ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 10 : PALI ROMAN Sutta Pitaka Vol 2 : Sutta. Tī. Ma.

                                 Sakkapanhasuttam
     [247]   Evamme  sutam  .  ekam  samayam  bhagava  magadhesu  viharati
pacinato  rajagahassa  ambasando  1-  nama  brahmanagamo  tassuttarato
vediyake   pabbate   indasalaguhayam   .   tena   kho   pana   samayena
sakkassa   devanamindassa   ussukkam   udapadi   bhagavantam   dassanaya  .
Athakho   sakkassa   devanamindassa   etadahosi   kaham   nu   kho  bhagava
etarahi   viharati   araham   sammasambuddhoti   .   addasa   kho  sakko
devanamindo    bhagavantam    magadhesu    viharantam   pacinato   rajagahassa
ambasando    nama   brahmanagamo   tassuttarato   vediyake   pabbate
indasalaguhayam   disvana   deve   tavatimse   amantesi  ayam  marisa
bhagava    magadhesu   viharati   pacinato   rajagahassa   ambasando   nama
brahmanagamo    tassuttarato    vediyake    pabbate    indasalaguhayam
yadi    pana    marisa   mayantam   bhagavantam   dassanaya   upasankameyyama
arahantam   sammasambuddhanti  .  evam  bhaddantavati  kho  deva  tavatimsa
sakkassa devanamindassa paccassosum.
     {247.1} Athakho sakko devanamindo pancasikham gandhabbaputtam 2- amantesi
ayam tata pancasikha bhagava magadhesu viharati pacinato rajagahassa ambasando nama
brahmanagamo  tassuttarato  vediyake  pabbate  indasalaguhayam yadi hi 3-
@Footnote: 1 Ma. Yu. ambasanda. ito param idisameva. 2 Ma. gandhabbadevaputtam.
@3 Ma. Yu. hisaddo natthi.
Pana   tata   pancasikha   mayam   tam   bhagavantam   dassanaya  upasankameyyama
arahantam    sammasambuddhanti   .   evam   bhaddantavati   kho   pancasikho
gandhabbaputto  1-  sakkassa  devanamindassa  patissutva  veluvapanduvinam 2-
adaya sakkassa devanamindassa anucariyam upagami.
     {247.2}  Athakho  sakko  devanamindo devehi tavatimsehi parivuto
pancasikhena   gandhabbaputtena   purakkhato  seyyathapi  nama  balava  puriso
samminjitam  va  baham  pasareyya  pasaritam  va baham samminjeyya evameva
kho  devesu  tavatimsesu antarahito magadhesu pacinato rajagahassa ambasando
nama   brahmanagamo   tassuttarato   vediyake  pabbate  paccutthasi .
Tena  kho  pana  samayena  vediyako  pabbato  atiriva  obhasajato  hoti
ambasando   ca   brahmanagamo   yatha  tam  devanam  devanubhavena .
Apissudam   parito   gamesu   manussa   evamahamsu   adittassu  namajja
vediyako   pabbato  jhayatassu  namajja  vediyako  pabbato  jalatassu  3-
namajja  vediyako  kim  su  namajja  vediyako pabbato atiriva obhasajato
ambasando ca brahmanagamoti. Samvigga lomahatthajata ahesum.
     {247.3}   Athakho   sakko   devanamindo  pancasikham  gandhabbaputtam
amantesi   durupasankama   kho   tata   pancasikha   tathagata   madisena
jhayi  jhanarata  tadanantaram  4-  patisallina  yadi  pana  tvam  tata pancasikha
bhagavantam   pathamam   pasadeyyasi   taya   tata   pathamam   pasaditam  paccha
@Footnote: 1 Ma. gandhabbadevaputto. 2 Ma. Yu. beluvapanduvinam. ito param idisameva.
@3 jhayitassu ... jalitassutipi pathadvayena bhavitabbam. 4 Ma. tadantaram.
Mayam     tam     bhagavantam     dassanaya     upasankameyyama     arahantam
sammasambuddhanti     .     evam     bhaddantavati     kho    pancasikho
gandhabbaputto    sakkassa    devanamindassa    patissutva   veluvapanduvinam
adaya      yena     indasalaguha     tenupasankami     upasankamitva
ettavata  me  bhagava  neva  avidure  kho  1-  vasati  naccasannena
saddanca me sossatiti ekamantam atthasi.
     {247.4}    Ekamantam    thito   kho   pancasikho   gandhabbaputto
veluvapanduvinam   adaya   2-   assavesi   ima  ca  gathayo  abhasi
buddhupasanhita    dhammupasanhita    sanghupasanhita    3-   arahantupasanhita
kamupasanhita
     [248] Vande te pitaram bhadde       timbarum suriyavacchase 4-
                yena jatasi kalyani      anandajanani mama.
                Vatova sedatam kanto         paniyamva pipasato
                angiramsi 5- piya mesi       dhammo arahatam 6- iva.
                Aturasseva bhesajjam          bhojanamva jighacchato
                parinibbapayi 7- bhadde    jalantamiva varina.
                Sitodakam pokkharanim            yuttam kinjakkharenuna
                nago ghammabhitattova     ogahe te thanudaram.
                Accankusova nago ca         jitam me tuttatomaram
                karanam nappajanami         sammatto lakkhanuruya.
@Footnote: 1 Ma. avidure bhavissati. 2 Ma. Yu. ayam patho natthi. 3 Si. sanghupasanhitati patho
@na dissati. 4 Si. Yu. suriyavaccase. 5 Ma. angarasi. Yu. angirasi. 6 Ma.
@arahatamiva. 7 Ma. parinibbapaya mam.
                Tayi gadhitacittosmi 1-         cittam viparinamitam
                patiggantum na sakkomi         vankaghattova 2- ambujo.
