paliTIPITAKA Volume 6 - Vinaya Pitaka 6

[594] Tena kho pana samayena mettiyabhummajaka ^1- bhikkhu navaka ceva honti appapunna ca . yani sanghassa lamakani senasanani tani tesam ^2- papunanti lamakani ca bhattani. Tena kho pana samayena rajagahe manussa icchanti theranam bhikkhunam abhisankharikam datum sappimpi telampi uttaribhangampi mettiyabhummajakanam pana bhikkhunam pakatikam denti yatharaddham kanajakam bilangadutiyam . te pacchabhattam pindapatapatikkanta there bhikkhu pucchanti tumhakam avuso bhattagge kim ahosi tumhakam kim nahositi ^3- . ekacce thera evam vadenti amhakam avuso sappi ahosi telam ahosi uttaribhangam ahositi . Mettiyabhummajaka pana bhikkhu evam vadenti amhakam avuso na kinci ahosi pakatikam yatharaddham kanajakam bilangadutiyanti. [595] Tena kho pana samayena kalyanabhattiko gahapati sanghassa catukkabhattam deti niccabhattam . so bhattagge saputtadaro upatitthitva parivisati . anne odanena pucchanti anne supena pucchanti anne telena pucchanti anne uttaribhangena pucchanti. [596] Tena kho pana samayena kalyanabhattikassa gahapatino bhattam svatanaya mettiyabhummajakanam bhikkhunam uddittham hoti . @Footnote: ¹ Ma. sabbavare mettiyabhumajaka . ² Ma. tesam tani . ³ Ma. Yu. kim ahositi. @nasaddo na dissati.

--------------------------------------------------------------------------------------------- page309.

Athakho kalyanabhattiko gahapati aramam agamasi kenacideva karaniyena yenayasma ^1- dabbo mallaputto tenupasankami upasankamitva ayasmantam dabbam mallaputtam abhivadetva ekamantam nisidi . Ekamantam nisinnam kho kalyanabhattikam gahapatim ayasma dabbo mallaputto dhammiya kathaya sandassesi samadapesi samuttejesi sampahamsesi . athakho kalyanabhattiko gahapati ayasmata dabbena mallaputtena dhammiya kathaya sandassito samadapito samuttejito sampahamsito ayasmantam dabbam mallaputtam etadavoca kassa bhante amhakam ghare svatanaya bhattam udditthanti . mettiyabhummajakanam kho gahapati bhikkhunam tumhakam ghare svatanaya bhattam udditthanti. {596.1} Athakho kalyanabhattiko gahapati anattamano ahosi katham hi nama papabhikkhu amhakam ghare bhunjissantiti gharam gantva dasim anapesi ye je sve bhattika agacchanti ^[2]- kotthake asanam pannapetva kanajakena bilangadutiyena parivisati . evam ayyati kho sa dasi kalyanabhattikassa gahapatino paccassosi . Athakho mettiyabhummajaka bhikkhu hiyyo kho avuso amhakam kalyanabhattikassa gahapatino bhattam uddittham sve amhe ^3- kalyanabhattiko gahapati saputtadaro upatitthitva parivisissati anne odanena pucchissanti anne supena pucchissanti anne telena pucchissanti anne uttaribhangena pucchissantiti . te teneva @Footnote: ¹ Ma. so yenayasma . ² Ma. te . ³ Yu. amhakam.

--------------------------------------------------------------------------------------------- page310.

Somanassena na cittarupam rattiya supimsu . athakho mettiyabhummajaka bhikkhu pubbanhasamayam nivasetva pattacivaramadaya yena kalyanabhattikassa gahapatino nivesanam tenupasankamimsu . addasa kho sa dasi mettiyabhummajake bhikkhu durato va agacchante disvana kotthake asanam pannapetva mettiyabhummajake bhikkhu etadavoca nisidatha bhanteti . athakho mettiyabhummajakanam bhikkhunam etadahosi nissamsayam kho na tava bhattam siddham bhavissati yatha mayam kotthake nisidapiyamati ^2-. {596.2} Athakho sa dasi kanajakena bilangadutiyena upaganchi bhunjatha bhanteti . mayam kho bhagini niccabhattikati . janami ayya niccabhattikati ^3- apicaham hiyyo va gahapatina anatta ye je sve bhattika agacchanti ^[4]- kotthake asanam pannapetva kanajakena bilangadutiyena parivisati bhunjatha bhanteti . athakho mettiyabhummajaka bhikkhu hiyyo kho avuso kalyanabhattiko gahapati aramam agamasi dabbassa mallaputtassa santike nissamsayam kho mayam dabbena mallaputtena gahapatino santike ^5- paribhinnati. Te teneva domanassena na cittarupam bhunjimsu. {596.3} Athakho mettiyabhummajaka bhikkhu pacchabhattam pindapatapatikkanta aramam gantva pattacivaram patisametva baharamakotthake sanghatipallatthikaya nisidimsu tunhibhuta mankubhuta pattakkhandha adhomukha @Footnote: ¹ sabbattha nisidapeyyamati dissati . ² Yu. itisaddo natthi . ³ Ma. te. @⁴ Ma. Yu. antare.

