PaliRoman Vol.1

Terasamasanghadisesam [616] Tena samayena buddho bhagava savatthiyam viharati jetavane anathapindikassa arame . tena kho pana samayena assajipunabbasuka nama kitagirismim avasika honti alajjino papabhikkhu . Te evarupam anacaram acaranti malavaccham ropentipi ropapentipi sincantipi sincapentipi ocinantipi ocinapentipi ganthentipi ganthapentipi ekatovantikamalam karontipi karapentipi ubhatovantikamalam karontipi karapentipi manjarikam karontipi karapentipi vidhutikam karontipi karapentipi vatamsakam karontipi karapentipi avelam karontipi karapentipi uracchadam karontipi karapentipi. {616.1} Te kulitthinam kuladhitanam kulakumarikanam kulasunhanam kuladasinam ekatovantikamalam harantipi harapentipi ubhatovantikamalam harantipi harapentipi manjarikam harantipi harapentipi vidhutikam harantipi harapentipi vatamsakam harantipi harapentipi avelam harantipi harapentipi uracchadam harantipi harapentipi . te kulitthihi kuladhitahi kulakumarihi kulasunhahi kuladasihi saddhim ekabhajanepi bhunjanti ekathalakepi pivanti ekasanepi nisidanti ekamancepi tuvattenti ekattharanapi tuvattenti ekapavuranapi tuvattenti ekattharanapavuranapi tuvattenti vikalepi bhunjanti majjampi pivanti malagandhavilepanampi dharenti naccantipi gayantipi Vadentipi lasentipi naccantiyapi naccanti naccantiyapi gayanti naccantiyapi vadenti naccantiyapi lasenti gayantiyapi naccanti gayantiyapi gayanti gayantiyapi vadenti gayantiyapi lasenti vadentiyapi naccanti vadentiyapi gayanti vadentiyapi vadenti vadentiyapi lasenti lasentiyapi naccanti lasentiyapi gayanti lasentiyapi vadenti lasentiyapi lasenti atthapadepi kilanti dasapadepi kilanti akasepi kilanti pariharapathepi kilanti santikayapi kilanti khalikayapi kilanti ghatikayapi ^1- kilanti salakahatthenapi kilanti akkhenapi kilanti pankacirenapi ^2- kilanti vankakenapi kilanti mokkhacikayapi kilanti cingulakenapi kilanti pattalhakenapi kilanti rathakenapi kilanti dhanukenapi kilanti akkharikayapi kilanti manesikayapi kilanti yathavajjenapi kilanti hatthismimpi sikkhanti assasmimpi sikkhanti rathasmimpi sikkhanti dhanusmimpi sikkhanti tharusmimpi sikkhanti hatthissapi purato dhavanti assassapi purato dhavanti rathassapi purato dhavanti dhavantipi adhavantipi usselhentipi apphotentipi ^3- nibbujjhantipi mutthihipi yujjhanti rangamajjhepi sanghatim pattharitva naccantim ^4- evam vadenti ^5- idha bhagini naccassuti nalatikampi denti vividhampi anacaram acaranti. [617] Tena kho pana samayena annataro bhikkhu kasisu vassam vuttho @Footnote: ¹ Yu. Ma. Ra. ghatikenapi. ² Yu. Ma. pangacirenapi. @³ Yu. appothentipi. ⁴ Yu. naccakim. ⁵ Yu. Ma. Ra. vadanti. Savatthim gacchanto bhagavantam dassanaya yena kitagiri tadavasari . Athakho so bhikkhu pubbanhasamayam nivasetva pattacivaramadaya kitagirim pindaya pavisi pasadikena abhikkantena patikkantena alokitena vilokitena samminjitena pasaritena okkhittacakkhu iriyapathasampanno . Manussa tam bhikkhum passitva evamahamsu kvayam abalabalo viya mandamando viya bhakutikabhakutiko viya ko imassa upagatassa pindakampi dassati amhakam pana ayya assajipunabbasuka sanha sakhila sukhasambhasa mihitapubbangama ehisvagatavadino abbhakutika uttanamukha pubbabhasino tesam kho nama pindo databboti. {617.1} Addasa kho annataro