                Vamuru saja mam bhadde             saja mam mandalocane
                palissaja mam kalyani           etam me abhipatthitam.
                Appako vata me santo         kamo vellitakesiya
                anekabhavo 3- samapadi 4-  arahanteva dakkhina.
                Yam me atthi katam punnam        arahantesu tadisu
                tam me sabbangakalyani       taya saddhim vipaccatam.
                Yam me atthi katam punnam        asmim pathavimandale
                tam me sabbangakalyani       taya saddhim vipaccatam.
                Sakyaputtova jhanena         ekodi nipako sato
                amatam muni jigimsano 5-        tamaham suriyavacchase.
                Yathapi muni nandeyya          patva sambodhimuttamam
                evam nandeyyam kalyani      missabhavam 6- gato taya.
                Sakko ce me varam dajja       tavatimsanamissaro
                taham bhadde vareyyahe       evam kamo dalho mama.
                Salamva na ciram phullam              pitaram te sumedhase
                vandamano namassami         yassasetadisi pajati.
     [249]   Evam   vutte  bhagava  pancasikham  gandhabbaputtam  etadavoca
@Footnote: 1 Ma. ... gedhita .... 2 vankaghasovatipi patho. Ma. vankaghasto va. Yu. vankaghasatova.
@3 anekabhagotipi patho. 4 Ma. samuppadi. 5 Ma. jigisano. 6 Ma. Yu. missibhavam.
Samsandati   kho   te   pancasikha   tantissaro   gitassarena   gitassaro  ca
tantissarena  neva  1-  pana  te  pancasikha  tantissaro  gitassaram ativattati
na  2-  gitassaro  ca  tantissaram  kada  samyulha  pana  te  pancasikha ima
gatha    buddhupasanhita   dhammupasanhita   sanghupasanhita   arahantupasanhita
kamupasanhitati   .  ekamidaham  bhante  samayam  bhagava  uruvelayam  viharati
najja   neranjaraya   tire  ajapalanigrodhe  pathamabhisambuddho  .  tena
kho   panaham   bhante   samayena   bhadda   nama  suriyavacchasa  timbaruno
gandhabbaranno dhita tamabhikankhami.
     {249.1}  Sa  kho pana bhante bhagini parakamini hoti sikhandi 3- nama
matalissa  sangahakassa  putto  tamabhikankhati  .  yato  kho  aham bhante tam
bhaginim   nalattham  kenaci  pariyayena  athaham  veluvapanduvinam  adaya  yena
timbaruno     gandhabbaranno     nivesanam    tenupasankamim    upasankamitva
veluvapanduvinam   assavesim   ima   [4]-  gatha  abhasim  buddhupasanhita
dhammupasanhita sanghupasanhita arahantupasanhita kamupasanhita
           vande te pitaram bhadde        timbarum suriyavacchase
           yena jatasi kalyani      anandajanani mama. .pe.
           Salamva na ciram phullam             pitaram te sumedhase
           vandamano namassami        yassasetadisi pajati.
     [250]  Evam  vutte  bhante  bhadda  suriyavacchasa  mam  etadavoca
na  kho  me  marisa  so  bhagava  sammukha  dittho apica sutoyeva me so
@Footnote: 1 Ma. Yu. na ca pana. 2 Ma. Yu. nasaddo natthi. 3 Ma. sikhandi.
@4 Ma. Yu. ima ca gathayo.
Bhagava   devanam   tavatimsanam   sudhammaya   sabhaya   upanaccantiya  yato
kho  tvam  marisa  tam  bhagavantam  kittesi  hotu  no  ajja  samagamoti .
Soyeva   no  bhante  tassa  bhaginiya  saddhim  samagamo  ahosi  na  1-
vadami tato pacchati.
     {250.1}     Athakho    sakkassa    devanamindassa    etadahosi
patisammodati   kho   2-   pancasikho   gandhabbaputto  bhagavata  bhagava  ca
pancasikhenati   .   athakho   sakko  devanamindo  pancasikham  gandhabbaputtam
amantesi   abhivadehi   me   tvam   tata   pancasikha   bhagavantam  sakko
bhante   devanamindo   samacco   saparijano   bhagavato   pade  sirasa
vandatiti   .   evam  bhaddantavati  kho  pancasikho  gandhabbaputto  sakkassa
devanamindassa   patissutva   bhagavantam   abhivadesi   3-  sakko  bhante
devanamindo   samacco  saparijano  bhagavato  pade  sirasa  vandatiti .
Evam   sukhi   hotu   pancasikha  sakko  devanamindo  samacco  saparijano
sukhakama   hi   deva   manussa  asura  naga  gandhabba  ye  canne
santi puthukayati.
     [251]   Evanca   pana   tathagata  evarupe  mahesakkhe  yakkhe
abhivadanti   .   abhivadito   sakko   devanamindo  bhagavato  indasalaguham
pavisitva   bhagavantam   abhivadetva   ekamantam   atthasi   .   devapi
tavatimsa   indasalaguham   pavisitva   bhagavantam   abhivadetva   ekamantam
atthamsu    .    pancasikhopi    gandhabbaputto    indasalaguham    pavisitva
bhagavantam   abhivadetva  ekamantam  atthasi  .  tena  kho  pana  samayena
@Footnote: 1 Ma. Yu. na cadani. 2 Ma. khosaddo natthi. 3 Ma. abhivadeti.
Indasalaguha  visama  santi  sama  samapadi  sambadha  santi  uruddha 1-
samapadi   andhakaro   guhayam   antaradhayi  aloko  udapadi  yatha  tam
devanam devanubhavena.
