ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
   ThaiVersion   PaliThai   PaliRoman 
read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter
TIPITAKA Volume 4 : PALI ROMAN Vinaya Pitaka Vol 4 : Vinaya. Mahā (1)
     [56]   Athakho   bhagava   gayasise   yathabhirantam  viharitva  yena
rajagaham  tena  carikam  pakkami  mahata  bhikkhusanghena  saddhim  bhikkhusahassena
sabbeheva     puranajatilehi     .     athakho    bhagava    anupubbena
carikam   caramano   yena   rajagaham   tadavasari   .   tatra  sudam  bhagava
rajagahe viharati latthivanuyyane 2- suppatitthe cetiye.
     [57]  Assosi  kho  raja  magadho  seniyo  bimbisaro  samano
@Footnote: 1 vimuttamhitipi patho .    2 Ma. latathivane. ito param idisameva.
Khalu   bho  gotamo  sakyaputto  sakyakula  pabbajito  rajagaham  anuppatto
rajagahe   viharati   latthivanuyyane   suppatitthe   cetiye  tam  kho  pana
bhagavantam    gotamam    evam   kalyano   kittisaddo   abbhuggato   itipi
so    bhagava    araham    sammasambuddho    vijjacaranasampanno   sugato
lokavidu    anuttaro    purisadammasarathi   sattha   devamanussanam   buddho
bhagavati  1-  so  imam  lokam  sadevakam  samarakam sabrahmakam sassamanabrahmanim
pajam   sadevamanussam   sayam   abhinna   sacchikatva   pavedeti   so  dhammam
deseti     adikalyanam    majjhekalyanam    pariyosanakalyanam    sattham
sabyanjanam    kevalaparipunnam    parisuddham    brahmacariyam    pakaseti   sadhu
kho pana tatharupanam arahatam dassanam hotiti.
     {57.1}  Athakho  raja  magadho seniyo bimbisaro dvadasanahutehi
magadhikehi   brahmanagahapatikehi   parivuto   yena   bhagava   tenupasankami
upasankamitva   bhagavantam   abhivadetva   ekamantam  nisidi  .  tepi  kho
dvadasanahuta    magadhika    brahmanagahapatika    appekacce   bhagavantam
abhivadetva   ekamantam   nisidimsu  appekacce  bhagavata  saddhim  sammodimsu
sammodaniyam   katham  saraniyam  vitisaretva  ekamantam  nisidimsu  appekacce
yena   bhagava   tenanjalim   panametva   ekamantam  nisidimsu  appekacce
bhagavato   santike  namagottam  savetva  ekamantam  nisidimsu  appekacce
tunhibhuta    ekamantam    nisidimsu    .   athakho   tesam   dvadasanahutanam
@Footnote: 1 Si. Yu. itisaddo na dissati.
Magadhikanam   brahmanagahapatikanam   etadahosi   kim   nu   kho  mahasamano
uruvelakassape   brahmacariyam   carati   udahu   uruvelakassapo  mahasamane
brahmacariyam   caratiti  .  athakho  bhagava  tesam  dvadasanahutanam  magadhikanam
brahmanagahapatikanam     cetasa     cetoparivitakkamannaya     ayasmantam
uruvelakassapam gathaya ajjhabhasi
               kimeva disva uruvelavasi
               pahasi aggim kisakovadano.
               Pucchami tam kassapa etamattham
               katham pahinam tava aggihuttam 1-.
               Rupe ca sadde ca atho rase ca
               kamitthiyo cabhivadanti yanna
               etam malanti upadhisu natva
               tasma na yitthe na hute aranjim 2-.
               Ettha ca te mano na ramittha kassapati bhagava 3-
               rupesu saddesu atho rasesu
               atha kocarahi devamanussaloke
               rato mano kassapa bruhi metam 4-.
@Footnote:1-2-4 yebhuyyena itisaddo pakkhitto. Ma. Yu. idisameva .   3 sabbattha bhagava
@avocati dissati. ayampana sihalapotthakam anuvattitva sodhitoti veditabbo.
               Disva padam santamanupadhikam
               akincanam kamabhave asattam
               anannathabhavimanannaneyyam
               tasma na yitthe na hute aranjinti.
     [58]   Athakho   ayasma   uruvelakassapo  utthayasana  ekamsam
uttarasangam   karitva   bhagavato   padesu   sirasa   nipatitva  bhagavantam
etadavoca    sattha    me    bhante   bhagava   savakohamasmi   sattha
me   bhante   bhagava   savakohamasmiti  .  athakho  tesam  dvadasanahutanam
magadhikanam      brahmanagahapatikanam      etadahosi      uruvelakassapo
mahasamane   brahmacariyam  caratiti  .  athakho  bhagava  tesam  dvadasanahutanam
magadhikanam     brahmanagahapatikanam     cetasa     cetoparivitakkamannaya
anupubbikatham    1-    kathesi    seyyathidam    danakatham   silakatham   saggakatham
kamanam adinavam okaram sankilesam nekkhamme anisamsam pakasesi.