--------------------------------------------------------------------------------------------- page311.

Pajjhayanta appatibhana . athakho mettiya bhikkhuni yena mettiyabhummajaka bhikkhu tenupasankami upasankamitva mettiyabhummajake bhikkhu etadavoca vandami ayyati . evam vutte mettiyabhummajaka bhikkhu nalapimsu . dutiyampi kho .pe. tatiyampi kho mettiya bhikkhuni mettiyabhummajake bhikkhu etadavoca vandami ayyati . Tatiyampi kho mettiyabhummajaka bhikkhu nalapimsu . kyaham ayyanam aparajjhami kissa mam ayya nalapantiti . tatha hi pana tvam bhagini amhe dabbena mallaputtena vihethiyamane ajjhupekkhasiti . kyaham ayya karomiti. {596.4} Sace kho tvam bhagini iccheyyasi ajjeva bhagava ayasmantam dabbam mallaputtam nasapeyyati . kyaham ayya karomi kim maya sakka katunti . ehi tvam bhagini yena bhagava tenupasankama ^1- upasankamitva bhagavantam evam vadehi idam bhante nacchannam nappatirupam yayam bhante disa abhaya anitika anupaddava sayam disa sabhaya saitika saupaddava yato nivatam tato pavatam udakam manne adittam ayyenamhi dabbena mallaputtena dusitati . evam ayyati kho mettiya bhikkhuni mettiyabhummajakanam bhikkhunam patissunitva yena bhagava tenupasankami upasankamitva bhagavantam abhivadetva ekamantam atthasi . ekamantam thita kho sa ^2- mettiya bhikkhuni bhagavantam @Footnote: ¹ Ma. tenupasankami . ² yuropiyapotthake ca amhakam mahavibhange ca sati na dissati.

--------------------------------------------------------------------------------------------- page312.

Etadavoca idam bhante nacchannam nappatirupam yayam bhante disa abhaya anitika anupaddava sayam disa sabhaya saitika saupaddava yato nivatam tato pavatam udakam manne adittam ayyenamhi dabbena mallaputtena dusitati. [597] Athakho bhagava etasmim nidane etasmim pakarane bhikkhusangham sannipatapetva ayasmantam dabbam mallaputtam patipucchi sarasi tvam dabba evarupam katta yathayam bhikkhuni ahati . yatha mam bhante bhagava janatiti . dutiyampi kho bhagava .pe. tatiyampi kho bhagava ayasmantam dabbam mallaputtam etadavoca sarasi tvam dabba evarupam katta yathayam bhikkhuni ahati . yatha mam bhante bhagava janatiti . na kho dabba dabba evam nibbethenti sace taya katam katanti vadehi sace akatam akatanti vadehiti . yatoham bhante jato nabhijanami supinantenapi methunam dhammam patisevita pageva jagaroti. {597.1} Athakho bhagava bhikkhu amantesi tenahi bhikkhave mettiyam bhikkhunim nasetha ime ca bhikkhu anuyunjathati . Idam vatva bhagava utthayasana viharam pavisi . athakho te bhikkhu mettiyam bhikkhunim nasesum . athakho mettiyabhummajaka bhikkhu te bhikkhu etadavocum ma avuso ^3- mettiyam bhikkhunim nasetha na sa kinci aparajjhati amhehi sa ussahita kupitehi anattamanehi cavanadhippayehiti . kim pana tumhe avuso ayasmantam @Footnote: ¹ Ma. Yu. mavuso.