     [252]  Athakho  bhagava  sakkam  devanamindam  etadavoca  acchariyamidam
ayasmato     kosiyassa    abbhutamidam    ayasmato    kosiyassa    tava
bahukiccassa   bahukaraniyassa   yadidam   idhagamananti   .   cirapatikaham  bhante
bhagavantam    dassanaya    upasankamitukamo    apica   devanam   tavatimsanam
kehici   kiccakaraniyehi   byavato   evaham  nasakkhim  bhagavantam  dassanaya
upasankamitum   .   ekamidam   bhante   samayam   bhagava   savatthiyam   viharati
salalagarake    .    athakhoham    bhante   savatthim   agamasim   bhagavantam
dassanaya   .   tena   kho   pana   bhante  samayena  bhagava  annatarena
samadhina  nisinno  hoti  .  bhujagi  2-  nama  vessavanassa  maharajassa
paricarika    bhagavantam    paccupatthita    hoti   panjalika   namassamana
titthati.
     {252.1}  Athakhoham  bhante  bhujagim  etadavocam  abhivadehi  me tvam
bhagini   bhagavantam   sakko   bhante   devanamindo   samacco   saparijano
bhagavato   pade   sirasa  vandatiti  .  evam  vutte  bhante  sa  bhujagi
mam   etadavoca   akalo   kho   marisa  bhagavantam  dassanaya  patisallino
bhagavati   .   tenahi   bhagini  yada  bhagava  tamha  samadhimha  vutthito
hoti    atha    mama   vacanena   bhagavantam   abhivadehi   sakko   bhante
@Footnote: 1 Si. Yu. urunda. Ma. urudda. 2 Si. Yu. bhunjati ca nama. Ma. bhujati ca nama.
Devanamindo   samacco  saparijano  bhagavato  pade  sirasa  vandatiti .
Kacci  me  sa  bhante  bhagini  bhagavantam  abhivadesi  sarati  bhagava  tassa
bhaginiya   vacananti   .  abhivadesi  mam  sa  devanaminda  bhagini  saramaham
tassa  bhaginiya  vacanam  apicaham  ayasmato  cakkanemisaddena  1-  tamha
samadhimha   vutthitoti   .   ye  te  bhante  deva  amhehi  pathamataram
tavatimsakayam   upapanna   tesam   me   sammukha  sutam  sammukha  patiggahitam
yada   tathagata   loke   uppajjanti  arahanto  sammasambuddha  dibba
kaya   paripurenti   hayanti   asurakayati   .   tam  me  idam  bhante
sakkhidittham   yato   tathagato   loke   uppanno   araham  sammasambuddho
dibba kaya paripurenti hayanti asurakayati.
     {252.2}  Idheva  bhante kapilavatthusmim gopika nama sakyadhita ahosi
buddhe  pasanna  dhamme  pasanna sanghe pasanna silesu paripurikarini 2- sa
itthicittam   3-  virajetva  purisacittam  4-  bhavetva  kayassa  bheda
parammarana   sugatim   saggam  lokam  upapanna  devanam  tavatimsanam  sahabyatam
amhakam   puttattam   ajjhupagata   tatrapi   nam   evam  jananti  gopako
devaputto  gopako  devaputtoti  .  annepi  bhante  tayo  bhikkhu bhagavati
brahmacariyam    caritva    hinam    gandhabbakayam   upapanna   te   pancahi
kamagunehi   samappita   samangibhuta   paricarayamana   amhakam  upatthanam
agacchanti   amhakam   paricariyam   .   te  amhakam  upatthanam  agate
amhakam   paricariyam   gopako   devaputto   paticodesi  kutomukha  nama
@Footnote: 1 Ma. nemisaddena. 2 Ma. Yu. paripurakarini. ito param idisameva. 3 Ma.
@itthittam. 4 Ma. purisattam. ito param idisameva.
Tumhe   marisa   tassa   bhagavato  dhammam  ayuhittha  1-  aham  hi  nama
itthika   samana   buddhe   pasanna   dhamme  pasanna  sanghe  pasanna
silesu    paripurikarini   itthicittam   virajetva   purisacittam   bhavetva
kayassa   bheda   parammarana   sugatim   saggam   lokam  upapanna  devanam
tavatimsanam    sahabyatam   sakkassa   devanamindassa   puttattam   ajjhupagata
idhapi   mam   evam   jananti  gopako  devaputto  gopako  devaputtoti
tumhe     pana     marisa    bhagavati    brahmacariyam    caritva    hinam
gandhabbakayam    upapanna    duddittharupam    vata    bho   addasama   ye
mayam   addasama   sahadhammike   hinam   gandhabbakayam   upapanneti  .  tesam
bhante   gopakena   devaputtena   paticoditanam  dve  deva  ditthe  va
dhamme   satim   patilabhimsu   kayam   brahmapurohitam   .  eko  pana  devo
kame ajjhavasi.
     [253] Upasika cakkhumato ahosim
                     namampi mayham ahu gopikati
                     buddhe ca dhamme ca abhippasanna
                     sanghancupatthasim pasannacitta.
                     Tasseva buddhassa sudhammataya
                     sakkassa puttomhi mahanubhavo
                     mahajutiko tidivupapanno
                     jananti mam idhapi gopakoti.
@Footnote: 1 Ma. assuttha. Yu. assutva.
                     Addasam bhikkhavo ditthapubbe
                     gandhabbakayupagate vasine
                     ime hi te gotamasavakase
                     ye ca mayam pubbe manussabhuta.
                     Annena panena upatthahimha
                     padupasangayha sake nivesane
                     kutomukha nama ime bhavanto
                     buddhassa dhammam 1- na patiggahesum.
                     Paccattam veditabbo hi dhammo
                     sudesito cakkhumatanubuddho
                     ahampi tumhe va upasamana 2-
                     sutvana ariyanam subhasitani.