upasako tam bhikkhum kitagirismim pindaya carantam disvana yena so bhikkhu tenupasankami upasankamitva tam bhikkhum abhivadetva etadavoca api bhante pindo labbhatiti . na kho avuso pindo labbhatiti . ehi bhante gharam gamissamati . Athakho so upasako tam bhikkhum gharam netva bhojetva etadavoca kaham bhante ayyo gamissatiti . savatthim kho aham avuso gamissami bhagavantam dassanayati . tenahi bhante mama vacanena bhagavato pade sirasa vanda evanca vadehi duttho bhante kitagirismim avaso assajipunabbasuka nama kitagirismim avasika alajjino papabhikkhu te evarupam anacaram acaranti malavaccham ropentipi ropapentipi sincantipi sincapentipi ocinantipi ocinapentipi ganthentipi Ganthapentipi ekatovantikamalam karontipi karapentipi ubhatovantikamalam karontipi karapentipi .pe. vividhampi anacaram acaranti yepi te bhante manussa pubbe saddha ahesum pasanna tepi etarahi assaddha appasanna yanipi tani sanghassa pubbe danapathani tanipi etarahi upacchinnani rincanti pesala bhikkhu nivasanti papabhikkhu sadhu bhante bhagava kitagirim bhikkhu pahineyya yathayam kitagirismim avaso santhaheyyati . evamavusoti kho so bhikkhu tassa upasakassa patissutva ^1- yena savatthi tena pakkami anupubbena yena savatthi jetavanam anathapindikassa aramo yena bhagava tenupasankami upasankamitva bhagavantam abhivadetva ekamantam nisidi. [618] Acinnam kho panetam buddhanam bhagavantanam agantukehi bhikkhuhi saddhim patisammoditum . athakho bhagava tam bhikkhum etadavoca kacci bhikkhu khamaniyam kacci yapaniyam kacci appakilamathena addhanam agato kuto ca tvam bhikkhu agacchasiti . khamaniyam bhagava yapaniyam bhagava appakilamathena caham bhante addhanam agato idhaham bhante kasisu vassam vuttho savatthim agacchanto bhagavantam dassanaya yena kitagiri tadavasarim athakhvaham bhante pubbanhasamayam nivasetva pattacivaramadaya kitagirim pindaya pavisim addasa kho mam bhante @Footnote: ¹ ito param yuropiyapotthake utthayasanati dissati. Annataro upasako kitagirismim pindaya carantam disvana yenaham tenupasankami upasankamitva mam abhivadetva etadavoca api bhante pindo labbhatiti na kho avuso pindo labbhatiti ehi bhante gharam gamissamati athakho bhante so upasako mam gharam netva bhojetva etadavoca kaham bhante ayyo gamissatiti savatthim kho aham avuso gamissami bhagavantam dassanayati tenahi bhante mama vacanena bhagavato pade sirasa vanda evanca vadehi duttho bhante kitagirismim avaso assajipunabbasuka nama kitagirismim avasika alajjino papabhikkhu te evarupam anacaram acaranti malavaccham ropentipi ropapentipi simncantipi sincapentipi .pe. vividhampi anacaram acaranti yepi te bhante manussa pubbe saddha ahesum pasanna tepi etarahi assaddha appasanna yanipi tani sanghassa pubbe danapathani tanipi etarahi upacchinnani rincanti pesala bhikkhu nivasanti papabhikkhu sadhu bhante bhagava kitagirim bhikkhu pahineyya yathayam kitagirismim avaso santhaheyyati tato aham bhagava agacchamiti. [619] Athakho bhagava etasmim nidane etasmim pakarane bhikkhusangham sannipatapetva bhikkhu patipucchi saccam kira bhikkhave assajipunabbasuka nama kitagirismim avasika alajjino papabhikkhu te evarupam anacaram acaranti {619.1} malavaccham ropentipi ropapentipi sincantipi Sincapentipi ocinantipi ocinapentipi ganthentipi ganthapentipi