     {58.1}   Yada   te   bhagava   annasi   kallacitte  muducitte
vinivaranacitte   udaggacitte  pasannacitte  atha  ya  buddhanam  samukkamsika
dhammadesana  tam  pakasesi  dukkham  samudayam  nirodham  maggam. Seyyathapi nama
suddham    vattham   apagatakalakam   sammadeva   rajanam  patigganheyya  evameva
ekadasanahutanam    magadhikanam    brahmanagahapatikanam    bimbisarappamukhanam
tasmimyevasane       virajam       vitamalam       dhammacakkhum      udapadi
yankinci     samudayadhammam     sabbantam    nirodhadhammanti    .    ekanahutam
@Footnote: 1 Ma. anupubbim katham.
Upasakattam pativedesi.
     [59]   Athakho   raja  magadho  seniyo  bimbisaro  ditthadhammo
pattadhammo       viditadhammo       pariyogalhadhammo      tinnavicikiccho
vigatakathamkatho     vesarajjappatto     aparappaccayo    satthu    sasane
bhagavantam   etadavoca   pubbe   me   bhante   kumarassa   sato   panca
assasaka   ahesum   te   me   etarahi  samiddha  pubbe  me  bhante
kumarassa   sato   etadahosi   aho   vata   mam  rajje  abhisinceyyunti
ayam   kho   me   bhante  pathamo  assasako  ahosi  so  me  etarahi
samiddho    tassa   me   vijitam   araham   sammasambuddho   okkameyyati
ayam   kho   me   bhante  dutiyo  assasako  ahosi  so  me  etarahi
samiddho   tancaham   bhagavantam   payirupaseyyanti   ayam   kho  me  bhante
tatiyo   assasako   ahosi   so   me   etarahi   samiddho   so  ca
me   bhagava   dhammam   deseyyati   ayam   kho   me   bhante  catuttho
assasako    ahosi    so    me   etarahi   samiddho   tassa   caham
bhagavato    dhammam   ajaneyyanti   ayam   kho   me   bhante   pancamo
assasako   ahosi   so   me   etarahi  samiddho  pubbe  me  bhante
kumarassa   sato   ime   panca   assasaka  ahesum  te  me  etarahi
samiddha    abhikkantam   bhante   abhikkantam   bhante   seyyathapi   bhante
nikkujjitam    va    ukkujjeyya   paticchannam   va   vivareyya   mulhassa
va   maggam   acikkheyya   andhakare   va   telappajjotam   dhareyya
Cakkhumanto    rupani   dakkhantiti   evamevam   bhagavata   anekapariyayena
dhammo   pakasito   esaham   bhante   bhagavantam  saranam  gacchami  dhammanca
bhikkhusanghanca    upasakam   mam   bhagava   dharetu   ajjatagge   panupetam
saranam   gatam   adhivasetu   ca   me   bhante   bhagava  svatanaya  bhattam
saddhim   bhikkhusanghenati   .   adhivasesi  bhagava  tunhibhavena  .  athakho
raja   magadho   seniyo   bimbisaro   bhagavato   adhivasanam   viditva
utthayasana bhagavantam abhivadetva padakkhinam katva pakkami.
     [60]  Athakho  raja  magadho  seniyo  bimbisaro tassa rattiya
accayena   panitam   khadaniyam   bhojaniyam   patiyadapetva   bhagavato  kalam
arocapesi   kalo   bhante   nitthitam   bhattanti   .   athakho  bhagava
pubbanhasamayam   nivasetva   pattacivaramadaya   rajagaham   pavisi   mahata
bhikkhusanghena saddhim bhikkhusahassena sabbeheva puranajatilehi.
     [61]  Tena  kho  pana  samayena  sakko  devanamindo manavakavannam
abhinimminitva  buddhappamukhassa  bhikkhusanghassa  1-  purato  purato  2- gacchati
ima gathayo gayamano 3-
     danto dantehi saha puranajatilehi vippamutto 4- vippamuttehi
     singinikkhasuvanno rajagaham pavisi bhagava.
@Footnote: 1 Si. sanghassa .     2 Si. amenditam akatam .     3 Yu. giyamano.
@4 Si. ayam patho na hoti. evam sabbattha natabbam.
     Mutto muttehi saha puranajatilehi vippamutto vippamuttehi
     singinikkhasuvanno rajagaham pavisi bhagava.
     Tinno tinnehi saha puranajatilehi vippamutto vippamuttehi
     singinikkhasuvanno rajagaham pavisi bhagava.