                     Sakkassa puttomhi mahanubhavo
                     mahajutiko tidivupapanno
                     tumhe pana setthamupasamana
                     anuttare 3- brahmacariyam caritva.
                     Hinakayam upapanna bhavanto
                     ananuloma bhavatupapatti
                     duddittharupam vata addasama
                     sahadhammike hinakayupapanne.
@Footnote: 1 Ma. ... dhammani patiggahesum. 2 Ma. upasamano. 3 Ma. anuttaram.
                     Gandhabbakayupagata bhavanto
                     devanamagacchatha paricariyam
         agare vasato mayham     imam passa visesatam.
                     Itthi hutva svajja 1- pumomhi deva
                     dibbehi kamehi samangibhuto
                     te codita gotamasavakena
                     samvegamapadu samecca gopakam.
                     Handa vigayama 2- viyayamama
                     ma no mayam parapessa ahumha
                     tesam duve viriyamarabhimsu
                     anussaram gotamasasanani.
                     Idheva cittani virajayitva
                     kamesu adinavamaddasimsu
                     te kamasannojanabandhanani
                     papimato 3- yogani duraccayani.
                     Nagova santani 4- gunani chetva 5-
                     deve tavatimse atikkamimsu
                     saindadeva sapajapatika
                     sabbe sudhammaya sabhayupavittha.
@Footnote: 1 Ma. Yu. svajja pumomhi devo. 2 Ma. viyayama byayama. Yu. vitayama.
@3 Ma. Yu. papimayogani. 4 Ma. sannani. 5 Si. Yu. bhetva.
                     Tesannisinna 1- na atikkamimsu
                     vira viraga virajam karonta
                     te disva samvegamakasi vasavo
                     devabhibhu devaganassa majjhe.
                     Ime hi te hinakayupapanna
                     deve tavatimse atikkamanti
                     samvegajatassava 2- te nisamma
                     [3]- Gopako vasavam ajjhabhasi.
                     Buddho janindatthi manussaloke
                     kamabhibhu sakyamuniti nayati
                     tasseva te putta satiya vihina
                     cudita 4- maya te sati paccalatthum.
                     Tinnam tesam avasinettha eko
                     gandhabbakayupagato vasino
                     dve va 5- sambodhipadanusarino
                     devepi hilenti samahitatta.
                     Etadisi dhammapakasanettha
                     na tattha kim kankhati koci savako
                     nittinnaogham vicikicchachinnam
                     buddham namassama jinam janindam.
@Footnote: 1 Ma. tesam nisinnanam atikkamimsu. Yu. te sannisinnanam .... 2 Ma. Yu.
@samvegajatassa vaco nisamma. 3 Ma. Yu. so .... 4 Ma. codita. 5 Ma. ca. Yu. ceva.
           Yam te dhammam idhannaya     visesam ajjhagamamsu 1- te
           kayam brahmapurohitam         duve tesam visesagu.
           Tassa dhammassa pattiya    agatamhapi 2- marisa
           katavakasa bhagavata       panham pucchemu marisati.
     [254]   Athakho  bhagavato  etadahosi  digharattam  visuddho  kho  ayam
sakko   3-   yankinci   mam   panham   pucchissati  sabbantam  atthasanhitamyeva
pucchissati    no    anatthasanhitam    yancassaham    puttho   byakarissami
tam   khippameva   ajanissatiti   .   athakho   bhagava  sakkam  devanamindam
gathaya ajjhabhasi
           puccha vasava mam panham         yankinci manasicchasi
           tassa tasseva panhassa     aham antam karomi teti.
                            Pathamabhanavaram.
     [255]  Katavakaso  sakko  devanamindo bhagavata 4- imam bhagavantam
pathamam   panham   apucchi   kimsannojana   nu   kho  marisa  deva  manussa
asura   naga   gandhabba   ye  canne  santi  puthukaya  te  avera
adanda    asapatta    abyapajjha    viharemu   averinoti   iti   ca
nesam   hoti   atha   ca   pana  savera  sadanda  sasapatta  sabyapajjha
viharanti  saverinoti  .  ittham  sakko  devanamindo  bhagavantam [5]- panham
apucchi. Tassa bhagava panham puttho byakasi
     {255.1}      issamacchariyasannojana      kho     devanaminda
deva        manussa        asura        naga        gandhabba
@Footnote: 1 Ma. Yu. ajjhagamsu. 2 Ma. agatamhasi. Yu. ... se. 3 Ma. Yu. yakkho.
@4 Yu. ayam patho natthi. 5 Si. Yu. imam pathamam ....
Ye    canne   santi   puthukaya   te   avera   adanda   asapatta
abyapajjha    viharemu    averinoti    iti   ca   nesam   hoti   atha
ca    pana    savera    sadanda    sasapatta   sabyapajjha   viharanta
saverinoti   .   ittham   bhagava   sakkassa  devanamindassa  panham  puttho
byakasi    .    attamano   sakko   devanamindo   bhagavato   bhasitam
abhinandi    anumodi    evametam    bhagava    evametam   sugata   tinna
mettha     kankha    vigata    kathamkatha    bhagavato    panhaveyyakaranam
sutvati.
     [256]  Itiha  sakko  devanamindo  bhagavato  bhasitam  abhinanditva
anumoditva    bhagavantam    uttarim   panham   apucchi   issamacchariyam   pana
marisa   kimnidanam  kimsamudayam  kimjatikam  kimpabhavam  kismim  hi  sati  issamacchariyam
hoti kismim hi asati issamacchariyam na hotiti.
     {256.1}    Issamacchariyam    kho   devanaminda   piyappiyanidanam
piyappiyasamudayam     piyappiyajatikam    piyappiyapabhavam    piyappiye    sati
issamacchariyam hoti piyappiye asati issamacchariyam na hotiti.