--------------------------------------------------------------------------------------------- page313.

Dabbam mallaputtam amulikaya silavipattiya anuddhamsethati . Evamavusoti. Ye te bhikkhu appiccha .pe. te ujjhayanti khiyanti vipacenti katham hi nama mettiyabhummajaka bhikkhu ayasmantam dabbam mallaputtam amulikaya silavipattiya anuddhamsessantiti . athakho te bhikkhu bhagavato etamattham arocesum . saccam kira bhikkhave mettiyabhummajaka bhikkhu dabbam mallaputtam amulikaya silavipattiya anuddhamsentiti . Saccam bhagavati .pe. vigarahitva dhammim katham katva bhikkhu amantesi tenahi bhikkhave sangho dabbassa mallaputtassa sativepullappattassa sativinayam detu. {597.2} Evanca pana bhikkhave databbo. Tena bhikkhave dabbena mallaputtena sangham upasankamitva ekamsam uttarasangam karitva vuddhanam bhikkhunam pade vanditva ukkutikam nisiditva anjalim paggahetva evamassa vacaniyo ime mam bhante mettiyabhummajaka bhikkhu amulikaya silavipattiya anuddhamsenti soham bhante sativepullappatto sangham sativinayam yacamiti . dutiyampi yacitabbo tatiyampi yacitabbo ime mam bhante mettiyabhummajaka bhikkhu amulikaya silavipattiya anuddhamsenti soham sativepullappatto tatiyampi bhante sangham ^1- sativinayam yacamiti. [598] Byattena bhikkhuna patibalena sangho napetabbo @Footnote: ¹ Ma. soham bhante sativepullappatto tatiyampi bhante sangham. Yu. soham bhante @sativepullappatto tatiyampi sangham.

--------------------------------------------------------------------------------------------- page314.

{598.1} Sunatu me bhante sangho ime mettiyabhummajaka bhikkhu ayasmantam dabbam mallaputtam amulikaya silavipattiya anuddhamsenti . Ayasma dabbo mallaputto sativepullappatto sangham sativinayam yacati. Yadi sanghassa pattakallam sangho ayasmato dabbassa mallaputtassa sativepullappattassa sativinayam dadeyya. Esa natti. {598.2} Sunatu me bhante sangho ime mettiyabhummajaka bhikkhu ayasmantam dabbam mallaputtam amulikaya silavipattiya anuddhamsenti . Ayasma dabbo mallaputto sativepullappatto sangham sativinayam yacati. Sangho ayasmato dabbassa mallaputtassa sativepullappattassa sativinayam deti . yassayasmato khamati ayasmato dabbassa mallaputtassa sativepullappattassa sativinayassa danam so tunhassa yassa nakkhamati so bhaseyya. {598.3} Dutiyampi etamattham vadami .pe. tatiyampi etamattham vadami . sunatu me bhante sangho ime mettiyabhummajaka bhikkhu ayasmantam dabbam mallaputtam amulikaya silavipattiya anuddhamsenti . Ayasma dabbo mallaputto sativepullappatto sangham sativinayam yacati . sangho ayasmato dabbassa sativepullappattassa sativinayam deti . yassayasmato khamati ayasmato dabbassa mallaputtassa sativepullappattassa sativinayassa danam so tunhassa yassa nakkhamati so bhaseyya. {598.4} Dinno sanghena ayasmato dabbassa mallaputtassa

--------------------------------------------------------------------------------------------- page315.

Sativepullappattassa sativinayo khamati sanghassa tasma tunhi . Evametam dharayamiti. [599] Pancimani bhikkhave dhammikani sativinayassa danani suddho hoti bhikkhu anapattiko anuvadanti ca nam yacati ca tassa sangho sativinayam deti dhammena samaggena ^1- imani kho bhikkhave panca dhammikani sativinayassa dananiti.

The Pali Tipitaka in Roman Character Volume 6 page 308-315. http://84000.org/tipitaka/read/roman_item_s.php?book=6&item=594&items=6&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=6&item=594&items=6&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=6&item=594&items=6&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=6&item=594&items=6&pagebreak=1&modeTY=2 Study Atthakatha :- http://84000.org/tipitaka/attha/attha.php?b=6&i=594 Contents of The Tipitaka Volume 6 http://84000.org/tipitaka/read/?index_6