PaliRoman Vol.10

Mahasamayasuttam [235] Evamme sutam . ekam samayam bhagava sakkesu viharati kapilavatthusmim mahavane mahata bhikkhusanghena saddhim pancamattehi bhikkhusatehi sabbeheva arahantehi . dasahi ca lokadhatuhi devata yebhuyyena sannipatita honti bhagavantam dassanaya bhikkhusanghanca . Athakho catunnam suddhavasakayikanam devanam ^1- etadahosi ayam kho bhagava sakkesu viharati kapilavatthusmim mahavane mahata bhikkhusanghena saddhim pancamattehi bhikkhusatehi sabbeheva arahantehi dasahi ca lokadhatuhi devata yebhuyyena sannipatita honti bhagavantam dassanaya bhikkhusanghanca yannuna mayampi yena bhagava tenupasankameyyama upasankamitva bhagavato santike paccekagatham ^2- bhaseyyamati. {235.1} Athakho ta devata seyyathapi nama balava puriso samminjitam va baham pasareyya pasaritam va baham samminjeyya evameva suddhavasesu devesu antarahita bhagavato purato paturahamsu . athakho ta devata bhagavantam abhivadetva ekamantam atthamsu . ekamantam thita kho eka devata bhagavato santike imam gatham abhasi [236] Mahasamayo pavanasmim devakaya samagata @Footnote: ¹ Ma. devatanam. ² payato evam. paccekagathatipi pathena pana bhavitabbam. Ma. @paccekam gatham. Agatamha imam dhammasamayam dakkhitayeva ^1- aparajitasanghanti. [237] Athakho apara devata bhagavato santike imam gatham abhasi tatra bhikkhavo samadahamsu cittam attano ujukamakamsu sarathiva nettani gahetva indriyani rakkhanti panditati. [238] Athakho apara devata bhagavato santike imam gatham abhasi chetva khilam chetva paligham indakhilam ohaccamaneja ^2- te caranti suddha vimala cakkhumata sudanta susunagati ^3-. [239] Athakho apara devata bhagavato santike imam gatham abhasi ye keci buddham saranam gatase na te gamissanti apayabhumim ^4- pahaya manusam deham devakayam paripuressantiti. [240] Athakho bhagava bhikkhu amantesi yebhuyyena bhikkhave dasasu lokadhatusu devata sannipatita honti tathagatam dassanaya @Footnote: ¹ Ma. Yu. dakkhitaye. ² Ma. Yu. uhaccamaneja. ³ Ma. Yu. susunagati. @⁴ sabbattha payato apayanti patho dissati. Bhikkhusanghanca yepi te bhikkhave ahesum atitamaddhanam arahanto sammasambuddha tesampi bhagavantanam etaparamayeva ^1- devata sannipatita ahesum seyyathapi mayham etarahi yepi te bhikkhave bhavissanti anagatamaddhanam arahanto sammasambuddha tesampi bhagavantanam etaparamayeva ^2- devata sannipatita bhavissanti seyyathapi mayham etarahi acikkhissami bhikkhave devakayanam namani kittayissami bhikkhave devakayanam namani desissami bhikkhave devakayanam namani tam sunatha sadhukam manasikarotha bhasissamiti . Evambhanteti kho te bhikkhu bhagavato paccassosum. Bhagava etadavoca [241] Silokamanukassami yattha bhumma tadassita ye sita girigabbharam pahitatta samahita. Puthu sihava sallina lomahamsabhisambhuno odatamanasa suddha vippasannamanavila ^3-. Bhiyyo pancasate natva vane kapilavatthave tato amantayi sattha savake sasane rate devakaya abhikkanta te vijanatha bhikkhavo te ca atappamakarum sutva buddhassa sasanam. Tesampaturahu nanam amanussana dassanam appeke satamaddakkhum sahassam atha sattarim. Satam eke sahassanam amanussanamaddasum @Footnote: ^1-2 Ma. etamparamayeva. ³ Yu. vippasannamanavila. Appekenantamaddakkhum disa sabba phuta ahum. Tanca sabbam abhinnaya vavakkhitvana ^1- cakkhuma tato amantayi sattha savake sasane rate devakaya abhikkanta te vijanatha bhikkhavo ye voham kittayissami girahi anupubbaso. Sattasahassa va ^2- yakkha bhumma kapilavatthava iddhimanto jutimanto ^3- vannavanto yasassino modamana abhikkamum bhikkhunam samitim vanam. Chasahassa hemavata yakkha nanattavannino iddhimanto jutimanto vannavanto yasassino modamana abhikkamum bhikkhunam