     {256.2}   Piyappiyam   pana   marisa   kimnidanam  kimsamudayam  kimjatikam
kimpabhavam  kismim  sati  piyappiyam  hoti  kismim  asati  piyappiyam  na  hotiti.
Piyappiyam    kho    devanaminda    chandanidanam   chandasamudayam   chandajatikam
chandapabhavam   chande   sati   piyappiyam   hoti   chande   asati   piyappiyam
na hotiti.
     {256.3}     Chando    pana    marisa    kimnidano    kimsamudayo
kimjatiko kimpabhavo kismim sati
Chando   hoti   kismim   asati   chando   na   hotiti   .   chando  kho
devanaminda       vitakkanidano       vitakkasamudayo      vitakkajatiko
vitakkapabhavo   vitakke   sati   chando   hoti   vitakke   asati   chando
na hotiti.
     {256.4}   Vitakko   pana  marisa  kimnidano  kimsamudayo  kimjatiko
kimpabhavo  kismim  sati  vitakko  hoti  kismim  asati  vitakko  na  hotiti .
Vitakko        kho        devanaminda       papancasannasankhanidano
papancasannasankhasamudayo papancasannasankhajatiko
papancasannasankhapabhavo       papancasannasankhaya      sati      vitakko
hoti papancasannasankhaya asati vitakko na hotiti.
     [257]   Kathampatipanno   pana   marisa   bhikkhu   papancasannasankha-
nirodhasaruppagaminipatipadam patipanno hotiti.
     {257.1}  Somanassam caham 1- devanaminda duvidhena vadami sevitabbampi
asevitabbampi   domanassam   caham  devanaminda  duvidhena  vadami  sevitabbampi
asevitabbampi   upekkham   caham   devanaminda  duvidhena  vadami  sevitabbampi
asevitabbampi   somanassam   caham  devanaminda  duvidhena  vadami  sevitabbampi
asevitabbampiti  .  iti  kho  panetam  vuttam  kincetam  paticca  vuttam. Tattha
yam  janna  somanassam  imam  kho  me  somanassam  sevato  akusala  dhamma
abhivaddhanti     kusala    dhamma    parihayantiti    evarupam    somanassam
na     sevitabbam     .     tattha    yam    janna    somanassam    imam
@Footnote: 1 Si. Yu. sabbavaresu pahanti patho dissati. Ma. paham.
Kho   me   somanassam   sevato   akusala   dhamma   parihayanti  kusala
dhamma   abhivaddhantiti   evarupam   somanassam   sevitabbam  .  tattha  yance
savitakkam   savicaram   yance   avitakkam  avicaram  ye  avitakke  avicare
[1]-  Panitatare  somanassam  caham  devanaminda  duvidhena vadami sevitabbampi
asevitabbampiti. Iti yantam vuttam idametam paticca vuttam.
     {257.2}  Domanassam  caham  devanaminda  duvidhena vadami sevitabbampi
asevitabbampiti  .  iti  kho  panetam  vuttam  kincetam  paticca  vuttam. Tattha
yam   janna   domanassam   imam   kho   me   domanassam  sevato  akusala
dhamma   abhivaddhanti   kusala   dhamma   parihayantiti   evarupam  domanassam
na   sevitabbam  .  tattha  yam  janna  domanassam  imam  kho  me  domanassam
sevato   akusala   dhamma   parihayanti   kusala   dhamma   abhivaddhantiti
evarupam  domanassam  sevitabbam  .  tattha  yance  savitakkam  savicaram  yance
avitakkam   avicaram   ye  avitakke  avicare  panitatare  domanassam  caham
devanaminda   duvidhena   vadami  sevitabbampi  asevitabbampiti  .  iti  yantam
vuttam idametam paticca vuttam.
     {257.3}  Upekkham  caham  devanaminda  duvidhena  vadami sevitabbampi
asevitabbampiti  .  iti  kho  panetam  vuttam  kincetam  paticca  vuttam. Tattha
yam   janna   upekkham  imam  kho  me  upekkham  sevato  akusala  dhamma
abhivaddhanti    kusala   dhamma   parihayantiti   evarupa   upekkha   na
sevitabba   .   tattha   yam   janna   upekkham  imam  kho  me  upekkham
@Footnote: 1 Ma. te. Si. Yu. se. ito param idisameva.
Sevato   akusala   dhamma   parihayanti   kusala   dhamma   abhivaddhantiti
evarupa   upekkha   sevitabba   .   tattha  yance  savitakkam  savicaram
yance    avitakkam    avicaram    ye   avitakke   avicare   panitatare
upekkham  caham  devanaminda  duvidhena  vadami  sevitabbampi  asevitabbampiti.
Iti yantam vuttam idametam paticca vuttam.
     {257.4}   Evampatipanno   kho  devanaminda  bhikkhu  papancasanna-
sankhanirodhasaruppagaminipatipadam   patipanno   hotiti   .   ittham   bhagava
sakkassa   devanamindassa   panham  puttho  byakasi  .  attamano  sakko
devanamindo  bhagavato  bhasitam  abhinandi  anumodi evametam bhagava evametam
sugata   tinna   mettha  kankha  vigata  kathamkatha  bhagavato  panhabyakaranam
sutvati.
     [258]  Itiha  sakko  devanamindo  bhagavato  bhasitam  abhinanditva
anumoditva   bhagavantam   uttarim   1-  panham  apucchi  katham  patipanno  pana
marisa   bhikkhu   patimokkhasamvaraya   patipanno   hotiti  .  kayasamacaram
caham    devanaminda    duvidhena    vadami    sevitabbampi    asevitabbampi
vacisamacaram  caham  devanaminda  duvidhena  vadami  sevitabbampi  asevitabbampi
pariyesanam caham devanaminda duvidhena vadami sevitabbampi asevitabbampi.