ekatovantikamalam karontipi karapentipi ubhatovantikamalam karontipi karapentipi manjarikam karontipi karapentipi vidhutikam karontipi karapentipi vatamsakam karontipi karapentipi avelam karontipi karapentipi uracchadam karontipi karapentipi .pe. vividhampi anacaram acaranti yepi te ^1- manussa pubbe saddha ahesum pasanna tepi etarahi assaddha appasanna yanipi tani sanghassa pubbe danapathani tanipi etarahi upacchinnani rincanti pesala bhikkhu nivasanti papabhikkhuti . Saccam bhagavati. {619.2} Vigarahi buddho bhagava ananucchavikam bhikkhave tesam moghapurisanam .pe. katham hi nama te bhikkhave moghapurisa evarupam anacaram acarissanti malavaccham ropessantipi ropapessantipi sincissantipi sincapessantipi ocinissantipi ocinapessantipi ganthissantipi ganthapessantipi ekatovantikamalam karissantipi karapessantipi ubhatovantikamalam karissantipi karapessantipi manjarikam karissantipi karapessantipi vidhutikam karissantipi karapessantipi vatamsakam karissantipi karapessantipi avelam karissantipi karapessantipi uracchadam karissantipi karapessantipi te kulitthinam kuladhitanam kulakumarinam kulasunhanam kuladasinam ekatovantikamalam harissantipi harapessantipi ubhatovantikamalam harissantipi harapessantipi manjarikam harissantipi @Footnote: ¹ ito param Yu. Ma. Ra. potthakesu bhikkhaveti patho pannayati. Harapessantipi vidhutikam harissantipi harapessantipi vatamsakam harissantipi harapessantipi avelam harissantipi harapessantipi uracchadam harissantipi harapessantipi {619.3} te kulitthihi kuladhitahi kulakumarihi kulasunhahi kuladasihi saddhim ekabhajanepi bhunjissanti ekathalakepi pivissanti ekasanepi nisidissanti ekamancepi tuvattessanti ekattharanapi tuvattessanti ekapavuranapi tuvattessanti ekattharanapavuranapi tuvattessanti {619.4} vikalepi bhunjissanti majjampi pivissanti malagandhavilepanampi dharessanti naccissantipi gayissantipi vadessantipi lasessantipi naccantiyapi naccissanti naccantiyapi gayissanti naccantiyapi vadessanti naccantiyapi lasessanti gayantiyapi naccissanti gayantiyapi gayissanti gayantiyapi vadessanti gayantiyapi lasessanti vadentiyapi naccissanti vadentiyapi gayissanti vadentiyapi vadessanti vadentiyapi lasessanti lasentiyapi naccissanti lasentiyapi gayissanti lasentiyapi vadessanti lasentiyapi lasessanti {619.5} atthapadepi kilissanti dasapadepi kilissanti akasepi kilissanti pariharapathepi kilissanti santikayapi kilissanti khalikayapi kilissanti ghatikayapi kilissanti salakahatthenapi kilissanti akkhenapi kilissanti pankacirenapi kilissanti vankakenapi kilissanti mokkhacikayapi kilissanti cingulakenapi kilissanti pattalhakenapi kilissanti rathakenapi kilissanti dhanukenapi kilissanti akkharikayapi Kilissanti manesikayapi kilissanti yathavajjenapi kilissanti {619.6} hatthismimpi sikkhissanti assasmimpi sikkhissanti rathasmimpi sikkhissanti dhanusmimpi sikkhissanti tharusmimpi sikkhissanti hatthissapi purato dhavissanti assassapi purato dhavissanti rathassapi purato dhavissanti dhavissantipi adhavissantipi usselhessantipi apphotessantipi ^1- nibbujjhissantipi mutthihipi yujjhissanti rangamajjhepi sanghatim pattharitva naccantim evam vakkhanti idha bhagini naccassuti nalatikampi dassanti vividhampi anacaram acarissanti netam bhikkhave appasannanam va