeTY=2&mode=bracket              Classified by content :- http://84000.org/tipitaka/read/roman_item_s.php?book=33&item=189&items=1&pagebreak=1&modeTY=2              Compare with The Pali Tipitaka in Thai Character :- http://84000.org/tipitaka/read/pali_item_s.php?book=33&item=189&items=1&pagebreak=1&modeTY=2&mode=bracket              Compare with The Royal Version of Thai Tipitaka :- http://84000.org/tipitaka/read/byitem_s.php?book=33&item=189&items=1&pagebreak=1&modeTY=2&mode=bracket              Study Atthakatha :- http://84000.org/tipitaka/attha/attha.php?b=33&i=189              The Pali Atthakatha in Thai :- http://84000.org/tipitaka/atthapali/read_th.php?B=51&A=5760              The Pali Atthakatha in Roman :- http://84000.org/tipitaka/atthapali/read_rm.php?B=51&A=5760              Contents of The Tipitaka Volume 33 http://84000.org/tipitaka/read/?index_33

read First itemread Previous itemไม่แสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]

Background color :