     {258.1}   Kayasamacaram   caham   devanaminda   duvidhena  vadami
sevitabbampi    asevitabbampiti   .   iti   kho   panetam   vuttam   kincetam
paticca   vuttam   .   tattha   yam   janna   kayasamacaram  imam  kho  me
@Footnote: 1 Ma. utatari.
Kayasamacaram   sevato   akusala   dhamma   abhivaddhanti   kusala  dhamma
parihayantiti   evarupo   kayasamacaro   na   sevitabbo  .  tattha  yam
janna   kayasamacaram   imam   kho  me  kayasamacaram  sevato  akusala
dhamma  parihayanti  kusala  dhamma  abhivaddhantiti  evarupo  kayasamacaro
sevitabbo   .   kayasamacaram   caham   devanaminda   duvidhena   vadami
sevitabbampi asevitabbampiti. Iti yantam vuttam idametam paticca vuttam.
     {258.2}   Vacisamacaram   caham   devanaminda   duvidhena   vadami
sevitabbampi    asevitabbampiti   .   iti   kho   panetam   vuttam   kincetam
paticca   vuttam   .   tattha   yam   janna   vacisamacaram   imam  kho  me
vacisamacaram   sevato   akusala   dhamma   abhivaddhanti   kusala   dhamma
parihayantiti   evarupo   vacisamacaro   na   sevitabbo   .  tattha  yam
janna   vacisamacaram   imam   kho   me   vacisamacaram  sevato  akusala
dhamma   parihayanti  kusala  dhamma  abhivaddhantiti  evarupo  vacisamacaro
sevitabbo    .   vacisamacaram   caham   devanaminda   duvidhena   vadami
sevitabbampi asevitabbampiti. Iti yantam vuttam idametam paticca vuttam.
     {258.3}    Pariyesanam    caham   devanaminda   duvidhena   vadami
sevitabbampi    asevitabbampiti   .   iti   kho   panetam   vuttam   kincetam
paticca   vuttam  .  tattha  yam  janna  pariyesanam  imam  kho  me  pariyesanam
sevato   akusala   dhamma   abhivaddhanti   kusala   dhamma   parihayantiti
evarupa   pariyesana   na   sevitabba  .  tattha  yam  janna  pariyesanam
Imam   kho   me  pariyesanam  sevato  akusala  dhamma  parihayanti  kusala
dhamma   abhivaddhantiti   evarupa   pariyesana   sevitabba  .  pariyesanam
caham   devanaminda   duvidhena   vadami   sevitabbampi   asevitabbampiti  .
Iti yantam vuttam idametam paticca vuttam.
     {258.4}  Evampatipanno  kho  devanaminda  bhikkhu patimokkhasamvaraya
patipanno hotiti.
     [259]  Kathampatipanno  pana  marisa  bhikkhu  indriyasamvaraya  patipanno
hotiti   .   cakkhuvinneyyam   rupam   caham   devanaminda  duvidhena  vadami
sevitabbampi   asevitabbampi   .   sotavinneyyam   saddam  caham  devanaminda
duvidhena   vadami   sevitabbampi   asevitabbampi   .   ghanavinneyyam   gandham
caham    devanaminda   duvidhena   vadami   sevitabbampi   asevitabbampi  .
Jivhavinneyyam   rasam  caham  devanaminda  .pe.  kayavinneyyam  photthabbam
caham   devanaminda   .pe.   manovinneyyam   dhammam   caham  devanaminda
duvidhena vadami sevitabbampi asevitabbampiti.
     {259.1}  Evam  vutte  sakko  devanamindo  bhagavantam etadavoca
imassa  kho  aham  bhante  bhagavata  sankhittena  bhasitassa  evam vittharena
attham   ajanami  yatharupam  bhante  cakkhuvinneyyam  rupam  sevato  akusala
dhamma   abhivaddhanti   kusala  dhamma  parihayantiti  evarupam  cakkhuvinneyyam
rupam  na  sevitabbam  .  yatharupanca  kho  bhante  cakkhuvinneyyam rupam sevato
akusala   dhamma   parihayanti   kusala   dhamma   abhivaddhantiti   evarupam
cakkhuvinneyyam   rupam  sevitabbam  .  yatharupanca  kho  bhante  sotavinneyyam
Saddam    sevato    .pe.    ghanavinneyyam    gandham   sevato   .pe.
Jivhavinneyyam    rasam    sevato    .pe.    kayavinneyyam   photthabbam
sevato    .pe.    manovinneyyam   dhammam   sevato   akusala   dhamma
abhivaddhanti    kusala   dhamma   parihayantati   evarupo   manovinneyyo
dhammo   na   sevitabbo   .   yatharupanca   kho   bhante  manovinneyyam
dhammam    sevato    akusala    dhamma    parihayanti    kusala   dhamma
abhivaddhantiti    evarupo    manovinneyyo    dhammo    sevitabbo  .
Imassa  kho  aham  bhante  bhagavata  sankhittena  bhasitassa  evam vittharena
attham   ajananto   tinna   mettha   kankha  vigata  kathamkatha  bhagavato
panhaveyyakaranam sutvati.
     [260]  Itiha  sakko  devanamindo  bhagavato  bhasitam  abhinanditva
anumoditva   bhagavantam   uttarim   panham   apucchi   sabbe   va   nu  kho
marisa    samanabrahmana    ekantavada   ekantasila   ekantacchanda
ekantaajjhosanati   .   na   kho  devanaminda  sabbe  samanabrahmana
ekantavada    ekantasila   ekantacchanda   ekantaajjhosanati  .