samitim vanam. Satagira tisahassa yakkha nanattavannino iddhimanto jutimanto vannavanto yasassino modamana abhikkamum bhikkhunam samitim vanam. Iccete solasasahassa yakkha nanattavannino iddhimanto jutimanto vannavanto yasassino modamana abhikkamum bhikkhunam samitim vanam. Vessamitta pancasata yakkha nanattavannino iddhimanto jutimanto vannavanto yasassino @Footnote: ¹ vavatthitvanati va patho. ² Ma. te. ³ Si. Yu. sabbattha jutimanto. Modamana abhikkamum bhikkhunam samitim vanam. Kumbhiro rajagahiko vepullassa nivesanam bhiyyo ^1- nam satasahassam yakkhanam payirupasati. Kumbhiro rajagahiko sopaga samitim vanam. [242] Purimanca disam raja dhatarattho pasasati gandhabbanam adhipati maharaja yasassi so. Puttapi tassa bahavo indanama mahabbala ^2- iddhimanto jutimanto vannavanto yasassino modamana abhikkamum bhikkhunam samitim vanam. Dakkhinanca disam raja virulho tappasasati ^3- kumbhandanam adhipati maharaja yasassi so. Puttapi tassa bahavo indanama mahabbala iddhimanto jutimanto vannavanto yasassino modamana abhikkamum bhikkhunam samitim vanam. Pacchimanca disam raja virupakkho pasasati naganam adhipati maharaja yasassi so. Puttapi tassa bahavo indanama mahabbala iddhimanto jutimanto vannavanto yasassino @Footnote: ¹ bhiyotipi patho. ² atthakathayam sabbavaresu mahabalati patho. ³ Ma. Yu. tam @pasasati. ito param idisameva. Modamana abhikkamum bhikkhunam samitim vanam. Uttaranca disam raja kuvero tappasasati yakkhanam adhipati maharaja yasassi so. Puttapi tassa bahavo indanama mahabbala iddhimanto jutimanto vannavanto yasassino modanana abhikkamum bhikkhunam samitim vanam. Purimadisam dhatarattho dakkhinena virulhako pacchimena virupakkho kuvero uttaram disam cattaro te maharaja samanta caturo disa daddallamana ^1- atthamsu vane kapilavatthave. [243] Tesam mayavino dasa agu ^2- vancanika satha maya kutendu vetendu ^3- vitu ^4- ca vituto ^5- saha candano kamasettho ca kinnughandu ^6- nighandu ca. Panado opamanno ca devasuto ca matali cittaseno ca gandhabbo naloraja janosabho ^7- agu ^8- pancasikho ceva timbaru suriyavacchasa ^9-. Ete canne ca rajano gandhabba saha rajubhi modamana abhikkamum bhikkhunam samitim vanam. Athagu ^10- nabhasa naga vesala saha tacchaka @Footnote: ¹ dadalhamanatipi patho. ² Ma. agum. Si. Yu. agum. ito param idisameva. @³ ma. vitendu. ⁴ Ma. Yu. vitucca. ⁵ Yu. vitucco. ⁶ Ma. kinni ghandu. @⁷ Ma. Yu. janessabho. ⁸ Ma. aga. Yu. agu. ⁹ Si. Yu. suriyavaccasa. @¹⁰ Ma. athagum. Yu. athagu. evamidisesu padesu. Kambalassatara agu payaga saha natibhi yamuna dhatarattha ca agu naga yasassino eravano mahanago sopaga samitim vanam. [244] Ye nagaraje sahasa haranti dibba dija pakkhi visuddhacakkhu vehayasa ^1- te vanamajjhapatta citra supanna iti tesa namam abhayantada nagarajanamasi supannato khemamakasi buddho sanhahi vacahi upavhayanta naga supanna saranamakamsu buddham. Jita vajirahatthena samuddam asura sita bhataro vasavassete iddhimanto yasassino. Kalakanja mahabhisma ^2- asura danaveghasa vepacitti sucitti ca paharado namuci saha. Satanca baliputtanam sabbe verocanamaka sannayhitva balim senam ^3- rahubhaddamupagamum samayodani bhaddante bhikkhunam samitim vanam. [245] Apo ca deva pathavi ca tejo vayo tadagamum varuna varuna ^4- deva somo ca yasasa saha. @Footnote: ¹ Si. Yu. vehasaya. ² Si. Yu. mahabhimsa. ³ Ma. balisenam. @⁴ Ma. varana varana deva. Mettakarunakayika agu deva yasassino dasete dasadha kaya sabbe nanattavannino iddhimanto jutimanto vannavanto yasassino modamana abhikkamum bhikkhunam samitim vanam. Vendu ^1- ca deva sahali ca asama ca duve yama candassupanisa deva candamagu purakkhita. Suriyassupanisa deva suriyamagu