pasadaya .pe. Annathattayati. [620] Athakho bhagava assajipunabbasuke bhikkhu anekapariyayena vigarahitva dhammim katham katva sariputtamoggallane amantesi gacchatha tumhe sariputta kitagirim gantva assajipunabbasukanam bhikkhunam kitagirisma pabbajaniyakammam karotha tumhakam ete saddhiviharikati. {620.1} Katham mayam bhante assajipunabbasukanam bhikkhunam kitagirisma pabbajaniyakammam karoma canda te bhikkhu pharusati. Tenahi tumhe sariputta bahukehi bhikkhuhi saddhim gacchathati. Evam bhanteti kho sariputtamoggallana bhagavato paccassosum. [621] Evanca pana bhikkhave katabbam . pathamam assajipunabbasuka bhikkhu codetabba codetva saretabba saretva apatti @Footnote: ¹ Yu. appothissanti. Ropetabba apattim ropetva byattena bhikkhuna patibalena sangho napetabbo {621.1} sunatu me bhante sangho ime assajipunabbasuka bhikkhu kuladusaka papasamacara . imesam papaka samacara dissanti ceva suyyanti ca kulani ca imehi dutthani dissanti ceva suyyanti ca . Yadi sanghassa pattakallam sangho assajipunabbasukanam bhikkhunam kitagirisma pabbajaniyakammam kareyya nassajipunabbasukehi ^1- bhikkhuhi kitagirismim vatthabbanti. Esa natti. {621.2} Sunatu me bhante sangho ime assajipunabbasuka bhikkhu kuladusaka papasamacara . imesam papaka samacara dissanti ceva suyyanti ca kulani ca imehi dutthani dissanti ceva suyyanti ca. Sangho assajipunabbasukanam bhikkhunam kitagirisma pabbajaniyakammam karoti nassajipunabbasukehi bhikkhuhi kitagirismim vatthabbanti . yassayasmato khamati assajipunabbasukanam bhikkhunam kitagirisma pabbajaniyakammassa karanam nassajipunabbasukehi bhikkhuhi kitagirismim vatthabbanti so tunhassa yassa nakkhamati so bhaseyya. {621.3} Dutiyampi etamattham vadami .pe. tatiyampi etamattham vadami. Sunatu me bhante sangho .pe. So bhaseyya. {621.4} Katam sanghena assajipunabbasukanam bhikkhunam kitagirisma pabbajaniyakammam nassajipunabbasukehi bhikkhuhi kitagirismim vatthabbanti. Khamati sanghassa tasma tunhi. Evametam dharayamiti. @Footnote: ¹ yebhuyyena padacchedo kato. [622] Athakho sariputtamoggallanappamukho bhikkhusangho kitagirim gantva assajipunabbasukanam bhikkhunam kitagirisma pabbajaniyakammam akasi nassajipunabbasukehi bhikkhuhi kitagirismim vatthabbanti . te sanghena pabbajaniyakammakata na samma vattanti na lomam patenti na nettharam vattanti na bhikkhu khamapenti akkosanti paribhasanti chandagamita dosagamita mohagamita bhayagamita papenti pakkamantipi vibbhamantipi . ye te bhikkhu appiccha .pe. te ujjhayanti khiyanti vipacenti katham hi nama assajipunabbasuka bhikkhu sanghena pabbajaniya- kammakata na samma vattissanti na lomam patessanti na nettharam vattissanti na bhikkhu khamapessanti akkosissanti paribhasissanti chandagamita dosagamita mohagamita bhayagamita papessanti pakkamissantipi vibbhamissantipiti. [623] Athakho te bhikkhu bhagavato etamattham arocesum. Athakho bhagava etasmim nidane etasmim pakarane bhikkhusangham sannipatapetva bhikkhu patipucchi saccam kira bhikkhave assajipunabbasuka bhikkhu sanghena pabbajaniyakammakata na samma vattanti .pe. Vibbhamantipiti . saccam bhagavati . vigarahi buddho bhagava ananucchavikam bhikkhave tesam moghapurisanam .pe. katham hi nama te bhikkhave moghapurisa sanghena pabbajaniyakammakata na samma vattissanti .pe. vibbhamissantipi netam bhikkhave appasannanam va pasadaya .pe. Evanca pana bhikkhave imam sikkhapadam uddiseyyatha {623.1} bhikkhu paneva annataram gamam va nigamam va upanissaya viharati kuladusako papasamacaro . tassa kho papaka samacara dissanti ceva suyyanti ca kulani ca tena dutthani dissanti ceva suyyanti ca . so bhikkhu bhikkhuhi evamassa vacaniyo ayasma kho kuladusako papasamacaro ayasmato kho papaka samacara dissanti ceva suyyanti ca kulani cayasmata dutthani dissanti ceva suyyanti ca pakkamatayasma imamha avasa alante idha vasenati . Evanca so bhikkhu bhikkhuhi vuccamano te bhikkhu evam vadeyya chandagamino ca bhikkhu dosagamino ca bhikkhu mohagamino ca bhikkhu bhayagamino ca bhikkhu tadisikaya apattiya ekaccam pabbajenti ekaccam na pabbajentiti . so bhikkhu bhikkhuhi evamassa vacaniyo ma ayasma evam avaca na ca bhikkhu chandagamino na ca bhikkhu dosagamino na ca bhikkhu mohagamino na ca bhikkhu bhayagamino ayasma kho kuladusako papasamacaro ayasmato kho papaka samacara dissanti ceva suyyanti ca kulani cayasmata dutthani dissanti ceva suyyanti ca pakkamatayasma imamha avasa alante idha vasenati . evanca so bhikkhu bhikkhuhi vuccamano tatheva pagganheyya so bhikkhu bhikkhuhi yavatatiyam samanubhasitabbo tassa patinissaggaya . yavatatiyance samanubhasiyamano tam patinissajjeyya Iccetam kusalam no ce patinissajjeyya sanghadisesoti. [624] Bhikkhu paneva annataram gamam va nigamam vati gamopi nigamopi nagarampi gamo ceva nigamo ca . upanissaya viharatiti tattha patibaddha honti civarapindapatasenasanagilanapaccayabhesajjaparikkhara . Kulam nama cattari kulani khattiyakulam brahmanakulam vessakulam suddakulam . kuladusakoti kulani duseti pupphena va phalena va cunnena va mattikaya va dantakatthena va veluna ^1- va vejjikaya va janghapesanikena va . papasamacaroti malavaccham ropetipi ropapetipi sincatipi sincapetipi ocinatipi ocinapetipi ganthetipi ganthapetipi. [625] Dissanti ceva suyyanti cati ye sammukha te passanti ye tirokkha te sunanti . kulani ca tena dutthaniti pubbe saddha hutva tam agamma assaddha honti pasanna hutva appasanna honti . dissanti ceva suyyanti cati ye sammukha te passanti ye tirokkha te sunanti. [626] So bhikkhuti yo so kuladusako bhikkhu . bhikkhuhiti annehi bhikkhuhi . ye passanti ye sunanti tehi vattabbo ayasma kho kuladusako papasamacaro ayasmato kho papaka samacara dissanti ceva suyyanti ca kulani cayasmata dutthani @Footnote: ¹ Yu. Ma. veluya. Dissanti ceva suyyanti ca pakkamatayasma imamha avasa alante idha vasenati . evanca so bhikkhu bhikkhuhi vuccamano te bhikkhu evam vadeyya chandagamino ca bhikkhu dosagamino ca bhikkhu mohagamino ca bhikkhu bhayagamino ca bhikkhu tadisikaya apattiya ekaccam pabbajenti ekaccam na pabbajentiti. [627] So bhikkhuti yo so kammakato bhikkhu . bhikkhuhiti annehi bhikkhuhi . ye passanti ye sunanti tehi vattabbo ma ayasma evam avaca na ca bhikkhu chandagamino na ca bhikkhu dosagamino na ca bhikkhu mohagamino na ca bhikkhu bhayagamino ayasma kho kuladusako papasamacaro ayasmato kho papaka samacara dissanti ceva suyyanti ca kulani cayasmata dutthani dissanti ceva suyyanti ca pakkamatayasma imamha avasa alante idha vasenati. Dutiyampi vattabbo tatiyampi vattabbo. {627.1} Sace patinissajjati iccetam kusalam no ce