Kasma    pana    marisa    na   sabbe   samanabrahmana   ekantavada
ekantasila    ekantacchanda    ekantaajjhosanati    .   anekadhatu
nanadhatu   kho  devanaminda  loko  tasmim  anekadhatumhi  nanadhatumhi
loke   yam   yadeva   satta   dhatum   abhinivisanti   tam  tadeva  thamasa
paramasa    abhinivissa    voharanti    idameva    saccam    moghamannanti
Tasma    na    sabbe    samanabrahmana    ekantavada   ekantasila
ekantacchanda ekantaajjhosanati .pe.
     [261]  Sabbe  va  nu  kho  marisa  samanabrahmana  accantanittha
accantayogakkhemi   accantabrahmacari   accantapariyosanati   .  na  kho
devanaminda    sabbe   samanabrahmana   accantanittha   accantayogakkhemi
accantabrahmacari   accantapariyosanati   .   kasma   pana   marisa  na
sabbe       samanabrahmana       accantanittha      accantayogakkhemi
accantabrahmacari   accantapariyosanati   .  ye  kho  te  devanaminda
bhikkhu    tanhasankhayavimutta    te    accantanittha    accantayogakkhemi
accantabrahmacari   accantapariyosana  tasma  na  sabbe  samanabrahmana
accantanittha accantayogakkhemi accantabrahmacari accantapariyosanati.
     {261.1}    Ittham    bhagava    sakkassa   devanamindassa   panham
puttho   byakasi   .  attamano  sakko  devanamindo  bhagavato  bhasitam
abhinandi   anumodi   evametam   bhagava   evametam  sugata  tinna  mettha
kankha vigata kathamkatha bhagavato panhaveyyakaranam sutvati.
     [262]  Itiha  sakko  devanamindo  bhagavato  bhasitam  abhinanditva
anumoditva    bhagavantam   etadavoca   eja   bhante   rogo   eja
gando   eja   sallam   eja   imam   purisam  parikaddhati  tassa  tasseva
bhavassa abhinibbattiya 1- tasma ayam puriso uccavacamapajjati.
@Footnote: 1 abhinipphattiyati va patho.
     {262.1}   Yesaham   bhante   panhanam   ito  bahiddha  annesu
samanabrahmanesu   okasakammampi   nalattham   te  me  bhagavata  byakata
digharattanupassata   1-  yanca  pana  2-  me  vicikicchakathamkathasallam  tanca
bhagavata   abbulhanti   .   abhijanasi   no   tvam   devanaminda  ime
panhe   anne   samanabrahmane   pucchitoti   .   abhijanamaham   bhante
ime   panhe   anne   samanabrahmane   pucchitoti   .   yathakatham  pana
te  devanaminda  byakarimsu  3-  sace  te  agaru  bhasassuti  .  na kho
me bhante garu yatthassa bhagava nisinno bhagavantarupo cati.
     {262.2}  Tenahi  devanaminda  bhasassuti  .  yesaham  4- bhante
mannami     samanabrahmana     arannaka    pantasenasanati    tyaham
upasankamitva   ime  panhe  pucchami  te  maya  puttha  na  sampayanti
asampayanta    mamamyeva   patipucchanti   konamo   ayasmati   tesaham
puttho  byakaromi  aham  kho  marisa  sakko  devanamindoti  te mamamyeva
uttarim   patipucchanti   kim   panayasma   devanaminda   5-  kammam  katva
imam   thanam   pattoti   tesaham   yathasutam   yathapariyattam  dhammam  desemi
te   tavatakeneva   attamana   honti   sakko  ca  no  devanamindo
dittho    yanca    no    apucchimha    tanca   no   byakasiti   te
annadatthum   mamamyeva   savaka   sampajjanti   na   caham  tesam  aham  kho
pana   bhante   bhagavato   savako   sotapanno   avinipatadhammo  niyato
@Footnote: 1 Ma. digharattanusayitanca pana me. Si. Yu. digharattanusayino yanca pana ....
@2 tanca panati va patho. 3 Ma. Yu. byakamsu. 4 Ma. yesvaham. 5 Si. Yu.
@devanamindo.
Sambodhiparayanoti   .   abhijanasi  no  tvam  devanaminda  ito  pubbe
evarupam    vedapatilabham   somanassapatilabhanti   .   abhijanamaham   bhante
ito   pubbe   evarupam   vedapatilabham   somanassapatilabhanti  .  yathakatham
pana   tvam   devanaminda  abhijanasi  ito  pubbe  evarupam  vedapatilabham
somanassapatilabhanti.
     [263]  Bhutapubbam  bhante devasurasangamo samupabyulho 1- ahosi.
Tasmim  kho  pana  bhante  sangame  deva  jinimsu  asura  va  parajayimsu.
Tassa    mayham   bhante   tam   sangamam   abhivijinitva   abhivijitasangamassa
etadahosi   ya   cevadani   dibba   oja   ya  ca  asura  oja
ubhayamettha   2-   deva   paribhunjissantiti   so  kho  pana  me  bhante
vedapatilabho    somanassapatilabho    sadandavacaro    sasatthavacaro   na
nibbidaya   na   viragaya  na  nirodhaya  na  upasamaya  na  abhinnaya  na
sambodhaya   na   nibbanaya   samvattati  yo  kho  pana  me  ayam  bhante
bhagavato    dhammam    sutva    vedapatilabho    somanassapatilabho    so
adandavacaro    asatthavacaro    ekantanibbibaya   viragaya   nirodhaya
upasamaya abhinnaya sambodhaya nibbanaya samvattatiti.
     {263.1}  Katham  3-  pana  tvam  devanaminda  atthavasam sampassamano
evarupam  vedapatilabham  somanassapatilabham  pavedesiti  .  cha  kho aham bhante
atthavase sampassamano evarupam vedapatilabham somanassapatilabham pavedemi.