purakkhita nakkhattani purakkhatva agu mandavalahaka vasunam vasavo settho sakko paga ^2- purindado. Dasete dasadha kaya sabbe nanattavannino iddhimanto jutimanto vannavanto yasassino modamana abhikkamum bhikkhunam samitim vanam. Athagu sahabhu deva jalamaggisikhariva aritthaka ca roja ca ummapupphanibhasino varuna sahadhamma ca accuta ca anejaka suleyyarucira agu agu vasavanesino. Dasete dasadha kaya sabbe nanattavannino iddhimanto jutimanto vannavanto yasassino modamana abhikkamum bhikkhunam samitim vanam. Samana mahasamana manusa manusuttama @Footnote: ¹ Ma. vendu deva sahali ca. ² Ma. paga. Khiddapadusika ^1- agu agu manopadusika ^2- athagu harayo deva ye ca lohitavasino paraga mahaparaga agu deva yasassino. Dasete dasadha kaya sabbe nanattavannino iddhimanto jutimanto vannavanto yasassino modamana abhikkamum bhikkhunam samitim vanam. Sukka karumha ^3- aruna agu veghanasa saha. Odatagayha pamokkha agu deva vicakkhana sadamatta haragaja missaka ca yasassino thanayam aga ^4- pajunno yo disa abhivassati. Dasete dasadha kaya sabbe nanattavannino iddhimanto jutimanto vannavanto yasassino modamana abhikkamum bhikkhunam samitim vanam. Khemiya tusita yama katthaka ca yasassino lambitaka ^5- lamasettha jotinama ca asava nimmanaratino agu athagu paranimmita. Dasete dasadha kaya sabbe nanattavannino iddhimanto jutimanto vannavanto yasassino modamana abhikkamum bhikkhunam samitim vanam. @Footnote: ¹ Ma. khiddapadosika. ² Ma. manopadosika. ³ Ma. karumbha. ⁴ yebhuyyena aguti @patho dissati. ⁵ Ma. Yu. lambitaka. Satthete devanikaya sabbe nanattavannino namanvayena aganchum ye canne sadisa saha pavutthajatimakkhilam ^1- oghatinnamanasavam dakkhemoghataram nagam candamva asitatitam ^2-. [246] Subrahma paramatto ca putta iddhimato saha sanankumaro tisso ca sopaga samitim vanam. Sahassabrahmalokanam mahabrahmabhititthati upapanno jutimanto bhismakayo yasassi so. Dasettha issara agu paccekavasavattino tesanca majjhato aga ^3- harito parivarito. Te ca sabbe abhikkante sinde ^4- deve sabrahmake marasena abhikkami passa kanhassa mandiyam. Etha ganhatha bandhatha ragena bandhamatthu vo samanta parivaretha ma vo muncittha koci nam. Iti tattha mahaseno kanhasenam apesayi panina talamahacca saram katvana bheravam. Yatha pavussako megho thanayanto savijjuko tada so paccudavatti sankuddho asayamvase ^5-. Tanca sabbam abhinnaya vavakkhitvana ^6- cakkhuma @Footnote: ¹ Ma. pavutthajatimalilam. Si. Yu. pavutthajatim akhilam. ² asitatiganti va patho. @Yu. asitatikam. ³ payato aguti paco dissati. ⁴ Ma. sainde. Yu. saindadeve. @⁵ Si. Yu. vasi. ⁶ Ma. vavatthitvana. Tato amantayi sattha savake sasane rate marasena abhikkanta te vijanatha bhikkhavo te ca atappamakarum sutva buddhassa sasanam. Vitaragehi pakkamum nesam lomampi ^1- injayum sabbe vijitasangama bhayatita yasassino modanti saha bhutehi savaka te janesutati. Mahasamayasuttam nitthitam sattamam. ---------- @Footnote: ¹ Ma. lomapi.

The Pali Tipitaka in Roman Character Volume 10 page 287-297. https://84000.org/tipitaka/read/roman_read.php?B=10&A=6068&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=10&A=6068&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=10&item=235&items=12 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=10&siri=7 Study Atthakatha :- https://84000.org/tipitaka/attha/attha.php?b=10&i=235 The Pali Atthakatha in Thai :- https://84000.org/tipitaka/atthapali/read_th.php?B=5&A=7346 The Pali Atthakatha in Roman :- https://84000.org/tipitaka/atthapali/read_rm.php?B=5&A=7346 Contents of The Tipitaka Volume 10 https://84000.org/tipitaka/read/?index_10 https://84000.org/tipitaka/english/?index_10