paliTIPITAKA Volume 6 - Vinaya Pitaka 6

[2] Athakho bhagava etasmim nidane etasmim pakarane bhikkhusangham sannipatapetva bhikkhu patipucchi saccam kira bhikkhave pandukalohitaka bhikkhu attana bhandanakaraka kalahakaraka vivadakaraka bhassakaraka sanghe adhikaranakaraka yepi canne bhikkhu bhandanakaraka kalahakaraka vivadakaraka bhassakaraka sanghe adhikaranakaraka te upasankamitva evam vadenti ma kho tumhe ayasmanto eso ajesi balava balavam patimantetha tumhe tena panditatara ca byattatara ca bahussutatara ca alamatthatara ca ma cassa bhayittha mayampi tumhakam pakkha bhavissasamati tena anuppannani ceva bhandanani uppajjanti uppannani ca bhandanani bhiyyobhavaya vepullaya samvattantiti . saccam bhagavati ^1- . @Footnote: ¹ Yu. itisaddo na pannayati. Vigarahi buddho bhagava ananucchavikam ^1- bhikkhave tesam moghapurisanam ananulomikam appatirupam assamanakam akappiyam akaraniyam katham hi nama te bhikkhave moghapurisa attana bhandanakaraka .pe. Sanghe adhikaranakaraka yepi canne bhikkhu bhandanakaraka .pe. Sanghe adhikaranakaraka te upasankamitva evam vakkhanti ma kho tumhe ayasmanto eso ajesi balava balavam patimantetha tumhe tena panditatara ca byattatara ca bahussutatara ca alamatthatara ca ma cassa bhayittha mayampi tumhakam pakkha bhavissamati tena anuppannani ceva bhandanani uppajjanti uppannani ca bhandanani bhiyyobhavaya vepullaya samvattanti netam bhikkhave appasannanam va pasadaya pasannanam va bhiyyobhavaya athakhvetam ^2- bhikkhave appasannanam ceva appasadaya pasannanam ca ekaccanam annathattayati.

The Pali Tipitaka in Roman Character Volume 6 page 2-3. http://84000.org/tipitaka/read/roman_item_s.php?book=6&item=2&items=1&modeTY=2 Classified by [Item Number] :- http://84000.org/tipitaka/read/roman_item_s.php?book=6&item=2&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=6&item=2&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=6&item=2&items=1&modeTY=2 Study Atthakatha :- http://84000.org/tipitaka/attha/attha.php?b=6&i=2 Contents of The Tipitaka Volume 6 http://84000.org/tipitaka/read/?index_6