@Footnote: 1 Si. Yu. samupabbulho. 2 Si. Ma. ubhayametam. 3 Ma. Yu. kim.
     [264] Idheva titthamanassa           devabhutassa me sato
                punevayu 1- va me laddho     evam janahi marisati
imam  kho  aham  bhante  pathamam  atthavasam  sampassamano  evarupam vedapatilabham
somanassapatilabham pavedemi.
     [265] Cutaham diviya kaya          ayum hitva amanusam
                amulho gabbhamessami 2- yattha me ramati manoti
imam  kho  aham  bhante  dutiyam  atthavasam  sampassamano  evarupam vedapatilabham
somanassapatilabham pavedemi.
     [266] Svaham amulhapanhassa      viharam sasane rato
                nayena viharissami           sampajano patissatoti
imam  kho  aham  bhante  tatiyam  atthavasam  sampassamano  evarupam vedapatilabham
somanassapatilabham pavedemi.
     [267] Nayena ca me parato         sambodhi ce bhavissati
                annata viharissami      sveva anto bhavissatiti
imam  kho  aham  bhante  catuttham  atthavasam  sampassamano evarupam vedapatilabham
somanassapatilabham pavedemi.
     [268] Cutaham manusa kaya       ayum hitvana manusam
                puna devo bhavissami           devalokasmimuttamoti
imam  kho  aham  bhante  pancamam  atthavasam  sampassamano evarupam vedapatilabham
somanassapatilabham pavedemi.
@Footnote: 1 Ma. Yu. punarayu ca .... 2 Yu. gabbhamissami.
     [269] Te panitatara deva          akanittha yasassino
                antime vattamanamhi         so nivaso bhavissatiti
imam  kho  aham  bhante  chattham  atthavasam  sampassamano  evarupam vedapatilabham
somanassapatilabham   pavedemi   .   ime  kho  aham  bhante  cha  atthavase
sampassamano evarupam vedapatilabham somanassapatilabham pavedemi.
     [270] Apariyositasankappo         vicikicchakathamkathi
                vicaram 1- dighamaddhanam           anvesanto tathagatam.
                Yassa 2- mannami samane   pavivittaviharino
                sambuddha iti mannamano   gacchami te 3- upasitum.
                Katham aradhana hoti              katham hoti viradhana
                iti puttha na sambhonti 4-   magge patipadasu ca.
                Tyassa 5- yada mam jananti   sakko devanamagato
                tyassa 6- mameva pucchanti     kim katva papuni idam.
                Tesam yathasutam dhammam               desayami jane sutam 7-
                tena attamana honti          dittho no vasavoti ca.
                Yada ca sambuddhamaddakkhim     vicikicchavitaranam
                somhi vitabhayo ajja            sambuddham payirupasayim 8-
                tanhasallassa hantaram      buddham appatipuggalam
@Footnote: 1 Ma. vicarim. Yu. vicari. 2 Ma. Yu. yassu. 3 Si. no. 4 Ma. na sampayanti.
@5-6 Ma. tyassu tyassu. 7 Ma. janesuta. 8 Ma. Yu. payirupasiya.
                Aham vande mahaviram                buddhamadiccabandhunam.
                Yam karomase 1- brahmuno       samam devehi marisa
                tadajja tuyham dassami           handa samam karoma te.
                Tvameva sivam 2- sambuddho      tuvam sattha anuttaro
                sadevakasmim lokasmim             natthi te patipuggaloti.
     [271]  Athakho  sakko devanamindo pancasikham gandhabbaputtam amantesi
bahupakaro  kho  mesi  tvam  tata  pancasikha yam tvam  bhagavantam pathamam pasadesi
taya   tata   pathamam   pasaditam   paccha    mayam   tam  bhagavantam  dassanaya
upasankamimha    arahantam    sammasambuddham    pettike   [3]-   thane
thapayissami   gandhabbaraja   bhavissasi   bhaddanca   te   suriyavacchasam  dammi
sa hi te abhipatthitati.
     {271.1}  Athakho  sakko  devanamindo  panina pathavim paramasitva
tikkhattum udanam udanesi
           namo tassa bhagavato arahato sammasambuddhassa.
           Namo tassa bhagavato arahato sammasambuddhassa.
           Namo tassa bhagavato arahato sammasambuddhassati.
     [272]   Imasminca   pana   veyyakaranasmim   bhannamane   sakkassa
devanamindassa     virajam     vitamalam    dhammacakkhum    udapadi    yankinci
samudayadhammam      sabbantam      nirodhadhammanti     annesanca     asitiya
devatasahassanam   .   iti   ye  sakkena  devanamindena  ajjhitthapanha
@Footnote: 1 Ma. karomasi. 2 Ma. asi. 3 Ma. va.
Puttha   te   bhagavata   byakata   .   tasma  imassa  veyyakaranassa
sakkapanhotveva adhivacananti.
                 Sakkapanhasuttam nitthitam atthamam.
                   ----------------



             The Pali Tipitaka in Roman Character Volume 10 page 298-324. https://84000.org/tipitaka/read/roman_read.php?B=10&A=6288&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=10&A=6288&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=10&item=247&items=26              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=10&siri=8              Study Atthakatha :- https://84000.org/tipitaka/attha/attha.php?b=10&i=247              The Pali Atthakatha in Thai :- https://84000.org/tipitaka/atthapali/read_th.php?B=5&A=7978              The Pali Atthakatha in Roman :- https://84000.org/tipitaka/atthapali/read_rm.php?B=5&A=7978              Contents of The Tipitaka Volume 10 https://84000.org/tipitaka/read/?index_10 https://84000.org/tipitaka/english/?index_10

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]