     Santo santehi saha puranajatilehi vippamutto vippamuttehi
     singinikkhasuvanno rajagaham pavisi bhagava 1-.
     Dasavaso dasabalo dasadhammavidu dasabhi cupeto
     so dasasataparivaro rajagaham pavisi bhagavati.
     [62]  Manussa  sakkam  devanamindam  passitva  evamahamsu  abhirupo
vatayam     manavako     dassaniyo    vatayam    manavako    pasadiko
vatayam   manavako   kassa   nu   kho  ayam  manavakoti  .  evam  vutte
sakko devanamindo te manusse gathaya ajjhabhasi
         yo dhiro sabbadhidanto            suddho appatipuggalo
         araham sugato loke                  tassaham paricarakoti.
     [63]   Athakho   bhagava    yena   ranno   magadhassa   seniyassa
bimbisarassa     nivesanam     tenupasankami     upasankamitva    pannatte
@Footnote: 1 catutthagatha sihalapotthake dutiya thapita. yuropiyapotthake pana sa nattha.
@amhakampana potthake tassa purato samiddho samiddhehitiadigatha thapita. sa
@annattha na dissati tasma idha vajjita.
Asane    nisidi   saddhim   bhikkhusanghena   .   athakho   raja   magadho
seniyo    bimbisaro    buddhappamukham    bhikkhusangham   panitena   khadaniyena
bhojaniyena   sahattha   santappetva   sampavaretva   bhagavantam  bhuttavim
onitapattapanim   ekamantam   nisidi   .  ekamantam  nisinnassa  kho  ranno
magadhassa   seniyassa   bimbisarassa   etadahosi   kattha  nu  kho  bhagava
vihareyya   yam  assa  gamato  neva  atidure  1-  na  2-  accasanne
gamanagamanasampannam    atthikanam    3-    manussanam    abhikkamaniyam   diva
appakinnam     4-     rattim     appasaddam     appanigghosam    vijanavatam
manussarahaseyyakam patisallanasaruppanti.
     {63.1}    Athakho   ranno   magadhassa   seniyassa   bimbisarassa
etadahosi  idam  kho  amhakam  veluvanam  uyyanam  gamato  neva  atidure
na   5-   accasanne   gamanagamanasampannam   atthikanam   6-   manussanam
abhikkamaniyam    diva    appakinnam   7-   rattim   appasaddam   appanigghosam
vijanavatam    manussarahaseyyakam    patisallanasaruppam   yannunaham   veluvanam
uyyanam   buddhappamukhassa   bhikkhusanghassa   dadeyyanti   .   athakho  raja
magadho   seniyo   bimbisaro   sovannamayam   bhingaram   8-   gahetva
bhagavato   onojesi   etaham   bhante  veluvanam  uyyanam  buddhappamukhassa
bhikkhusanghassa    9-    dammiti   .   patiggahesi   bhagava   aramam  .
@Footnote: 1 Yu. avidure    2-5 Ma. na. ca.   3-6 katthaci idha amenditam katam.
@4-7 Ma. Yu. appakinnam .     8 Si. Ma. Yu. bhinkaram. so pana bhrngaroti
@sakatasaddena na sameti .   9 Si. sanghassa.
Athakho   bhagava   rajanam   magadham   seniyam   bimbisaram  dhammiya  kathaya
sandassetva   samadapetva  samuttejetva  sampahamsetva  utthayasana
pakkami    .    athakho    bhagava    etasmim    nidane   dhammim   katham
katva bhikkhu amantesi anujanami bhikkhave aramanti.



             The Pali Tipitaka in Roman Character Volume 4 page 64-72. http://84000.org/tipitaka/read/roman_item_s.php?book=4&item=56&items=8&modeTY=2              Classified by [Item Number] :- http://84000.org/tipitaka/read/roman_item_s.php?book=4&item=56&items=8&modeTY=2&mode=bracket              Compare with The Pali Tipitaka in Thai Character :- http://84000.org/tipitaka/read/pali_item_s.php?book=4&item=56&items=8&modeTY=2              Compare with The Royal Version of Thai Tipitaka :- http://84000.org/tipitaka/read/byitem_s.php?book=4&item=56&items=8&modeTY=2              Study Atthakatha :- http://84000.org/tipitaka/attha/attha.php?b=4&i=56              The Pali Atthakatha in Thai :- http://84000.org/tipitaka/atthapali/read_th.php?B=3&A=575              The Pali Atthakatha in Roman :- http://84000.org/tipitaka/atthapali/read_rm.php?B=3&A=575              Contents of The Tipitaka Volume 4 http://84000.org/tipitaka/read/?index_4

read First itemread Previous itemแสดงหมายเลขหน้า
ในกรณี :- 
   บรรทัดแรกของแต่ละหน้าread Next itemread Last item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com

Background color :