patinissajjati apatti dukkatassa . sutva na vadanti apatti dukkatassa. So bhikkhu sanghamajjhampi akaddhitva vattabbo ma ayasma evam avaca na ca bhikkhu chandagamino na ca bhikkhu dosagamino na ca bhikkhu mohagamino na ca bhikkhu bhayagamino ayasma kho kuladusako papasamacaro ayasmato kho papaka samacara dissanti ceva suyyanti ca kulani cayasmata dutthani dissanti ceva suyyanti ca Pakkamatayasma imamha avasa alante idha vasenati . dutiyampi vattabbo tatiyampi vattabbo . sace patinissajjati iccetam kusalam no ce patinissajjati apatti dukkatassa. [628] So bhikkhu samanubhasitabbo . evanca pana bhikkhave samanubhasitabbo . byattena bhikkhuna patibalena sangho napetabbo sunatu me bhante sangho ayam itthannamo bhikkhu sanghena pabbajaniyakammakato bhikkhu chandagamita dosagamita mohagamita bhayagamita papeti . So tam vatthum nappatinissajjati . yadi sanghassa pattakallam sangho itthannamam bhikkhum samanubhaseyya tassa vatthussa patinissaggaya . Esa natti . sunatu me bhante sangho ayam itthannamo bhikkhu sanghena pabbajaniyakammakato bhikkhu chandagamita dosagamita mohagamita bhayagamita papeti . so tam vatthum nappatinissajjati . sangho itthannamam bhikkhum samanubhasati tassa vatthussa patinissaggaya . Yassayasmato khamati itthannamassa bhikkhuno samanubhasana tassa vatthussa patinissaggaya so tunhassa yassa nakkhamati so bhaseyya . Dutiyampi etamattham vadami .pe. tatiyampi etamattham vadami . Sunatu me bhante sangho .pe. so bhaseyya . samanubhattho sanghena itthannamo bhikkhu tassa vatthussa patinissaggaya . khamati sanghassa tasma tunhi. Evametam dharayamiti. [629] Nattiya dukkatam dvihi kammavacahi thullaccaya Kammavacapariyosane apatti sanghadisesassa . sanghadisesam ajjhapajjantassa nattiya dukkatam dvihi kammavacahi thullaccaya patippassambhanti . sanghadisesoti sangho va tassa apattiya parivasam deti mulaya patikassati manattam deti abbheti na sambahula na ekapuggalo tena vuccati sanghadisesoti . Tasseva apattinikayassa namakammam adhivacanam tenapi vuccati sanghadisesoti. [630] Dhammakamme dhammakammasanni nappatinissajjati apatti sanghadisesassa . dhammakamme vematiko nappatinissajjati apatti sanghadisesassa . dhammakamme adhammakammasanni nappatinissajjati apatti sanghadisesassa . adhammakamme dhammakammasanni apatti dukkatassa . adhammakamme vematiko apatti dukkatassa . adhammakamme adhammakammasanni apatti dukkatassa. [631] Anapatti asamanubhasantassa patinissajjantassa ummattakassa khittacittassa ^1- vedanattassa ^2- adikammikassati. Terasamasanghadisesam nitthitam. ----------------

The Pali Tipitaka in Roman Character Volume 1 page 415-429. https://84000.org/tipitaka/read/roman_read.php?B=1&A=8199&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=1&A=8199&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=1&item=616&items=16 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=1&siri=56 Study Atthakatha :- https://84000.org/tipitaka/attha/attha.php?b=1&i=614 The Pali Atthakatha in Thai :- https://84000.org/tipitaka/atthapali/read_th.php?B=2&A=2685 The Pali Atthakatha in Roman :- https://84000.org/tipitaka/atthapali/read_rm.php?B=2&A=2685 Contents of The Tipitaka Volume 1 https://84000.org/tipitaka/read/?index_1 https://84000.org/tipitaka/english/?index_1