PaliRoman Vol.1

[180] Tena kho pana samayena annataro upasako gilano hoti . tassa pajapati abhirupa hoti dassaniya pasadika . Chabbaggiya bhikkhu tassa itthiya patibaddhacitta honti . athakho chabbaggiyanam bhikkhunam etadahosi sace kho so avuso upasako jivissati na mayam tam itthim labhissama handa mayam avuso tassa upasakassa maranavannam samvannemati . athakho chabbaggiya bhikkhu yena so upasako tenupasankamimsu upasankamitva tam upasakam etadavocum tvam khosi upasaka katakalyano katakusalo katabhiruttano akatapapo akataluddho akatakibbiso katam taya kalyanam akatam Taya papam kim tuyhimina papakena dujjivitena matante jivita seyyo ito tvam kalakato kayassa bheda param marana sugatim saggam lokam upapajjissasi tattha dibbehi pancahi kamagunehi samappito samangibhuto paricaressasiti. {180.1} Athakho so upasako saccam kho ayya ahamsu ahanhi katakalyano katakusalo katabhiruttano akatapapo akataluddho akatakibbiso katam maya kalyanam akatam maya papam kim mayhimina papakena dujjivitena matam me jivita seyyo ito aham kalakato kayassa bheda param marana sugatim saggam lokam upapajjissami tattha dibbehi pancahi kamagunehi samappito samangibhuto paricaressamiti . So asappayani ceva bhojanani bhunji asappayani ca khadaniyani khadi asappayani ca sayaniyani sayi asappayani ca panani pivi. Tassa asappayani ceva bhojanani bhunjato asappayani ca khadaniyani khadato asappayani ca sayaniyani sayato asappayani ca panani pivato kharo abadho uppajji . so teneva abadhena kalamakasi. Tassa pajapati ujjhayati khiyati vipaceti alajjino ime samana sakyaputtiya dussila musavadino ime hi nama dhammacarino samacarino brahmacarino saccavadino silavanto kalyanadhamma patijanissanti natthi imesam samannam natthi imesam brahmannam nattham imesam samannam nattham imesam brahmannam kuto imesam Samannam kuto imesam brahmannam apagata ime samanna apagata ime brahmanna ime me samikassa maranavannam samvannesum imehi me samiko maritoti . annepi manussa ujjhayanti khiyanti vipacenti alajjino ime samana sakyaputtiya dussila musavadino ime hi nama dhammacarino samacarino brahmacarino saccavadino silavanto kalyanadhamma patijanissanti natthi imesam samannam natthi imesam brahmannam nattham imesam samannam nattham imesam brahmannam kuto imesam samannam kuto imesam brahmannam apagata ime samanna apagata ime brahmanna ime upasakassa maranavannam samvannesum imehi upasako maritoti . assosum kho bhikkhu tesam manussanam ujjhayantanam khiyantanam vipacentanam . ye te bhikkhu appiccha .pe. Te ujjhayanti khiyanti vipacenti katham hi nama chabbaggiya bhikkhu upasakassa maranavannam samvannessantiti. {180.2} Athakho te bhikkhu bhagavato etamattham arocesum .pe. Saccam kira tumhe bhikkhave upasakassa maranavannam samvannethati . saccam bhagavati. Vigarahi buddho bhagava ananucchavikam moghapurisa ananulomikam appatirupam assamanakam akappiyam akaraniyam katham hi nama tumhe moghapurisa upasakassa maranavannam samvannessatha netam moghapurisa appasannanam va pasadaya .pe. evanca pana bhikkhave imam sikkhapadam Uddiseyyatha {180.3} yo pana bhikkhu sancicca manussaviggaham jivita voropeyya satthaharakam vassa pariyeseyya maranavannam va samvanneyya maranaya va samadapeyya ambho purisa kim tuyhimina papakena dujjivitena matante jivita seyyoti iticittamano cittasankappo anekapariyayena maranavannam va samvanneyya maranaya va samadapeyya ayampi parajiko hoti asamvasoti. [181] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . sanciccati jananto sanjananto cecca abhivitaritva vitikkamo . manussaviggaho nama yam matukucchismim pathamam cittam uppannam pathamam vinnanam patubhutam yava maranakala etthantare eso manussaviggaho nama. Jivita voropeyyati jivitindriyam upacchindati uparodheti santatim vikopeti. Satthaharakam vassa pariyeseyyati asim va sattim va bhendim va sulam va lagulam va pasanam va sattham va visam va rajjum va. [182] Maranavannam va samvanneyyati jivite adinavam dasseti marane vannam bhanati. [183] Maranaya va samadapeyyati sattham va ahara visam va khada rajjuya va ubbandhitva kalam karohiti. [184] Ambho purisati alapanadhivacanametam ambho purisati ^1-. @Footnote: ¹ tesu vuttapotthakesu idam vacanam na pannayati. Kim tuyhimina papakena dujjivitena matante jivita seyyoti papakam nama jivitam addhanam jivitam upadaya daliddanam jivitam papakam sadhananam jivitam upadaya adhananam jivitam papakam devanam jivitam upadaya manussanam jivitam papakam . dujjivitam nama hatthacchinnassa padacchinnassa hatthapadacchinnassa kannacchinnassa nasacchinnassa kannanasacchinnassa . kim imina ca papakena imina ca dujjivitena matante jivita seyyoti . iticittamanoti yam cittam tam mano yam mano tam cittam . cittasankappoti maranasanni maranacetano maranadhippayo . anekapariyayenati uccavacehi akarehi . Maranavannam va samvanneyyati jivite adinavam dasseti marane vannam bhanati ito tvam kalakato kayassa bheda param marana sugatim saggam lokam upapajjissasi tattha dibbehi pancahi kamagunehi samappito samangibhuto paricaressasiti. [185] Maranaya va samadapeyyati sattham va ahara visam va khada rajjuya va ubbandhitva kalam karohi sobbhe va narake va papate va papatati. [186] Ayampiti purime upadaya vuccati . parajiko hotiti seyyathapi nama puthusila dvedha bhinna appatisandhika hoti evameva bhikkhu sancicca manussaviggaham jivita voropetva assamano hoti asakyaputtiyo tena vuccati parajiko hotiti . asamvasoti Samvaso nama ekakammam ekuddeso samasikkhata eso samvaso nama. So tena saddhim natthi tena vuccati asamvasoti.

The Pali Tipitaka in Roman Character Volume 1 page 134-139. https://84000.org/tipitaka/read/roman_read.php?B=1&A=2602&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=1&A=2602&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=1&item=180&items=7 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=1&siri=23 Study Atthakatha :- https://84000.org/tipitaka/attha/attha.php?b=1&i=180 The Pali Atthakatha in Thai :- https://84000.org/tipitaka/atthapali/read_th.php?B=1&A=11167 The Pali Atthakatha in Roman :- https://84000.org/tipitaka/atthapali/read_rm.php?B=1&A=11167 Contents of The Tipitaka Volume 1 https://84000.org/tipitaka/read/?index_1 https://84000.org/tipitaka/english/?index_1